| Library / Tipiṭaka / তিপিটক • Tipiṭaka / মহাৰগ্গপাল়ি • Mahāvaggapāḷi |
১২১. পৰারণাভেদা
121. Pavāraṇābhedā
২১২. অথ খো ভিক্খূনং এতদহোসি – ‘‘কতি নু খো পৰারণা’’তি? ভগৰতো এতমত্থং আরোচেসুং। দ্ৰেমা, ভিক্খৰে, পৰারণা – চাতুদ্দসিকা চ পন্নরসিকা চ। ইমা খো, ভিক্খৰে, দ্ৰে পৰারণাতি।
212. Atha kho bhikkhūnaṃ etadahosi – ‘‘kati nu kho pavāraṇā’’ti? Bhagavato etamatthaṃ ārocesuṃ. Dvemā, bhikkhave, pavāraṇā – cātuddasikā ca pannarasikā ca. Imā kho, bhikkhave, dve pavāraṇāti.
অথ খো ভিক্খূনং এতদহোসি – ‘‘কতি নু খো পৰারণকম্মানী’’তি? 1 ভগৰতো এতমত্থং আরোচেসুং। চত্তারিমানি, ভিক্খৰে, পৰারণকম্মানি – অধম্মেন ৰগ্গং পৰারণকম্মং, অধম্মেন সমগ্গং পৰারণকম্মং, ধম্মেন ৰগ্গং পৰারণকম্মং, ধম্মেন সমগ্গং পৰারণকম্মং। তত্র, ভিক্খৰে, যদিদং অধম্মেন ৰগ্গং পৰারণকম্মং, ন, ভিক্খৰে, এৰরূপং পৰারণকম্মং কাতব্বং; ন চ মযা এৰরূপং পৰারণকম্মং অনুঞ্ঞাতং। তত্র, ভিক্খৰে, যদিদং অধম্মেন সমগ্গং পৰারণকম্মং, ন, ভিক্খৰে, এৰরূপং পৰারণকম্মং কাতব্বং; ন চ মযা এৰরূপং পৰারণকম্মং অনুঞ্ঞাতং। তত্র, ভিক্খৰে, যদিদং ধম্মেন ৰগ্গং পৰারণকম্মং, ন, ভিক্খৰে, এৰরূপং পৰারণকম্মং কাতব্বং; ন চ মযা এৰরূপং পৰারণকম্মং অনুঞ্ঞাতং। তত্র, ভিক্খৰে, যদিদং ধম্মেন সমগ্গং পৰারণকম্মং, এৰরূপং, ভিক্খৰে, পৰারণকম্মং কাতব্বং; এৰরূপঞ্চ মযা পৰারণকম্মং অনুঞ্ঞাতং। তস্মাতিহ, ভিক্খৰে, এৰরূপং পৰারণকম্মং করিস্সাম যদিদং ধম্মেন সমগ্গন্তি, এৰঞ্হি ৰো, ভিক্খৰে, সিক্খিতব্বন্তি।
Atha kho bhikkhūnaṃ etadahosi – ‘‘kati nu kho pavāraṇakammānī’’ti? 2 Bhagavato etamatthaṃ ārocesuṃ. Cattārimāni, bhikkhave, pavāraṇakammāni – adhammena vaggaṃ pavāraṇakammaṃ, adhammena samaggaṃ pavāraṇakammaṃ, dhammena vaggaṃ pavāraṇakammaṃ, dhammena samaggaṃ pavāraṇakammaṃ. Tatra, bhikkhave, yadidaṃ adhammena vaggaṃ pavāraṇakammaṃ, na, bhikkhave, evarūpaṃ pavāraṇakammaṃ kātabbaṃ; na ca mayā evarūpaṃ pavāraṇakammaṃ anuññātaṃ. Tatra, bhikkhave, yadidaṃ adhammena samaggaṃ pavāraṇakammaṃ, na, bhikkhave, evarūpaṃ pavāraṇakammaṃ kātabbaṃ; na ca mayā evarūpaṃ pavāraṇakammaṃ anuññātaṃ. Tatra, bhikkhave, yadidaṃ dhammena vaggaṃ pavāraṇakammaṃ, na, bhikkhave, evarūpaṃ pavāraṇakammaṃ kātabbaṃ; na ca mayā evarūpaṃ pavāraṇakammaṃ anuññātaṃ. Tatra, bhikkhave, yadidaṃ dhammena samaggaṃ pavāraṇakammaṃ, evarūpaṃ, bhikkhave, pavāraṇakammaṃ kātabbaṃ; evarūpañca mayā pavāraṇakammaṃ anuññātaṃ. Tasmātiha, bhikkhave, evarūpaṃ pavāraṇakammaṃ karissāma yadidaṃ dhammena samagganti, evañhi vo, bhikkhave, sikkhitabbanti.
পৰারণাভেদা নিট্ঠিতা।
Pavāraṇābhedā niṭṭhitā.
Footnotes:
Related texts:
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / পৰারণাভেদকথা • Pavāraṇābhedakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পৰারণাভেদকথাৰণ্ণনা • Pavāraṇābhedakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / পৰারণাভেদৰণ্ণনা • Pavāraṇābhedavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১২১. পৰারণাভেদকথা • 121. Pavāraṇābhedakathā
