| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
பவாரணாபே⁴த³கதா²
Pavāraṇābhedakathā
212. சாதுத்³த³ஸிகா ச பன்னரஸிகா சாதி எத்த² சாதுத்³த³ஸிகாய ‘‘அஜ்ஜ பவாரணா சாதுத்³த³ஸீ’’தி ஏவங் புப்³ப³கிச்சங் காதப்³ப³ங், பன்னரஸிகாய ‘‘அஜ்ஜ பவாரணா பன்னரஸீ’’தி.
212.Cātuddasikāca pannarasikā cāti ettha cātuddasikāya ‘‘ajja pavāraṇā cātuddasī’’ti evaṃ pubbakiccaṃ kātabbaṃ, pannarasikāya ‘‘ajja pavāraṇā pannarasī’’ti.
பவாரணகம்மேஸு ஸசே ஏகஸ்மிங் விஹாரே பஞ்சஸு பி⁴க்கூ²ஸு வஸந்தேஸு ஏகஸ்ஸ பவாரணங் ஆஹரித்வா சத்தாரோ க³ணஞத்திங் ட²பெத்வா பவாரெந்தி, சதூஸு தீஸு வா வஸந்தேஸு ஏகஸ்ஸ பவாரணங் ஆஹரித்வா தயோ வா த்³வே வா ஸங்க⁴ஞத்திங் ட²பெத்வா பவாரெந்தி, ஸப்³ப³மேதங் அத⁴ம்மேனவக்³க³ங் பவாரணகம்மங்.
Pavāraṇakammesu sace ekasmiṃ vihāre pañcasu bhikkhūsu vasantesu ekassa pavāraṇaṃ āharitvā cattāro gaṇañattiṃ ṭhapetvā pavārenti, catūsu tīsu vā vasantesu ekassa pavāraṇaṃ āharitvā tayo vā dve vā saṅghañattiṃ ṭhapetvā pavārenti, sabbametaṃ adhammenavaggaṃ pavāraṇakammaṃ.
ஸசே பன ஸப்³பே³பி பஞ்ச ஜனா ஏகதோ ஸன்னிபதித்வா க³ணஞத்திங் ட²பெத்வா பவாரெந்தி, சத்தாரோ தயோ வா த்³வே வா வஸந்தா ஏகதோ ஸன்னிபதித்வா ஸங்க⁴ஞத்திங் ட²பெத்வா பவாரெந்தி, ஸப்³ப³மேதங் அத⁴ம்மேனஸமக்³க³ங் பவாரணகம்மங்.
Sace pana sabbepi pañca janā ekato sannipatitvā gaṇañattiṃ ṭhapetvā pavārenti, cattāro tayo vā dve vā vasantā ekato sannipatitvā saṅghañattiṃ ṭhapetvā pavārenti, sabbametaṃ adhammenasamaggaṃ pavāraṇakammaṃ.
ஸசே பஞ்சஸு ஜனேஸு ஏகஸ்ஸ பவாரணங் ஆஹரித்வா சத்தாரோ ஸங்க⁴ஞத்திங் ட²பெத்வா பவாரெந்தி, சதூஸு தீஸு வா ஏகஸ்ஸ பவாரணங் ஆஹரித்வா தயோ வா த்³வே வா க³ணஞத்திங் ட²பெத்வா பவாரெந்தி, ஸப்³ப³மேதங் த⁴ம்மேனவக்³க³ங் பவாரணகம்மங் .
Sace pañcasu janesu ekassa pavāraṇaṃ āharitvā cattāro saṅghañattiṃ ṭhapetvā pavārenti, catūsu tīsu vā ekassa pavāraṇaṃ āharitvā tayo vā dve vā gaṇañattiṃ ṭhapetvā pavārenti, sabbametaṃ dhammenavaggaṃ pavāraṇakammaṃ .
ஸசே பன ஸப்³பே³பி பஞ்ச ஜனா ஏகதோ ஸன்னிபதித்வா ஸங்க⁴ஞத்திங் ட²பெத்வா பவாரெந்தி, சத்தாரோ வா தயோ வா ஏகதோ ஸன்னிபதித்வா க³ணஞத்திங் ட²பெத்வா பவாரெந்தி, த்³வே அஞ்ஞமஞ்ஞங் பவாரெந்தி, ஏககோ வஸந்தோ அதி⁴ட்டா²னபவாரணங் கரோதி, ஸப்³ப³மேதங் த⁴ம்மேனஸமக்³க³ங் நாம பவாரணகம்மந்தி.
Sace pana sabbepi pañca janā ekato sannipatitvā saṅghañattiṃ ṭhapetvā pavārenti, cattāro vā tayo vā ekato sannipatitvā gaṇañattiṃ ṭhapetvā pavārenti, dve aññamaññaṃ pavārenti, ekako vasanto adhiṭṭhānapavāraṇaṃ karoti, sabbametaṃ dhammenasamaggaṃ nāma pavāraṇakammanti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 121. பவாரணாபே⁴தா³ • 121. Pavāraṇābhedā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பவாரணாபே⁴த³கதா²வண்ணனா • Pavāraṇābhedakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பவாரணாபே⁴த³வண்ணனா • Pavāraṇābhedavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 121. பவாரணாபே⁴த³கதா² • 121. Pavāraṇābhedakathā
