| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੪੫. ਪવਾਰਣਾਸਙ੍ਗਹਕਥਾ
145. Pavāraṇāsaṅgahakathā
੨੪੧. ਅਞ੍ਞਤਰੋ ਫਾਸੁવਿਹਾਰੋਤਿ ਏਤ੍ਥ ਫਾਸੁવਿਹਾਰੋ ਨਾਮ ਕੋਤਿ ਆਹ ‘‘ਤਰੁਣਸਮਥੋ વਾ ਤਰੁਣવਿਪਸ੍ਸਨਾ વਾ’’ਤਿ। ਇਮਿਨਾ ਤਰੁਣਸਮਥવਿਪਸ੍ਸਨਾ ਫਾਸੁਂ વਿਹਰਤਿ ਅਨੇਨਾਤਿ ਫਾਸੁવਿਹਾਰੋਤਿ ਦਸ੍ਸੇਤਿ। ਪਰਿਬਾਹਿਰਾ ਭવਿਸ੍ਸਾਮਾਤਿ ਏਤ੍ਥ ਕਸ੍ਮਾ ਇਮਮ੍ਹਾ ਫਾਸੁવਿਹਾਰਾ ਪਰਿਬਾਹਿਰਾ ਭવਿਸ੍ਸਨ੍ਤੀਤਿ ਆਹ ‘‘ਅਨਿਬਦ੍ਧਰਤ੍ਤਿਟ੍ਠਾਨਦਿવਾਟ੍ਠਾਨਾਦਿਭਾવੇਨਾ’’ਤਿਆਦਿ। ਤਤ੍ਥ ਅਨਿਬਦ੍ਧਰਤ੍ਤਿਟ੍ਠਾਨਦਿવਾਟ੍ਠਾਨਾਦਿਭਾવੇਨਾਤਿ ਅਨਿਬਦ੍ਧਦਿવਾਟ੍ਠਾਨਾਦਿਭਾવੇਨ ਹੇਤੁਭੂਤੇਨ, ਅਸਕ੍ਕੋਨ੍ਤਾਤਿ ਸਮ੍ਬਨ੍ਧੋ। ਆਦਿਸਦ੍ਦੇਨ ਅਨਿਬਦ੍ਧਚਙ੍ਕਮਾਦਯੋ ਸਙ੍ਗਣ੍ਹਾਤਿ। ‘‘ਛਨ੍ਦਦਾਨਂ ਪਟਿਕ੍ਖਿਪਤੀ’’ਤਿ ਇਮਿਨਾ ‘‘ਸਬ੍ਬੇਹੇવ ਏਕਜ੍ਝਂ ਸਨ੍ਨਿਪਤਿਤਬ੍ਬ’’ਨ੍ਤਿ વਾਕ੍ਯਸ੍ਸ ਅਞ੍ਞਤ੍ਥਾਪੋਹਨਂ ਦਸ੍ਸੇਤਿ। ਹੀਤਿ ਸਚ੍ਚਂ, ਯਸ੍ਮਾ વਾ। ਇਮੇਸੁ ਤੀਸੁ ਛਨ੍ਦਦਾਨਂ ਨ વਟ੍ਟਤਿ, ਤਸ੍ਮਾ ਪਟਿਕ੍ਖਿਪਤੀਤਿ ਯੋਜਨਾ। ਅਯਂ ਪવਾਰਣਾਸਙ੍ਗਹੋ ਨਾਮ ਨ ਦਾਤਬ੍ਬੋਤਿ ਯੋਜਨਾ। ਤਰੁਣਸਮਥવਿਪਸ੍ਸਨਾਲਾਭੀ ਏਕਪੁਗ੍ਗਲੋ વਾ ਹੋਤੂਤਿ ਯੋਜਨਾ। ‘‘ਏਕਸ੍ਸਪਿ ਦਾਤਬ੍ਬੋਯੇવਾ’’ਤਿ ਇਮਿਨਾ ਅਯਂ ਪવਾਰਣਾਸਙ੍ਗਹੋ ਏਕਸ੍ਸ ਦਿਨ੍ਨੋਪਿ ਸਬ੍ਬੇਸਂ ਦਿਨ੍ਨੋ ਹੋਤੀਤਿ ਦਸ੍ਸੇਤਿ। ਪવਾਰਣਾਸਙ੍ਗਹੇ ਦਿਨ੍ਨੇ ਸਤੀਤਿ ਯੋਜਨਾ। ਆਗਨ੍ਤੁਕਾਤਿ ਸਟ੍ਠਿવਸ੍ਸਾਪਿ ਆਗਨ੍ਤੁਕਾ। ਤੇਸਨ੍ਤਿ ਦਿਨ੍ਨਪવਾਰਣਾਸਙ੍ਗਹਾਨਂ। ਅਨ੍ਤਰਾਪੀਤਿ ਕੋਮੁਦਿਯਾ ਚਾਤੁਮਾਸਿਨਿਯਾ ਅਨ੍ਤਰਾਪਿ।
241.Aññataro phāsuvihāroti ettha phāsuvihāro nāma koti āha ‘‘taruṇasamatho vā taruṇavipassanā vā’’ti. Iminā taruṇasamathavipassanā phāsuṃ viharati anenāti phāsuvihāroti dasseti. Paribāhirā bhavissāmāti ettha kasmā imamhā phāsuvihārā paribāhirā bhavissantīti āha ‘‘anibaddharattiṭṭhānadivāṭṭhānādibhāvenā’’tiādi. Tattha anibaddharattiṭṭhānadivāṭṭhānādibhāvenāti anibaddhadivāṭṭhānādibhāvena hetubhūtena, asakkontāti sambandho. Ādisaddena anibaddhacaṅkamādayo saṅgaṇhāti. ‘‘Chandadānaṃ paṭikkhipatī’’ti iminā ‘‘sabbeheva ekajjhaṃ sannipatitabba’’nti vākyassa aññatthāpohanaṃ dasseti. Hīti saccaṃ, yasmā vā. Imesu tīsu chandadānaṃ na vaṭṭati, tasmā paṭikkhipatīti yojanā. Ayaṃ pavāraṇāsaṅgaho nāma na dātabboti yojanā. Taruṇasamathavipassanālābhī ekapuggalo vā hotūti yojanā. ‘‘Ekassapi dātabboyevā’’ti iminā ayaṃ pavāraṇāsaṅgaho ekassa dinnopi sabbesaṃ dinno hotīti dasseti. Pavāraṇāsaṅgahe dinne satīti yojanā. Āgantukāti saṭṭhivassāpi āgantukā. Tesanti dinnapavāraṇāsaṅgahānaṃ. Antarāpīti komudiyā cātumāsiniyā antarāpi.
ਇਤਿ ਪવਾਰਣਾਕ੍ਖਨ੍ਧਕવਣ੍ਣਨਾਯ ਯੋਜਨਾ ਸਮਤ੍ਤਾ।
Iti pavāraṇākkhandhakavaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੪੫. ਪવਾਰਣਾਸਙ੍ਗਹੋ • 145. Pavāraṇāsaṅgaho
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪવਾਰਣਾਸਙ੍ਗਹਕਥਾ • Pavāraṇāsaṅgahakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪવਾਰਣਾਸਙ੍ਗਹਕਥਾવਣ੍ਣਨਾ • Pavāraṇāsaṅgahakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਪવਾਰਣਾਸਙ੍ਗਹਕਥਾવਣ੍ਣਨਾ • Pavāraṇāsaṅgahakathāvaṇṇanā
