| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਪવਾਰਣਾਸੁਤ੍ਤવਣ੍ਣਨਾ
7. Pavāraṇāsuttavaṇṇanā
੨੧੫. ਸਤ੍ਤਮੇ ਤਦਹੂਤਿ ਤਸ੍ਮਿਂ ਅਹੁ, ਤਸ੍ਮਿਂ ਦਿવਸੇਤਿ ਅਤ੍ਥੋ। ਉਪવਸਨ੍ਤਿ ਏਤ੍ਥਾਤਿ ਉਪੋਸਥੋ। ਉਪવਸਨ੍ਤੀਤਿ ਚ ਸੀਲੇਨ વਾ ਅਨਸਨੇਨ વਾ ਉਪੇਤਾ ਹੁਤ੍વਾ વਸਨ੍ਤੀਤਿ ਅਤ੍ਥੋ। ਸੋ ਪਨੇਸ ਉਪੋਸਥਦਿવਸੋ ਅਟ੍ਠਮੀਚਾਤੁਦ੍ਦਸੀਪਨ੍ਨਰਸੀਭੇਦੇਨ ਤਿવਿਧੋ, ਤਸ੍ਮਾ ਸੇਸਦ੍વਯਨਿવਾਰਣਤ੍ਥਂ ਪਨ੍ਨਰਸੇਤਿ વੁਤ੍ਤਂ। ਪવਾਰਣਾਯਾਤਿ વਸ੍ਸਂ-વੁਟ੍ਠ-ਪવਾਰਣਾਯ। વਿਸੁਦ੍ਧਿਪવਾਰਣਾਤਿਪਿ ਏਤਿਸ੍ਸਾવ ਨਾਮਂ। ਨਿਸਿਨ੍ਨੋ ਹੋਤੀਤਿ ਸਾਯਨ੍ਹਸਮਯੇ ਸਮ੍ਪਤ੍ਤਪਰਿਸਾਯ ਕਾਲਯੁਤ੍ਤਂ ਧਮ੍ਮਂ ਦੇਸੇਤ੍વਾ ਉਦਕਕੋਟ੍ਠਕੇ ਗਤ੍ਤਾਨਿ ਪਰਿਸਿਞ੍ਚਿਤ੍વਾ ਨਿવਤ੍ਥਨਿવਾਸਨੋ ਏਕਂਸਂ ਸੁਗਤਮਹਾਚੀવਰਂ ਕਤ੍વਾ ਮਜ੍ਝਿਮਤ੍ਥਮ੍ਭਂ ਨਿਸ੍ਸਾਯ ਪਞ੍ਞਤ੍ਤੇ વਰਬੁਦ੍ਧਾਸਨੇ ਪੁਰਤ੍ਥਿਮਦਿਸਾਯ ਉਟ੍ਠਹਤੋ ਚਨ੍ਦਮਣ੍ਡਲਸ੍ਸ ਸਿਰਿਂ ਸਿਰਿਯਾ ਅਭਿਭવਮਾਨੋ ਨਿਸਿਨ੍ਨੋ ਹੋਤਿ। ਤੁਣ੍ਹੀਭੂਤਂ ਤੁਣ੍ਹੀਭੂਤਨ੍ਤਿ ਯਤੋ ਯਤੋ ਅਨੁવਿਲੋਕੇਤਿ, ਤਤੋ ਤਤੋ ਤੁਣ੍ਹੀਭੂਤਮੇવ। ਤਤ੍ਥ ਹਿ ਏਕਭਿਕ੍ਖੁਸ੍ਸਾਪਿ ਹਤ੍ਥਕੁਕ੍ਕੁਚ੍ਚਂ વਾ ਪਾਦਕੁਕ੍ਕੁਚ੍ਚਂ વਾ ਨਤ੍ਥਿ, ਸਬ੍ਬੇ ਨਿਰવਾ ਸਨ੍ਤੇਨ ਇਰਿਯਾਪਥੇਨ ਨਿਸੀਦਿਂਸੁ। ਅਨੁવਿਲੋਕੇਤ੍વਾਤਿ ਦਿਸ੍ਸਮਾਨਪਞ੍ਚਪਸਾਦੇਹਿ ਨੇਤ੍ਤੇਹਿ ਅਨੁવਿਲੋਕੇਤ੍વਾ। ਹਨ੍ਦਾਤਿ વੋਸ੍ਸਗ੍ਗਤ੍ਥੇ ਨਿਪਾਤੋ। ਨ ਚ ਮੇ ਕਿਞ੍ਚਿ ਗਰਹਥਾਤਿ ਏਤ੍ਥ ਨ ਚ ਕਿਞ੍ਚੀਤਿ ਪੁਚ੍ਛਨਤ੍ਥੇ ਨ-ਕਾਰੋ। ਕਿਂ ਮੇ ਕਿਞ੍ਚਿ ਗਰਹਥ? ਯਦਿ ਗਰਹਥ, વਦਥ, ਇਚ੍ਛਾਪੇਮਿ વੋ વਤ੍ਤੁਨ੍ਤਿ ਅਤ੍ਥੋ। ਕਾਯਿਕਂ વਾ વਾਚਸਿਕਂ વਾਤਿ ਇਮਿਨਾ ਕਾਯવਚੀਦ੍વਾਰਾਨੇવ ਪવਾਰੇਤਿ, ਨ ਮਨੋਦ੍વਾਰਂ। ਕਸ੍ਮਾ? ਅਪਾਕਟਤ੍ਤਾ। ਕਾਯવਚੀਦ੍વਾਰੇਸੁ ਹਿ ਦੋਸੋ ਪਾਕਟੋ ਹੋਤਿ, ਨ ਮਨੋਦ੍વਾਰੇ। ‘‘ਏਕਮਞ੍ਚੇ ਸਯਤੋਪਿ ਹਿ ਕਿਂ ਚਿਨ੍ਤੇਸੀ’’ਤਿ? ਪੁਚ੍ਛਿਤ੍વਾ ਚਿਤ੍ਤਾਚਾਰਂ ਜਾਨਾਤਿ। ਇਤਿ ਮਨੋਦ੍વਾਰਂ ਅਪਾਕਟਤ੍ਤਾ ਨ ਪવਾਰੇਤਿ, ਨੋ ਅਪਰਿਸੁਦ੍ਧਤ੍ਤਾ। ਬੋਧਿਸਤ੍ਤਭੂਤਸ੍ਸਾਪਿ ਹਿ ਤਸ੍ਸ ਭੂਰਿਦਤ੍ਤਛਦ੍ਦਨ੍ਤਸਙ੍ਖਪਾਲਧਮ੍ਮਪਾਲਾਦਿਕਾਲੇ ਮਨੋਦ੍વਾਰਂ ਪਰਿਸੁਦ੍ਧਂ, ਇਦਾਨੇਤ੍ਥ વਤ੍ਤਬ੍ਬਮੇવ ਨਤ੍ਥਿ।
215. Sattame tadahūti tasmiṃ ahu, tasmiṃ divaseti attho. Upavasanti etthāti uposatho. Upavasantīti ca sīlena vā anasanena vā upetā hutvā vasantīti attho. So panesa uposathadivaso aṭṭhamīcātuddasīpannarasībhedena tividho, tasmā sesadvayanivāraṇatthaṃ pannaraseti vuttaṃ. Pavāraṇāyāti vassaṃ-vuṭṭha-pavāraṇāya. Visuddhipavāraṇātipi etissāva nāmaṃ. Nisinno hotīti sāyanhasamaye sampattaparisāya kālayuttaṃ dhammaṃ desetvā udakakoṭṭhake gattāni parisiñcitvā nivatthanivāsano ekaṃsaṃ sugatamahācīvaraṃ katvā majjhimatthambhaṃ nissāya paññatte varabuddhāsane puratthimadisāya uṭṭhahato candamaṇḍalassa siriṃ siriyā abhibhavamāno nisinno hoti. Tuṇhībhūtaṃ tuṇhībhūtanti yato yato anuviloketi, tato tato tuṇhībhūtameva. Tattha hi ekabhikkhussāpi hatthakukkuccaṃ vā pādakukkuccaṃ vā natthi, sabbe niravā santena iriyāpathena nisīdiṃsu. Anuviloketvāti dissamānapañcapasādehi nettehi anuviloketvā. Handāti vossaggatthe nipāto. Na ca me kiñci garahathāti ettha na ca kiñcīti pucchanatthe na-kāro. Kiṃ me kiñci garahatha? Yadi garahatha, vadatha, icchāpemi vo vattunti attho. Kāyikaṃ vā vācasikaṃ vāti iminā kāyavacīdvārāneva pavāreti, na manodvāraṃ. Kasmā? Apākaṭattā. Kāyavacīdvāresu hi doso pākaṭo hoti, na manodvāre. ‘‘Ekamañce sayatopi hi kiṃ cintesī’’ti? Pucchitvā cittācāraṃ jānāti. Iti manodvāraṃ apākaṭattā na pavāreti, no aparisuddhattā. Bodhisattabhūtassāpi hi tassa bhūridattachaddantasaṅkhapāladhammapālādikāle manodvāraṃ parisuddhaṃ, idānettha vattabbameva natthi.
ਏਤਦવੋਚਾਤਿ ਧਮ੍ਮਸੇਨਾਪਤਿਟ੍ਠਾਨੇ ਠਿਤਤ੍ਤਾ ਭਿਕ੍ਖੁਸਙ੍ਘਸ੍ਸ ਭਾਰਂ વਹਨ੍ਤੋ ਏਤਂ ਅવੋਚ। ਨ ਖੋ ਮਯਂ, ਭਨ੍ਤੇਤਿ, ਭਨ੍ਤੇ, ਮਯਂ ਭਗવਤੋ ਨ ਕਿਞ੍ਚਿ ਗਰਹਾਮ। ਕਾਯਿਕਂ વਾ વਾਚਸਿਕਂ વਾਤਿ ਇਦਂ ਚਤੁਨ੍ਨਂ ਅਰਕ੍ਖਿਯਤਂ ਸਨ੍ਧਾਯ ਥੇਰੋ ਆਹ। ਭਗવਤੋ ਹਿ ਚਤ੍ਤਾਰਿ ਅਰਕ੍ਖਿਯਾਨਿ। ਯਥਾਹ –
Etadavocāti dhammasenāpatiṭṭhāne ṭhitattā bhikkhusaṅghassa bhāraṃ vahanto etaṃ avoca. Na kho mayaṃ, bhanteti, bhante, mayaṃ bhagavato na kiñci garahāma. Kāyikaṃ vā vācasikaṃ vāti idaṃ catunnaṃ arakkhiyataṃ sandhāya thero āha. Bhagavato hi cattāri arakkhiyāni. Yathāha –
‘‘ਚਤ੍ਤਾਰਿਮਾਨਿ , ਭਿਕ੍ਖવੇ, ਤਥਾਗਤਸ੍ਸ ਅਰਕ੍ਖਿਯਾਨਿ। ਕਤਮਾਨਿ ਚਤ੍ਤਾਰਿ? ਪਰਿਸੁਦ੍ਧਕਾਯਸਮਾਚਾਰੋ, ਭਿਕ੍ਖવੇ, ਤਥਾਗਤੋ, ਨਤ੍ਥਿ ਤਥਾਗਤਸ੍ਸ ਕਾਯਦੁਚ੍ਚਰਿਤਂ, ਯਂ ਤਥਾਗਤੋ ਰਕ੍ਖੇਯ੍ਯ ‘ਮਾ ਮੇ ਇਦਂ ਪਰੋ ਅਞ੍ਞਾਸੀ’ਤਿ। ਪਰਿਸੁਦ੍ਧવਚੀਸਮਾਚਾਰੋ, ਭਿਕ੍ਖવੇ, ਤਥਾਗਤੋ, ਨਤ੍ਥਿ ਤਥਾਗਤਸ੍ਸ વਚੀਦੁਚ੍ਚਰਿਤਂ, ਯਂ ਤਥਾਗਤੋ ਰਕ੍ਖੇਯ੍ਯ, ‘ਮਾ ਮੇ ਇਦਂ ਪਰੋ ਅਞ੍ਞਾਸੀ’ਤਿ। ਪਰਿਸੁਦ੍ਧਮਨੋਸਮਾਚਾਰੋ, ਭਿਕ੍ਖવੇ, ਤਥਾਗਤੋ, ਨਤ੍ਥਿ ਤਥਾਗਤਸ੍ਸ ਮਨੋਦੁਚ੍ਚਰਿਤਂ, ਯਂ ਤਥਾਗਤੋ ਰਕ੍ਖੇਯ੍ਯ, ‘ਮਾ ਮੇ ਇਦਂ ਪਰੋ ਅਞ੍ਞਾਸੀ’ਤਿ। ਪਰਿਸੁਦ੍ਧਾਜੀવੋ, ਭਿਕ੍ਖવੇ, ਤਥਾਗਤੋ, ਨਤ੍ਥਿ ਤਥਾਗਤਸ੍ਸ ਮਿਚ੍ਛਾਆਜੀવੋ, ਯਂ ਤਥਾਗਤੋ ਰਕ੍ਖੇਯ੍ਯ ‘‘ਮਾ ਮੇ ਇਦਂ ਪਰੋ ਅਞ੍ਞਾਸੀ’’ਤਿ (ਅ॰ ਨਿ॰ ੭.੫੮)।
‘‘Cattārimāni , bhikkhave, tathāgatassa arakkhiyāni. Katamāni cattāri? Parisuddhakāyasamācāro, bhikkhave, tathāgato, natthi tathāgatassa kāyaduccaritaṃ, yaṃ tathāgato rakkheyya ‘mā me idaṃ paro aññāsī’ti. Parisuddhavacīsamācāro, bhikkhave, tathāgato, natthi tathāgatassa vacīduccaritaṃ, yaṃ tathāgato rakkheyya, ‘mā me idaṃ paro aññāsī’ti. Parisuddhamanosamācāro, bhikkhave, tathāgato, natthi tathāgatassa manoduccaritaṃ, yaṃ tathāgato rakkheyya, ‘mā me idaṃ paro aññāsī’ti. Parisuddhājīvo, bhikkhave, tathāgato, natthi tathāgatassa micchāājīvo, yaṃ tathāgato rakkheyya ‘‘mā me idaṃ paro aññāsī’’ti (a. ni. 7.58).
ਇਦਾਨਿ ਭਗવਤੋ ਯਥਾਭੂਤਗੁਣੇ ਕਥੇਨ੍ਤੋ ਭਗવਾ ਹਿ, ਭਨ੍ਤੇਤਿਆਦਿਮਾਹ। ਤਤ੍ਥ ਅਨੁਪ੍ਪਨ੍ਨਸ੍ਸਾਤਿ ਕਸ੍ਸਪਸਮ੍ਮਾਸਮ੍ਬੁਦ੍ਧਤੋ ਪਟ੍ਠਾਯ ਅਞ੍ਞੇਨ ਸਮਣੇਨ વਾ ਬ੍ਰਾਹ੍ਮਣੇਨ વਾ ਅਨੁਪ੍ਪਾਦਿਤਪੁਬ੍ਬਸ੍ਸ। ਅਸਞ੍ਜਾਤਸ੍ਸਾਤਿ ਇਦਂ ਅਨੁਪ੍ਪਨ੍ਨવੇવਚਨਮੇવ। ਅਨਕ੍ਖਾਤਸ੍ਸਾਤਿ ਅਞ੍ਞੇਨ ਅਦੇਸਿਤਸ੍ਸ। ਪਚ੍ਛਾ ਸਮਨ੍ਨਾਗਤਾਤਿ ਪਠਮਗਤਸ੍ਸ ਭਗવਤੋ ਪਚ੍ਛਾ ਸਮਨੁਆਗਤਾ। ਇਤਿ ਥੇਰੋ ਯਸ੍ਮਾ ਸਬ੍ਬੇਪਿ ਭਗવਤੋ ਸੀਲਾਦਯੋ ਗੁਣਾ ਅਰਹਤ੍ਤਮਗ੍ਗਮੇવ ਨਿਸ੍ਸਾਯ ਆਗਤਾ, ਤਸ੍ਮਾ ਅਰਹਤ੍ਤਮਗ੍ਗਮੇવ ਨਿਸ੍ਸਾਯ ਗੁਣਂ ਕਥੇਸਿ। ਤੇਨ ਸਬ੍ਬਗੁਣਾ ਕਥਿਤਾવ ਹੋਨ੍ਤਿ। ਅਹਞ੍ਚ ਖੋ, ਭਨ੍ਤੇਤਿ ਇਦਂ ਥੇਰੋ ਸਦੇવਕੇ ਲੋਕੇ ਅਗ੍ਗਪੁਗ੍ਗਲਸ੍ਸ ਅਤ੍ਤਨੋ ਚੇવ ਸਙ੍ਘਸ੍ਸ ਚ ਕਾਯਿਕવਾਚਸਿਕਂ ਪવਾਰੇਨ੍ਤੋ ਆਹ।
Idāni bhagavato yathābhūtaguṇe kathento bhagavā hi, bhantetiādimāha. Tattha anuppannassāti kassapasammāsambuddhato paṭṭhāya aññena samaṇena vā brāhmaṇena vā anuppāditapubbassa. Asañjātassāti idaṃ anuppannavevacanameva. Anakkhātassāti aññena adesitassa. Pacchā samannāgatāti paṭhamagatassa bhagavato pacchā samanuāgatā. Iti thero yasmā sabbepi bhagavato sīlādayo guṇā arahattamaggameva nissāya āgatā, tasmā arahattamaggameva nissāya guṇaṃ kathesi. Tena sabbaguṇā kathitāva honti. Ahañca kho, bhanteti idaṃ thero sadevake loke aggapuggalassa attano ceva saṅghassa ca kāyikavācasikaṃ pavārento āha.
ਪਿਤਰਾ ਪવਤ੍ਤਿਤਨ੍ਤਿ ਚਕ੍ਕવਤ੍ਤਿਮ੍ਹਿ ਕਾਲਙ੍ਕਤੇ વਾ ਪਬ੍ਬਜਿਤੇ વਾ ਸਤ੍ਤਾਹਚ੍ਚਯੇਨ ਚਕ੍ਕਂ ਅਨ੍ਤਰਧਾਯਤਿ, ਤਤੋ ਦਸવਿਧਂ ਦ੍વਾਦਸવਿਧਂ ਚਕ੍ਕવਤ੍ਤਿવਤ੍ਤਂ ਪੂਰੇਤ੍વਾ ਨਿਸਿਨ੍ਨਸ੍ਸ ਪੁਤ੍ਤਸ੍ਸ ਅਞ੍ਞਂ ਪਾਤੁਭવਤਿ, ਤਂ ਸੋ ਪવਤ੍ਤੇਤਿ। ਰਤਨਮਯਤ੍ਤਾ ਪਨ ਸਦਿਸਟ੍ਠੇਨ ਤਦੇવ વਤ੍ਤਂ ਕਤ੍વਾ ‘‘ਪਿਤਰਾ ਪવਤ੍ਤਿਤ’’ਨ੍ਤਿ વੁਤ੍ਤਂ। ਯਸ੍ਮਾ વਾ ਸੋ ‘‘ਅਪ੍ਪੋਸ੍ਸੁਕ੍ਕੋ ਤ੍વਂ, ਦੇવ, ਹੋਹਿ, ਅਹਮਨੁਸਾਸਿਸ੍ਸਾਮੀ’’ਤਿ ਆਹ, ਤਸ੍ਮਾ ਪਿਤਰਾ ਪવਤ੍ਤਿਤਂ ਆਣਾਚਕ੍ਕਂ ਅਨੁਪ੍ਪવਤ੍ਤੇਤਿ ਨਾਮ। ਸਮ੍ਮਦੇવ ਅਨੁਪ੍ਪવਤ੍ਤੇਸੀਤਿ ਸਮ੍ਮਾ ਨਯੇਨ ਹੇਤੁਨਾ ਕਾਰਣੇਨੇવ ਅਨੁਪ੍ਪવਤ੍ਤੇਸਿ। ਭਗવਾ ਹਿ ਚਤੁਸਚ੍ਚਧਮ੍ਮਂ ਕਥੇਤਿ, ਥੇਰੋ ਤਮੇવ ਅਨੁਕਥੇਤਿ, ਤਸ੍ਮਾ ਏવਮਾਹ। ਉਭਤੋਭਾਗવਿਮੁਤ੍ਤਾਤਿ ਦ੍વੀਹਿ ਭਾਗੇਹਿ વਿਮੁਤ੍ਤਾ , ਅਰੂਪਾવਚਰਸਮਾਪਤ੍ਤਿਯਾ ਰੂਪਕਾਯਤੋ વਿਮੁਤ੍ਤਾ, ਅਗ੍ਗਮਗ੍ਗੇਨ ਨਾਮਕਾਯਤੋਤਿ। ਪਞ੍ਞਾવਿਮੁਤ੍ਤਾਤਿ ਪਞ੍ਞਾਯ વਿਮੁਤ੍ਤਾ ਤੇવਿਜ੍ਜਾਦਿਭਾવਂ ਅਪ੍ਪਤ੍ਤਾ ਖੀਣਾਸવਾ।
Pitarāpavattitanti cakkavattimhi kālaṅkate vā pabbajite vā sattāhaccayena cakkaṃ antaradhāyati, tato dasavidhaṃ dvādasavidhaṃ cakkavattivattaṃ pūretvā nisinnassa puttassa aññaṃ pātubhavati, taṃ so pavatteti. Ratanamayattā pana sadisaṭṭhena tadeva vattaṃ katvā ‘‘pitarā pavattita’’nti vuttaṃ. Yasmā vā so ‘‘appossukko tvaṃ, deva, hohi, ahamanusāsissāmī’’ti āha, tasmā pitarā pavattitaṃ āṇācakkaṃ anuppavatteti nāma. Sammadeva anuppavattesīti sammā nayena hetunā kāraṇeneva anuppavattesi. Bhagavā hi catusaccadhammaṃ katheti, thero tameva anukatheti, tasmā evamāha. Ubhatobhāgavimuttāti dvīhi bhāgehi vimuttā , arūpāvacarasamāpattiyā rūpakāyato vimuttā, aggamaggena nāmakāyatoti. Paññāvimuttāti paññāya vimuttā tevijjādibhāvaṃ appattā khīṇāsavā.
વਿਸੁਦ੍ਧਿਯਾਤਿ વਿਸੁਦ੍ਧਤ੍ਥਾਯ। ਸਂਯੋਜਨਬਨ੍ਧਨਚ੍ਛਿਦਾਤਿ ਸਂਯੋਜਨਸਙ੍ਖਾਤੇ ਚੇવ ਬਨ੍ਧਨਸਙ੍ਖਾਤੇ ਚ ਕਿਲੇਸੇ ਛਿਨ੍ਦਿਤ੍વਾ ਠਿਤਾ। વਿਜਿਤਸਙ੍ਗਾਮਨ੍ਤਿ વਿਜਿਤਰਾਗਦੋਸਮੋਹਸਙ੍ਗਾਮਂ, ਮਾਰਬਲਸ੍ਸ વਿਜਿਤਤ੍ਤਾਪਿ વਿਜਿਤਸਙ੍ਗਾਮਂ। ਸਤ੍ਥવਾਹਨ੍ਤਿ ਅਟ੍ਠਙ੍ਗਿਕਮਗ੍ਗਰਥੇ ਆਰੋਪੇਤ੍વਾ વੇਨੇਯ੍ਯਸਤ੍ਥਂ વਾਹੇਤਿ ਸਂਸਾਰਕਨ੍ਤਾਰਂ ਉਤ੍ਤਾਰੇਤੀਤਿ ਭਗવਾ ਸਤ੍ਥવਾਹੋ, ਤਂ ਸਤ੍ਥવਾਹਂ। ਪਲਾਪੋਤਿ ਅਨ੍ਤੋਤੁਚ੍ਛੋ ਦੁਸ੍ਸੀਲੋ। ਆਦਿਚ੍ਚਬਨ੍ਧੁਨਨ੍ਤਿ ਆਦਿਚ੍ਚਬਨ੍ਧੁਂ ਸਤ੍ਥਾਰਂ ਦਸਬਲਂ વਨ੍ਦਾਮੀਤਿ વਦਤਿ। ਸਤ੍ਤਮਂ।
Visuddhiyāti visuddhatthāya. Saṃyojanabandhanacchidāti saṃyojanasaṅkhāte ceva bandhanasaṅkhāte ca kilese chinditvā ṭhitā. Vijitasaṅgāmanti vijitarāgadosamohasaṅgāmaṃ, mārabalassa vijitattāpi vijitasaṅgāmaṃ. Satthavāhanti aṭṭhaṅgikamaggarathe āropetvā veneyyasatthaṃ vāheti saṃsārakantāraṃ uttāretīti bhagavā satthavāho, taṃ satthavāhaṃ. Palāpoti antotuccho dussīlo. Ādiccabandhunanti ādiccabandhuṃ satthāraṃ dasabalaṃ vandāmīti vadati. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਪવਾਰਣਾਸੁਤ੍ਤਂ • 7. Pavāraṇāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਪવਾਰਣਾਸੁਤ੍ਤવਣ੍ਣਨਾ • 7. Pavāraṇāsuttavaṇṇanā
