| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੪੫. ਪવਾਰਣਾਨਿਦ੍ਦੇਸવਣ੍ਣਨਾ
45. Pavāraṇāniddesavaṇṇanā
੪੩੩. ‘‘ਅਨੁਜਾਨਾਮਿ , ਭਿਕ੍ਖવੇ, ਪਞ੍ਚਨ੍ਨਂ ਸਙ੍ਘੇ ਪવਾਰੇਤੁ’’ਨ੍ਤਿ (ਮਹਾવ॰ ੨੧੫) વੁਤ੍ਤਤ੍ਤਾ ‘‘ਸੇਸਾ ਸਙ੍ਘਪ੍ਪવਾਰਣਾ’’ਤਿ (ਮਹਾવ॰ ੨੧੫ ਆਦਯੋ) વੁਤ੍ਤਾ।
433. ‘‘Anujānāmi , bhikkhave, pañcannaṃ saṅghe pavāretu’’nti (mahāva. 215) vuttattā ‘‘sesā saṅghappavāraṇā’’ti (mahāva. 215 ādayo) vuttā.
੪੩੪. ਅਜ੍ਜ ਪવਾਰਣਾਤਿ ਏਤ੍ਥ (ਮਹਾવ॰ ੨੧੫ ਆਦਯੋ) ਪਨ ਚਾਤੁਦ੍ਦਸਿਕਾਯ ਪવਾਰਣਾਯ ‘‘ਅਜ੍ਜ ਪવਾਰਣਾ ਚਾਤੁਦ੍ਦਸੀ’’ਤਿ ਪੁਬ੍ਬਕਿਚ੍ਚਂ ਕਾਤਬ੍ਬਂ, ਪਨ੍ਨਰਸਿਯਂ ‘‘ਅਜ੍ਜ ਪવਾਰਣਾ ਪਨ੍ਨਰਸੀ’’ਤਿ।
434.Ajja pavāraṇāti ettha (mahāva. 215 ādayo) pana cātuddasikāya pavāraṇāya ‘‘ajja pavāraṇā cātuddasī’’ti pubbakiccaṃ kātabbaṃ, pannarasiyaṃ ‘‘ajja pavāraṇā pannarasī’’ti.
੪੩੭. ਥੇਰੇਸੁ ਉਕ੍ਕੁਟਿਕਂ ਨਿਸਜ੍ਜ ਪવਾਰੇਨ੍ਤੇਸੁ ਸਯਂ ਪਨ ਨવੋ ਯਾવ ਪવਾਰੇਤਿ, ਤਾવ ਉਕ੍ਕੁਟਿਕੋવ ਅਚ੍ਛਤੂਤਿ ਅਤ੍ਥੋ। ‘‘ਨ ਭਿਕ੍ਖવੇ ਥੇਰੇਸੁ ਉਕ੍ਕੁਟਿਕਂ ਨਿਸਿਨ੍ਨੇਸੁ ਪવਾਰਯਮਾਨੇਸੁ ਆਸਨੇਸੁ ਅਚ੍ਛਿਤਬ੍ਬਂ। ਯੋ ਅਚ੍ਛੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਤਦਮਨ੍ਤਰਾ ਉਕ੍ਕੁਟਿਕਂ ਨਿਸੀਦਿਤੁਂ, ਯਾવ ਪવਾਰੇਤਿ, ਪવਾਰੇਤ੍વਾ ਆਸਨੇ ਨਿਸੀਦਿਤੁ’’ਨ੍ਤਿ (ਮਹਾવ॰ ੨੧੧) ਹਿ વੁਤ੍ਤਂ।
437. Theresu ukkuṭikaṃ nisajja pavārentesu sayaṃ pana navo yāva pavāreti, tāva ukkuṭikova acchatūti attho. ‘‘Na bhikkhave theresu ukkuṭikaṃ nisinnesu pavārayamānesu āsanesu acchitabbaṃ. Yo accheyya, āpatti dukkaṭassa. Anujānāmi, bhikkhave, tadamantarā ukkuṭikaṃ nisīdituṃ, yāva pavāreti, pavāretvā āsane nisīditu’’nti (mahāva. 211) hi vuttaṃ.
੪੪੦-੨. ਏવਂ ਤੇવਾਚਿਕਪ੍ਪવਾਰਣਂ ਦਸ੍ਸੇਤ੍વਾ ਇਦਾਨਿ ਦ੍વੇવਾਚਿਕਏਕવਾਚਿਕਸਮਾਨવਸ੍ਸਿਕਪ੍ਪવਾਰਣਾਸੁ ਕਤ੍ਤਬ੍ਬਂ ਦਸ੍ਸੇਤੁਂ ‘‘ਦਾਨੇਨਾ’’ਤਿਆਦਿਮਾਹ। ਤਤ੍ਥ ਦਾਨੇਨਾਤਿ ਦਾਨੇਨ વਾ। ਧਮ੍ਮਸਾਕਚ੍ਛਾਤਿ ਇਮਿਨਾ ਧਮ੍ਮਕਥਾਸੁਤ੍ਤਸਙ੍ਗਾਯਨਾવਿਨਯવਿਨਿਚ੍ਛਯਾਦਯੋ ਗਹਿਤਾ। ਦਾਨੇਨ વਾ ਧਮ੍ਮਸਾਕਚ੍ਛਾਯ વਾ ਕਲਹੇਨ વਾ ਰਤ੍ਤਿਯਾ ਖੇਪਿਤਭਾવਤੋ ਤੇવਾਚਿਕਾਯ ਓਕਾਸੇ ਅਸਤਿ ਦਸવਿਧੇ વਾ ਅਨ੍ਤਰਾਯੇ ਅਨੁਰੂਪਤੋ ਉਤ੍ਤਿਂ ਠਪੇਤ੍વਾ ਪવਾਰੇਯ੍ਯਾਤਿ ਸਮ੍ਬਨ੍ਧੋ।
440-2. Evaṃ tevācikappavāraṇaṃ dassetvā idāni dvevācikaekavācikasamānavassikappavāraṇāsu kattabbaṃ dassetuṃ ‘‘dānenā’’tiādimāha. Tattha dānenāti dānena vā. Dhammasākacchāti iminā dhammakathāsuttasaṅgāyanāvinayavinicchayādayo gahitā. Dānena vā dhammasākacchāya vā kalahena vā rattiyā khepitabhāvato tevācikāya okāse asati dasavidhe vā antarāye anurūpato uttiṃ ṭhapetvā pavāreyyāti sambandho.
ਇਦਾਨਿ ਯਥਾਨੁਰੂਪਤੋ ਞਤ੍ਤਿ ਠਪਿਤਾ, ਤਂ ਦਸ੍ਸੇਤੁਂ ‘‘ਸੁਣਾਤੁ ਮੇ’’ਤਿਆਦਿਮਾਹ। ਯਥਾਠਪਿਤਞਤ੍ਤਿਯਾਤਿ ਏਤ੍ਥ ਸਬ੍ਬਸਙ੍ਗਾਹਿਕਾਚੇਞਤ੍ਤਿਠਪਿਤਾ, ਤੇવਾਚਿਕਦ੍વੇવਾਚਿਕਏਕવਾਚਿਕਾਨਂ વਸੇਨ ਪવਾਰੇਤਬ੍ਬਂ, ਸਮਾਨવਸ੍ਸਿਕਪ੍ਪવਾਰਣਾવ ਏਕਾ ਨ વਟ੍ਟਤਿ। ਸਚੇ ‘‘ਸਙ੍ਘੋ ਤੇવਾਚਿਕਂ ਪવਾਰੇਯ੍ਯਾ’’ਤਿ ਠਪਿਤਾ, ਤੇવਾਚਿਕਾ ਏવ વਟ੍ਟਤਿ, ਦ੍વੇવਾਚਿਕਾਦਯੋ ਨ વਟ੍ਟਨ੍ਤਿ। ‘‘ਦ੍વੇવਾਚਿਕਂ ਪવਾਰੇਯ੍ਯਾ’’ਤਿ વੁਤ੍ਤੇ ਦ੍વੇવਾਚਿਕਞ੍ਚ ਤੇવਾਚਿਕਞ੍ਚ વਟ੍ਟਤਿ, ਏਕવਾਚਿਕਸਮਾਨવਸ੍ਸਿਕਾ ਨ વਟ੍ਟਨ੍ਤਿ। ‘‘ਏਕવਾਚਿਕਂ ਪવਾਰੇਯ੍ਯਾ’’ਤਿ વੁਤ੍ਤੇ ਪਨ ਸਮਾਨવਸ੍ਸਿਕਂ ਠਪੇਤ੍વਾ ਸੇਸਾ વਟ੍ਟਨ੍ਤਿ। ‘‘ਸਮਾਨવਸ੍ਸਿਕ’’ਨ੍ਤਿ ਪਨ વੁਤ੍ਤੇ ਸਬ੍ਬਂ વਟ੍ਟਤੀਤਿ। ਆਦਿਕੇ ਚੇਤ੍ਥ ਆਹਰੇਤਿ ਏਤ੍ਥ ਪવਾਰਣਾਯਪਿ ਪੁਬ੍ਬੇ ਉਪੋਸਥੇ વੁਤ੍ਤੇ ‘‘ਯਦਿ ਸਮਾ ਆਗਚ੍ਛੇਯ੍ਯੁ’’ਨ੍ਤਿਆਦਿਕੇ વਾਰੇ ਆਹਰੇਤਿ ਅਤ੍ਥੋ।
Idāni yathānurūpato ñatti ṭhapitā, taṃ dassetuṃ ‘‘suṇātu me’’tiādimāha. Yathāṭhapitañattiyāti ettha sabbasaṅgāhikāceñattiṭhapitā, tevācikadvevācikaekavācikānaṃ vasena pavāretabbaṃ, samānavassikappavāraṇāva ekā na vaṭṭati. Sace ‘‘saṅgho tevācikaṃ pavāreyyā’’ti ṭhapitā, tevācikā eva vaṭṭati, dvevācikādayo na vaṭṭanti. ‘‘Dvevācikaṃ pavāreyyā’’ti vutte dvevācikañca tevācikañca vaṭṭati, ekavācikasamānavassikā na vaṭṭanti. ‘‘Ekavācikaṃ pavāreyyā’’ti vutte pana samānavassikaṃ ṭhapetvā sesā vaṭṭanti. ‘‘Samānavassika’’nti pana vutte sabbaṃ vaṭṭatīti. Ādike cettha āhareti ettha pavāraṇāyapi pubbe uposathe vutte ‘‘yadi samā āgaccheyyu’’ntiādike vāre āhareti attho.
੪੪੩. ਇਦਾਨਿ વਤ੍ਤਬ੍ਬਂ ਸਨ੍ਧਾਯ ‘‘ਏવ’’ਨ੍ਤਿ વੁਤ੍ਤਂ। ਤਿવਗ੍ਗੋ ਚ ਚਤੁવਗ੍ਗੋ ਚ ਤਿਚਤੁવਗ੍ਗੋ।
443. Idāni vattabbaṃ sandhāya ‘‘eva’’nti vuttaṃ. Tivaggo ca catuvaggo ca ticatuvaggo.
੪੫੦. ‘‘ਨ ਭਿਕ੍ਖવੇ ਸਾਪਤ੍ਤਿਕੇਨ ਪવਾਰੇਤਬ੍ਬਂ। ਯੋ ਪવਾਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ (ਮਹਾવ॰ ੨੩੫) વੁਤ੍ਤਤ੍ਤਾ ਸਾਪਤ੍ਤਿਕੇਨਪਿ વੇਮਤਿਕੇਨਪਿ ਪવਾਰਿਯਮਾਨੇ ਆਪਤ੍ਤਿਂ ਸਰਨ੍ਤੇਨਪਿ ਉਪੋਸਥੇ વੁਤ੍ਤਨਯੇਨ ਪਟਿਪਜ੍ਜਿਤਬ੍ਬਂ। ‘‘વਗ੍ਗੇ ਸਮਗ੍ਗੇ વਗ੍ਗੋਤਿ-ਸਞ੍ਞਿਨੋ વਿਮਤਿਸ੍ਸ વਾ’’ਤਿਆਦਿਗਾਥਾਤੋ ਪਟ੍ਠਾਯ ਯਾવ ‘‘ਅਨ੍ਤਰਾਯਂ વ ਸਙ੍ਘਂ વਾ-ਧਿਟ੍ਠਾਤੁਂ ਸੀਮਮੇવ વਾ’’ਤਿ ਅવਸਾਨਗਾਥਾ, ਤਾવ ਸੇਸਾ ਉਪੋਸਥੇ વੁਤ੍ਤਾ ਗਾਥਾਯੋਤਿ ਅਧਿਪ੍ਪੇਤਾ।
450. ‘‘Na bhikkhave sāpattikena pavāretabbaṃ. Yo pavāreyya, āpatti dukkaṭassā’’ti (mahāva. 235) vuttattā sāpattikenapi vematikenapi pavāriyamāne āpattiṃ sarantenapi uposathe vuttanayena paṭipajjitabbaṃ. ‘‘Vagge samagge vaggoti-saññino vimatissa vā’’tiādigāthāto paṭṭhāya yāva ‘‘antarāyaṃ va saṅghaṃ vā-dhiṭṭhātuṃ sīmameva vā’’ti avasānagāthā, tāva sesā uposathe vuttā gāthāyoti adhippetā.
੪੫੧. ਪવਾਰਿਤੇ ਚਾਤਿ (ਮਹਾવ॰ ੨੧੩ ਆਦਯੋ) ਪਠਮਪવਾਰਣਾਯ ਸਙ੍ਘਮ੍ਹਿ ਪવਾਰਿਤੇਤਿ ਅਧਿਪ੍ਪਾਯੋ। ਏਤ੍ਥ ਅવੁਤ੍ਥੋਤਿ ਪਚ੍ਛਿਮਿਕਾਯ ਉਪਗਤੋ ਅਪਰਿਨਿਟ੍ਠਿਤਤ੍ਤਾ ‘‘ਅવੁਤ੍ਥੋ’’ਤਿ વੁਚ੍ਚਤਿ।
451.Pavāritecāti (mahāva. 213 ādayo) paṭhamapavāraṇāya saṅghamhi pavāriteti adhippāyo. Ettha avutthoti pacchimikāya upagato apariniṭṭhitattā ‘‘avuttho’’ti vuccati.
੪੫੨. ਚਾਤੁਮਾਸਿਨੀਤਿ ਕਤ੍ਤਿਕਪੁਣ੍ਣਮੀ। ਏਤ੍ਥ વੁਤ੍ਥવਸ੍ਸਾ ਨਾਮ ਪਚ੍ਛਿਮਿਕਾਯ ਉਪਗਤਾ। ਪવਾਰਣਾવਿਨਿਚ੍ਛਯੋ।
452.Cātumāsinīti kattikapuṇṇamī. Ettha vutthavassā nāma pacchimikāya upagatā. Pavāraṇāvinicchayo.
ਪવਾਰਣਾਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Pavāraṇāniddesavaṇṇanā niṭṭhitā.
