| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਪવਾਰਣਾਦਾਨਾਨੁਜਾਨਨਕਥਾ
Pavāraṇādānānujānanakathā
੨੧੩. ਦਿਨ੍ਨਾ ਹੋਤਿ ਪવਾਰਣਾਤਿ ਏਤ੍ਥ ਏવਂ ਦਿਨ੍ਨਾਯ ਪવਾਰਣਾਯ ਪવਾਰਣਾਹਾਰਕੇਨ ਸਙ੍ਘਂ ਉਪਸਙ੍ਕਮਿਤ੍વਾ ਏવਂ ਪવਾਰੇਤਬ੍ਬਂ – ‘‘ਤਿਸ੍ਸੋ ਭਨ੍ਤੇ ਭਿਕ੍ਖੁ ਸਙ੍ਘਂ ਪવਾਰੇਤਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ, વਦਤੁ ਤਂ ਭਨ੍ਤੇ ਸਙ੍ਘੋ ਅਨੁਕਮ੍ਪਂ ਉਪਾਦਾਯ, ਪਸ੍ਸਨ੍ਤੋ ਪਟਿਕਰਿਸ੍ਸਤਿ। ਦੁਤਿਯਮ੍ਪਿ…ਪੇ॰… ਤਤਿਯਮ੍ਪਿ ਭਨ੍ਤੇ ਤਿਸ੍ਸੋ ਭਿਕ੍ਖੁ ਸਙ੍ਘਂ ਪવਾਰੇਤਿ…ਪੇ॰… ਪਟਿਕਰਿਸ੍ਸਤੀ’’ਤਿ । ਸਚੇ ਪਨ વੁਡ੍ਢਤਰੋ ਹੋਤਿ, ‘‘ਆਯਸ੍ਮਾ ਭਨ੍ਤੇ ਤਿਸ੍ਸੋ’’ਤਿ વਤ੍ਤਬ੍ਬਂ; ਏવਞ੍ਹਿ ਤੇਨ ਤਸ੍ਸਤ੍ਥਾਯ ਪવਾਰਿਤਂ ਹੋਤੀਤਿ।
213.Dinnā hoti pavāraṇāti ettha evaṃ dinnāya pavāraṇāya pavāraṇāhārakena saṅghaṃ upasaṅkamitvā evaṃ pavāretabbaṃ – ‘‘tisso bhante bhikkhu saṅghaṃ pavāreti diṭṭhena vā sutena vā parisaṅkāya vā, vadatu taṃ bhante saṅgho anukampaṃ upādāya, passanto paṭikarissati. Dutiyampi…pe… tatiyampi bhante tisso bhikkhu saṅghaṃ pavāreti…pe… paṭikarissatī’’ti . Sace pana vuḍḍhataro hoti, ‘‘āyasmā bhante tisso’’ti vattabbaṃ; evañhi tena tassatthāya pavāritaṃ hotīti.
ਪવਾਰਣਂ ਦੇਨ੍ਤੇਨ ਛਨ੍ਦਮ੍ਪਿ ਦਾਤੁਨ੍ਤਿ ਏਤ੍ਥ ਛਨ੍ਦਦਾਨਂ ਉਪੋਸਥਕ੍ਖਨ੍ਧਕੇ વੁਤ੍ਤਨਯੇਨੇવ વੇਦਿਤਬ੍ਬਂ। ਇਧਾਪਿ ਚ ਛਨ੍ਦਦਾਨਂ ਅવਸੇਸਕਮ੍ਮਤ੍ਥਾਯ। ਤਸ੍ਮਾ ਸਚੇ ਪવਾਰਣਂ ਦੇਨ੍ਤੋ ਛਨ੍ਦਂ ਦੇਤਿ, વੁਤ੍ਤਨਯੇਨ ਆਹਟਾਯ ਪવਾਰਣਾਯ ਤੇਨ ਚ ਭਿਕ੍ਖੁਨਾ ਸਙ੍ਘੇਨ ਚ ਪવਾਰਿਤਮੇવ ਹੋਤਿ। ਅਥ ਪવਾਰਣਮੇવ ਦੇਤਿ, ਨ ਛਨ੍ਦਂ, ਤਸ੍ਸ ਚ ਪવਾਰਣਾਯ ਆਰੋਚਿਤਾਯ ਸਙ੍ਘੇਨ ਚ ਪવਾਰਿਤੇ ਸਬ੍ਬੇਸਂ ਸੁਪ੍ਪવਾਰਿਤਂ ਹੋਤਿ, ਅਞ੍ਞਂ ਪਨ ਕਮ੍ਮਂ ਕੁਪ੍ਪਤਿ। ਸਚੇ ਛਨ੍ਦਮੇવ ਦੇਤਿ ਨ ਪવਾਰਣਂ, ਸਙ੍ਘਸ੍ਸ ਪવਾਰਣਾ ਚ ਸੇਸਕਮ੍ਮਾਨਿ ਚ ਨ ਕੁਪ੍ਪਨ੍ਤਿ, ਤੇਨ ਪਨ ਭਿਕ੍ਖੁਨਾ ਅਪ੍ਪવਾਰਿਤਂ ਹੋਤਿ। ਪવਾਰਣਦਿવਸੇ ਪਨ ਬਹਿਸੀਮਾਯਂ ਪવਾਰਣਂ ਅਧਿਟ੍ਠਹਿਤ੍વਾ ਆਗਤੇਨਪਿ ਛਨ੍ਦੋ ਦਾਤਬ੍ਬੋ, ਤੇਨ ਸਙ੍ਘਸ੍ਸ ਪવਾਰਣਕਮ੍ਮਂ ਨ ਕੁਪ੍ਪਤਿ।
Pavāraṇaṃdentena chandampi dātunti ettha chandadānaṃ uposathakkhandhake vuttanayeneva veditabbaṃ. Idhāpi ca chandadānaṃ avasesakammatthāya. Tasmā sace pavāraṇaṃ dento chandaṃ deti, vuttanayena āhaṭāya pavāraṇāya tena ca bhikkhunā saṅghena ca pavāritameva hoti. Atha pavāraṇameva deti, na chandaṃ, tassa ca pavāraṇāya ārocitāya saṅghena ca pavārite sabbesaṃ suppavāritaṃ hoti, aññaṃ pana kammaṃ kuppati. Sace chandameva deti na pavāraṇaṃ, saṅghassa pavāraṇā ca sesakammāni ca na kuppanti, tena pana bhikkhunā appavāritaṃ hoti. Pavāraṇadivase pana bahisīmāyaṃ pavāraṇaṃ adhiṭṭhahitvā āgatenapi chando dātabbo, tena saṅghassa pavāraṇakammaṃ na kuppati.
੨੧੮. ਅਜ੍ਜ ਮੇ ਪવਾਰਣਾਤਿ ਏਤ੍ਥ ਸਚੇ ਚਾਤੁਦ੍ਦਸਿਕਾ ਹੋਤਿ, ‘‘ਅਜ੍ਜ ਮੇ ਪવਾਰਣਾ ਚਾਤੁਦ੍ਦਸੀ’’ਤਿ ਸਚੇ ਪਨ੍ਨਰਸਿਕਾ ‘‘ਅਜ੍ਜ ਮੇ ਪવਾਰਣਾ ਪਨ੍ਨਰਸੀ’’ਤਿ ਏવਂ ਅਧਿਟ੍ਠਾਤਬ੍ਬਂ।
218.Ajja me pavāraṇāti ettha sace cātuddasikā hoti, ‘‘ajja me pavāraṇā cātuddasī’’ti sace pannarasikā ‘‘ajja me pavāraṇā pannarasī’’ti evaṃ adhiṭṭhātabbaṃ.
੨੧੯. ਤਦਹੁਪવਾਰਣਾਯ ਆਪਤ੍ਤਿਨ੍ਤਿਆਦਿ વੁਤ੍ਤਨਯਮੇવ।
219.Tadahupavāraṇāya āpattintiādi vuttanayameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੨੨. ਪવਾਰਣਾਦਾਨਾਨੁਜਾਨਨਾ • 122. Pavāraṇādānānujānanā
੧੨੪. ਸਙ੍ਘਪવਾਰਣਾਦਿਪ੍ਪਭੇਦਾ • 124. Saṅghapavāraṇādippabhedā
੧੨੫. ਆਪਤ੍ਤਿਪਟਿਕਮ੍ਮવਿਧਿ • 125. Āpattipaṭikammavidhi
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪવਾਰਣਾਦਾਨਾਨੁਜਾਨਨਕਥਾવਣ੍ਣਨਾ • Pavāraṇādānānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਪવਾਰਣਾਦਾਨਾਨੁਜਾਨਨਕਥਾવਣ੍ਣਨਾ • Pavāraṇādānānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਫਾਸੁવਿਹਾਰਕਥਾਦਿવਣ੍ਣਨਾ • Aphāsuvihārakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੨੧. ਪવਾਰਣਾਭੇਦਕਥਾ • 121. Pavāraṇābhedakathā
