| Library / Tipiṭaka / තිපිටක • Tipiṭaka / මහාවග්‌ග-අට්‌ඨකථා • Mahāvagga-aṭṭhakathā |
පවාරණාදානානුජානනකථා
Pavāraṇādānānujānanakathā
213. දින්‌නා හොති පවාරණාති එත්‌ථ එවං දින්‌නාය පවාරණාය පවාරණාහාරකෙන සඞ්‌ඝං උපසඞ්‌කමිත්‌වා එවං පවාරෙතබ්‌බං – ‘‘තිස්‌සො භන්‌තෙ භික්‌ඛු සඞ්‌ඝං පවාරෙති දිට්‌ඨෙන වා සුතෙන වා පරිසඞ්‌කාය වා, වදතු තං භන්‌තෙ සඞ්‌ඝො අනුකම්‌පං උපාදාය, පස්‌සන්‌තො පටිකරිස්‌සති. දුතියම්‌පි…පෙ.… තතියම්‌පි භන්‌තෙ තිස්‌සො භික්‌ඛු සඞ්‌ඝං පවාරෙති…පෙ.… පටිකරිස්‌සතී’’ති . සචෙ පන වුඩ්‌ඪතරො හොති, ‘‘ආයස්‌මා භන්‌තෙ තිස්‌සො’’ති වත්‌තබ්‌බං; එවඤ්‌හි තෙන තස්‌සත්‌ථාය පවාරිතං හොතීති.
213.Dinnā hoti pavāraṇāti ettha evaṃ dinnāya pavāraṇāya pavāraṇāhārakena saṅghaṃ upasaṅkamitvā evaṃ pavāretabbaṃ – ‘‘tisso bhante bhikkhu saṅghaṃ pavāreti diṭṭhena vā sutena vā parisaṅkāya vā, vadatu taṃ bhante saṅgho anukampaṃ upādāya, passanto paṭikarissati. Dutiyampi…pe… tatiyampi bhante tisso bhikkhu saṅghaṃ pavāreti…pe… paṭikarissatī’’ti . Sace pana vuḍḍhataro hoti, ‘‘āyasmā bhante tisso’’ti vattabbaṃ; evañhi tena tassatthāya pavāritaṃ hotīti.
පවාරණං දෙන්‌තෙන ඡන්‌දම්‌පි දාතුන්‌ති එත්‌ථ ඡන්‌දදානං උපොසථක්‌ඛන්‌ධකෙ වුත්‌තනයෙනෙව වෙදිතබ්‌බං. ඉධාපි ච ඡන්‌දදානං අවසෙසකම්‌මත්‌ථාය. තස්‌මා සචෙ පවාරණං දෙන්‌තො ඡන්‌දං දෙති, වුත්‌තනයෙන ආහටාය පවාරණාය තෙන ච භික්‌ඛුනා සඞ්‌ඝෙන ච පවාරිතමෙව හොති. අථ පවාරණමෙව දෙති, න ඡන්‌දං, තස්‌ස ච පවාරණාය ආරොචිතාය සඞ්‌ඝෙන ච පවාරිතෙ සබ්‌බෙසං සුප්‌පවාරිතං හොති, අඤ්‌ඤං පන කම්‌මං කුප්‌පති. සචෙ ඡන්‌දමෙව දෙති න පවාරණං, සඞ්‌ඝස්‌ස පවාරණා ච සෙසකම්‌මානි ච න කුප්‌පන්‌ති, තෙන පන භික්‌ඛුනා අප්‌පවාරිතං හොති. පවාරණදිවසෙ පන බහිසීමායං පවාරණං අධිට්‌ඨහිත්‌වා ආගතෙනපි ඡන්‌දො දාතබ්‌බො, තෙන සඞ්‌ඝස්‌ස පවාරණකම්‌මං න කුප්‌පති.
Pavāraṇaṃdentena chandampi dātunti ettha chandadānaṃ uposathakkhandhake vuttanayeneva veditabbaṃ. Idhāpi ca chandadānaṃ avasesakammatthāya. Tasmā sace pavāraṇaṃ dento chandaṃ deti, vuttanayena āhaṭāya pavāraṇāya tena ca bhikkhunā saṅghena ca pavāritameva hoti. Atha pavāraṇameva deti, na chandaṃ, tassa ca pavāraṇāya ārocitāya saṅghena ca pavārite sabbesaṃ suppavāritaṃ hoti, aññaṃ pana kammaṃ kuppati. Sace chandameva deti na pavāraṇaṃ, saṅghassa pavāraṇā ca sesakammāni ca na kuppanti, tena pana bhikkhunā appavāritaṃ hoti. Pavāraṇadivase pana bahisīmāyaṃ pavāraṇaṃ adhiṭṭhahitvā āgatenapi chando dātabbo, tena saṅghassa pavāraṇakammaṃ na kuppati.
218. අජ්‌ජ මෙ පවාරණාති එත්‌ථ සචෙ චාතුද්‌දසිකා හොති, ‘‘අජ්‌ජ මෙ පවාරණා චාතුද්‌දසී’’ති සචෙ පන්‌නරසිකා ‘‘අජ්‌ජ මෙ පවාරණා පන්‌නරසී’’ති එවං අධිට්‌ඨාතබ්‌බං.
218.Ajja me pavāraṇāti ettha sace cātuddasikā hoti, ‘‘ajja me pavāraṇā cātuddasī’’ti sace pannarasikā ‘‘ajja me pavāraṇā pannarasī’’ti evaṃ adhiṭṭhātabbaṃ.
219. තදහුපවාරණාය ආපත්‌තින්‌තිආදි වුත්‌තනයමෙව.
219.Tadahupavāraṇāya āpattintiādi vuttanayameva.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
122. පවාරණාදානානුජානනා • 122. Pavāraṇādānānujānanā
124. සඞ්‌ඝපවාරණාදිප්‌පභෙදා • 124. Saṅghapavāraṇādippabhedā
125. ආපත්‌තිපටිකම්‌මවිධි • 125. Āpattipaṭikammavidhi
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පවාරණාදානානුජානනකථාවණ්‌ණනා • Pavāraṇādānānujānanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / පවාරණාදානානුජානනකථාවණ්‌ණනා • Pavāraṇādānānujānanakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අඵාසුවිහාරකථාදිවණ්‌ණනා • Aphāsuvihārakathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 121. පවාරණාභෙදකථා • 121. Pavāraṇābhedakathā
