| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
පවාරණාභෙදකථාවණ්‌ණනා
Pavāraṇābhedakathāvaṇṇanā
212. ද්‌වෙමා , භික්‌ඛවෙ, පවාරණා චාතුද්‌දසිකා ච පන්‌නරසිකා චාති එත්‌ථ පුරිමවස්‌සංවුත්‌ථානං පුබ්‌බකත්‌තිකපුණ්‌ණමා, තෙසංයෙව සචෙ භණ්‌ඩනකාරකෙහි උපද්‌දුතා පවාරණං පච්‌චුක්‌කඩ්‌ඪන්‌ති, අථ කත්‌තිකමාසස්‌ස කාළපක්‌ඛචාතුද්‌දසො වා පච්‌ඡිමකත්‌තිකපුණ්‌ණමා වා, පච්‌ඡිමවස්‌සංවුත්‌ථානඤ්‌ච පච්‌ඡිමකත්‌තිකපුණ්‌ණමා එව වාති ඉමෙ තයො පවාරණදිවසාති වෙදිතබ්‌බා. ඉදඤ්‌ච පකතිචාරිත්‌තවසෙන වුත්‌තං, තථාරූපපච්‌චයෙ පන සති ද්‌වින්‌නං කත්‌තිකපුණ්‌ණමානං පුරිමෙසු චාතුද්‌දසෙසුපි පවාරණං කාතුං වට්‌ටති, තෙනෙව මහාවිහාරෙ භික්‌ඛූ චාතුද්‌දසියා පවාරෙත්‌වා පන්‌නරසියා කායසාමග්‌ගිං දෙන්‌ති, චෙතියගිරිමහදස්‌සනත්‌ථම්‌පි අට්‌ඨමියා ගච්‌ඡන්‌ති, තම්‌පි චාතුද්‌දසියං පවාරෙතුකාමානඤ්‌ඤෙව හොති.
212.Dvemā, bhikkhave, pavāraṇā cātuddasikā ca pannarasikā cāti ettha purimavassaṃvutthānaṃ pubbakattikapuṇṇamā, tesaṃyeva sace bhaṇḍanakārakehi upaddutā pavāraṇaṃ paccukkaḍḍhanti, atha kattikamāsassa kāḷapakkhacātuddaso vā pacchimakattikapuṇṇamā vā, pacchimavassaṃvutthānañca pacchimakattikapuṇṇamā eva vāti ime tayo pavāraṇadivasāti veditabbā. Idañca pakaticārittavasena vuttaṃ, tathārūpapaccaye pana sati dvinnaṃ kattikapuṇṇamānaṃ purimesu cātuddasesupi pavāraṇaṃ kātuṃ vaṭṭati, teneva mahāvihāre bhikkhū cātuddasiyā pavāretvā pannarasiyā kāyasāmaggiṃ denti, cetiyagirimahadassanatthampi aṭṭhamiyā gacchanti, tampi cātuddasiyaṃ pavāretukāmānaññeva hoti.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 121. පවාරණාභෙදා • 121. Pavāraṇābhedā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / පවාරණාභෙදකථා • Pavāraṇābhedakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / පවාරණාභෙදවණ්‌ණනා • Pavāraṇābhedavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 121. පවාරණාභෙදකථා • 121. Pavāraṇābhedakathā
