| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੨੧. ਪવਾਰਣਾਭੇਦਕਥਾ
121. Pavāraṇābhedakathā
੨੧੨. ਚਾਤੁਦ੍ਦਸਿਕਾਯਾਤਿ ਭਣ੍ਡਨਕਾਰਕੇਹਿ ਉਪਦ੍ਦੁਤਤ੍ਤਾ ਪਚ੍ਚੁਕ੍ਕਡ੍ਢਿਤਾਯ ਪੁਬ੍ਬਕਤ੍ਤਿਕਮਾਸਸ੍ਸ ਕਾਲ਼ਪਕ੍ਖਚਾਤੁਦ੍ਦਸਿਕਾਯ। ‘‘ਅਜ੍ਜ ਪવਾਰਣਾ ਪਨ੍ਨਰਸੀ’’ਤਿ ਪੁਬ੍ਬਕਿਚ੍ਚਂ ਕਾਤਬ੍ਬਨ੍ਤਿ ਯੋਜਨਾ।
212.Cātuddasikāyāti bhaṇḍanakārakehi upaddutattā paccukkaḍḍhitāya pubbakattikamāsassa kāḷapakkhacātuddasikāya. ‘‘Ajja pavāraṇā pannarasī’’ti pubbakiccaṃ kātabbanti yojanā.
ਪવਾਰਣਾਕਮ੍ਮੇਸੂਤਿ ਨਿਦ੍ਧਾਰਣੇ ਭੁਮ੍ਮਂ, ‘‘ਅਧਮ੍ਮੇਨ વਗ੍ਗਂ ਪવਾਰਣਾਕਮ੍ਮ’’ਨ੍ਤਿਆਦੀਸੁ ਸਮ੍ਬਨ੍ਧਿਤਬ੍ਬਂ। ਅਧਮ੍ਮੇਨ વਗ੍ਗਨ੍ਤਿ ਏਤ੍ਥ ਅਧਮ੍ਮਂ ਨਾਮ ਸਙ੍ਘੋ ਹੁਤ੍વਾਪਿ ਸਙ੍ਘਪવਾਰਣਮਕਤ੍વਾ ਗਣਪવਾਰਣਾਯ ਕਰਣਂ, ਗਣੋ ਹੁਤ੍વਾਪਿ ਗਣਪવਾਰਣਮਕਤ੍વਾ ਸਙ੍ਘਪવਾਰਣਾਯ ਕਰਣਞ੍ਚ। વਗ੍ਗਂ ਨਾਮ ਏਕਸੀਮਾਯਂ વਸਨ੍ਤਾਨਮ੍ਪਿ ਸਬ੍ਬੇਸਂ ਏਕਤੋ ਅਸਨ੍ਨਿਪਤਨਂ।
Pavāraṇākammesūti niddhāraṇe bhummaṃ, ‘‘adhammena vaggaṃ pavāraṇākamma’’ntiādīsu sambandhitabbaṃ. Adhammena vagganti ettha adhammaṃ nāma saṅgho hutvāpi saṅghapavāraṇamakatvā gaṇapavāraṇāya karaṇaṃ, gaṇo hutvāpi gaṇapavāraṇamakatvā saṅghapavāraṇāya karaṇañca. Vaggaṃ nāma ekasīmāyaṃ vasantānampi sabbesaṃ ekato asannipatanaṃ.
ਅਧਮ੍ਮੇਨ ਸਮਗ੍ਗਨ੍ਤਿ ਏਤ੍ਥ ਅਧਮ੍ਮਂ વੁਤ੍ਤਨਯਮੇવ। ਸਮਗ੍ਗਂ ਨਾਮ ਸਬ੍ਬੇਸਂ ਏਕਤੋ ਸਨ੍ਨਿਪਤਨਂ।
Adhammena samagganti ettha adhammaṃ vuttanayameva. Samaggaṃ nāma sabbesaṃ ekato sannipatanaṃ.
ਧਮ੍ਮੇਨ વਗ੍ਗਨ੍ਤਿ ਏਤ੍ਥ ਧਮ੍ਮਂ ਨਾਮ ਸਙ੍ਘੋ ਹੁਤ੍વਾ ਸਙ੍ਘਪવਾਰਣਾਯ ਕਰਣਂ, ਗਣੋ ਹੁਤ੍વਾ ਗਣਪવਾਰਣਾਯ ਕਰਣਞ੍ਚ। વਗ੍ਗਂ વੁਤ੍ਤਨਯਮੇવ। ਧਮ੍ਮੇਨ ਸਮਗ੍ਗਂ ਸੁવਿਞ੍ਞੇਯ੍ਯਮੇવ। ਇਤਿਸਦ੍ਦੋ ਪਰਿਸਮਾਪਨਤ੍ਥੋ।
Dhammena vagganti ettha dhammaṃ nāma saṅgho hutvā saṅghapavāraṇāya karaṇaṃ, gaṇo hutvā gaṇapavāraṇāya karaṇañca. Vaggaṃ vuttanayameva. Dhammena samaggaṃ suviññeyyameva. Itisaddo parisamāpanattho.
੨੧੩. ਏવਂ ਦਿਨ੍ਨਾਯਾਤਿ ਏવਂ ਪਾਲ਼ਿਯਂ વੁਤ੍ਤਨਯੇਨੇવ ਦਿਨ੍ਨਾਯ। ਪવਾਰੇਤਬ੍ਬਨ੍ਤਿ વਸ੍ਸਂવੁਤ੍ਥਪવਾਰਣਾਯ ਪવਾਰੇਤਬ੍ਬਂ। ਤਿਸ੍ਸੋਤਿ ਤਿਸ੍ਸਨਾਮਕੋ। ਦਿਟ੍ਠੇਨ વਾ વਦਤੂਤਿ ਸਮ੍ਬਨ੍ਧੋ। ਤਨ੍ਤਿ ਤਿਸ੍ਸਨਾਮਕਂ ਭਿਕ੍ਖੁਂ। ਸਙ੍ਘੋ ਅਨੁਕਮ੍ਪਂ ਉਪਾਦਾਯ વਦਤੂਤਿ ਯੋਜਨਾ। વੁਡ੍ਢਤਰੋਤਿ ਪવਾਰਣਾਦਾਯਕੋ ਤਂਹਾਰਕਤੋ વੁਡ੍ਢਤਰੋ। ਹੀਤਿ ਲਦ੍ਧਗੁਣੋ। ਤੇਨਾਤਿ ਪવਾਰਣਾਹਾਰਕੇਨ। ਤਸ੍ਸਾਤਿ ਪવਾਰਣਾਦਾਯਕਸ੍ਸ।
213.Evaṃ dinnāyāti evaṃ pāḷiyaṃ vuttanayeneva dinnāya. Pavāretabbanti vassaṃvutthapavāraṇāya pavāretabbaṃ. Tissoti tissanāmako. Diṭṭhena vā vadatūti sambandho. Tanti tissanāmakaṃ bhikkhuṃ. Saṅgho anukampaṃ upādāya vadatūti yojanā. Vuḍḍhataroti pavāraṇādāyako taṃhārakato vuḍḍhataro. Hīti laddhaguṇo. Tenāti pavāraṇāhārakena. Tassāti pavāraṇādāyakassa.
ਇਧਾਪਿ ਚਾਤਿ ਇਮਸ੍ਮਿਂ ਪવਾਰਣਾਕ੍ਖਨ੍ਧਕੇਪਿ ਚ। ਅਪਿਸਦ੍ਦੋ ਉਪੋਸਥਕ੍ਖਨ੍ਧਕਂ ਅਪੇਕ੍ਖਤਿ। ਅવਸੇਸਕਮ੍ਮਤ੍ਥਾਯਾਤਿ ਪવਾਰਣਾਕਮ੍ਮਤੋ ਅવਸੇਸਾਨਂ ਕਮ੍ਮਾਨਮਤ੍ਥਾਯ ਹੋਤੀਤਿ ਸਮ੍ਬਨ੍ਧੋ। ਪવਾਰਣਾਯ ਆਹਟਾਯ ਸਤਿਯਾਤਿ ਯੋਜਨਾ। ਤਸ੍ਸ ਚਾਤਿ ਪવਾਰਣਾਦਾਯਕਸ੍ਸ ਚ। ਸਬ੍ਬੇਸਨ੍ਤਿ ਪવਾਰਣਾਦਾਯਕਸ੍ਸ ਚ ਸਙ੍ਘਸ੍ਸ ਚਾਤਿ ਸਬ੍ਬੇਸਂ। ਅਞ੍ਞਂ ਪਨ ਕਮ੍ਮਨ੍ਤਿ ਪવਾਰਣਾਕਮ੍ਮਤੋ ਅਞ੍ਞਂ ਕਮ੍ਮਂ ਪਨ। ਤੇਨ ਪਨ ਭਿਕ੍ਖੁਨਾਤਿ ਪવਾਰਣਾਦਾਯਕੇਨ ਭਿਕ੍ਖੁਨਾ ਪਨ। ਏਤ੍ਥ ਚ ਤਦਹੁਪવਾਰਣਾਯ ਅਤ੍ਤਨੋ ਚ ਸਙ੍ਘਸ੍ਸ ਚ ਸਚੇ ਪવਾਰਣਾਕਮ੍ਮਮੇવ ਹੋਤਿ, ਪવਾਰਣਾਯੇવ ਦਾਤਬ੍ਬਾ। ਅਥ ਅਞ੍ਞਮੇવ ਕਮ੍ਮਂ ਹੋਤਿ, ਛਨ੍ਦੋਯੇવ ਦਾਤਬ੍ਬੋ। ਯਦਿ ਪવਾਰਣਾਕਮ੍ਮਞ੍ਚ ਅਞ੍ਞਕਮ੍ਮਞ੍ਚ ਹੋਤਿ, ਪવਾਰਣਾ ਚ ਛਨ੍ਦੋ ਚ ਦਾਤਬ੍ਬੋ । ਤਂ ਸਨ੍ਧਾਯ વੁਤ੍ਤਂ ‘‘ਤਦਹੁ ਪવਾਰਣਾਯ ਪવਾਰਣਂ ਦੇਨ੍ਤੇਨ ਛਨ੍ਦਮ੍ਪਿ ਦਾਤੁ’’ਨ੍ਤਿ (ਮਹਾવ॰ ੨੧੩)। ਤੇਨਾਤਿ ਦਾਨਹੇਤੁਨਾ।
Idhāpi cāti imasmiṃ pavāraṇākkhandhakepi ca. Apisaddo uposathakkhandhakaṃ apekkhati. Avasesakammatthāyāti pavāraṇākammato avasesānaṃ kammānamatthāya hotīti sambandho. Pavāraṇāya āhaṭāya satiyāti yojanā. Tassa cāti pavāraṇādāyakassa ca. Sabbesanti pavāraṇādāyakassa ca saṅghassa cāti sabbesaṃ. Aññaṃ pana kammanti pavāraṇākammato aññaṃ kammaṃ pana. Tena pana bhikkhunāti pavāraṇādāyakena bhikkhunā pana. Ettha ca tadahupavāraṇāya attano ca saṅghassa ca sace pavāraṇākammameva hoti, pavāraṇāyeva dātabbā. Atha aññameva kammaṃ hoti, chandoyeva dātabbo. Yadi pavāraṇākammañca aññakammañca hoti, pavāraṇā ca chando ca dātabbo . Taṃ sandhāya vuttaṃ ‘‘tadahu pavāraṇāya pavāraṇaṃ dentena chandampi dātu’’nti (mahāva. 213). Tenāti dānahetunā.
੨੧੮. ਅਜ੍ਜ ਮੇ ਪવਾਰਣਾਤਿ ਏਤ੍ਥ ਪਾਲ਼ਿਨਯਤੋ ਅਞ੍ਞਂ ਅਟ੍ਠਕਥਾਨਯਂ ਦਸ੍ਸੇਨ੍ਤੋ ਆਹ ‘‘ਸਚੇ’’ਤਿਆਦਿ।
218.Ajja me pavāraṇāti ettha pāḷinayato aññaṃ aṭṭhakathānayaṃ dassento āha ‘‘sace’’tiādi.
੨੧੯. વੁਤ੍ਤਨਯਮੇવਾਤਿ ਉਪੋਸਥਕ੍ਖਨ੍ਧਕੇ (ਮਹਾવ॰ ਅਟ੍ਠ॰ ੧੬੯) વੁਤ੍ਤਨਯਮੇવ।
219.Vuttanayamevāti uposathakkhandhake (mahāva. aṭṭha. 169) vuttanayameva.
੨੨੨. ਪੁਨ ਪવਾਰੇਤਬ੍ਬਨ੍ਤਿ ਏਤ੍ਥ ਨ ਕੇવਲਂ ਪવਾਰਣਾਯੇવ ਪੁਨ ਕਾਤਬ੍ਬਾ, ਪੁਬ੍ਬਕਿਚ੍ਚਾਦੀਨਿਪਿ ਪੁਨ ਕਾਤਬ੍ਬਾਨੀਤਿ ਦਸ੍ਸੇਨ੍ਤੋ ਆਹ ‘‘ਪੁਨ ਪੁਬ੍ਬਕਿਚ੍ਚ’’ਨ੍ਤਿਆਦਿ।
222.Puna pavāretabbanti ettha na kevalaṃ pavāraṇāyeva puna kātabbā, pubbakiccādīnipi puna kātabbānīti dassento āha ‘‘puna pubbakicca’’ntiādi.
੨੨੮. ਏਸੇવ ਨਯੋਤਿ ‘‘ਅਜ੍ਜ ਪવਾਰਣਾ ਪਨ੍ਨਰਸੀ’’ਤਿ ਪੁਬ੍ਬਕਿਚ੍ਚਂ ਅਤਿਦਿਸਤਿ। ਅਸ੍ਸਾਤਿ વਚਨਸ੍ਸ। ਞਤ੍ਤਿਨ੍ਤਿ ‘‘ਸੁਣਾਤੁ ਮੇ ਭਨ੍ਤੇ ਸਙ੍ਘੋ ਅਜ੍ਜ ਪવਾਰਣਾ’’ਤਿ ਞਤ੍ਤਿਂ। ਪਚ੍ਛਿਮੇਹੀਤਿ ਪਚ੍ਛਿਮવਸ੍ਸਂ ਉਪਗਤੇਹਿ ਭਿਕ੍ਖੂਹਿ। ਉਪੋਸਥਗ੍ਗੇਤਿ ਉਪੋਸਥਸ੍ਸ ਗਣ੍ਹਨਟ੍ਠਾਨੇ ਗੇਹੇ। ਦ੍વੇ ਞਤ੍ਤਿਯੋਤਿ ਪવਾਰਣਾਞਤ੍ਤਿ ਚ ਉਪੋਸਥਞਤ੍ਤਿ ਚਾਤਿ ਦ੍વੇ ਞਤ੍ਤਿਯੋ। ਇਦਞ੍ਚਾਤਿ ਇਦਂ વਕ੍ਖਮਾਨਂ ਪਨ। ਏਤ੍ਥਾਤਿ ਪੁਰਿਮਿਕਪਚ੍ਛਿਮਿਕਭਿਕ੍ਖੂਨਂ ਸਂਸਗ੍ਗਟ੍ਠਾਨੇ। ਪੁਰਿਮਿਕਾਯ ਉਪਗਤੇਹੀਤਿ વਿਭਤ੍ਤਅਪਾਦਾਨਂ ਅਨੁਮੇਯ੍ਯવਿਸਯਅਪਾਦਾਨਂ, ਥੋਕਤਰਾਤਿ ਸਮ੍ਬਨ੍ਧੋ, ਸਹਾਦਿਯੋਗੋ વਾ, ਸਮਸਮਾਤਿ ਸਮ੍ਬਨ੍ਧੋ। ਸਮਸਮਾਤਿ ਸਮੇਨ, ਸਮਤੋ વਾ ਸਮਾ ਸਮਸਮਾ, ਅਤਿਰੇਕਸਮਾਤਿ ਅਤ੍ਥੋ। ਕਿਞ੍ਚਿ ਊਨਂ વਾ ਅਧਿਕਂ વਾ ਨਤ੍ਥੀਤਿ ਅਧਿਪ੍ਪਾਯੋ। ਇਤੀਤਿ ਇਦਂ ਲਕ੍ਖਣਂ।
228.Eseva nayoti ‘‘ajja pavāraṇā pannarasī’’ti pubbakiccaṃ atidisati. Assāti vacanassa. Ñattinti ‘‘suṇātu me bhante saṅgho ajja pavāraṇā’’ti ñattiṃ. Pacchimehīti pacchimavassaṃ upagatehi bhikkhūhi. Uposathaggeti uposathassa gaṇhanaṭṭhāne gehe. Dve ñattiyoti pavāraṇāñatti ca uposathañatti cāti dve ñattiyo. Idañcāti idaṃ vakkhamānaṃ pana. Etthāti purimikapacchimikabhikkhūnaṃ saṃsaggaṭṭhāne. Purimikāya upagatehīti vibhattaapādānaṃ anumeyyavisayaapādānaṃ, thokatarāti sambandho, sahādiyogo vā, samasamāti sambandho. Samasamāti samena, samato vā samā samasamā, atirekasamāti attho. Kiñci ūnaṃ vā adhikaṃ vā natthīti adhippāyo. Itīti idaṃ lakkhaṇaṃ.
ਸੋਤਿ ਪਚ੍ਛਿਮਿਕੋ ਭਿਕ੍ਖੁ। ਇਤਰੇਨਾਤਿ ਪਚ੍ਛਿਮਿਕੇਨ। ਤੇਸਨ੍ਤਿ ਪੁਰਿਮਿਕਾਨਂ। ਏਕੇਨਾਤਿ ਪੁਰਿਮਿਕੇਨ। ਏਕਸ੍ਸਾਤਿ ਪਚ੍ਛਿਮਿਕਸ੍ਸ। ਪੁਨ ਏਕੇਨਾਤਿ ਪਚ੍ਛਿਮਿਕੇਨ। ‘‘ਏਕਸ੍ਸਾ’’ਤਿ ਅਨੁવਤ੍ਤੇਤਬ੍ਬੋ, ਪੁਰਿਮਿਕਸ੍ਸਾਤਿ ਅਤ੍ਥੋ। ਪੁਰਿਮવਸ੍ਸੂਪਗਤੇਹਿ ਅਧਿਕਤਰਾਤਿ ਸਮ੍ਬਨ੍ਧੋ। ਥੋਕਤਰੇਹੀਤਿ ਪਚ੍ਛਿਮવਸ੍ਸੂਪਗਤੇਹਿ ਥੋਕਤਰੇਹਿ ਪੁਰਿਮવਸ੍ਸੂਪਗਤੇਹੀਤਿ ਯੋਜਨਾ।
Soti pacchimiko bhikkhu. Itarenāti pacchimikena. Tesanti purimikānaṃ. Ekenāti purimikena. Ekassāti pacchimikassa. Puna ekenāti pacchimikena. ‘‘Ekassā’’ti anuvattetabbo, purimikassāti attho. Purimavassūpagatehi adhikatarāti sambandho. Thokatarehīti pacchimavassūpagatehi thokatarehi purimavassūpagatehīti yojanā.
ਕਤ੍ਤਿਕਾਯਾਤਿ ਪਚ੍ਛਿਮਕਤ੍ਤਿਕਾਯ। ਚਾਤੁਮਾਸਿਨਿਯਾ ਪવਾਰਣਾਯਾਤਿ ਚਤੁਨ੍ਨਂ ਮਾਸਾਨਂ ਪੂਰਣਿਯਾ ਪવਾਰਣਾਯ। ਪવਾਰਣਾਞਤ੍ਤਿਂ ਠਪੇਤ੍વਾਤਿ ਸਮਸਮਾ ਹੁਤ੍વਾਪਿ ਪવਾਰਣਾਦਿવਸਤ੍ਤਾ ਪવਾਰਣਾਞਤ੍ਤਿਂ ਠਪੇਤ੍વਾ। ਤੇਹੀਤਿ ਪਚ੍ਛਿਮਿਕੇਹਿ। ਇਤਰੇਹੀਤਿ ਪੁਰਿਮਿਕੇਹਿ। ਤੇਸਨ੍ਤਿ ਪਚ੍ਛਿਮਿਕਾਨਂ। ਥੋਕਤਰਾ વਾਤਿ ਏਕਾਦਿਨਾ ਥੋਕਤਰਾ વਾ। ਤੇਸਨ੍ਤਿ ਪੁਰਿਮਿਕਾਨਂ। ਤੇਹੀਤਿ ਪਚ੍ਛਿਮਿਕੇਹਿ।
Kattikāyāti pacchimakattikāya. Cātumāsiniyā pavāraṇāyāti catunnaṃ māsānaṃ pūraṇiyā pavāraṇāya. Pavāraṇāñattiṃ ṭhapetvāti samasamā hutvāpi pavāraṇādivasattā pavāraṇāñattiṃ ṭhapetvā. Tehīti pacchimikehi. Itarehīti purimikehi. Tesanti pacchimikānaṃ. Thokatarā vāti ekādinā thokatarā vā. Tesanti purimikānaṃ. Tehīti pacchimikehi.
੨੩੩. ਸਙ੍ਘਸਾਮਗ੍ਗਿਯਾਤਿ ਏਤ੍ਥ ਕੀਦਿਸੀ ਸਙ੍ਘਸਾਮਗ੍ਗੀ વੇਦਿਤਬ੍ਬਾਤਿ ਆਹ ‘‘ਕੋਸਮ੍ਬਕਸਾਮਗ੍ਗੀਸਦਿਸਾવ વੇਦਿਤਬ੍ਬਾ’’ਤਿ। ਏਤ੍ਥਾਤਿ ਸਾਮਗ੍ਗੀਪવਾਰਣਾਯਂ। ਅਪ੍ਪਮਤ੍ਤਕੇਤਿ ਪਤ੍ਤਚੀવਰਾਦਿਂ ਪਟਿਚ੍ਚ ਉਪ੍ਪਨ੍ਨੇ ਅਪ੍ਪਮਤ੍ਤਕੇ વਿવਾਦੇ। ਪવਾਰਣਾਯਮੇવਾਤਿ ਪવਾਰਣਾਦਿવਸੇਯੇવ। ਕਸ੍ਮਿਂ ਦਿવਸੇ ਸਾਮਗ੍ਗੀਪવਾਰਣਾ ਕਾਤਬ੍ਬਾਤਿ ਆਹ ‘‘ਸਾਮਗ੍ਗੀਪવਾਰਣ’’ਨ੍ਤਿਆਦਿ। ਪਠਮਪવਾਰਣਨ੍ਤਿ ਪੁਬ੍ਬਕਤ੍ਤਿਕਪੁਣ੍ਣਮਿਂ। ਯਾવ ਕਤ੍ਤਿਕਚਾਤੁਮਾਸਿਨੀ ਪੁਣ੍ਣਮਾਤਿ ਅਯਂ ਅવਧਿ ਅਨਭਿવਿਧਿਅવਧਿ ਨਾਮ। ਕਸ੍ਮਾ? ਕਤ੍ਤਿਕਚਾਤੁਮਾਸਿਨਿਪੁਣ੍ਣਮਿਂ ਠਪੇਤ੍વਾ ਅਨ੍ਤੋਯੇવ ਗਹੇਤਬ੍ਬਤ੍ਤਾ। ਏਤ੍ਥਨ੍ਤਰੇਤਿ ਏਤਸ੍ਮਿਂ ਦ੍વਿਨ੍ਨਂ ਪੁਣ੍ਣਮਿਨਮਨ੍ਤਰੇ ਅਟ੍ਠવੀਸਤਿਪਮਾਣੇ ਦਿવਸੇ ਕਾਤਬ੍ਬਾ। ਤਤੋਤਿ ਏਤ੍ਥਨ੍ਤਰਸਙ੍ਖਾਤਾ ਅਟ੍ਠવੀਸਦਿવਸਤੋ।
233.Saṅghasāmaggiyāti ettha kīdisī saṅghasāmaggī veditabbāti āha ‘‘kosambakasāmaggīsadisāva veditabbā’’ti. Etthāti sāmaggīpavāraṇāyaṃ. Appamattaketi pattacīvarādiṃ paṭicca uppanne appamattake vivāde. Pavāraṇāyamevāti pavāraṇādivaseyeva. Kasmiṃ divase sāmaggīpavāraṇā kātabbāti āha ‘‘sāmaggīpavāraṇa’’ntiādi. Paṭhamapavāraṇanti pubbakattikapuṇṇamiṃ. Yāva kattikacātumāsinī puṇṇamāti ayaṃ avadhi anabhividhiavadhi nāma. Kasmā? Kattikacātumāsinipuṇṇamiṃ ṭhapetvā antoyeva gahetabbattā. Etthantareti etasmiṃ dvinnaṃ puṇṇaminamantare aṭṭhavīsatipamāṇe divase kātabbā. Tatoti etthantarasaṅkhātā aṭṭhavīsadivasato.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੨੧. ਪવਾਰਣਾਭੇਦਾ • 121. Pavāraṇābhedā
੧੨੨. ਪવਾਰਣਾਦਾਨਾਨੁਜਾਨਨਾ • 122. Pavāraṇādānānujānanā
੧੨੪. ਸਙ੍ਘਪવਾਰਣਾਦਿਪ੍ਪਭੇਦਾ • 124. Saṅghapavāraṇādippabhedā
੧੨੫. ਆਪਤ੍ਤਿਪਟਿਕਮ੍ਮવਿਧਿ • 125. Āpattipaṭikammavidhi
੧੨੮. ਅਨਾਪਤ੍ਤਿਪਨ੍ਨਰਸਕਂ • 128. Anāpattipannarasakaṃ
੧੩੪. ਦਿવਸਨਾਨਤ੍ਤਂ • 134. Divasanānattaṃ
੧੩੯. વਜ੍ਜਨੀਯਪੁਗ੍ਗਲਸਨ੍ਦਸ੍ਸਨਾ • 139. Vajjanīyapuggalasandassanā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā
ਪવਾਰਣਾਭੇਦਕਥਾ • Pavāraṇābhedakathā
ਪવਾਰਣਾਦਾਨਾਨੁਜਾਨਨਕਥਾ • Pavāraṇādānānujānanakathā
ਅਨਾਪਤ੍ਤਿਪਨ੍ਨਰਸਕਾਦਿਕਥਾ • Anāpattipannarasakādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
ਪવਾਰਣਾਭੇਦਕਥਾવਣ੍ਣਨਾ • Pavāraṇābhedakathāvaṇṇanā
ਪવਾਰਣਾਦਾਨਾਨੁਜਾਨਨਕਥਾવਣ੍ਣਨਾ • Pavāraṇādānānujānanakathāvaṇṇanā
ਅਨਾਪਤ੍ਤਿਪਨ੍ਨਰਸਕਕਥਾવਣ੍ਣਨਾ • Anāpattipannarasakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
ਪવਾਰਣਾਭੇਦવਣ੍ਣਨਾ • Pavāraṇābhedavaṇṇanā
ਪવਾਰਣਾਦਾਨਾਨੁਜਾਨਨਕਥਾવਣ੍ਣਨਾ • Pavāraṇādānānujānanakathāvaṇṇanā
ਅਨਾਪਤ੍ਤਿਪਨ੍ਨਰਸਕਾਦਿਕਥਾવਣ੍ਣਨਾ • Anāpattipannarasakādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਫਾਸੁવਿਹਾਰਕਥਾਦਿવਣ੍ਣਨਾ • Aphāsuvihārakathādivaṇṇanā
