| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
бавааран̣аасан̇г̇ахагат̇аа
Pavāraṇāsaṅgahakathā
241. ан̃н̃ад̇аро паасувихаарод̇и д̇арун̣асамат̇о ваа д̇арун̣авибассанаа ваа. бариб̣аахираа бхависсаамаад̇и аниб̣ад̣̇д̇харад̇д̇идтаанад̣̇иваадтаанаад̣̇ибхаавзна бхааванаануяог̇ам̣ самбаад̣̇зд̇ум̣ асаггонд̇аа б̣аахираа бхависсаама. саб̣б̣зхзва згаж̇жхам̣ саннибад̇ид̇аб̣б̣анд̇и иминаа чанд̣̇ад̣̇аанам̣ бадигкибад̇и. бхиннасса хи сан̇гхасса самаг̇г̇агаран̣агаалз д̇ин̣авад̇т̇аарагасамат̇з имасмин̃жа бавааран̣аасан̇г̇ахзд̇и имзсу д̇ийсу таанзсу чанд̣̇ам̣ д̣̇аад̇ум̣ на ваддад̇и. бавааран̣аасан̇г̇ахо наамааяам̣ виссадтагаммадтаанаанам̣ т̇аамаг̇ад̇асамат̇авибассанаанам̣ сод̇аабаннаад̣̇ийнан̃жа на д̣̇аад̇аб̣б̣о. д̇арун̣асамат̇авибассанаалаабхино бана саб̣б̣з ваа хонд̇у, убад̣дхаа ваа, згабуг̇г̇ало ваа згассаби васзна д̣̇аад̇аб̣б̣оязва. д̣̇иннз бавааран̣аасан̇г̇ахз анд̇овассз барихаарова ход̇и, ааг̇анд̇угаа д̇зсам̣ сзнаасанам̣ г̇ахзд̇ум̣ на лабханд̇и. д̇зхиби чиннавассзхи на бхавид̇аб̣б̣ам̣, баваарзд̇ваа бана анд̇арааби жааригам̣ баггамид̇ум̣ лабханд̇ийд̇и д̣̇ассанад̇т̇ам̣ ‘‘д̇зхи жз бхигкавз’’д̇иаад̣̇имааха. сзсам̣ саб̣б̣ад̇т̇а уд̇д̇аанамзваад̇и.
241.Aññataro phāsuvihāroti taruṇasamatho vā taruṇavipassanā vā. Paribāhirā bhavissāmāti anibaddharattiṭṭhānadivāṭṭhānādibhāvena bhāvanānuyogaṃ sampādetuṃ asakkontā bāhirā bhavissāma. Sabbeheva ekajjhaṃ sannipatitabbanti iminā chandadānaṃ paṭikkhipati. Bhinnassa hi saṅghassa samaggakaraṇakāle tiṇavatthārakasamathe imasmiñca pavāraṇāsaṅgaheti imesu tīsu ṭhānesu chandaṃ dātuṃ na vaṭṭati. Pavāraṇāsaṅgaho nāmāyaṃ vissaṭṭhakammaṭṭhānānaṃ thāmagatasamathavipassanānaṃ sotāpannādīnañca na dātabbo. Taruṇasamathavipassanālābhino pana sabbe vā hontu, upaḍḍhā vā, ekapuggalo vā ekassapi vasena dātabboyeva. Dinne pavāraṇāsaṅgahe antovasse parihārova hoti, āgantukā tesaṃ senāsanaṃ gahetuṃ na labhanti. Tehipi chinnavassehi na bhavitabbaṃ, pavāretvā pana antarāpi cārikaṃ pakkamituṃ labhantīti dassanatthaṃ ‘‘tehi ce bhikkhave’’tiādimāha. Sesaṃ sabbattha uttānamevāti.
бавааран̣аагканд̇хагаван̣н̣анаа нидтид̇аа.
Pavāraṇākkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 145. бавааран̣аасан̇г̇ахо • 145. Pavāraṇāsaṅgaho
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бавааран̣аасан̇г̇ахагат̇ааван̣н̣анаа • Pavāraṇāsaṅgahakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бавааран̣аасан̇г̇ахагат̇ааван̣н̣анаа • Pavāraṇāsaṅgahakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 145. бавааран̣аасан̇г̇ахагат̇аа • 145. Pavāraṇāsaṅgahakathā
