| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
ပဝာရဏာဘေဒကထာ
Pavāraṇābhedakathā
၂၁၂. စာတုဒ္ဒသိကာ စ ပန္နရသိကာ စာတိ ဧတ္ထ စာတုဒ္ဒသိကာယ ‘‘အဇ္ဇ ပဝာရဏာ စာတုဒ္ဒသီ’’တိ ဧဝံ ပုဗ္ဗကိစ္စံ ကာတဗ္ဗံ, ပန္နရသိကာယ ‘‘အဇ္ဇ ပဝာရဏာ ပန္နရသီ’’တိ။
212.Cātuddasikāca pannarasikā cāti ettha cātuddasikāya ‘‘ajja pavāraṇā cātuddasī’’ti evaṃ pubbakiccaṃ kātabbaṃ, pannarasikāya ‘‘ajja pavāraṇā pannarasī’’ti.
ပဝာရဏကမ္မေသု သစေ ဧကသ္မိံ ဝိဟာရေ ပဉ္စသု ဘိက္ခူသု ဝသန္တေသု ဧကသ္သ ပဝာရဏံ အာဟရိတ္ဝာ စတ္တာရော ဂဏဉတ္တိံ ဌပေတ္ဝာ ပဝာရေန္တိ, စတူသု တီသု ဝာ ဝသန္တေသု ဧကသ္သ ပဝာရဏံ အာဟရိတ္ဝာ တယော ဝာ ဒ္ဝေ ဝာ သင္ဃဉတ္တိံ ဌပေတ္ဝာ ပဝာရေန္တိ, သဗ္ဗမေတံ အဓမ္မေနဝဂ္ဂံ ပဝာရဏကမ္မံ။
Pavāraṇakammesu sace ekasmiṃ vihāre pañcasu bhikkhūsu vasantesu ekassa pavāraṇaṃ āharitvā cattāro gaṇañattiṃ ṭhapetvā pavārenti, catūsu tīsu vā vasantesu ekassa pavāraṇaṃ āharitvā tayo vā dve vā saṅghañattiṃ ṭhapetvā pavārenti, sabbametaṃ adhammenavaggaṃ pavāraṇakammaṃ.
သစေ ပန သဗ္ဗေပိ ပဉ္စ ဇနာ ဧကတော သန္နိပတိတ္ဝာ ဂဏဉတ္တိံ ဌပေတ္ဝာ ပဝာရေန္တိ, စတ္တာရော တယော ဝာ ဒ္ဝေ ဝာ ဝသန္တာ ဧကတော သန္နိပတိတ္ဝာ သင္ဃဉတ္တိံ ဌပေတ္ဝာ ပဝာရေန္တိ, သဗ္ဗမေတံ အဓမ္မေနသမဂ္ဂံ ပဝာရဏကမ္မံ။
Sace pana sabbepi pañca janā ekato sannipatitvā gaṇañattiṃ ṭhapetvā pavārenti, cattāro tayo vā dve vā vasantā ekato sannipatitvā saṅghañattiṃ ṭhapetvā pavārenti, sabbametaṃ adhammenasamaggaṃ pavāraṇakammaṃ.
သစေ ပဉ္စသု ဇနေသု ဧကသ္သ ပဝာရဏံ အာဟရိတ္ဝာ စတ္တာရော သင္ဃဉတ္တိံ ဌပေတ္ဝာ ပဝာရေန္တိ, စတူသု တီသု ဝာ ဧကသ္သ ပဝာရဏံ အာဟရိတ္ဝာ တယော ဝာ ဒ္ဝေ ဝာ ဂဏဉတ္တိံ ဌပေတ္ဝာ ပဝာရေန္တိ, သဗ္ဗမေတံ ဓမ္မေနဝဂ္ဂံ ပဝာရဏကမ္မံ ။
Sace pañcasu janesu ekassa pavāraṇaṃ āharitvā cattāro saṅghañattiṃ ṭhapetvā pavārenti, catūsu tīsu vā ekassa pavāraṇaṃ āharitvā tayo vā dve vā gaṇañattiṃ ṭhapetvā pavārenti, sabbametaṃ dhammenavaggaṃ pavāraṇakammaṃ .
သစေ ပန သဗ္ဗေပိ ပဉ္စ ဇနာ ဧကတော သန္နိပတိတ္ဝာ သင္ဃဉတ္တိံ ဌပေတ္ဝာ ပဝာရေန္တိ, စတ္တာရော ဝာ တယော ဝာ ဧကတော သန္နိပတိတ္ဝာ ဂဏဉတ္တိံ ဌပေတ္ဝာ ပဝာရေန္တိ, ဒ္ဝေ အညမညံ ပဝာရေန္တိ, ဧကကော ဝသန္တော အဓိဋ္ဌာနပဝာရဏံ ကရောတိ, သဗ္ဗမေတံ ဓမ္မေနသမဂ္ဂံ နာမ ပဝာရဏကမ္မန္တိ။
Sace pana sabbepi pañca janā ekato sannipatitvā saṅghañattiṃ ṭhapetvā pavārenti, cattāro vā tayo vā ekato sannipatitvā gaṇañattiṃ ṭhapetvā pavārenti, dve aññamaññaṃ pavārenti, ekako vasanto adhiṭṭhānapavāraṇaṃ karoti, sabbametaṃ dhammenasamaggaṃ nāma pavāraṇakammanti.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၂၁. ပဝာရဏာဘေဒာ • 121. Pavāraṇābhedā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပဝာရဏာဘေဒကထာဝဏ္ဏနာ • Pavāraṇābhedakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ပဝာရဏာဘေဒဝဏ္ဏနာ • Pavāraṇābhedavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၂၁. ပဝာရဏာဘေဒကထာ • 121. Pavāraṇābhedakathā
