| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๑๔๕. ปวารณาสงฺคหกถา
145. Pavāraṇāsaṅgahakathā
๒๔๑. อญฺญตโร ผาสุวิหาโรติ เอตฺถ ผาสุวิหาโร นาม โกติ อาห ‘‘ตรุณสมโถ วา ตรุณวิปสฺสนา วา’’ติฯ อิมินา ตรุณสมถวิปสฺสนา ผาสุํ วิหรติ อเนนาติ ผาสุวิหาโรติ ทเสฺสติฯ ปริพาหิรา ภวิสฺสามาติ เอตฺถ กสฺมา อิมมฺหา ผาสุวิหารา ปริพาหิรา ภวิสฺสนฺตีติ อาห ‘‘อนิพทฺธรตฺติฎฺฐานทิวาฎฺฐานาทิภาเวนา’’ติอาทิฯ ตตฺถ อนิพทฺธรตฺติฎฺฐานทิวาฎฺฐานาทิภาเวนาติ อนิพทฺธทิวาฎฺฐานาทิภาเวน เหตุภูเตน, อสโกฺกนฺตาติ สมฺพโนฺธฯ อาทิสเทฺทน อนิพทฺธจงฺกมาทโย สงฺคณฺหาติฯ ‘‘ฉนฺททานํ ปฎิกฺขิปตี’’ติ อิมินา ‘‘สเพฺพเหว เอกชฺฌํ สนฺนิปติตพฺพ’’นฺติ วากฺยสฺส อญฺญตฺถาโปหนํ ทเสฺสติฯ หีติ สจฺจํ, ยสฺมา วาฯ อิเมสุ ตีสุ ฉนฺททานํ น วฎฺฎติ, ตสฺมา ปฎิกฺขิปตีติ โยชนาฯ อยํ ปวารณาสงฺคโห นาม น ทาตโพฺพติ โยชนาฯ ตรุณสมถวิปสฺสนาลาภี เอกปุคฺคโล วา โหตูติ โยชนาฯ ‘‘เอกสฺสปิ ทาตโพฺพเยวา’’ติ อิมินา อยํ ปวารณาสงฺคโห เอกสฺส ทิโนฺนปิ สเพฺพสํ ทิโนฺน โหตีติ ทเสฺสติฯ ปวารณาสงฺคเห ทิเนฺน สตีติ โยชนาฯ อาคนฺตุกาติ สฎฺฐิวสฺสาปิ อาคนฺตุกาฯ เตสนฺติ ทินฺนปวารณาสงฺคหานํฯ อนฺตราปีติ โกมุทิยา จาตุมาสินิยา อนฺตราปิฯ
241.Aññataro phāsuvihāroti ettha phāsuvihāro nāma koti āha ‘‘taruṇasamatho vā taruṇavipassanā vā’’ti. Iminā taruṇasamathavipassanā phāsuṃ viharati anenāti phāsuvihāroti dasseti. Paribāhirā bhavissāmāti ettha kasmā imamhā phāsuvihārā paribāhirā bhavissantīti āha ‘‘anibaddharattiṭṭhānadivāṭṭhānādibhāvenā’’tiādi. Tattha anibaddharattiṭṭhānadivāṭṭhānādibhāvenāti anibaddhadivāṭṭhānādibhāvena hetubhūtena, asakkontāti sambandho. Ādisaddena anibaddhacaṅkamādayo saṅgaṇhāti. ‘‘Chandadānaṃ paṭikkhipatī’’ti iminā ‘‘sabbeheva ekajjhaṃ sannipatitabba’’nti vākyassa aññatthāpohanaṃ dasseti. Hīti saccaṃ, yasmā vā. Imesu tīsu chandadānaṃ na vaṭṭati, tasmā paṭikkhipatīti yojanā. Ayaṃ pavāraṇāsaṅgaho nāma na dātabboti yojanā. Taruṇasamathavipassanālābhī ekapuggalo vā hotūti yojanā. ‘‘Ekassapi dātabboyevā’’ti iminā ayaṃ pavāraṇāsaṅgaho ekassa dinnopi sabbesaṃ dinno hotīti dasseti. Pavāraṇāsaṅgahe dinne satīti yojanā. Āgantukāti saṭṭhivassāpi āgantukā. Tesanti dinnapavāraṇāsaṅgahānaṃ. Antarāpīti komudiyā cātumāsiniyā antarāpi.
อิติ ปวารณากฺขนฺธกวณฺณนาย โยชนา สมตฺตาฯ
Iti pavāraṇākkhandhakavaṇṇanāya yojanā samattā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi / ๑๔๕. ปวารณาสงฺคโห • 145. Pavāraṇāsaṅgaho
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / ปวารณาสงฺคหกถา • Pavāraṇāsaṅgahakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ปวารณาสงฺคหกถาวณฺณนา • Pavāraṇāsaṅgahakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ปวารณาสงฺคหกถาวณฺณนา • Pavāraṇāsaṅgahakathāvaṇṇanā
