| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༡༢༡. པཝཱརཎཱབྷེདཱ
121. Pavāraṇābhedā
༢༡༢. ཨཐ ཁོ བྷིཀྑཱུནཾ ཨེཏདཧོསི – ‘‘ཀཏི ནུ ཁོ པཝཱརཎཱ’’ཏི? བྷགཝཏོ ཨེཏམཏྠཾ ཨཱརོཙེསུཾ། དྭེམཱ, བྷིཀྑཝེ, པཝཱརཎཱ – ཙཱཏུདྡསིཀཱ ཙ པནྣརསིཀཱ ཙ། ཨིམཱ ཁོ, བྷིཀྑཝེ, དྭེ པཝཱརཎཱཏི།
212. Atha kho bhikkhūnaṃ etadahosi – ‘‘kati nu kho pavāraṇā’’ti? Bhagavato etamatthaṃ ārocesuṃ. Dvemā, bhikkhave, pavāraṇā – cātuddasikā ca pannarasikā ca. Imā kho, bhikkhave, dve pavāraṇāti.
ཨཐ ཁོ བྷིཀྑཱུནཾ ཨེཏདཧོསི – ‘‘ཀཏི ནུ ཁོ པཝཱརཎཀམྨཱནཱི’’ཏི? 1 བྷགཝཏོ ཨེཏམཏྠཾ ཨཱརོཙེསུཾ། ཙཏྟཱརིམཱནི, བྷིཀྑཝེ, པཝཱརཎཀམྨཱནི – ཨདྷམྨེན ཝགྒཾ པཝཱརཎཀམྨཾ, ཨདྷམྨེན སམགྒཾ པཝཱརཎཀམྨཾ, དྷམྨེན ཝགྒཾ པཝཱརཎཀམྨཾ, དྷམྨེན སམགྒཾ པཝཱརཎཀམྨཾ། ཏཏྲ, བྷིཀྑཝེ, ཡདིདཾ ཨདྷམྨེན ཝགྒཾ པཝཱརཎཀམྨཾ, ན, བྷིཀྑཝེ, ཨེཝརཱུཔཾ པཝཱརཎཀམྨཾ ཀཱཏབྦཾ; ན ཙ མཡཱ ཨེཝརཱུཔཾ པཝཱརཎཀམྨཾ ཨནུཉྙཱཏཾ། ཏཏྲ, བྷིཀྑཝེ, ཡདིདཾ ཨདྷམྨེན སམགྒཾ པཝཱརཎཀམྨཾ, ན, བྷིཀྑཝེ, ཨེཝརཱུཔཾ པཝཱརཎཀམྨཾ ཀཱཏབྦཾ; ན ཙ མཡཱ ཨེཝརཱུཔཾ པཝཱརཎཀམྨཾ ཨནུཉྙཱཏཾ། ཏཏྲ, བྷིཀྑཝེ, ཡདིདཾ དྷམྨེན ཝགྒཾ པཝཱརཎཀམྨཾ, ན, བྷིཀྑཝེ, ཨེཝརཱུཔཾ པཝཱརཎཀམྨཾ ཀཱཏབྦཾ; ན ཙ མཡཱ ཨེཝརཱུཔཾ པཝཱརཎཀམྨཾ ཨནུཉྙཱཏཾ། ཏཏྲ, བྷིཀྑཝེ, ཡདིདཾ དྷམྨེན སམགྒཾ པཝཱརཎཀམྨཾ, ཨེཝརཱུཔཾ, བྷིཀྑཝེ, པཝཱརཎཀམྨཾ ཀཱཏབྦཾ; ཨེཝརཱུཔཉྩ མཡཱ པཝཱརཎཀམྨཾ ཨནུཉྙཱཏཾ། ཏསྨཱཏིཧ, བྷིཀྑཝེ, ཨེཝརཱུཔཾ པཝཱརཎཀམྨཾ ཀརིསྶཱམ ཡདིདཾ དྷམྨེན སམགྒནྟི, ཨེཝཉྷི ཝོ, བྷིཀྑཝེ, སིཀྑིཏབྦནྟི།
Atha kho bhikkhūnaṃ etadahosi – ‘‘kati nu kho pavāraṇakammānī’’ti? 2 Bhagavato etamatthaṃ ārocesuṃ. Cattārimāni, bhikkhave, pavāraṇakammāni – adhammena vaggaṃ pavāraṇakammaṃ, adhammena samaggaṃ pavāraṇakammaṃ, dhammena vaggaṃ pavāraṇakammaṃ, dhammena samaggaṃ pavāraṇakammaṃ. Tatra, bhikkhave, yadidaṃ adhammena vaggaṃ pavāraṇakammaṃ, na, bhikkhave, evarūpaṃ pavāraṇakammaṃ kātabbaṃ; na ca mayā evarūpaṃ pavāraṇakammaṃ anuññātaṃ. Tatra, bhikkhave, yadidaṃ adhammena samaggaṃ pavāraṇakammaṃ, na, bhikkhave, evarūpaṃ pavāraṇakammaṃ kātabbaṃ; na ca mayā evarūpaṃ pavāraṇakammaṃ anuññātaṃ. Tatra, bhikkhave, yadidaṃ dhammena vaggaṃ pavāraṇakammaṃ, na, bhikkhave, evarūpaṃ pavāraṇakammaṃ kātabbaṃ; na ca mayā evarūpaṃ pavāraṇakammaṃ anuññātaṃ. Tatra, bhikkhave, yadidaṃ dhammena samaggaṃ pavāraṇakammaṃ, evarūpaṃ, bhikkhave, pavāraṇakammaṃ kātabbaṃ; evarūpañca mayā pavāraṇakammaṃ anuññātaṃ. Tasmātiha, bhikkhave, evarūpaṃ pavāraṇakammaṃ karissāma yadidaṃ dhammena samagganti, evañhi vo, bhikkhave, sikkhitabbanti.
པཝཱརཎཱབྷེདཱ ནིཊྛིཏཱ།
Pavāraṇābhedā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / པཝཱརཎཱབྷེདཀཐཱ • Pavāraṇābhedakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / པཝཱརཎཱབྷེདཀཐཱཝཎྞནཱ • Pavāraṇābhedakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / པཝཱརཎཱབྷེདཝཎྞནཱ • Pavāraṇābhedavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༢༡. པཝཱརཎཱབྷེདཀཐཱ • 121. Pavāraṇābhedakathā
