| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
121. பவாரணாபே⁴தா³
121. Pavāraṇābhedā
212. அத² கோ² பி⁴க்கூ²னங் ஏதத³ஹோஸி – ‘‘கதி நு கோ² பவாரணா’’தி? ப⁴க³வதோ ஏதமத்த²ங் ஆரோசேஸுங். த்³வேமா, பி⁴க்க²வே, பவாரணா – சாதுத்³த³ஸிகா ச பன்னரஸிகா ச. இமா கோ², பி⁴க்க²வே, த்³வே பவாரணாதி.
212. Atha kho bhikkhūnaṃ etadahosi – ‘‘kati nu kho pavāraṇā’’ti? Bhagavato etamatthaṃ ārocesuṃ. Dvemā, bhikkhave, pavāraṇā – cātuddasikā ca pannarasikā ca. Imā kho, bhikkhave, dve pavāraṇāti.
அத² கோ² பி⁴க்கூ²னங் ஏதத³ஹோஸி – ‘‘கதி நு கோ² பவாரணகம்மானீ’’தி? 1 ப⁴க³வதோ ஏதமத்த²ங் ஆரோசேஸுங். சத்தாரிமானி, பி⁴க்க²வே, பவாரணகம்மானி – அத⁴ம்மேன வக்³க³ங் பவாரணகம்மங், அத⁴ம்மேன ஸமக்³க³ங் பவாரணகம்மங், த⁴ம்மேன வக்³க³ங் பவாரணகம்மங், த⁴ம்மேன ஸமக்³க³ங் பவாரணகம்மங். தத்ர, பி⁴க்க²வே, யதி³த³ங் அத⁴ம்மேன வக்³க³ங் பவாரணகம்மங், ந, பி⁴க்க²வே, ஏவரூபங் பவாரணகம்மங் காதப்³ப³ங்; ந ச மயா ஏவரூபங் பவாரணகம்மங் அனுஞ்ஞாதங். தத்ர, பி⁴க்க²வே, யதி³த³ங் அத⁴ம்மேன ஸமக்³க³ங் பவாரணகம்மங், ந, பி⁴க்க²வே, ஏவரூபங் பவாரணகம்மங் காதப்³ப³ங்; ந ச மயா ஏவரூபங் பவாரணகம்மங் அனுஞ்ஞாதங். தத்ர, பி⁴க்க²வே, யதி³த³ங் த⁴ம்மேன வக்³க³ங் பவாரணகம்மங், ந, பி⁴க்க²வே, ஏவரூபங் பவாரணகம்மங் காதப்³ப³ங்; ந ச மயா ஏவரூபங் பவாரணகம்மங் அனுஞ்ஞாதங். தத்ர, பி⁴க்க²வே, யதி³த³ங் த⁴ம்மேன ஸமக்³க³ங் பவாரணகம்மங், ஏவரூபங், பி⁴க்க²வே, பவாரணகம்மங் காதப்³ப³ங்; ஏவரூபஞ்ச மயா பவாரணகம்மங் அனுஞ்ஞாதங். தஸ்மாதிஹ, பி⁴க்க²வே, ஏவரூபங் பவாரணகம்மங் கரிஸ்ஸாம யதி³த³ங் த⁴ம்மேன ஸமக்³க³ந்தி, ஏவஞ்ஹி வோ, பி⁴க்க²வே, ஸிக்கி²தப்³ப³ந்தி.
Atha kho bhikkhūnaṃ etadahosi – ‘‘kati nu kho pavāraṇakammānī’’ti? 2 Bhagavato etamatthaṃ ārocesuṃ. Cattārimāni, bhikkhave, pavāraṇakammāni – adhammena vaggaṃ pavāraṇakammaṃ, adhammena samaggaṃ pavāraṇakammaṃ, dhammena vaggaṃ pavāraṇakammaṃ, dhammena samaggaṃ pavāraṇakammaṃ. Tatra, bhikkhave, yadidaṃ adhammena vaggaṃ pavāraṇakammaṃ, na, bhikkhave, evarūpaṃ pavāraṇakammaṃ kātabbaṃ; na ca mayā evarūpaṃ pavāraṇakammaṃ anuññātaṃ. Tatra, bhikkhave, yadidaṃ adhammena samaggaṃ pavāraṇakammaṃ, na, bhikkhave, evarūpaṃ pavāraṇakammaṃ kātabbaṃ; na ca mayā evarūpaṃ pavāraṇakammaṃ anuññātaṃ. Tatra, bhikkhave, yadidaṃ dhammena vaggaṃ pavāraṇakammaṃ, na, bhikkhave, evarūpaṃ pavāraṇakammaṃ kātabbaṃ; na ca mayā evarūpaṃ pavāraṇakammaṃ anuññātaṃ. Tatra, bhikkhave, yadidaṃ dhammena samaggaṃ pavāraṇakammaṃ, evarūpaṃ, bhikkhave, pavāraṇakammaṃ kātabbaṃ; evarūpañca mayā pavāraṇakammaṃ anuññātaṃ. Tasmātiha, bhikkhave, evarūpaṃ pavāraṇakammaṃ karissāma yadidaṃ dhammena samagganti, evañhi vo, bhikkhave, sikkhitabbanti.
பவாரணாபே⁴தா³ நிட்டி²தா.
Pavāraṇābhedā niṭṭhitā.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / பவாரணாபே⁴த³கதா² • Pavāraṇābhedakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பவாரணாபே⁴த³கதா²வண்ணனா • Pavāraṇābhedakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பவாரணாபே⁴த³வண்ணனா • Pavāraṇābhedavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 121. பவாரணாபே⁴த³கதா² • 121. Pavāraṇābhedakathā
