| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
145. පවාරණාසඞ්‌ගහකථා
145. Pavāraṇāsaṅgahakathā
241. අඤ්‌ඤතරො ඵාසුවිහාරොති එත්‌ථ ඵාසුවිහාරො නාම කොති ආහ ‘‘තරුණසමථො වා තරුණවිපස්‌සනා වා’’ති. ඉමිනා තරුණසමථවිපස්‌සනා ඵාසුං විහරති අනෙනාති ඵාසුවිහාරොති දස්‌සෙති. පරිබාහිරා භවිස්‌සාමාති එත්‌ථ කස්‌මා ඉමම්‌හා ඵාසුවිහාරා පරිබාහිරා භවිස්‌සන්‌තීති ආහ ‘‘අනිබද්‌ධරත්‌තිට්‌ඨානදිවාට්‌ඨානාදිභාවෙනා’’තිආදි. තත්‌ථ අනිබද්‌ධරත්‌තිට්‌ඨානදිවාට්‌ඨානාදිභාවෙනාති අනිබද්‌ධදිවාට්‌ඨානාදිභාවෙන හෙතුභූතෙන, අසක්‌කොන්‌තාති සම්‌බන්‌ධො. ආදිසද්‌දෙන අනිබද්‌ධචඞ්‌කමාදයො සඞ්‌ගණ්‌හාති. ‘‘ඡන්‌දදානං පටික්‌ඛිපතී’’ති ඉමිනා ‘‘සබ්‌බෙහෙව එකජ්‌ඣං සන්‌නිපතිතබ්‌බ’’න්‌ති වාක්‍යස්‌ස අඤ්‌ඤත්‌ථාපොහනං දස්‌සෙති. හීති සච්‌චං, යස්‌මා වා. ඉමෙසු තීසු ඡන්‌දදානං න වට්‌ටති, තස්‌මා පටික්‌ඛිපතීති යොජනා. අයං පවාරණාසඞ්‌ගහො නාම න දාතබ්‌බොති යොජනා. තරුණසමථවිපස්‌සනාලාභී එකපුග්‌ගලො වා හොතූති යොජනා. ‘‘එකස්‌සපි දාතබ්‌බොයෙවා’’ති ඉමිනා අයං පවාරණාසඞ්‌ගහො එකස්‌ස දින්‌නොපි සබ්‌බෙසං දින්‌නො හොතීති දස්‌සෙති. පවාරණාසඞ්‌ගහෙ දින්‌නෙ සතීති යොජනා. ආගන්‌තුකාති සට්‌ඨිවස්‌සාපි ආගන්‌තුකා. තෙසන්‌ති දින්‌නපවාරණාසඞ්‌ගහානං. අන්‌තරාපීති කොමුදියා චාතුමාසිනියා අන්‌තරාපි.
241.Aññataro phāsuvihāroti ettha phāsuvihāro nāma koti āha ‘‘taruṇasamatho vā taruṇavipassanā vā’’ti. Iminā taruṇasamathavipassanā phāsuṃ viharati anenāti phāsuvihāroti dasseti. Paribāhirā bhavissāmāti ettha kasmā imamhā phāsuvihārā paribāhirā bhavissantīti āha ‘‘anibaddharattiṭṭhānadivāṭṭhānādibhāvenā’’tiādi. Tattha anibaddharattiṭṭhānadivāṭṭhānādibhāvenāti anibaddhadivāṭṭhānādibhāvena hetubhūtena, asakkontāti sambandho. Ādisaddena anibaddhacaṅkamādayo saṅgaṇhāti. ‘‘Chandadānaṃ paṭikkhipatī’’ti iminā ‘‘sabbeheva ekajjhaṃ sannipatitabba’’nti vākyassa aññatthāpohanaṃ dasseti. Hīti saccaṃ, yasmā vā. Imesu tīsu chandadānaṃ na vaṭṭati, tasmā paṭikkhipatīti yojanā. Ayaṃ pavāraṇāsaṅgaho nāma na dātabboti yojanā. Taruṇasamathavipassanālābhī ekapuggalo vā hotūti yojanā. ‘‘Ekassapi dātabboyevā’’ti iminā ayaṃ pavāraṇāsaṅgaho ekassa dinnopi sabbesaṃ dinno hotīti dasseti. Pavāraṇāsaṅgahe dinne satīti yojanā. Āgantukāti saṭṭhivassāpi āgantukā. Tesanti dinnapavāraṇāsaṅgahānaṃ. Antarāpīti komudiyā cātumāsiniyā antarāpi.
ඉති පවාරණාක්‌ඛන්‌ධකවණ්‌ණනාය යොජනා සමත්‌තා.
Iti pavāraṇākkhandhakavaṇṇanāya yojanā samattā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 145. පවාරණාසඞ්‌ගහො • 145. Pavāraṇāsaṅgaho
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / පවාරණාසඞ්‌ගහකථා • Pavāraṇāsaṅgahakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පවාරණාසඞ්‌ගහකථාවණ්‌ණනා • Pavāraṇāsaṅgahakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / පවාරණාසඞ්‌ගහකථාවණ්‌ණනා • Pavāraṇāsaṅgahakathāvaṇṇanā
