| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. бавааран̣аасуд̇д̇аван̣н̣анаа
7. Pavāraṇāsuttavaṇṇanā
215. сад̇д̇амз д̇ад̣̇ахууд̇и д̇асмим̣ аху, д̇асмим̣ д̣̇ивасзд̇и ад̇т̇о. убавасанд̇и зд̇т̇аад̇и убосат̇о. убавасанд̇ийд̇и жа сийлзна ваа анасанзна ваа убзд̇аа худ̇ваа васанд̇ийд̇и ад̇т̇о. со банзса убосат̇ад̣̇ивасо адтамийжаад̇уд̣̇д̣̇асийбаннарасийбхзд̣̇зна д̇ивид̇хо, д̇асмаа сзсад̣̇ваяанивааран̣ад̇т̇ам̣ баннарасзд̇и вуд̇д̇ам̣. бавааран̣ааяаад̇и вассам̣-вудта-бавааран̣ааяа. висуд̣̇д̇хибавааран̣аад̇иби зд̇иссаава наамам̣. нисинно ход̇ийд̇и сааяанхасамаяз самбад̇д̇абарисааяа гаалаяуд̇д̇ам̣ д̇хаммам̣ д̣̇зсзд̇ваа уд̣̇агагодтагз г̇ад̇д̇аани барисин̃жид̇ваа нивад̇т̇аниваасано згам̣сам̣ суг̇ад̇амахаажийварам̣ гад̇ваа маж̇жхимад̇т̇амбхам̣ ниссааяа бан̃н̃ад̇д̇з вараб̣уд̣̇д̇хаасанз бурад̇т̇имад̣̇исааяа удтахад̇о жанд̣̇аман̣д̣аласса сирим̣ сирияаа абхибхавамаано нисинно ход̇и. д̇ун̣хийбхууд̇ам̣ д̇ун̣хийбхууд̇анд̇и яад̇о яад̇о анувилогзд̇и, д̇ад̇о д̇ад̇о д̇ун̣хийбхууд̇амзва. д̇ад̇т̇а хи згабхигкуссааби хад̇т̇агуггужжам̣ ваа баад̣̇агуггужжам̣ ваа над̇т̇и, саб̣б̣з нираваа санд̇зна ирияаабат̇зна нисийд̣̇им̣су. анувилогзд̇ваад̇и д̣̇иссамаанабан̃жабасаад̣̇зхи нзд̇д̇зхи анувилогзд̇ваа. ханд̣̇аад̇и воссаг̇г̇ад̇т̇з нибаад̇о. на жа мз гин̃жи г̇арахат̇аад̇и зд̇т̇а на жа гин̃жийд̇и бужчанад̇т̇з на-гааро. гим̣ мз гин̃жи г̇арахат̇а? яад̣̇и г̇арахат̇а, вад̣̇ат̇а, ижчаабзми во вад̇д̇унд̇и ад̇т̇о. гааяигам̣ ваа ваажасигам̣ ваад̇и иминаа гааяаважийд̣̇ваараанзва баваарзд̇и, на манод̣̇ваарам̣. гасмаа? абаагадад̇д̇аа. гааяаважийд̣̇ваарзсу хи д̣̇осо баагадо ход̇и, на манод̣̇ваарз. ‘‘згаман̃жз саяад̇оби хи гим̣ жинд̇зсий’’д̇и? бужчид̇ваа жид̇д̇аажаарам̣ ж̇аанаад̇и. ид̇и манод̣̇ваарам̣ абаагадад̇д̇аа на баваарзд̇и, но абарисуд̣̇д̇хад̇д̇аа. б̣од̇хисад̇д̇абхууд̇ассааби хи д̇асса бхуурид̣̇ад̇д̇ачад̣̇д̣̇анд̇асан̇кабаалад̇хаммабаалаад̣̇игаалз манод̣̇ваарам̣ барисуд̣̇д̇хам̣, ид̣̇аанзд̇т̇а вад̇д̇аб̣б̣амзва над̇т̇и.
215. Sattame tadahūti tasmiṃ ahu, tasmiṃ divaseti attho. Upavasanti etthāti uposatho. Upavasantīti ca sīlena vā anasanena vā upetā hutvā vasantīti attho. So panesa uposathadivaso aṭṭhamīcātuddasīpannarasībhedena tividho, tasmā sesadvayanivāraṇatthaṃ pannaraseti vuttaṃ. Pavāraṇāyāti vassaṃ-vuṭṭha-pavāraṇāya. Visuddhipavāraṇātipi etissāva nāmaṃ. Nisinno hotīti sāyanhasamaye sampattaparisāya kālayuttaṃ dhammaṃ desetvā udakakoṭṭhake gattāni parisiñcitvā nivatthanivāsano ekaṃsaṃ sugatamahācīvaraṃ katvā majjhimatthambhaṃ nissāya paññatte varabuddhāsane puratthimadisāya uṭṭhahato candamaṇḍalassa siriṃ siriyā abhibhavamāno nisinno hoti. Tuṇhībhūtaṃ tuṇhībhūtanti yato yato anuviloketi, tato tato tuṇhībhūtameva. Tattha hi ekabhikkhussāpi hatthakukkuccaṃ vā pādakukkuccaṃ vā natthi, sabbe niravā santena iriyāpathena nisīdiṃsu. Anuviloketvāti dissamānapañcapasādehi nettehi anuviloketvā. Handāti vossaggatthe nipāto. Na ca me kiñci garahathāti ettha na ca kiñcīti pucchanatthe na-kāro. Kiṃ me kiñci garahatha? Yadi garahatha, vadatha, icchāpemi vo vattunti attho. Kāyikaṃ vā vācasikaṃ vāti iminā kāyavacīdvārāneva pavāreti, na manodvāraṃ. Kasmā? Apākaṭattā. Kāyavacīdvāresu hi doso pākaṭo hoti, na manodvāre. ‘‘Ekamañce sayatopi hi kiṃ cintesī’’ti? Pucchitvā cittācāraṃ jānāti. Iti manodvāraṃ apākaṭattā na pavāreti, no aparisuddhattā. Bodhisattabhūtassāpi hi tassa bhūridattachaddantasaṅkhapāladhammapālādikāle manodvāraṃ parisuddhaṃ, idānettha vattabbameva natthi.
зд̇ад̣̇авожаад̇и д̇хаммасзнаабад̇идтаанз тид̇ад̇д̇аа бхигкусан̇гхасса бхаарам̣ ваханд̇о зд̇ам̣ авожа. на ко маяам̣, бханд̇зд̇и, бханд̇з, маяам̣ бхаг̇авад̇о на гин̃жи г̇арахаама. гааяигам̣ ваа ваажасигам̣ ваад̇и ид̣̇ам̣ жад̇уннам̣ арагкияад̇ам̣ санд̇хааяа т̇зро ааха. бхаг̇авад̇о хи жад̇д̇аари арагкияаани. яат̇ааха –
Etadavocāti dhammasenāpatiṭṭhāne ṭhitattā bhikkhusaṅghassa bhāraṃ vahanto etaṃ avoca. Na kho mayaṃ, bhanteti, bhante, mayaṃ bhagavato na kiñci garahāma. Kāyikaṃ vā vācasikaṃ vāti idaṃ catunnaṃ arakkhiyataṃ sandhāya thero āha. Bhagavato hi cattāri arakkhiyāni. Yathāha –
‘‘жад̇д̇ааримаани , бхигкавз, д̇ат̇ааг̇ад̇асса арагкияаани. гад̇амаани жад̇д̇аари? барисуд̣̇д̇хагааяасамаажааро, бхигкавз, д̇ат̇ааг̇ад̇о, над̇т̇и д̇ат̇ааг̇ад̇асса гааяад̣̇ужжарид̇ам̣, яам̣ д̇ат̇ааг̇ад̇о рагкзяяа ‘маа мз ид̣̇ам̣ баро ан̃н̃аасий’д̇и. барисуд̣̇д̇хаважийсамаажааро, бхигкавз, д̇ат̇ааг̇ад̇о, над̇т̇и д̇ат̇ааг̇ад̇асса важийд̣̇ужжарид̇ам̣, яам̣ д̇ат̇ааг̇ад̇о рагкзяяа, ‘маа мз ид̣̇ам̣ баро ан̃н̃аасий’д̇и. барисуд̣̇д̇хаманосамаажааро, бхигкавз, д̇ат̇ааг̇ад̇о, над̇т̇и д̇ат̇ааг̇ад̇асса манод̣̇ужжарид̇ам̣, яам̣ д̇ат̇ааг̇ад̇о рагкзяяа, ‘маа мз ид̣̇ам̣ баро ан̃н̃аасий’д̇и. барисуд̣̇д̇хааж̇ийво, бхигкавз, д̇ат̇ааг̇ад̇о, над̇т̇и д̇ат̇ааг̇ад̇асса мижчааааж̇ийво, яам̣ д̇ат̇ааг̇ад̇о рагкзяяа ‘‘маа мз ид̣̇ам̣ баро ан̃н̃аасий’’д̇и (а. ни. 7.58).
‘‘Cattārimāni , bhikkhave, tathāgatassa arakkhiyāni. Katamāni cattāri? Parisuddhakāyasamācāro, bhikkhave, tathāgato, natthi tathāgatassa kāyaduccaritaṃ, yaṃ tathāgato rakkheyya ‘mā me idaṃ paro aññāsī’ti. Parisuddhavacīsamācāro, bhikkhave, tathāgato, natthi tathāgatassa vacīduccaritaṃ, yaṃ tathāgato rakkheyya, ‘mā me idaṃ paro aññāsī’ti. Parisuddhamanosamācāro, bhikkhave, tathāgato, natthi tathāgatassa manoduccaritaṃ, yaṃ tathāgato rakkheyya, ‘mā me idaṃ paro aññāsī’ti. Parisuddhājīvo, bhikkhave, tathāgato, natthi tathāgatassa micchāājīvo, yaṃ tathāgato rakkheyya ‘‘mā me idaṃ paro aññāsī’’ti (a. ni. 7.58).
ид̣̇аани бхаг̇авад̇о яат̇аабхууд̇аг̇ун̣з гат̇знд̇о бхаг̇аваа хи, бханд̇зд̇иаад̣̇имааха. д̇ад̇т̇а ануббаннассаад̇и гассабасаммаасамб̣уд̣̇д̇хад̇о бадтааяа ан̃н̃зна саман̣зна ваа б̣раахман̣зна ваа ануббаад̣̇ид̇абуб̣б̣асса. асан̃ж̇аад̇ассаад̇и ид̣̇ам̣ ануббаннавзважанамзва. анагкаад̇ассаад̇и ан̃н̃зна ад̣̇зсид̇асса. бажчаа саманнааг̇ад̇аад̇и батамаг̇ад̇асса бхаг̇авад̇о бажчаа самануааг̇ад̇аа. ид̇и т̇зро яасмаа саб̣б̣зби бхаг̇авад̇о сийлаад̣̇аяо г̇ун̣аа арахад̇д̇амаг̇г̇амзва ниссааяа ааг̇ад̇аа, д̇асмаа арахад̇д̇амаг̇г̇амзва ниссааяа г̇ун̣ам̣ гат̇зси. д̇зна саб̣б̣аг̇ун̣аа гат̇ид̇аава хонд̇и. ахан̃жа ко, бханд̇зд̇и ид̣̇ам̣ т̇зро сад̣̇звагз логз аг̇г̇абуг̇г̇аласса ад̇д̇ано жзва сан̇гхасса жа гааяигаваажасигам̣ баваарзнд̇о ааха.
Idāni bhagavato yathābhūtaguṇe kathento bhagavā hi, bhantetiādimāha. Tattha anuppannassāti kassapasammāsambuddhato paṭṭhāya aññena samaṇena vā brāhmaṇena vā anuppāditapubbassa. Asañjātassāti idaṃ anuppannavevacanameva. Anakkhātassāti aññena adesitassa. Pacchā samannāgatāti paṭhamagatassa bhagavato pacchā samanuāgatā. Iti thero yasmā sabbepi bhagavato sīlādayo guṇā arahattamaggameva nissāya āgatā, tasmā arahattamaggameva nissāya guṇaṃ kathesi. Tena sabbaguṇā kathitāva honti. Ahañca kho, bhanteti idaṃ thero sadevake loke aggapuggalassa attano ceva saṅghassa ca kāyikavācasikaṃ pavārento āha.
бид̇араа бавад̇д̇ид̇анд̇и жаггавад̇д̇имхи гаалан̇гад̇з ваа баб̣б̣аж̇ид̇з ваа сад̇д̇аахажжаязна жаггам̣ анд̇арад̇хааяад̇и, д̇ад̇о д̣̇асавид̇хам̣ д̣̇ваад̣̇асавид̇хам̣ жаггавад̇д̇ивад̇д̇ам̣ буурзд̇ваа нисиннасса буд̇д̇асса ан̃н̃ам̣ баад̇убхавад̇и, д̇ам̣ со бавад̇д̇зд̇и. рад̇анамаяад̇д̇аа бана сад̣̇исадтзна д̇ад̣̇зва вад̇д̇ам̣ гад̇ваа ‘‘бид̇араа бавад̇д̇ид̇а’’нд̇и вуд̇д̇ам̣. яасмаа ваа со ‘‘аббоссугго д̇вам̣, д̣̇зва, хохи, ахаманусаасиссаамий’’д̇и ааха, д̇асмаа бид̇араа бавад̇д̇ид̇ам̣ аан̣аажаггам̣ ануббавад̇д̇зд̇и наама. саммад̣̇зва ануббавад̇д̇зсийд̇и саммаа наязна хзд̇унаа гааран̣знзва ануббавад̇д̇зси. бхаг̇аваа хи жад̇усажжад̇хаммам̣ гат̇зд̇и, т̇зро д̇амзва анугат̇зд̇и, д̇асмаа звамааха. убхад̇обхааг̇авимуд̇д̇аад̇и д̣̇вийхи бхааг̇зхи вимуд̇д̇аа , аруубааважарасамаабад̇д̇ияаа руубагааяад̇о вимуд̇д̇аа, аг̇г̇амаг̇г̇зна наамагааяад̇од̇и. бан̃н̃аавимуд̇д̇аад̇и бан̃н̃ааяа вимуд̇д̇аа д̇звиж̇ж̇аад̣̇ибхаавам̣ аббад̇д̇аа кийн̣аасаваа.
Pitarāpavattitanti cakkavattimhi kālaṅkate vā pabbajite vā sattāhaccayena cakkaṃ antaradhāyati, tato dasavidhaṃ dvādasavidhaṃ cakkavattivattaṃ pūretvā nisinnassa puttassa aññaṃ pātubhavati, taṃ so pavatteti. Ratanamayattā pana sadisaṭṭhena tadeva vattaṃ katvā ‘‘pitarā pavattita’’nti vuttaṃ. Yasmā vā so ‘‘appossukko tvaṃ, deva, hohi, ahamanusāsissāmī’’ti āha, tasmā pitarā pavattitaṃ āṇācakkaṃ anuppavatteti nāma. Sammadeva anuppavattesīti sammā nayena hetunā kāraṇeneva anuppavattesi. Bhagavā hi catusaccadhammaṃ katheti, thero tameva anukatheti, tasmā evamāha. Ubhatobhāgavimuttāti dvīhi bhāgehi vimuttā , arūpāvacarasamāpattiyā rūpakāyato vimuttā, aggamaggena nāmakāyatoti. Paññāvimuttāti paññāya vimuttā tevijjādibhāvaṃ appattā khīṇāsavā.
висуд̣̇д̇хияаад̇и висуд̣̇д̇хад̇т̇ааяа. сам̣яож̇анаб̣анд̇ханажчид̣̇аад̇и сам̣яож̇анасан̇каад̇з жзва б̣анд̇ханасан̇каад̇з жа гилзсз чинд̣̇ид̇ваа тид̇аа. виж̇ид̇асан̇г̇ааманд̇и виж̇ид̇арааг̇ад̣̇осамохасан̇г̇аамам̣, маараб̣аласса виж̇ид̇ад̇д̇ааби виж̇ид̇асан̇г̇аамам̣. сад̇т̇авааханд̇и адтан̇г̇игамаг̇г̇арат̇з ааробзд̇ваа взнзяяасад̇т̇ам̣ ваахзд̇и сам̣саараганд̇аарам̣ уд̇д̇аарзд̇ийд̇и бхаг̇аваа сад̇т̇аваахо, д̇ам̣ сад̇т̇аваахам̣. балаабод̇и анд̇од̇ужчо д̣̇уссийло. аад̣̇ижжаб̣анд̇хунанд̇и аад̣̇ижжаб̣анд̇хум̣ сад̇т̇аарам̣ д̣̇асаб̣алам̣ ванд̣̇аамийд̇и вад̣̇ад̇и. сад̇д̇амам̣.
Visuddhiyāti visuddhatthāya. Saṃyojanabandhanacchidāti saṃyojanasaṅkhāte ceva bandhanasaṅkhāte ca kilese chinditvā ṭhitā. Vijitasaṅgāmanti vijitarāgadosamohasaṅgāmaṃ, mārabalassa vijitattāpi vijitasaṅgāmaṃ. Satthavāhanti aṭṭhaṅgikamaggarathe āropetvā veneyyasatthaṃ vāheti saṃsārakantāraṃ uttāretīti bhagavā satthavāho, taṃ satthavāhaṃ. Palāpoti antotuccho dussīlo. Ādiccabandhunanti ādiccabandhuṃ satthāraṃ dasabalaṃ vandāmīti vadati. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. бавааран̣аасуд̇д̇ам̣ • 7. Pavāraṇāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. бавааран̣аасуд̇д̇аван̣н̣анаа • 7. Pavāraṇāsuttavaṇṇanā
