| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
145. பவாரணாஸங்க³ஹகதா²
145. Pavāraṇāsaṅgahakathā
241. அஞ்ஞதரோ பா²ஸுவிஹாரோதி எத்த² பா²ஸுவிஹாரோ நாம கோதி ஆஹ ‘‘தருணஸமதோ² வா தருணவிபஸ்ஸனா வா’’தி. இமினா தருணஸமத²விபஸ்ஸனா பா²ஸுங் விஹரதி அனேனாதி பா²ஸுவிஹாரோதி த³ஸ்ஸேதி. பரிபா³ஹிரா ப⁴விஸ்ஸாமாதி எத்த² கஸ்மா இமம்ஹா பா²ஸுவிஹாரா பரிபா³ஹிரா ப⁴விஸ்ஸந்தீதி ஆஹ ‘‘அனிப³த்³த⁴ரத்திட்டா²னதி³வாட்டா²னாதி³பா⁴வேனா’’திஆதி³. தத்த² அனிப³த்³த⁴ரத்திட்டா²னதி³வாட்டா²னாதி³பா⁴வேனாதி அனிப³த்³த⁴தி³வாட்டா²னாதி³பா⁴வேன ஹேதுபூ⁴தேன, அஸக்கொந்தாதி ஸம்ப³ந்தோ⁴. ஆதி³ஸத்³தே³ன அனிப³த்³த⁴சங்கமாத³யோ ஸங்க³ண்ஹாதி. ‘‘ச²ந்த³தா³னங் படிக்கி²பதீ’’தி இமினா ‘‘ஸப்³பே³ஹேவ ஏகஜ்ஜ²ங் ஸன்னிபதிதப்³ப³’’ந்தி வாக்யஸ்ஸ அஞ்ஞத்தா²போஹனங் த³ஸ்ஸேதி. ஹீதி ஸச்சங், யஸ்மா வா. இமேஸு தீஸு ச²ந்த³தா³னங் ந வட்டதி, தஸ்மா படிக்கி²பதீதி யோஜனா. அயங் பவாரணாஸங்க³ஹோ நாம ந தா³தப்³போ³தி யோஜனா. தருணஸமத²விபஸ்ஸனாலாபீ⁴ ஏகபுக்³க³லோ வா ஹோதூதி யோஜனா. ‘‘ஏகஸ்ஸபி தா³தப்³போ³யேவா’’தி இமினா அயங் பவாரணாஸங்க³ஹோ ஏகஸ்ஸ தி³ன்னோபி ஸப்³பே³ஸங் தி³ன்னோ ஹோதீதி த³ஸ்ஸேதி. பவாரணாஸங்க³ஹே தி³ன்னே ஸதீதி யோஜனா. ஆக³ந்துகாதி ஸட்டி²வஸ்ஸாபி ஆக³ந்துகா. தேஸந்தி தி³ன்னபவாரணாஸங்க³ஹானங். அந்தராபீதி கோமுதி³யா சாதுமாஸினியா அந்தராபி.
241.Aññataro phāsuvihāroti ettha phāsuvihāro nāma koti āha ‘‘taruṇasamatho vā taruṇavipassanā vā’’ti. Iminā taruṇasamathavipassanā phāsuṃ viharati anenāti phāsuvihāroti dasseti. Paribāhirā bhavissāmāti ettha kasmā imamhā phāsuvihārā paribāhirā bhavissantīti āha ‘‘anibaddharattiṭṭhānadivāṭṭhānādibhāvenā’’tiādi. Tattha anibaddharattiṭṭhānadivāṭṭhānādibhāvenāti anibaddhadivāṭṭhānādibhāvena hetubhūtena, asakkontāti sambandho. Ādisaddena anibaddhacaṅkamādayo saṅgaṇhāti. ‘‘Chandadānaṃ paṭikkhipatī’’ti iminā ‘‘sabbeheva ekajjhaṃ sannipatitabba’’nti vākyassa aññatthāpohanaṃ dasseti. Hīti saccaṃ, yasmā vā. Imesu tīsu chandadānaṃ na vaṭṭati, tasmā paṭikkhipatīti yojanā. Ayaṃ pavāraṇāsaṅgaho nāma na dātabboti yojanā. Taruṇasamathavipassanālābhī ekapuggalo vā hotūti yojanā. ‘‘Ekassapi dātabboyevā’’ti iminā ayaṃ pavāraṇāsaṅgaho ekassa dinnopi sabbesaṃ dinno hotīti dasseti. Pavāraṇāsaṅgahe dinne satīti yojanā. Āgantukāti saṭṭhivassāpi āgantukā. Tesanti dinnapavāraṇāsaṅgahānaṃ. Antarāpīti komudiyā cātumāsiniyā antarāpi.
இதி பவாரணாக்க²ந்த⁴கவண்ணனாய யோஜனா ஸமத்தா.
Iti pavāraṇākkhandhakavaṇṇanāya yojanā samattā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 145. பவாரணாஸங்க³ஹோ • 145. Pavāraṇāsaṅgaho
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / பவாரணாஸங்க³ஹகதா² • Pavāraṇāsaṅgahakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பவாரணாஸங்க³ஹகதா²வண்ணனா • Pavāraṇāsaṅgahakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / பவாரணாஸங்க³ஹகதா²வண்ணனா • Pavāraṇāsaṅgahakathāvaṇṇanā
