| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
ပဝာရဏာသင္ဂဟကထာ
Pavāraṇāsaṅgahakathā
၂၄၁. အညတရော ဖာသုဝိဟာရောတိ တရုဏသမထော ဝာ တရုဏဝိပသ္သနာ ဝာ။ ပရိဗာဟိရာ ဘဝိသ္သာမာတိ အနိဗဒ္ဓရတ္တိဋ္ဌာနဒိဝာဋ္ဌာနာဒိဘာဝေန ဘာဝနာနုယောဂံ သမ္ပာဒေတုံ အသက္ကောန္တာ ဗာဟိရာ ဘဝိသ္သာမ။ သဗ္ဗေဟေဝ ဧကဇ္ဈံ သန္နိပတိတဗ္ဗန္တိ ဣမိနာ ဆန္ဒဒာနံ ပဋိက္ခိပတိ။ ဘိန္နသ္သ ဟိ သင္ဃသ္သ သမဂ္ဂကရဏကာလေ တိဏဝတ္ထာရကသမထေ ဣမသ္မိဉ္စ ပဝာရဏာသင္ဂဟေတိ ဣမေသု တီသု ဌာနေသု ဆန္ဒံ ဒာတုံ န ဝဋ္ဋတိ။ ပဝာရဏာသင္ဂဟော နာမာယံ ဝိသ္သဋ္ဌကမ္မဋ္ဌာနာနံ ထာမဂတသမထဝိပသ္သနာနံ သောတာပန္နာဒီနဉ္စ န ဒာတဗ္ဗော။ တရုဏသမထဝိပသ္သနာလာဘိနော ပန သဗ္ဗေ ဝာ ဟောန္တု, ဥပဍ္ဎာ ဝာ, ဧကပုဂ္ဂလော ဝာ ဧကသ္သပိ ဝသေန ဒာတဗ္ဗောယေဝ။ ဒိန္နေ ပဝာရဏာသင္ဂဟေ အန္တောဝသ္သေ ပရိဟာရောဝ ဟောတိ, အာဂန္တုကာ တေသံ သေနာသနံ ဂဟေတုံ န လဘန္တိ။ တေဟိပိ ဆိန္နဝသ္သေဟိ န ဘဝိတဗ္ဗံ, ပဝာရေတ္ဝာ ပန အန္တရာပိ စာရိကံ ပက္ကမိတုံ လဘန္တီတိ ဒသ္သနတ္ထံ ‘‘တေဟိ စေ ဘိက္ခဝေ’’တိအာဒိမာဟ။ သေသံ သဗ္ဗတ္ထ ဥတ္တာနမေဝာတိ။
241.Aññataro phāsuvihāroti taruṇasamatho vā taruṇavipassanā vā. Paribāhirā bhavissāmāti anibaddharattiṭṭhānadivāṭṭhānādibhāvena bhāvanānuyogaṃ sampādetuṃ asakkontā bāhirā bhavissāma. Sabbeheva ekajjhaṃ sannipatitabbanti iminā chandadānaṃ paṭikkhipati. Bhinnassa hi saṅghassa samaggakaraṇakāle tiṇavatthārakasamathe imasmiñca pavāraṇāsaṅgaheti imesu tīsu ṭhānesu chandaṃ dātuṃ na vaṭṭati. Pavāraṇāsaṅgaho nāmāyaṃ vissaṭṭhakammaṭṭhānānaṃ thāmagatasamathavipassanānaṃ sotāpannādīnañca na dātabbo. Taruṇasamathavipassanālābhino pana sabbe vā hontu, upaḍḍhā vā, ekapuggalo vā ekassapi vasena dātabboyeva. Dinne pavāraṇāsaṅgahe antovasse parihārova hoti, āgantukā tesaṃ senāsanaṃ gahetuṃ na labhanti. Tehipi chinnavassehi na bhavitabbaṃ, pavāretvā pana antarāpi cārikaṃ pakkamituṃ labhantīti dassanatthaṃ ‘‘tehi ce bhikkhave’’tiādimāha. Sesaṃ sabbattha uttānamevāti.
ပဝာရဏာက္ခန္ဓကဝဏ္ဏနာ နိဋ္ဌိတာ။
Pavāraṇākkhandhakavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၄၅. ပဝာရဏာသင္ဂဟော • 145. Pavāraṇāsaṅgaho
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပဝာရဏာသင္ဂဟကထာဝဏ္ဏနာ • Pavāraṇāsaṅgahakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ပဝာရဏာသင္ဂဟကထာဝဏ္ဏနာ • Pavāraṇāsaṅgahakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၄၅. ပဝာရဏာသင္ဂဟကထာ • 145. Pavāraṇāsaṅgahakathā
