Library / Tipiṭaka / තිපිටක • Tipiṭaka / විනයවිනිච්ඡය-උත්තරවිනිච්ඡය • Vinayavinicchaya-uttaravinicchaya |
පවාරණක්ඛන්ධකකථා
Pavāraṇakkhandhakakathā
2633.
2633.
චාතුද්දසී පඤ්චදසී, සාමග්ගී ච පවාරණා;
Cātuddasī pañcadasī, sāmaggī ca pavāraṇā;
තෙවාචී ද්වෙකවාචී ච, සඞ්ඝෙ ච ගණපුග්ගලෙ.
Tevācī dvekavācī ca, saṅghe ca gaṇapuggale.
2634.
2634.
එතා පන මුනින්දෙන, වුත්තා නව පවාරණා;
Etā pana munindena, vuttā nava pavāraṇā;
තීණි කම්මානි මුඤ්චිත්වා, අන්තෙනෙව පවාරයෙ.
Tīṇi kammāni muñcitvā, anteneva pavāraye.
2635.
2635.
පුබ්බකිච්චං සමාපෙත්වා, පත්තකල්ලෙ සමානිතෙ;
Pubbakiccaṃ samāpetvā, pattakalle samānite;
ඤත්තිං ඨපෙත්වා සඞ්ඝෙන, කත්තබ්බා හි පවාරණා.
Ñattiṃ ṭhapetvā saṅghena, kattabbā hi pavāraṇā.
2636.
2636.
පවාරෙන්තෙසු ථෙරෙසු, නිසීදෙය්ය නවො පන;
Pavārentesu theresu, nisīdeyya navo pana;
සයං යාව පවාරෙය්ය, තාව උක්කුටිකඤ්හි සො.
Sayaṃ yāva pavāreyya, tāva ukkuṭikañhi so.
2637.
2637.
ඤත්තිං වත්වා පවාරෙය්යුං, චත්තාරො වා තයොපි වා;
Ñattiṃ vatvā pavāreyyuṃ, cattāro vā tayopi vā;
පුබ්බකිච්චං සමාපෙත්වා, එකාවාසෙ වසන්ති චෙ.
Pubbakiccaṃ samāpetvā, ekāvāse vasanti ce.
2638.
2638.
අඤ්ඤමඤ්ඤං පවාරෙය්යුං, විනා ඤත්තිං දුවෙ ජනා;
Aññamaññaṃ pavāreyyuṃ, vinā ñattiṃ duve janā;
අධිට්ඨෙය්ය පනෙකොපි, සෙසා සඞ්ඝපවාරණා.
Adhiṭṭheyya panekopi, sesā saṅghapavāraṇā.
2639.
2639.
පවාරිතෙ ච සඞ්ඝස්මිං, කරෙය්යනාගතො පන;
Pavārite ca saṅghasmiṃ, kareyyanāgato pana;
අවුට්ඨො ඡින්නවස්සො වා, පාරිසුද්ධිඋපොසථං.
Avuṭṭho chinnavasso vā, pārisuddhiuposathaṃ.
2640.
2640.
පඤ්ච යස්මිං පනාවාසෙ, චත්තාරො වා තයොපි වා;
Pañca yasmiṃ panāvāse, cattāro vā tayopi vā;
එකෙකස්ස හරිත්වාන, සමණා තෙ පවාරණං.
Ekekassa haritvāna, samaṇā te pavāraṇaṃ.
2641.
2641.
අඤ්ඤමඤ්ඤං පවාරෙන්ති, සචෙ ආපත්ති දුක්කටං;
Aññamaññaṃ pavārenti, sace āpatti dukkaṭaṃ;
සෙසං උපොසථෙ වුත්ත-නයෙනිධ නයෙ බුධො.
Sesaṃ uposathe vutta-nayenidha naye budho.
2642.
2642.
පාරිසුද්ධිප්පදානෙන, සම්පාදෙතත්තනො සුචිං;
Pārisuddhippadānena, sampādetattano suciṃ;
ඡන්දදානෙන සඞ්ඝස්ස, සබ්බං සාධෙති, නත්තනො.
Chandadānena saṅghassa, sabbaṃ sādheti, nattano.
2643.
2643.
තස්මා පන උභින්නම්පි, කිච්චසිද්ධත්ථමෙවිධ;
Tasmā pana ubhinnampi, kiccasiddhatthamevidha;
පාරිසුද්ධිපි දාතබ්බා, ඡන්දං දෙන්තෙන භික්ඛුනා.
Pārisuddhipi dātabbā, chandaṃ dentena bhikkhunā.
2644.
2644.
ඡන්දෙකෙන බහූනම්පි, හාතබ්බො පාරිසුද්ධිපි;
Chandekena bahūnampi, hātabbo pārisuddhipi;
පරම්පරාහටො ඡන්දො, න ගච්ඡති විසුද්ධියා.
Paramparāhaṭo chando, na gacchati visuddhiyā.
2645.
2645.
ඡන්දං වා පාරිසුද්ධිං වා, ගහෙත්වා වා පවාරණං;
Chandaṃ vā pārisuddhiṃ vā, gahetvā vā pavāraṇaṃ;
සාමණෙරාදිභාවං වා, පටිජානෙය්ය හාරකො.
Sāmaṇerādibhāvaṃ vā, paṭijāneyya hārako.
2646.
2646.
සචෙ සො සඞ්ඝමප්පත්වා, විබ්භමෙය්ය මරෙය්ය වා;
Sace so saṅghamappatvā, vibbhameyya mareyya vā;
නාහටඤ්චෙව තං සබ්බං, පත්වා චෙවං සියාහටං.
Nāhaṭañceva taṃ sabbaṃ, patvā cevaṃ siyāhaṭaṃ.
2647.
2647.
සඞ්ඝං පත්වා පමත්තො වා, සුත්තො වා ඛිත්තචිත්තකො;
Saṅghaṃ patvā pamatto vā, sutto vā khittacittako;
නාරොචෙති අනාපත්ති, හොති සඤ්චිච්ච දුක්කටං.
Nāroceti anāpatti, hoti sañcicca dukkaṭaṃ.
2648.
2648.
යෙ තෙ විපස්සනායුත්තා, රත්තින්දිවමතන්දිතා;
Ye te vipassanāyuttā, rattindivamatanditā;
පුබ්බරත්තාපරරත්තං, විපස්සනපරායණා.
Pubbarattāpararattaṃ, vipassanaparāyaṇā.
2649.
2649.
ලද්ධඵාසුවිහාරානං, සියා න පරිහානිති;
Laddhaphāsuvihārānaṃ, siyā na parihāniti;
පවාරණාය සඞ්ගාහො, වුත්තො කත්තිකමාසකෙ.
Pavāraṇāya saṅgāho, vutto kattikamāsake.
පවාරණක්ඛන්ධකකථා.
Pavāraṇakkhandhakakathā.