| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੧੨੨. ਪવਾਰਣਾਦਾਨਾਨੁਜਾਨਨਾ
122. Pavāraṇādānānujānanā
੨੧੩. ਅਥ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਸਨ੍ਨਿਪਤਥ, ਭਿਕ੍ਖવੇ। ਸਙ੍ਘੋ ਪવਾਰੇਸ੍ਸਤੀ’’ਤਿ। ਏવਂ વੁਤ੍ਤੇ ਅਞ੍ਞਤਰੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਅਤ੍ਥਿ, ਭਨ੍ਤੇ, ਭਿਕ੍ਖੁ ਗਿਲਾਨੋ , ਸੋ ਅਨਾਗਤੋ’’ਤਿ। ਅਨੁਜਾਨਾਮਿ, ਭਿਕ੍ਖવੇ, ਗਿਲਾਨੇਨ ਭਿਕ੍ਖੁਨਾ ਪવਾਰਣਂ ਦਾਤੁਂ। ਏવਞ੍ਚ ਪਨ, ਭਿਕ੍ਖવੇ, ਦਾਤਬ੍ਬਾ – ਤੇਨ ਗਿਲਾਨੇਨ ਭਿਕ੍ਖੁਨਾ ਏਕਂ ਭਿਕ੍ਖੁਂ ਉਪਸਙ੍ਕਮਿਤ੍વਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਏવਮਸ੍ਸ વਚਨੀਯੋ – ‘‘ਪવਾਰਣਂ ਦਮ੍ਮਿ, ਪવਾਰਣਂ ਮੇ ਹਰ, ਪવਾਰਣਂ ਮੇ ਆਰੋਚੇਹਿ, ਮਮਤ੍ਥਾਯ ਪવਾਰੇਹੀ’’ਤਿ ਕਾਯੇਨ વਿਞ੍ਞਾਪੇਤਿ, વਾਚਾਯ વਿਞ੍ਞਾਪੇਤਿ, ਕਾਯੇਨ વਾਚਾਯ વਿਞ੍ਞਾਪੇਤਿ, ਦਿਨ੍ਨਾ ਹੋਤਿ ਪવਾਰਣਾ; ਨ ਕਾਯੇਨ વਿਞ੍ਞਾਪੇਤਿ, ਨ વਾਚਾਯ વਿਞ੍ਞਾਪੇਤਿ, ਨ ਕਾਯੇਨ વਾਚਾਯ વਿਞ੍ਞਾਪੇਤਿ, ਨ ਦਿਨ੍ਨਾ ਹੋਤਿ ਪવਾਰਣਾ। ਏવਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ। ਨੋ ਚੇ ਲਭੇਥ, ਸੋ, ਭਿਕ੍ਖવੇ, ਗਿਲਾਨੋ ਭਿਕ੍ਖੁ ਮਞ੍ਚੇਨ વਾ ਪੀਠੇਨ વਾ ਸਙ੍ਘਮਜ੍ਝੇ ਆਨੇਤ੍વਾ ਪવਾਰੇਤਬ੍ਬਂ। ਸਚੇ, ਭਿਕ੍ਖવੇ, ਗਿਲਾਨੁਪਟ੍ਠਾਕਾਨਂ ਭਿਕ੍ਖੂਨਂ ਏਤਦਹੋਸਿ – ‘‘ਸਚੇ ਖੋ ਮਯਂ ਗਿਲਾਨਂ ਠਾਨਾ ਚਾવੇਸ੍ਸਾਮ, ਆਬਾਧੋ વਾ ਅਭਿવਡ੍ਢਿਸ੍ਸਤਿ, ਕਾਲਂਕਿਰਿਯਾ વਾ ਭવਿਸ੍ਸਤੀ’’ਤਿ ਨ, ਭਿਕ੍ਖવੇ, ਗਿਲਾਨੋ ਭਿਕ੍ਖੁ ਠਾਨਾ ਚਾવੇਤਬ੍ਬੋ। ਸਙ੍ਘੇਨ ਤਤ੍ਥ ਗਨ੍ਤ੍વਾ ਪવਾਰੇਤਬ੍ਬਂ; ਨ ਤ੍વੇવ વਗ੍ਗੇਨ ਸਙ੍ਘੇਨ ਪવਾਰੇਤਬ੍ਬਂ। ਪવਾਰੇਯ੍ਯ ਚੇ, ਆਪਤ੍ਤਿ ਦੁਕ੍ਕਟਸ੍ਸ।
213. Atha kho bhagavā bhikkhū āmantesi – ‘‘sannipatatha, bhikkhave. Saṅgho pavāressatī’’ti. Evaṃ vutte aññataro bhikkhu bhagavantaṃ etadavoca – ‘‘atthi, bhante, bhikkhu gilāno , so anāgato’’ti. Anujānāmi, bhikkhave, gilānena bhikkhunā pavāraṇaṃ dātuṃ. Evañca pana, bhikkhave, dātabbā – tena gilānena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘‘pavāraṇaṃ dammi, pavāraṇaṃ me hara, pavāraṇaṃ me ārocehi, mamatthāya pavārehī’’ti kāyena viññāpeti, vācāya viññāpeti, kāyena vācāya viññāpeti, dinnā hoti pavāraṇā; na kāyena viññāpeti, na vācāya viññāpeti, na kāyena vācāya viññāpeti, na dinnā hoti pavāraṇā. Evañcetaṃ labhetha, iccetaṃ kusalaṃ. No ce labhetha, so, bhikkhave, gilāno bhikkhu mañcena vā pīṭhena vā saṅghamajjhe ānetvā pavāretabbaṃ. Sace, bhikkhave, gilānupaṭṭhākānaṃ bhikkhūnaṃ etadahosi – ‘‘sace kho mayaṃ gilānaṃ ṭhānā cāvessāma, ābādho vā abhivaḍḍhissati, kālaṃkiriyā vā bhavissatī’’ti na, bhikkhave, gilāno bhikkhu ṭhānā cāvetabbo. Saṅghena tattha gantvā pavāretabbaṃ; na tveva vaggena saṅghena pavāretabbaṃ. Pavāreyya ce, āpatti dukkaṭassa.
ਪવਾਰਣਹਾਰਕੋ 1 ਚੇ, ਭਿਕ੍ਖવੇ, ਦਿਨ੍ਨਾਯ ਪવਾਰਣਾਯ ਤਤ੍ਥੇવ ਪਕ੍ਕਮਤਿ, ਅਞ੍ਞਸ੍ਸ ਦਾਤਬ੍ਬਾ ਪવਾਰਣਾ। ਪવਾਰਣਹਾਰਕੋ ਚੇ, ਭਿਕ੍ਖવੇ, ਦਿਨ੍ਨਾਯ ਪવਾਰਣਾਯ ਤਤ੍ਥੇવ વਿਬ੍ਭਮਤਿ…ਪੇ॰… ਕਾਲਂਕਰੋਤਿ… ਸਾਮਣੇਰੋ ਪਟਿਜਾਨਾਤਿ… ਸਿਕ੍ਖਂ ਪਚ੍ਚਕ੍ਖਾਤਕੋ ਪਟਿਜਾਨਾਤਿ… ਅਨ੍ਤਿਮવਤ੍ਥੁਂ ਅਜ੍ਝਾਪਨ੍ਨਕੋ ਪਟਿਜਾਨਾਤਿ… ਉਮ੍ਮਤ੍ਤਕੋ ਪਟਿਜਾਨਾਤਿ… ਖਿਤ੍ਤਚਿਤ੍ਤੋ ਪਟਿਜਾਨਾਤਿ… વੇਦਨਾਟ੍ਟੋ ਪਟਿਜਾਨਾਤਿ… ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਤ੍ਤਕੋ ਪਟਿਜਾਨਾਤਿ… ਆਪਤ੍ਤਿਯਾ ਅਪ੍ਪਟਿਕਮ੍ਮੇ ਉਕ੍ਖਿਤ੍ਤਕੋ ਪਟਿਜਾਨਾਤਿ… ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖਿਤ੍ਤਕੋ ਪਟਿਜਾਨਾਤਿ… ਪਣ੍ਡਕੋ ਪਟਿਜਾਨਾਤਿ… ਥੇਯ੍ਯਸਂવਾਸਕੋ ਪਟਿਜਾਨਾਤਿ… ਤਿਤ੍ਥਿਯਪਕ੍ਕਨ੍ਤਕੋ ਪਟਿਜਾਨਾਤਿ… ਤਿਰਚ੍ਛਾਨਗਤੋ ਪਟਿਜਾਨਾਤਿ… ਮਾਤੁਘਾਤਕੋ ਪਟਿਜਾਨਾਤਿ… ਪਿਤੁਘਾਤਕੋ ਪਟਿਜਾਨਾਤਿ… ਅਰਹਨ੍ਤਘਾਤਕੋ ਪਟਿਜਾਨਾਤਿ… ਭਿਕ੍ਖੁਨਿਦੂਸਕੋ ਪਟਿਜਾਨਾਤਿ… ਸਙ੍ਘਭੇਦਕੋ ਪਟਿਜਾਨਾਤਿ … ਲੋਹਿਤੁਪ੍ਪਾਦਕੋ ਪਟਿਜਾਨਾਤਿ… ਉਭਤੋਬ੍ਯਞ੍ਜਨਕੋ ਪਟਿਜਾਨਾਤਿ, ਅਞ੍ਞਸ੍ਸ ਦਾਤਬ੍ਬਾ ਪવਾਰਣਾ।
Pavāraṇahārako 2 ce, bhikkhave, dinnāya pavāraṇāya tattheva pakkamati, aññassa dātabbā pavāraṇā. Pavāraṇahārako ce, bhikkhave, dinnāya pavāraṇāya tattheva vibbhamati…pe… kālaṃkaroti… sāmaṇero paṭijānāti… sikkhaṃ paccakkhātako paṭijānāti… antimavatthuṃ ajjhāpannako paṭijānāti… ummattako paṭijānāti… khittacitto paṭijānāti… vedanāṭṭo paṭijānāti… āpattiyā adassane ukkhittako paṭijānāti… āpattiyā appaṭikamme ukkhittako paṭijānāti… pāpikāya diṭṭhiyā appaṭinissagge ukkhittako paṭijānāti… paṇḍako paṭijānāti… theyyasaṃvāsako paṭijānāti… titthiyapakkantako paṭijānāti… tiracchānagato paṭijānāti… mātughātako paṭijānāti… pitughātako paṭijānāti… arahantaghātako paṭijānāti… bhikkhunidūsako paṭijānāti… saṅghabhedako paṭijānāti … lohituppādako paṭijānāti… ubhatobyañjanako paṭijānāti, aññassa dātabbā pavāraṇā.
ਪવਾਰਣਹਾਰਕੋ ਚੇ, ਭਿਕ੍ਖવੇ, ਦਿਨ੍ਨਾਯ ਪવਾਰਣਾਯ ਅਨ੍ਤਰਾਮਗ੍ਗੇ ਪਕ੍ਕਮਤਿ, ਅਨਾਹਟਾ ਹੋਤਿ ਪવਾਰਣਾ। ਪવਾਰਣਹਾਰਕੋ ਚੇ, ਭਿਕ੍ਖવੇ, ਦਿਨ੍ਨਾਯ ਪવਾਰਣਾਯ ਅਨ੍ਤਰਾਮਗ੍ਗੇ વਿਬ੍ਭਮਤਿ…ਪੇ॰… ਕਾਲਂਕਰੋਤਿ… ਸਾਮਣੇਰੋ ਪਟਿਜਾਨਾਤਿ… ਸਿਕ੍ਖਂ ਪਚ੍ਚਕ੍ਖਾਤਕੋ ਪਟਿਜਾਨਾਤਿ… ਅਨ੍ਤਿਮવਤ੍ਥੁਂ ਅਜ੍ਝਾਪਨ੍ਨਕੋ ਪਟਿਜਾਨਾਤਿ… ਉਮ੍ਮਤ੍ਤਕੋ ਪਟਿਜਾਨਾਤਿ… ਖਿਤ੍ਤਚਿਤ੍ਤੋ ਪਟਿਜਾਨਾਤਿ… વੇਦਨਾਟ੍ਟੋ ਪਟਿਜਾਨਾਤਿ… ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਤ੍ਤਕੋ ਪਟਿਜਾਨਾਤਿ… ਆਪਤ੍ਤਿਯਾ ਅਪ੍ਪਟਿਕਮ੍ਮੇ ਉਕ੍ਖਿਤ੍ਤਕੋ ਪਟਿਜਾਨਾਤਿ… ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖਿਤ੍ਤਕੋ ਪਟਿਜਾਨਾਤਿ… ਪਣ੍ਡਕੋ ਪਟਿਜਾਨਾਤਿ… ਥੇਯ੍ਯਸਂવਾਸਕੋ ਪਟਿਜਾਨਾਤਿ… ਤਿਤ੍ਥਿਯਪਕ੍ਕਨ੍ਤਕੋ ਪਟਿਜਾਨਾਤਿ… ਤਿਰਚ੍ਛਾਨਗਤੋ ਪਟਿਜਾਨਾਤਿ… ਮਾਤੁਘਾਤਕੋ ਪਟਿਜਾਨਾਤਿ… ਪਿਤੁਘਾਤਕੋ ਪਟਿਜਾਨਾਤਿ… ਅਰਹਨ੍ਤਘਾਤਕੋ ਪਟਿਜਾਨਾਤਿ… ਭਿਕ੍ਖੁਨਿਦੂਸਕੋ ਪਟਿਜਾਨਾਤਿ… ਸਙ੍ਘਭੇਦਕੋ ਪਟਿਜਾਨਾਤਿ… ਲੋਹਿਤੁਪ੍ਪਾਦਕੋ ਪਟਿਜਾਨਾਤਿ… ਉਭਤੋਬ੍ਯਞ੍ਜਨਕੋ ਪਟਿਜਾਨਾਤਿ, ਅਨਾਹਟਾ ਹੋਤਿ ਪવਾਰਣਾ।
Pavāraṇahārako ce, bhikkhave, dinnāya pavāraṇāya antarāmagge pakkamati, anāhaṭā hoti pavāraṇā. Pavāraṇahārako ce, bhikkhave, dinnāya pavāraṇāya antarāmagge vibbhamati…pe… kālaṃkaroti… sāmaṇero paṭijānāti… sikkhaṃ paccakkhātako paṭijānāti… antimavatthuṃ ajjhāpannako paṭijānāti… ummattako paṭijānāti… khittacitto paṭijānāti… vedanāṭṭo paṭijānāti… āpattiyā adassane ukkhittako paṭijānāti… āpattiyā appaṭikamme ukkhittako paṭijānāti… pāpikāya diṭṭhiyā appaṭinissagge ukkhittako paṭijānāti… paṇḍako paṭijānāti… theyyasaṃvāsako paṭijānāti… titthiyapakkantako paṭijānāti… tiracchānagato paṭijānāti… mātughātako paṭijānāti… pitughātako paṭijānāti… arahantaghātako paṭijānāti… bhikkhunidūsako paṭijānāti… saṅghabhedako paṭijānāti… lohituppādako paṭijānāti… ubhatobyañjanako paṭijānāti, anāhaṭā hoti pavāraṇā.
ਪવਾਰਣਹਾਰਕੋ ਚੇ, ਭਿਕ੍ਖવੇ, ਦਿਨ੍ਨਾਯ ਪવਾਰਣਾਯ ਸਙ੍ਘਪ੍ਪਤ੍ਤੋ ਪਕ੍ਕਮਤਿ, ਆਹਟਾ ਹੋਤਿ ਪવਾਰਣਾ। ਪવਾਰਣਹਾਰਕੋ ਚੇ, ਭਿਕ੍ਖવੇ, ਦਿਨ੍ਨਾਯ ਪવਾਰਣਾਯ ਸਙ੍ਘਪ੍ਪਤ੍ਤੋ વਿਬ੍ਭਮਤਿ…ਪੇ॰… ਕਾਲਂਕਰੋਤਿ… ਸਾਮਣੇਰੋ ਪਟਿਜਾਨਾਤਿ… ਸਿਕ੍ਖਂ ਪਚ੍ਚਕ੍ਖਾਤਕੋ ਪਟਿਜਾਨਾਤਿ… ਅਨ੍ਤਿਮવਤ੍ਥੁਂ ਅਜ੍ਝਾਪਨ੍ਨਕੋ ਪਟਿਜਾਨਾਤਿ… ਉਮ੍ਮਤ੍ਤਕੋ ਪਟਿਜਾਨਾਤਿ… ਖਿਤ੍ਤਚਿਤ੍ਤੋ ਪਟਿਜਾਨਾਤਿ… વੇਦਨਾਟ੍ਟੋ ਪਟਿਜਾਨਾਤਿ… ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਤ੍ਤਕੋ ਪਟਿਜਾਨਾਤਿ… ਆਪਤ੍ਤਿਯਾ ਅਪ੍ਪਟਿਕਮ੍ਮੇ ਉਕ੍ਖਿਤ੍ਤਕੋ ਪਟਿਜਾਨਾਤਿ… ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖਿਤ੍ਤਕੋ ਪਟਿਜਾਨਾਤਿ… ਪਣ੍ਡਕੋ ਪਟਿਜਾਨਾਤਿ… ਥੇਯ੍ਯਸਂવਾਸਕੋ ਪਟਿਜਾਨਾਤਿ… ਤਿਤ੍ਥਿਯਪਕ੍ਕਨ੍ਤਕੋ ਪਟਿਜਾਨਾਤਿ… ਤਿਰਚ੍ਛਾਨਗਤੋ ਪਟਿਜਾਨਾਤਿ… ਮਾਤੁਘਾਤਕੋ ਪਟਿਜਾਨਾਤਿ… ਪਿਤੁਘਾਤਕੋ ਪਟਿਜਾਨਾਤਿ… ਅਰਹਨ੍ਤਘਾਤਕੋ ਪਟਿਜਾਨਾਤਿ… ਭਿਕ੍ਖੁਨਿਦੂਸਕੋ ਪਟਿਜਾਨਾਤਿ… ਸਙ੍ਘਭੇਦਕੋ ਪਟਿਜਾਨਾਤਿ… ਲੋਹਿਤੁਪ੍ਪਾਦਕੋ ਪਟਿਜਾਨਾਤਿ… ਉਭਤੋਬ੍ਯਞ੍ਜਨਕੋ ਪਟਿਜਾਨਾਤਿ, ਆਹਟਾ ਹੋਤਿ ਪવਾਰਣਾ।
Pavāraṇahārako ce, bhikkhave, dinnāya pavāraṇāya saṅghappatto pakkamati, āhaṭā hoti pavāraṇā. Pavāraṇahārako ce, bhikkhave, dinnāya pavāraṇāya saṅghappatto vibbhamati…pe… kālaṃkaroti… sāmaṇero paṭijānāti… sikkhaṃ paccakkhātako paṭijānāti… antimavatthuṃ ajjhāpannako paṭijānāti… ummattako paṭijānāti… khittacitto paṭijānāti… vedanāṭṭo paṭijānāti… āpattiyā adassane ukkhittako paṭijānāti… āpattiyā appaṭikamme ukkhittako paṭijānāti… pāpikāya diṭṭhiyā appaṭinissagge ukkhittako paṭijānāti… paṇḍako paṭijānāti… theyyasaṃvāsako paṭijānāti… titthiyapakkantako paṭijānāti… tiracchānagato paṭijānāti… mātughātako paṭijānāti… pitughātako paṭijānāti… arahantaghātako paṭijānāti… bhikkhunidūsako paṭijānāti… saṅghabhedako paṭijānāti… lohituppādako paṭijānāti… ubhatobyañjanako paṭijānāti, āhaṭā hoti pavāraṇā.
ਪવਾਰਣਹਾਰਕੋ ਚੇ, ਭਿਕ੍ਖવੇ, ਦਿਨ੍ਨਾਯ ਪવਾਰਣਾਯ ਸਙ੍ਘਪ੍ਪਤ੍ਤੋ ਸੁਤ੍ਤੋ ਨਾਰੋਚੇਤਿ, ਆਹਟਾ ਹੋਤਿ ਪવਾਰਣਾ। ਪવਾਰਣਹਾਰਕਸ੍ਸ ਅਨਾਪਤ੍ਤਿ । ਪવਾਰਣਹਾਰਕੋ ਚੇ, ਭਿਕ੍ਖવੇ, ਦਿਨ੍ਨਾਯ ਪવਾਰਣਾਯ ਸਙ੍ਘਪ੍ਪਤ੍ਤੋ ਪਮਤ੍ਤੋ ਨਾਰੋਚੇਤਿ…ਪੇ॰… ਸਮਾਪਨ੍ਨੋ ਨਾਰੋਚੇਤਿ, ਆਹਟਾ ਹੋਤਿ ਪવਾਰਣਾ। ਪવਾਰਣਹਾਰਕਸ੍ਸ ਅਨਾਪਤ੍ਤਿ।
Pavāraṇahārako ce, bhikkhave, dinnāya pavāraṇāya saṅghappatto sutto nāroceti, āhaṭā hoti pavāraṇā. Pavāraṇahārakassa anāpatti . Pavāraṇahārako ce, bhikkhave, dinnāya pavāraṇāya saṅghappatto pamatto nāroceti…pe… samāpanno nāroceti, āhaṭā hoti pavāraṇā. Pavāraṇahārakassa anāpatti.
ਪવਾਰਣਹਾਰਕੋ ਚੇ, ਭਿਕ੍ਖવੇ , ਦਿਨ੍ਨਾਯ ਪવਾਰਣਾਯ ਸਙ੍ਘਪ੍ਪਤ੍ਤੋ ਸਞ੍ਚਿਚ੍ਚ ਨਾਰੋਚੇਤਿ, ਆਹਟਾ ਹੋਤਿ ਪવਾਰਣਾ। ਪવਾਰਣਹਾਰਕਸ੍ਸ ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਤਦਹੁ ਪવਾਰਣਾਯ ਪવਾਰਣਂ ਦੇਨ੍ਤੇਨ ਛਨ੍ਦਮ੍ਪਿ ਦਾਤੁਂ, ਸਨ੍ਤਿ ਸਙ੍ਘਸ੍ਸ ਕਰਣੀਯਨ੍ਤਿ।
Pavāraṇahārako ce, bhikkhave , dinnāya pavāraṇāya saṅghappatto sañcicca nāroceti, āhaṭā hoti pavāraṇā. Pavāraṇahārakassa āpatti dukkaṭassa. Anujānāmi, bhikkhave, tadahu pavāraṇāya pavāraṇaṃ dentena chandampi dātuṃ, santi saṅghassa karaṇīyanti.
ਪવਾਰਣਾਦਾਨਾਨੁਜਾਨਨਾ ਨਿਟ੍ਠਿਤਾ।
Pavāraṇādānānujānanā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪવਾਰਣਾਦਾਨਾਨੁਜਾਨਨਕਥਾ • Pavāraṇādānānujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪવਾਰਣਾਦਾਨਾਨੁਜਾਨਨਕਥਾવਣ੍ਣਨਾ • Pavāraṇādānānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪવਾਰਣਾਦਾਨਾਨੁਜਾਨਨਕਥਾવਣ੍ਣਨਾ • Pavāraṇādānānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਫਾਸੁવਿਹਾਰਕਥਾਦਿવਣ੍ਣਨਾ • Aphāsuvihārakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੨੧. ਪવਾਰਣਾਭੇਦਕਥਾ • 121. Pavāraṇābhedakathā
