| Library / Tipiṭaka / තිපිටක • Tipiṭaka / මහාවග්‌ග-අට්‌ඨකථා • Mahāvagga-aṭṭhakathā |
පවාරණාභෙදකථා
Pavāraṇābhedakathā
212. චාතුද්‌දසිකා ච පන්‌නරසිකා චාති එත්‌ථ චාතුද්‌දසිකාය ‘‘අජ්‌ජ පවාරණා චාතුද්‌දසී’’ති එවං පුබ්‌බකිච්‌චං කාතබ්‌බං, පන්‌නරසිකාය ‘‘අජ්‌ජ පවාරණා පන්‌නරසී’’ති.
212.Cātuddasikāca pannarasikā cāti ettha cātuddasikāya ‘‘ajja pavāraṇā cātuddasī’’ti evaṃ pubbakiccaṃ kātabbaṃ, pannarasikāya ‘‘ajja pavāraṇā pannarasī’’ti.
පවාරණකම්‌මෙසු සචෙ එකස්‌මිං විහාරෙ පඤ්‌චසු භික්‌ඛූසු වසන්‌තෙසු එකස්‌ස පවාරණං ආහරිත්‌වා චත්‌තාරො ගණඤත්‌තිං ඨපෙත්‌වා පවාරෙන්‌ති, චතූසු තීසු වා වසන්‌තෙසු එකස්‌ස පවාරණං ආහරිත්‌වා තයො වා ද්‌වෙ වා සඞ්‌ඝඤත්‌තිං ඨපෙත්‌වා පවාරෙන්‌ති, සබ්‌බමෙතං අධම්‌මෙනවග්‌ගං පවාරණකම්‌මං.
Pavāraṇakammesu sace ekasmiṃ vihāre pañcasu bhikkhūsu vasantesu ekassa pavāraṇaṃ āharitvā cattāro gaṇañattiṃ ṭhapetvā pavārenti, catūsu tīsu vā vasantesu ekassa pavāraṇaṃ āharitvā tayo vā dve vā saṅghañattiṃ ṭhapetvā pavārenti, sabbametaṃ adhammenavaggaṃ pavāraṇakammaṃ.
සචෙ පන සබ්‌බෙපි පඤ්‌ච ජනා එකතො සන්‌නිපතිත්‌වා ගණඤත්‌තිං ඨපෙත්‌වා පවාරෙන්‌ති, චත්‌තාරො තයො වා ද්‌වෙ වා වසන්‌තා එකතො සන්‌නිපතිත්‌වා සඞ්‌ඝඤත්‌තිං ඨපෙත්‌වා පවාරෙන්‌ති, සබ්‌බමෙතං අධම්‌මෙනසමග්‌ගං පවාරණකම්‌මං.
Sace pana sabbepi pañca janā ekato sannipatitvā gaṇañattiṃ ṭhapetvā pavārenti, cattāro tayo vā dve vā vasantā ekato sannipatitvā saṅghañattiṃ ṭhapetvā pavārenti, sabbametaṃ adhammenasamaggaṃ pavāraṇakammaṃ.
සචෙ පඤ්‌චසු ජනෙසු එකස්‌ස පවාරණං ආහරිත්‌වා චත්‌තාරො සඞ්‌ඝඤත්‌තිං ඨපෙත්‌වා පවාරෙන්‌ති, චතූසු තීසු වා එකස්‌ස පවාරණං ආහරිත්‌වා තයො වා ද්‌වෙ වා ගණඤත්‌තිං ඨපෙත්‌වා පවාරෙන්‌ති, සබ්‌බමෙතං ධම්‌මෙනවග්‌ගං පවාරණකම්‌මං .
Sace pañcasu janesu ekassa pavāraṇaṃ āharitvā cattāro saṅghañattiṃ ṭhapetvā pavārenti, catūsu tīsu vā ekassa pavāraṇaṃ āharitvā tayo vā dve vā gaṇañattiṃ ṭhapetvā pavārenti, sabbametaṃ dhammenavaggaṃ pavāraṇakammaṃ .
සචෙ පන සබ්‌බෙපි පඤ්‌ච ජනා එකතො සන්‌නිපතිත්‌වා සඞ්‌ඝඤත්‌තිං ඨපෙත්‌වා පවාරෙන්‌ති, චත්‌තාරො වා තයො වා එකතො සන්‌නිපතිත්‌වා ගණඤත්‌තිං ඨපෙත්‌වා පවාරෙන්‌ති, ද්‌වෙ අඤ්‌ඤමඤ්‌ඤං පවාරෙන්‌ති, එකකො වසන්‌තො අධිට්‌ඨානපවාරණං කරොති, සබ්‌බමෙතං ධම්‌මෙනසමග්‌ගං නාම පවාරණකම්‌මන්‌ති.
Sace pana sabbepi pañca janā ekato sannipatitvā saṅghañattiṃ ṭhapetvā pavārenti, cattāro vā tayo vā ekato sannipatitvā gaṇañattiṃ ṭhapetvā pavārenti, dve aññamaññaṃ pavārenti, ekako vasanto adhiṭṭhānapavāraṇaṃ karoti, sabbametaṃ dhammenasamaggaṃ nāma pavāraṇakammanti.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 121. පවාරණාභෙදා • 121. Pavāraṇābhedā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පවාරණාභෙදකථාවණ්‌ණනා • Pavāraṇābhedakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / පවාරණාභෙදවණ්‌ණනා • Pavāraṇābhedavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 121. පවාරණාභෙදකථා • 121. Pavāraṇābhedakathā
