| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
பவாரணாதா³னானுஜானநகதா²
Pavāraṇādānānujānanakathā
213. தி³ன்னா ஹோதி பவாரணாதி எத்த² ஏவங் தி³ன்னாய பவாரணாய பவாரணாஹாரகேன ஸங்க⁴ங் உபஸங்கமித்வா ஏவங் பவாரேதப்³ப³ங் – ‘‘திஸ்ஸோ ப⁴ந்தே பி⁴க்கு² ஸங்க⁴ங் பவாரேதி தி³ட்டே²ன வா ஸுதேன வா பரிஸங்காய வா, வத³து தங் ப⁴ந்தே ஸங்கோ⁴ அனுகம்பங் உபாதா³ய, பஸ்ஸந்தோ படிகரிஸ்ஸதி. து³தியம்பி…பே॰… ததியம்பி ப⁴ந்தே திஸ்ஸோ பி⁴க்கு² ஸங்க⁴ங் பவாரேதி…பே॰… படிகரிஸ்ஸதீ’’தி . ஸசே பன வுட்³ட⁴தரோ ஹோதி, ‘‘ஆயஸ்மா ப⁴ந்தே திஸ்ஸோ’’தி வத்தப்³ப³ங்; ஏவஞ்ஹி தேன தஸ்ஸத்தா²ய பவாரிதங் ஹோதீதி.
213.Dinnā hoti pavāraṇāti ettha evaṃ dinnāya pavāraṇāya pavāraṇāhārakena saṅghaṃ upasaṅkamitvā evaṃ pavāretabbaṃ – ‘‘tisso bhante bhikkhu saṅghaṃ pavāreti diṭṭhena vā sutena vā parisaṅkāya vā, vadatu taṃ bhante saṅgho anukampaṃ upādāya, passanto paṭikarissati. Dutiyampi…pe… tatiyampi bhante tisso bhikkhu saṅghaṃ pavāreti…pe… paṭikarissatī’’ti . Sace pana vuḍḍhataro hoti, ‘‘āyasmā bhante tisso’’ti vattabbaṃ; evañhi tena tassatthāya pavāritaṃ hotīti.
பவாரணங் தெ³ந்தேன ச²ந்த³ம்பி தா³துந்தி எத்த² ச²ந்த³தா³னங் உபோஸத²க்க²ந்த⁴கே வுத்தனயேனேவ வேதி³தப்³ப³ங். இதா⁴பி ச ச²ந்த³தா³னங் அவஸேஸகம்மத்தா²ய. தஸ்மா ஸசே பவாரணங் தெ³ந்தோ ச²ந்த³ங் தே³தி, வுத்தனயேன ஆஹடாய பவாரணாய தேன ச பி⁴க்கு²னா ஸங்கே⁴ன ச பவாரிதமேவ ஹோதி. அத² பவாரணமேவ தே³தி, ந ச²ந்த³ங், தஸ்ஸ ச பவாரணாய ஆரோசிதாய ஸங்கே⁴ன ச பவாரிதே ஸப்³பே³ஸங் ஸுப்பவாரிதங் ஹோதி, அஞ்ஞங் பன கம்மங் குப்பதி. ஸசே ச²ந்த³மேவ தே³தி ந பவாரணங், ஸங்க⁴ஸ்ஸ பவாரணா ச ஸேஸகம்மானி ச ந குப்பந்தி, தேன பன பி⁴க்கு²னா அப்பவாரிதங் ஹோதி. பவாரணதி³வஸே பன ப³ஹிஸீமாயங் பவாரணங் அதி⁴ட்ட²ஹித்வா ஆக³தேனபி ச²ந்தோ³ தா³தப்³போ³, தேன ஸங்க⁴ஸ்ஸ பவாரணகம்மங் ந குப்பதி.
Pavāraṇaṃdentena chandampi dātunti ettha chandadānaṃ uposathakkhandhake vuttanayeneva veditabbaṃ. Idhāpi ca chandadānaṃ avasesakammatthāya. Tasmā sace pavāraṇaṃ dento chandaṃ deti, vuttanayena āhaṭāya pavāraṇāya tena ca bhikkhunā saṅghena ca pavāritameva hoti. Atha pavāraṇameva deti, na chandaṃ, tassa ca pavāraṇāya ārocitāya saṅghena ca pavārite sabbesaṃ suppavāritaṃ hoti, aññaṃ pana kammaṃ kuppati. Sace chandameva deti na pavāraṇaṃ, saṅghassa pavāraṇā ca sesakammāni ca na kuppanti, tena pana bhikkhunā appavāritaṃ hoti. Pavāraṇadivase pana bahisīmāyaṃ pavāraṇaṃ adhiṭṭhahitvā āgatenapi chando dātabbo, tena saṅghassa pavāraṇakammaṃ na kuppati.
218. அஜ்ஜ மே பவாரணாதி எத்த² ஸசே சாதுத்³த³ஸிகா ஹோதி, ‘‘அஜ்ஜ மே பவாரணா சாதுத்³த³ஸீ’’தி ஸசே பன்னரஸிகா ‘‘அஜ்ஜ மே பவாரணா பன்னரஸீ’’தி ஏவங் அதி⁴ட்டா²தப்³ப³ங்.
218.Ajja me pavāraṇāti ettha sace cātuddasikā hoti, ‘‘ajja me pavāraṇā cātuddasī’’ti sace pannarasikā ‘‘ajja me pavāraṇā pannarasī’’ti evaṃ adhiṭṭhātabbaṃ.
219. தத³ஹுபவாரணாய ஆபத்திந்திஆதி³ வுத்தனயமேவ.
219.Tadahupavāraṇāya āpattintiādi vuttanayameva.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
122. பவாரணாதா³னானுஜானநா • 122. Pavāraṇādānānujānanā
124. ஸங்க⁴பவாரணாதி³ப்பபே⁴தா³ • 124. Saṅghapavāraṇādippabhedā
125. ஆபத்திபடிகம்மவிதி⁴ • 125. Āpattipaṭikammavidhi
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பவாரணாதா³னானுஜானநகதா²வண்ணனா • Pavāraṇādānānujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பவாரணாதா³னானுஜானநகதா²வண்ணனா • Pavāraṇādānānujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அபா²ஸுவிஹாரகதா²தி³வண்ணனா • Aphāsuvihārakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 121. பவாரணாபே⁴த³கதா² • 121. Pavāraṇābhedakathā
