| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
பவாரணாஸங்க³ஹகதா²
Pavāraṇāsaṅgahakathā
241. அஞ்ஞதரோ பா²ஸுவிஹாரோதி தருணஸமதோ² வா தருணவிபஸ்ஸனா வா. பரிபா³ஹிரா ப⁴விஸ்ஸாமாதி அனிப³த்³த⁴ரத்திட்டா²னதி³வாட்டா²னாதி³பா⁴வேன பா⁴வனானுயோக³ங் ஸம்பாதே³துங் அஸக்கொந்தா பா³ஹிரா ப⁴விஸ்ஸாம. ஸப்³பே³ஹேவ ஏகஜ்ஜ²ங் ஸன்னிபதிதப்³ப³ந்தி இமினா ச²ந்த³தா³னங் படிக்கி²பதி. பி⁴ன்னஸ்ஸ ஹி ஸங்க⁴ஸ்ஸ ஸமக்³க³கரணகாலே திணவத்தா²ரகஸமதே² இமஸ்மிஞ்ச பவாரணாஸங்க³ஹேதி இமேஸு தீஸு டா²னேஸு ச²ந்த³ங் தா³துங் ந வட்டதி. பவாரணாஸங்க³ஹோ நாமாயங் விஸ்ஸட்ட²கம்மட்டா²னானங் தா²மக³தஸமத²விபஸ்ஸனானங் ஸோதாபன்னாதீ³னஞ்ச ந தா³தப்³போ³. தருணஸமத²விபஸ்ஸனாலாபி⁴னோ பன ஸப்³பே³ வா ஹொந்து, உபட்³டா⁴ வா, ஏகபுக்³க³லோ வா ஏகஸ்ஸபி வஸேன தா³தப்³போ³யேவ. தி³ன்னே பவாரணாஸங்க³ஹே அந்தோவஸ்ஸே பரிஹாரோவ ஹோதி, ஆக³ந்துகா தேஸங் ஸேனாஸனங் க³ஹேதுங் ந லப⁴ந்தி. தேஹிபி சி²ன்னவஸ்ஸேஹி ந ப⁴விதப்³ப³ங், பவாரெத்வா பன அந்தராபி சாரிகங் பக்கமிதுங் லப⁴ந்தீதி த³ஸ்ஸனத்த²ங் ‘‘தேஹி சே பி⁴க்க²வே’’திஆதி³மாஹ. ஸேஸங் ஸப்³ப³த்த² உத்தானமேவாதி.
241.Aññataro phāsuvihāroti taruṇasamatho vā taruṇavipassanā vā. Paribāhirā bhavissāmāti anibaddharattiṭṭhānadivāṭṭhānādibhāvena bhāvanānuyogaṃ sampādetuṃ asakkontā bāhirā bhavissāma. Sabbeheva ekajjhaṃ sannipatitabbanti iminā chandadānaṃ paṭikkhipati. Bhinnassa hi saṅghassa samaggakaraṇakāle tiṇavatthārakasamathe imasmiñca pavāraṇāsaṅgaheti imesu tīsu ṭhānesu chandaṃ dātuṃ na vaṭṭati. Pavāraṇāsaṅgaho nāmāyaṃ vissaṭṭhakammaṭṭhānānaṃ thāmagatasamathavipassanānaṃ sotāpannādīnañca na dātabbo. Taruṇasamathavipassanālābhino pana sabbe vā hontu, upaḍḍhā vā, ekapuggalo vā ekassapi vasena dātabboyeva. Dinne pavāraṇāsaṅgahe antovasse parihārova hoti, āgantukā tesaṃ senāsanaṃ gahetuṃ na labhanti. Tehipi chinnavassehi na bhavitabbaṃ, pavāretvā pana antarāpi cārikaṃ pakkamituṃ labhantīti dassanatthaṃ ‘‘tehi ce bhikkhave’’tiādimāha. Sesaṃ sabbattha uttānamevāti.
பவாரணாக்க²ந்த⁴கவண்ணனா நிட்டி²தா.
Pavāraṇākkhandhakavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 145. பவாரணாஸங்க³ஹோ • 145. Pavāraṇāsaṅgaho
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பவாரணாஸங்க³ஹகதா²வண்ணனா • Pavāraṇāsaṅgahakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பவாரணாஸங்க³ஹகதா²வண்ணனா • Pavāraṇāsaṅgahakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 145. பவாரணாஸங்க³ஹகதா² • 145. Pavāraṇāsaṅgahakathā
