| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. бавааран̣аасуд̇д̇аван̣н̣анаа
7. Pavāraṇāsuttavaṇṇanā
215. д̇асмим̣ ахууд̇и д̇асмим̣ аханийд̇и ааха ‘‘д̇асмим̣ д̣̇ивасз’’д̇и. анасанзнаад̇и саб̣б̣асо аахаарасса абхун̃ж̇анзна. саасанигасийлзна б̣аахирагаанасанзна ваа убзд̇аа худ̇ваад̇и яож̇анаа. ваа-сад̣̇д̣̇зна кийрабаанамад̇хусааяанаад̣̇ийниби сан̇г̇ан̣хаад̇и. багаарзхи д̣̇идтаад̣̇ийхи ваарзд̇и гааяагаммаад̣̇игз сараабзд̇и г̇аараяхз гарод̇и зд̇ааяаад̇и бавааран̣аа, бадибад̇д̇ивисод̇ханааяа ад̇д̇ано ад̇д̇ано важ̇ж̇асод̇ханааяа огаасад̣̇аанам̣. яасмаа язбхуяязна вассам̣вудтзхи гаад̇аб̣б̣аа зсаа висуд̣̇д̇хид̣̇зсанаа, д̇асмаа вуд̇д̇ам̣ ‘‘вассам̣вудтабавааран̣ааяа. висуд̣̇д̇хибавааран̣аад̇иби зд̇иссаава наама’’нд̇и. д̇ад̣̇аа д̇асса бхигкусан̇гхасса д̇ун̣хийбхаавасса анавасзсад̇ааяаби ван̣н̣ам̣ д̣̇ассзд̇ум̣ баал̣ияам̣ ‘‘д̇ун̣хийбхууд̇а’’нд̇и вуд̇д̇анд̇и ааха ‘‘яад̇о яад̇о…бз… над̇т̇ий’’д̇и. хад̇т̇асса гуггужжад̇аа асам̣яамо асамбаж̇ан̃н̃агирияаа хад̇т̇агуггужжам̣. д̇ат̇аа баад̣̇агуггужжам̣ взд̣̇ид̇аб̣б̣ам̣, ваа-сад̣̇д̣̇о авуд̇д̇авигаббад̇т̇о, д̇зна д̇ад̣̇ан̃н̃зсамабхааво вибхаавид̇од̇и д̣̇адтаб̣б̣ам̣.
215.Tasmiṃ ahūti tasmiṃ ahanīti āha ‘‘tasmiṃ divase’’ti. Anasanenāti sabbaso āhārassa abhuñjanena. Sāsanikasīlena bāhirakaanasanena vā upetā hutvāti yojanā. Vā-saddena khīrapānamadhusāyanādīnipi saṅgaṇhāti. Pakārehi diṭṭhādīhi vāreti kāyakammādike sarāpeti gārayhe karoti etāyāti pavāraṇā, paṭipattivisodhanāya attano attano vajjasodhanāya okāsadānaṃ. Yasmā yebhuyyena vassaṃvuṭṭhehi kātabbā esā visuddhidesanā, tasmā vuttaṃ ‘‘vassaṃvuṭṭhapavāraṇāya. Visuddhipavāraṇātipi etissāva nāma’’nti. Tadā tassa bhikkhusaṅghassa tuṇhībhāvassa anavasesatāyapi vaṇṇaṃ dassetuṃ pāḷiyaṃ ‘‘tuṇhībhūta’’nti vuttanti āha ‘‘yato yato…pe…natthī’’ti. Hatthassa kukkuccatā asaṃyamo asampajaññakiriyā hatthakukkuccaṃ. Tathā pādakukkuccaṃ veditabbaṃ, vā-saddo avuttavikappattho, tena tadaññesamabhāvo vibhāvitoti daṭṭhabbaṃ.
бан̃жабасаад̣̇зхийд̇и бан̃жаван̣н̣зхи басаад̣̇зхи. воссаг̇г̇ад̇т̇о яат̇ааружи гирияааяа воссаж̇ж̇анам̣. бужчанад̇т̇зд̇и бадигкзбамукзнзва бужчанад̇т̇з нагааро, мз гин̃жи гирияам̣ ваа ваажасигам̣ ваа на г̇арахат̇а, гим̣ ну г̇арахат̇а гааяаваажаахийд̇и ад̇т̇о. гзжи ‘‘д̣̇ваараанзваа’’д̇и д̣̇ваарасийсзна д̣̇ваараббавад̇д̇ажарияам̣ вад̣̇анд̇и. висуд̣̇д̇хибавааран̣ааяа ад̇хиббзд̇ад̇д̇аа язна баваарид̇ам̣, д̇знзва висуд̣̇д̇хийд̇и н̃ааяад̇и, язна на баваарид̇ам̣. гим̣ ну д̇ам̣ ависуд̣̇д̇ханд̇и сияаа гассажи бут̇уж̇ж̇анасса аасан̇гаа? д̇аннивааран̣ад̇т̇амааха ‘‘но абарисуд̣̇д̇хад̇д̇аа’’д̇и. манод̣̇ваарам̣ барисуд̣̇д̇хам̣ асужигаарагаубаггилзсаанам̣ д̣̇уурийгад̇ад̇д̇аа. ид̣̇аани зд̇арахи б̣уд̣̇д̇хагаалз. зд̇т̇аад̇и манод̣̇ваарабарисуд̣̇д̇хияам̣.
Pañcapasādehīti pañcavaṇṇehi pasādehi. Vossaggattho yathāruci kiriyāya vossajjanaṃ. Pucchanattheti paṭikkhepamukheneva pucchanatthe nakāro, me kiñci kiriyaṃ vā vācasikaṃ vā na garahatha, kiṃ nu garahatha kāyavācāhīti attho. Keci ‘‘dvārānevā’’ti dvārasīsena dvārappavattacariyaṃ vadanti. Visuddhipavāraṇāya adhippetattā yena pavāritaṃ, teneva visuddhīti ñāyati, yena na pavāritaṃ. Kiṃ nu taṃ avisuddhanti siyā kassaci puthujjanassa āsaṅkā? Tannivāraṇatthamāha ‘‘no aparisuddhattā’’ti. Manodvāraṃparisuddhaṃ asucikārakaupakkilesānaṃ dūrīkatattā. Idāni etarahi buddhakāle. Etthāti manodvāraparisuddhiyaṃ.
гааяаважийсамаажаарабарисуд̣̇д̇хияаа бавзд̣̇ид̇ааяа маносамаажаарабарисуд̣̇д̇хи ад̇т̇ад̇о бавзд̣̇ид̇аава ход̇ийд̇и ‘‘гааяигам̣ ваа ваажасигам̣ ваа’’ижжзвааха. д̇ат̇аа хи вуд̇д̇ам̣ ‘‘гааяигам̣ ваа ваажасигам̣ ваад̇и ид̣̇ам̣ жад̇уннам̣ арагкияад̇ам̣ санд̇хааяа т̇зро аахаа’’д̇и. ‘‘бхигкавз, баваарзми во’’д̇и бхигкусан̇гхависаяад̇д̇аа бавааран̣ааяа д̇ад̇т̇а бхигкусан̇гхзна вад̇д̇аб̣б̣ам̣ бадиважанам̣ д̣̇знд̇о д̇хаммасзнаабад̇и ‘‘бхигкусан̇гхасса бхаарам̣ ваханд̇о’’д̇и вуд̇д̇о. д̇знааха ‘‘на ко маяам̣, бханд̇з’’д̇иаад̣̇и. арагкияаанийд̇и бараануваад̣̇ад̇о на бхааяид̇аб̣б̣аани субарисуд̣̇д̇хабхаавад̇о.
Kāyavacīsamācāraparisuddhiyā paveditāya manosamācāraparisuddhi atthato paveditāva hotīti ‘‘kāyikaṃ vā vācasikaṃ vā’’iccevāha. Tathā hi vuttaṃ ‘‘kāyikaṃ vā vācasikaṃ vāti idaṃ catunnaṃ arakkhiyataṃ sandhāya thero āhā’’ti. ‘‘Bhikkhave, pavāremi vo’’ti bhikkhusaṅghavisayattā pavāraṇāya tattha bhikkhusaṅghena vattabbaṃ paṭivacanaṃ dento dhammasenāpati ‘‘bhikkhusaṅghassa bhāraṃ vahanto’’ti vutto. Tenāha ‘‘na kho mayaṃ, bhante’’tiādi. Arakkhiyānīti parānuvādato na bhāyitabbāni suparisuddhabhāvato.
‘‘ануббаннассаа’’д̇и ид̣̇ам̣ ад̇хиббааяигаважананд̇и д̇ад̣̇ад̇хиббааяам̣ виваранд̇о ‘‘гассабасаммаасамб̣уд̣̇д̇хад̇о бадтааяаа’’д̇иаад̣̇имааха. гассабасаммаасамб̣уд̣̇д̇хад̇од̇и вибхад̇д̇з ниссаггам̣, д̇асмаа гассабасаммаасамб̣уд̣̇д̇хад̇о оранд̇и ад̇т̇од̇и. ан̃н̃знаад̇и ид̇о бхаг̇авад̇о ан̃н̃зна. ануббаад̣̇ид̇абуб̣б̣ассаад̇и барасанд̇аанз на уббаад̣̇ид̇абуб̣б̣асса. сасанд̇аанз бана бажжзгаб̣уд̣̇д̇хаанам̣ васзна на уббаад̣̇ид̇од̇и на саггаа вад̇д̇ум̣. самануааг̇ад̇аад̇и саммаа ану убаг̇ад̇аа. бхаг̇авад̇о сийлаад̣̇аяо г̇ун̣аад̇и б̣уд̣̇д̇хабхууд̇асса г̇ун̣аа ад̇хиббзд̇аад̇и ааха ‘‘арахад̇д̇амаг̇г̇амзва ниссааяа ааг̇ад̇аа’’д̇и. саб̣б̣аг̇ун̣аад̇и д̣̇асаб̣алан̃аан̣аад̣̇аяо саб̣б̣з б̣уд̣̇д̇хаг̇ун̣аа. бханд̇зд̇и зд̇т̇а ид̇исад̣̇д̣̇о аад̣̇иад̇т̇о. д̇зна ‘‘имзсам̣ бана…бз… ваажасигам̣ ваа’’д̇и яаавааяам̣ баал̣ибад̣̇зсо, д̇ам̣ саб̣б̣ам̣ г̇ан̣хаад̇и. д̇знааха ‘‘ид̣̇ам̣ т̇зро…бз… баваарзнд̇о аахаа’’д̇и.
‘‘Anuppannassā’’ti idaṃ adhippāyikavacananti tadadhippāyaṃ vivaranto ‘‘kassapasammāsambuddhato paṭṭhāyā’’tiādimāha. Kassapasammāsambuddhatoti vibhatte nissakkaṃ, tasmā kassapasammāsambuddhato oranti atthoti. Aññenāti ito bhagavato aññena. Anuppāditapubbassāti parasantāne na uppāditapubbassa. Sasantāne pana paccekabuddhānaṃ vasena na uppāditoti na sakkā vattuṃ. Samanuāgatāti sammā anu upagatā. Bhagavato sīlādayo guṇāti buddhabhūtassa guṇā adhippetāti āha ‘‘arahattamaggameva nissāya āgatā’’ti. Sabbaguṇāti dasabalañāṇādayo sabbe buddhaguṇā. Bhanteti ettha itisaddo ādiattho. Tena ‘‘imesaṃ pana…pe… vācasikaṃ vā’’ti yāvāyaṃ pāḷipadeso, taṃ sabbaṃ gaṇhāti. Tenāha ‘‘idaṃ thero…pe… pavārento āhā’’ti.
яам̣ ад̇д̇ано бун̃н̃аанубхаавасид̣̇д̇хам̣ жаггарад̇анам̣ ниббарияааяад̇о д̇зна бавад̇д̇ид̇ам̣ наама, на ид̇аранд̇и батаманаяо вуд̇д̇о. яасмаа бавад̇д̇ид̇ассзва анубавад̇д̇анам̣, батаманаяо жа д̇ам̣сад̣̇исз д̇аб̣б̣охааравасзна вуд̇д̇од̇и д̇ам̣ анаад̣̇ияид̇ваа д̣̇уд̇ияанаяо вуд̇д̇о. д̣̇асавид̇ханд̇и анд̇ож̇анасмим̣, б̣алагааяз рагкааваран̣аг̇уд̇д̇ияаа сам̣вид̇хаанам̣, кад̇д̇иязсу ануяуд̇д̇зсу, б̣раахман̣аг̇ахабад̇игзсу, нзг̇амаж̇аанабад̣̇зсу, саман̣аб̣раахман̣зсу, миг̇абагкийсу ад̇хаммажаарабадигкзбо, ад̇ханаанам̣ д̇ханаануббад̣̇аанам̣, саман̣аб̣раахман̣з убасан̇гамид̇ваа бан̃хабужчананд̇и звам̣ д̣̇асавид̇хам̣. д̇ад̇т̇а г̇ахабад̇игз багкиж̇аад̇з жа висум̣ гад̇ваа г̇ахан̣авасзна д̣̇ваад̣̇асавид̇хам̣. жаггавад̇д̇ивад̇д̇анд̇и жаггавад̇д̇ибхааваавахам̣ вад̇д̇ам̣. яасмаа яаат̇аавад̇о бавад̇д̇ид̇ам̣, д̇ад̣̇ануруубагам̣ бана н̃ааязна яуд̇д̇агзна бавад̇д̇ид̇ам̣ наама ход̇ийд̇и ааха ‘‘саммаа наязна хзд̇унаа гааран̣знаа’’д̇и. убхад̇обхааг̇авимуд̇д̇аад̇и убхаяабхааг̇зхи убхаяабхааг̇ад̇о вимуд̇д̇аад̇и аяамзд̇т̇а ад̇т̇од̇и д̣̇ассзд̇и ‘‘д̣̇вийхи бхааг̇зхи вимуд̇д̇аа, аруубаа…бз… наамагааяад̇о’’д̇и иминаа. д̇звиж̇ж̇аад̣̇ибхааванд̇и д̇звиж̇ж̇ачал̣абхин̃н̃ажад̇уббадисамбхид̣̇абхаавам̣. бан̃н̃аавимуд̇д̇аа хи д̇ам̣ д̇ивид̇хам̣ аббад̇д̇аа гзвалам̣ бан̃н̃ааяа зва вимуд̇д̇аа.
Yaṃ attano puññānubhāvasiddhaṃ cakkaratanaṃ nippariyāyato tena pavattitaṃ nāma, na itaranti paṭhamanayo vutto. Yasmā pavattitasseva anupavattanaṃ, paṭhamanayo ca taṃsadise tabbohāravasena vuttoti taṃ anādiyitvā dutiyanayo vutto. Dasavidhanti antojanasmiṃ, balakāye rakkhāvaraṇaguttiyā saṃvidhānaṃ, khattiyesu anuyuttesu, brāhmaṇagahapatikesu, negamajānapadesu, samaṇabrāhmaṇesu, migapakkhīsu adhammacārapaṭikkhepo, adhanānaṃ dhanānuppadānaṃ, samaṇabrāhmaṇe upasaṅkamitvā pañhapucchananti evaṃ dasavidhaṃ. Tattha gahapatike pakkhijāte ca visuṃ katvā gahaṇavasena dvādasavidhaṃ. Cakkavattivattanti cakkavattibhāvāvahaṃ vattaṃ. Yasmā yāthāvato pavattitaṃ, tadanurūpakaṃ pana ñāyena yuttakena pavattitaṃ nāma hotīti āha ‘‘sammā nayena hetunā kāraṇenā’’ti. Ubhatobhāgavimuttāti ubhayabhāgehi ubhayabhāgato vimuttāti ayamettha atthoti dasseti ‘‘dvīhi bhāgehi vimuttā, arūpā…pe… nāmakāyato’’ti iminā. Tevijjādibhāvanti tevijjachaḷabhiññacatuppaṭisambhidabhāvaṃ. Paññāvimuttā hi taṃ tividhaṃ appattā kevalaṃ paññāya eva vimuttā.
висуд̣̇д̇хад̇т̇ааяаад̇и висуд̣̇д̇хибавааран̣ад̇т̇ааяа. сам̣яож̇анадтзна сам̣яож̇анасан̇каад̇з жзва б̣анд̇ханадтзна б̣анд̇ханасан̇каад̇з жа. виж̇ид̇асан̇г̇ааманд̇и яат̇аа рааг̇аад̣̇аяо буна на сийсам̣ угкибанд̇и, звам̣ арияамаг̇г̇асзнааяа васзна виж̇ид̇асан̇г̇аамам̣. д̇знааха ‘‘виж̇ид̇арааг̇ад̣̇осамохасан̇г̇аама’’нд̇и. маараб̣алассаад̇и маарасзнааяа, маарасса ваа саамад̇т̇ияасса. взнзяяасад̇т̇анд̇и винзд̇аб̣б̣аж̇анасамуухам̣. сагадаад̣̇исад̇т̇асабхааг̇ад̇о винзяяова сад̇т̇од̇и д̇ам̣ взнзяяасад̇т̇ам̣. сийласаараад̣̇иабхаавад̇о анд̇од̇ужчо.
Visuddhatthāyāti visuddhipavāraṇatthāya. Saṃyojanaṭṭhena saṃyojanasaṅkhāte ceva bandhanaṭṭhena bandhanasaṅkhāte ca. Vijitasaṅgāmanti yathā rāgādayo puna na sīsaṃ ukkhipanti, evaṃ ariyamaggasenāya vasena vijitasaṅgāmaṃ. Tenāha ‘‘vijitarāgadosamohasaṅgāma’’nti. Mārabalassāti mārasenāya, mārassa vā sāmatthiyassa. Veneyyasatthanti vinetabbajanasamūhaṃ. Sakaṭādisatthasabhāgato vineyyova satthoti taṃ veneyyasatthaṃ. Sīlasārādiabhāvato antotuccho.
бавааран̣аасуд̇д̇аван̣н̣анаа нидтид̇аа.
Pavāraṇāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. бавааран̣аасуд̇д̇ам̣ • 7. Pavāraṇāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. бавааран̣аасуд̇д̇аван̣н̣анаа • 7. Pavāraṇāsuttavaṇṇanā
