| Library / Tipiṭaka / তিপিটক • Tipiṭaka / মহাৰগ্গ-অট্ঠকথা • Mahāvagga-aṭṭhakathā |
পৰারণাভেদকথা
Pavāraṇābhedakathā
২১২. চাতুদ্দসিকা চ পন্নরসিকা চাতি এত্থ চাতুদ্দসিকায ‘‘অজ্জ পৰারণা চাতুদ্দসী’’তি এৰং পুব্বকিচ্চং কাতব্বং, পন্নরসিকায ‘‘অজ্জ পৰারণা পন্নরসী’’তি।
212.Cātuddasikāca pannarasikā cāti ettha cātuddasikāya ‘‘ajja pavāraṇā cātuddasī’’ti evaṃ pubbakiccaṃ kātabbaṃ, pannarasikāya ‘‘ajja pavāraṇā pannarasī’’ti.
পৰারণকম্মেসু সচে একস্মিং ৰিহারে পঞ্চসু ভিক্খূসু ৰসন্তেসু একস্স পৰারণং আহরিত্ৰা চত্তারো গণঞত্তিং ঠপেত্ৰা পৰারেন্তি, চতূসু তীসু ৰা ৰসন্তেসু একস্স পৰারণং আহরিত্ৰা তযো ৰা দ্ৰে ৰা সঙ্ঘঞত্তিং ঠপেত্ৰা পৰারেন্তি, সব্বমেতং অধম্মেনৰগ্গং পৰারণকম্মং।
Pavāraṇakammesu sace ekasmiṃ vihāre pañcasu bhikkhūsu vasantesu ekassa pavāraṇaṃ āharitvā cattāro gaṇañattiṃ ṭhapetvā pavārenti, catūsu tīsu vā vasantesu ekassa pavāraṇaṃ āharitvā tayo vā dve vā saṅghañattiṃ ṭhapetvā pavārenti, sabbametaṃ adhammenavaggaṃ pavāraṇakammaṃ.
সচে পন সব্বেপি পঞ্চ জনা একতো সন্নিপতিত্ৰা গণঞত্তিং ঠপেত্ৰা পৰারেন্তি, চত্তারো তযো ৰা দ্ৰে ৰা ৰসন্তা একতো সন্নিপতিত্ৰা সঙ্ঘঞত্তিং ঠপেত্ৰা পৰারেন্তি, সব্বমেতং অধম্মেনসমগ্গং পৰারণকম্মং।
Sace pana sabbepi pañca janā ekato sannipatitvā gaṇañattiṃ ṭhapetvā pavārenti, cattāro tayo vā dve vā vasantā ekato sannipatitvā saṅghañattiṃ ṭhapetvā pavārenti, sabbametaṃ adhammenasamaggaṃ pavāraṇakammaṃ.
সচে পঞ্চসু জনেসু একস্স পৰারণং আহরিত্ৰা চত্তারো সঙ্ঘঞত্তিং ঠপেত্ৰা পৰারেন্তি, চতূসু তীসু ৰা একস্স পৰারণং আহরিত্ৰা তযো ৰা দ্ৰে ৰা গণঞত্তিং ঠপেত্ৰা পৰারেন্তি, সব্বমেতং ধম্মেনৰগ্গং পৰারণকম্মং ।
Sace pañcasu janesu ekassa pavāraṇaṃ āharitvā cattāro saṅghañattiṃ ṭhapetvā pavārenti, catūsu tīsu vā ekassa pavāraṇaṃ āharitvā tayo vā dve vā gaṇañattiṃ ṭhapetvā pavārenti, sabbametaṃ dhammenavaggaṃ pavāraṇakammaṃ .
সচে পন সব্বেপি পঞ্চ জনা একতো সন্নিপতিত্ৰা সঙ্ঘঞত্তিং ঠপেত্ৰা পৰারেন্তি, চত্তারো ৰা তযো ৰা একতো সন্নিপতিত্ৰা গণঞত্তিং ঠপেত্ৰা পৰারেন্তি, দ্ৰে অঞ্ঞমঞ্ঞং পৰারেন্তি, এককো ৰসন্তো অধিট্ঠানপৰারণং করোতি, সব্বমেতং ধম্মেনসমগ্গং নাম পৰারণকম্মন্তি।
Sace pana sabbepi pañca janā ekato sannipatitvā saṅghañattiṃ ṭhapetvā pavārenti, cattāro vā tayo vā ekato sannipatitvā gaṇañattiṃ ṭhapetvā pavārenti, dve aññamaññaṃ pavārenti, ekako vasanto adhiṭṭhānapavāraṇaṃ karoti, sabbametaṃ dhammenasamaggaṃ nāma pavāraṇakammanti.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১২১. পৰারণাভেদা • 121. Pavāraṇābhedā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পৰারণাভেদকথাৰণ্ণনা • Pavāraṇābhedakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / পৰারণাভেদৰণ্ণনা • Pavāraṇābhedavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১২১. পৰারণাভেদকথা • 121. Pavāraṇābhedakathā
