| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਪવਾਰਣਾਸੁਤ੍ਤવਣ੍ਣਨਾ
7. Pavāraṇāsuttavaṇṇanā
੨੧੫. ਤਸ੍ਮਿਂ ਅਹੂਤਿ ਤਸ੍ਮਿਂ ਅਹਨੀਤਿ ਆਹ ‘‘ਤਸ੍ਮਿਂ ਦਿવਸੇ’’ਤਿ। ਅਨਸਨੇਨਾਤਿ ਸਬ੍ਬਸੋ ਆਹਾਰਸ੍ਸ ਅਭੁਞ੍ਜਨੇਨ। ਸਾਸਨਿਕਸੀਲੇਨ ਬਾਹਿਰਕਅਨਸਨੇਨ વਾ ਉਪੇਤਾ ਹੁਤ੍વਾਤਿ ਯੋਜਨਾ। વਾ-ਸਦ੍ਦੇਨ ਖੀਰਪਾਨਮਧੁਸਾਯਨਾਦੀਨਿਪਿ ਸਙ੍ਗਣ੍ਹਾਤਿ। ਪਕਾਰੇਹਿ ਦਿਟ੍ਠਾਦੀਹਿ વਾਰੇਤਿ ਕਾਯਕਮ੍ਮਾਦਿਕੇ ਸਰਾਪੇਤਿ ਗਾਰਯ੍ਹੇ ਕਰੋਤਿ ਏਤਾਯਾਤਿ ਪવਾਰਣਾ, ਪਟਿਪਤ੍ਤਿવਿਸੋਧਨਾਯ ਅਤ੍ਤਨੋ ਅਤ੍ਤਨੋ વਜ੍ਜਸੋਧਨਾਯ ਓਕਾਸਦਾਨਂ। ਯਸ੍ਮਾ ਯੇਭੁਯ੍ਯੇਨ વਸ੍ਸਂવੁਟ੍ਠੇਹਿ ਕਾਤਬ੍ਬਾ ਏਸਾ વਿਸੁਦ੍ਧਿਦੇਸਨਾ, ਤਸ੍ਮਾ વੁਤ੍ਤਂ ‘‘વਸ੍ਸਂવੁਟ੍ਠਪવਾਰਣਾਯ। વਿਸੁਦ੍ਧਿਪવਾਰਣਾਤਿਪਿ ਏਤਿਸ੍ਸਾવ ਨਾਮ’’ਨ੍ਤਿ। ਤਦਾ ਤਸ੍ਸ ਭਿਕ੍ਖੁਸਙ੍ਘਸ੍ਸ ਤੁਣ੍ਹੀਭਾવਸ੍ਸ ਅਨવਸੇਸਤਾਯਪਿ વਣ੍ਣਂ ਦਸ੍ਸੇਤੁਂ ਪਾਲ਼ਿਯਂ ‘‘ਤੁਣ੍ਹੀਭੂਤ’’ਨ੍ਤਿ વੁਤ੍ਤਨ੍ਤਿ ਆਹ ‘‘ਯਤੋ ਯਤੋ…ਪੇ॰… ਨਤ੍ਥੀ’’ਤਿ। ਹਤ੍ਥਸ੍ਸ ਕੁਕ੍ਕੁਚ੍ਚਤਾ ਅਸਂਯਮੋ ਅਸਮ੍ਪਜਞ੍ਞਕਿਰਿਯਾ ਹਤ੍ਥਕੁਕ੍ਕੁਚ੍ਚਂ। ਤਥਾ ਪਾਦਕੁਕ੍ਕੁਚ੍ਚਂ વੇਦਿਤਬ੍ਬਂ, વਾ-ਸਦ੍ਦੋ ਅવੁਤ੍ਤવਿਕਪ੍ਪਤ੍ਥੋ, ਤੇਨ ਤਦਞ੍ਞੇਸਮਭਾવੋ વਿਭਾવਿਤੋਤਿ ਦਟ੍ਠਬ੍ਬਂ।
215.Tasmiṃ ahūti tasmiṃ ahanīti āha ‘‘tasmiṃ divase’’ti. Anasanenāti sabbaso āhārassa abhuñjanena. Sāsanikasīlena bāhirakaanasanena vā upetā hutvāti yojanā. Vā-saddena khīrapānamadhusāyanādīnipi saṅgaṇhāti. Pakārehi diṭṭhādīhi vāreti kāyakammādike sarāpeti gārayhe karoti etāyāti pavāraṇā, paṭipattivisodhanāya attano attano vajjasodhanāya okāsadānaṃ. Yasmā yebhuyyena vassaṃvuṭṭhehi kātabbā esā visuddhidesanā, tasmā vuttaṃ ‘‘vassaṃvuṭṭhapavāraṇāya. Visuddhipavāraṇātipi etissāva nāma’’nti. Tadā tassa bhikkhusaṅghassa tuṇhībhāvassa anavasesatāyapi vaṇṇaṃ dassetuṃ pāḷiyaṃ ‘‘tuṇhībhūta’’nti vuttanti āha ‘‘yato yato…pe…natthī’’ti. Hatthassa kukkuccatā asaṃyamo asampajaññakiriyā hatthakukkuccaṃ. Tathā pādakukkuccaṃ veditabbaṃ, vā-saddo avuttavikappattho, tena tadaññesamabhāvo vibhāvitoti daṭṭhabbaṃ.
ਪਞ੍ਚਪਸਾਦੇਹੀਤਿ ਪਞ੍ਚવਣ੍ਣੇਹਿ ਪਸਾਦੇਹਿ। વੋਸ੍ਸਗ੍ਗਤ੍ਥੋ ਯਥਾਰੁਚਿ ਕਿਰਿਯਾਯ વੋਸ੍ਸਜ੍ਜਨਂ। ਪੁਚ੍ਛਨਤ੍ਥੇਤਿ ਪਟਿਕ੍ਖੇਪਮੁਖੇਨੇવ ਪੁਚ੍ਛਨਤ੍ਥੇ ਨਕਾਰੋ, ਮੇ ਕਿਞ੍ਚਿ ਕਿਰਿਯਂ વਾ વਾਚਸਿਕਂ વਾ ਨ ਗਰਹਥ, ਕਿਂ ਨੁ ਗਰਹਥ ਕਾਯવਾਚਾਹੀਤਿ ਅਤ੍ਥੋ। ਕੇਚਿ ‘‘ਦ੍વਾਰਾਨੇવਾ’’ਤਿ ਦ੍વਾਰਸੀਸੇਨ ਦ੍વਾਰਪ੍ਪવਤ੍ਤਚਰਿਯਂ વਦਨ੍ਤਿ। વਿਸੁਦ੍ਧਿਪવਾਰਣਾਯ ਅਧਿਪ੍ਪੇਤਤ੍ਤਾ ਯੇਨ ਪવਾਰਿਤਂ, ਤੇਨੇવ વਿਸੁਦ੍ਧੀਤਿ ਞਾਯਤਿ, ਯੇਨ ਨ ਪવਾਰਿਤਂ। ਕਿਂ ਨੁ ਤਂ ਅવਿਸੁਦ੍ਧਨ੍ਤਿ ਸਿਯਾ ਕਸ੍ਸਚਿ ਪੁਥੁਜ੍ਜਨਸ੍ਸ ਆਸਙ੍ਕਾ? ਤਨ੍ਨਿવਾਰਣਤ੍ਥਮਾਹ ‘‘ਨੋ ਅਪਰਿਸੁਦ੍ਧਤ੍ਤਾ’’ਤਿ। ਮਨੋਦ੍વਾਰਂ ਪਰਿਸੁਦ੍ਧਂ ਅਸੁਚਿਕਾਰਕਉਪਕ੍ਕਿਲੇਸਾਨਂ ਦੂਰੀਕਤਤ੍ਤਾ। ਇਦਾਨਿ ਏਤਰਹਿ ਬੁਦ੍ਧਕਾਲੇ। ਏਤ੍ਥਾਤਿ ਮਨੋਦ੍વਾਰਪਰਿਸੁਦ੍ਧਿਯਂ।
Pañcapasādehīti pañcavaṇṇehi pasādehi. Vossaggattho yathāruci kiriyāya vossajjanaṃ. Pucchanattheti paṭikkhepamukheneva pucchanatthe nakāro, me kiñci kiriyaṃ vā vācasikaṃ vā na garahatha, kiṃ nu garahatha kāyavācāhīti attho. Keci ‘‘dvārānevā’’ti dvārasīsena dvārappavattacariyaṃ vadanti. Visuddhipavāraṇāya adhippetattā yena pavāritaṃ, teneva visuddhīti ñāyati, yena na pavāritaṃ. Kiṃ nu taṃ avisuddhanti siyā kassaci puthujjanassa āsaṅkā? Tannivāraṇatthamāha ‘‘no aparisuddhattā’’ti. Manodvāraṃparisuddhaṃ asucikārakaupakkilesānaṃ dūrīkatattā. Idāni etarahi buddhakāle. Etthāti manodvāraparisuddhiyaṃ.
ਕਾਯવਚੀਸਮਾਚਾਰਪਰਿਸੁਦ੍ਧਿਯਾ ਪવੇਦਿਤਾਯ ਮਨੋਸਮਾਚਾਰਪਰਿਸੁਦ੍ਧਿ ਅਤ੍ਥਤੋ ਪવੇਦਿਤਾવ ਹੋਤੀਤਿ ‘‘ਕਾਯਿਕਂ વਾ વਾਚਸਿਕਂ વਾ’’ਇਚ੍ਚੇવਾਹ। ਤਥਾ ਹਿ વੁਤ੍ਤਂ ‘‘ਕਾਯਿਕਂ વਾ વਾਚਸਿਕਂ વਾਤਿ ਇਦਂ ਚਤੁਨ੍ਨਂ ਅਰਕ੍ਖਿਯਤਂ ਸਨ੍ਧਾਯ ਥੇਰੋ ਆਹਾ’’ਤਿ। ‘‘ਭਿਕ੍ਖવੇ, ਪવਾਰੇਮਿ વੋ’’ਤਿ ਭਿਕ੍ਖੁਸਙ੍ਘવਿਸਯਤ੍ਤਾ ਪવਾਰਣਾਯ ਤਤ੍ਥ ਭਿਕ੍ਖੁਸਙ੍ਘੇਨ વਤ੍ਤਬ੍ਬਂ ਪਟਿવਚਨਂ ਦੇਨ੍ਤੋ ਧਮ੍ਮਸੇਨਾਪਤਿ ‘‘ਭਿਕ੍ਖੁਸਙ੍ਘਸ੍ਸ ਭਾਰਂ વਹਨ੍ਤੋ’’ਤਿ વੁਤ੍ਤੋ। ਤੇਨਾਹ ‘‘ਨ ਖੋ ਮਯਂ, ਭਨ੍ਤੇ’’ਤਿਆਦਿ। ਅਰਕ੍ਖਿਯਾਨੀਤਿ ਪਰਾਨੁવਾਦਤੋ ਨ ਭਾਯਿਤਬ੍ਬਾਨਿ ਸੁਪਰਿਸੁਦ੍ਧਭਾવਤੋ।
Kāyavacīsamācāraparisuddhiyā paveditāya manosamācāraparisuddhi atthato paveditāva hotīti ‘‘kāyikaṃ vā vācasikaṃ vā’’iccevāha. Tathā hi vuttaṃ ‘‘kāyikaṃ vā vācasikaṃ vāti idaṃ catunnaṃ arakkhiyataṃ sandhāya thero āhā’’ti. ‘‘Bhikkhave, pavāremi vo’’ti bhikkhusaṅghavisayattā pavāraṇāya tattha bhikkhusaṅghena vattabbaṃ paṭivacanaṃ dento dhammasenāpati ‘‘bhikkhusaṅghassa bhāraṃ vahanto’’ti vutto. Tenāha ‘‘na kho mayaṃ, bhante’’tiādi. Arakkhiyānīti parānuvādato na bhāyitabbāni suparisuddhabhāvato.
‘‘ਅਨੁਪ੍ਪਨ੍ਨਸ੍ਸਾ’’ਤਿ ਇਦਂ ਅਧਿਪ੍ਪਾਯਿਕવਚਨਨ੍ਤਿ ਤਦਧਿਪ੍ਪਾਯਂ વਿવਰਨ੍ਤੋ ‘‘ਕਸ੍ਸਪਸਮ੍ਮਾਸਮ੍ਬੁਦ੍ਧਤੋ ਪਟ੍ਠਾਯਾ’’ਤਿਆਦਿਮਾਹ। ਕਸ੍ਸਪਸਮ੍ਮਾਸਮ੍ਬੁਦ੍ਧਤੋਤਿ વਿਭਤ੍ਤੇ ਨਿਸ੍ਸਕ੍ਕਂ, ਤਸ੍ਮਾ ਕਸ੍ਸਪਸਮ੍ਮਾਸਮ੍ਬੁਦ੍ਧਤੋ ਓਰਨ੍ਤਿ ਅਤ੍ਥੋਤਿ। ਅਞ੍ਞੇਨਾਤਿ ਇਤੋ ਭਗવਤੋ ਅਞ੍ਞੇਨ। ਅਨੁਪ੍ਪਾਦਿਤਪੁਬ੍ਬਸ੍ਸਾਤਿ ਪਰਸਨ੍ਤਾਨੇ ਨ ਉਪ੍ਪਾਦਿਤਪੁਬ੍ਬਸ੍ਸ। ਸਸਨ੍ਤਾਨੇ ਪਨ ਪਚ੍ਚੇਕਬੁਦ੍ਧਾਨਂ વਸੇਨ ਨ ਉਪ੍ਪਾਦਿਤੋਤਿ ਨ ਸਕ੍ਕਾ વਤ੍ਤੁਂ। ਸਮਨੁਆਗਤਾਤਿ ਸਮ੍ਮਾ ਅਨੁ ਉਪਗਤਾ। ਭਗવਤੋ ਸੀਲਾਦਯੋ ਗੁਣਾਤਿ ਬੁਦ੍ਧਭੂਤਸ੍ਸ ਗੁਣਾ ਅਧਿਪ੍ਪੇਤਾਤਿ ਆਹ ‘‘ਅਰਹਤ੍ਤਮਗ੍ਗਮੇવ ਨਿਸ੍ਸਾਯ ਆਗਤਾ’’ਤਿ। ਸਬ੍ਬਗੁਣਾਤਿ ਦਸਬਲਞਾਣਾਦਯੋ ਸਬ੍ਬੇ ਬੁਦ੍ਧਗੁਣਾ। ਭਨ੍ਤੇਤਿ ਏਤ੍ਥ ਇਤਿਸਦ੍ਦੋ ਆਦਿਅਤ੍ਥੋ। ਤੇਨ ‘‘ਇਮੇਸਂ ਪਨ…ਪੇ॰… વਾਚਸਿਕਂ વਾ’’ਤਿ ਯਾવਾਯਂ ਪਾਲ਼ਿਪਦੇਸੋ, ਤਂ ਸਬ੍ਬਂ ਗਣ੍ਹਾਤਿ। ਤੇਨਾਹ ‘‘ਇਦਂ ਥੇਰੋ…ਪੇ॰… ਪવਾਰੇਨ੍ਤੋ ਆਹਾ’’ਤਿ।
‘‘Anuppannassā’’ti idaṃ adhippāyikavacananti tadadhippāyaṃ vivaranto ‘‘kassapasammāsambuddhato paṭṭhāyā’’tiādimāha. Kassapasammāsambuddhatoti vibhatte nissakkaṃ, tasmā kassapasammāsambuddhato oranti atthoti. Aññenāti ito bhagavato aññena. Anuppāditapubbassāti parasantāne na uppāditapubbassa. Sasantāne pana paccekabuddhānaṃ vasena na uppāditoti na sakkā vattuṃ. Samanuāgatāti sammā anu upagatā. Bhagavato sīlādayo guṇāti buddhabhūtassa guṇā adhippetāti āha ‘‘arahattamaggameva nissāya āgatā’’ti. Sabbaguṇāti dasabalañāṇādayo sabbe buddhaguṇā. Bhanteti ettha itisaddo ādiattho. Tena ‘‘imesaṃ pana…pe… vācasikaṃ vā’’ti yāvāyaṃ pāḷipadeso, taṃ sabbaṃ gaṇhāti. Tenāha ‘‘idaṃ thero…pe… pavārento āhā’’ti.
ਯਂ ਅਤ੍ਤਨੋ ਪੁਞ੍ਞਾਨੁਭਾવਸਿਦ੍ਧਂ ਚਕ੍ਕਰਤਨਂ ਨਿਪ੍ਪਰਿਯਾਯਤੋ ਤੇਨ ਪવਤ੍ਤਿਤਂ ਨਾਮ, ਨ ਇਤਰਨ੍ਤਿ ਪਠਮਨਯੋ વੁਤ੍ਤੋ। ਯਸ੍ਮਾ ਪવਤ੍ਤਿਤਸ੍ਸੇવ ਅਨੁਪવਤ੍ਤਨਂ, ਪਠਮਨਯੋ ਚ ਤਂਸਦਿਸੇ ਤਬ੍ਬੋਹਾਰવਸੇਨ વੁਤ੍ਤੋਤਿ ਤਂ ਅਨਾਦਿਯਿਤ੍વਾ ਦੁਤਿਯਨਯੋ વੁਤ੍ਤੋ। ਦਸવਿਧਨ੍ਤਿ ਅਨ੍ਤੋਜਨਸ੍ਮਿਂ, ਬਲਕਾਯੇ ਰਕ੍ਖਾવਰਣਗੁਤ੍ਤਿਯਾ ਸਂવਿਧਾਨਂ, ਖਤ੍ਤਿਯੇਸੁ ਅਨੁਯੁਤ੍ਤੇਸੁ, ਬ੍ਰਾਹ੍ਮਣਗਹਪਤਿਕੇਸੁ, ਨੇਗਮਜਾਨਪਦੇਸੁ, ਸਮਣਬ੍ਰਾਹ੍ਮਣੇਸੁ, ਮਿਗਪਕ੍ਖੀਸੁ ਅਧਮ੍ਮਚਾਰਪਟਿਕ੍ਖੇਪੋ, ਅਧਨਾਨਂ ਧਨਾਨੁਪ੍ਪਦਾਨਂ, ਸਮਣਬ੍ਰਾਹ੍ਮਣੇ ਉਪਸਙ੍ਕਮਿਤ੍વਾ ਪਞ੍ਹਪੁਚ੍ਛਨਨ੍ਤਿ ਏવਂ ਦਸવਿਧਂ। ਤਤ੍ਥ ਗਹਪਤਿਕੇ ਪਕ੍ਖਿਜਾਤੇ ਚ વਿਸੁਂ ਕਤ੍વਾ ਗਹਣવਸੇਨ ਦ੍વਾਦਸવਿਧਂ। ਚਕ੍ਕવਤ੍ਤਿવਤ੍ਤਨ੍ਤਿ ਚਕ੍ਕવਤ੍ਤਿਭਾવਾવਹਂ વਤ੍ਤਂ। ਯਸ੍ਮਾ ਯਾਥਾવਤੋ ਪવਤ੍ਤਿਤਂ, ਤਦਨੁਰੂਪਕਂ ਪਨ ਞਾਯੇਨ ਯੁਤ੍ਤਕੇਨ ਪવਤ੍ਤਿਤਂ ਨਾਮ ਹੋਤੀਤਿ ਆਹ ‘‘ਸਮ੍ਮਾ ਨਯੇਨ ਹੇਤੁਨਾ ਕਾਰਣੇਨਾ’’ਤਿ। ਉਭਤੋਭਾਗવਿਮੁਤ੍ਤਾਤਿ ਉਭਯਭਾਗੇਹਿ ਉਭਯਭਾਗਤੋ વਿਮੁਤ੍ਤਾਤਿ ਅਯਮੇਤ੍ਥ ਅਤ੍ਥੋਤਿ ਦਸ੍ਸੇਤਿ ‘‘ਦ੍વੀਹਿ ਭਾਗੇਹਿ વਿਮੁਤ੍ਤਾ, ਅਰੂਪਾ…ਪੇ॰… ਨਾਮਕਾਯਤੋ’’ਤਿ ਇਮਿਨਾ। ਤੇવਿਜ੍ਜਾਦਿਭਾવਨ੍ਤਿ ਤੇવਿਜ੍ਜਛਲ਼ਭਿਞ੍ਞਚਤੁਪ੍ਪਟਿਸਮ੍ਭਿਦਭਾવਂ। ਪਞ੍ਞਾવਿਮੁਤ੍ਤਾ ਹਿ ਤਂ ਤਿવਿਧਂ ਅਪ੍ਪਤ੍ਤਾ ਕੇવਲਂ ਪਞ੍ਞਾਯ ਏવ વਿਮੁਤ੍ਤਾ।
Yaṃ attano puññānubhāvasiddhaṃ cakkaratanaṃ nippariyāyato tena pavattitaṃ nāma, na itaranti paṭhamanayo vutto. Yasmā pavattitasseva anupavattanaṃ, paṭhamanayo ca taṃsadise tabbohāravasena vuttoti taṃ anādiyitvā dutiyanayo vutto. Dasavidhanti antojanasmiṃ, balakāye rakkhāvaraṇaguttiyā saṃvidhānaṃ, khattiyesu anuyuttesu, brāhmaṇagahapatikesu, negamajānapadesu, samaṇabrāhmaṇesu, migapakkhīsu adhammacārapaṭikkhepo, adhanānaṃ dhanānuppadānaṃ, samaṇabrāhmaṇe upasaṅkamitvā pañhapucchananti evaṃ dasavidhaṃ. Tattha gahapatike pakkhijāte ca visuṃ katvā gahaṇavasena dvādasavidhaṃ. Cakkavattivattanti cakkavattibhāvāvahaṃ vattaṃ. Yasmā yāthāvato pavattitaṃ, tadanurūpakaṃ pana ñāyena yuttakena pavattitaṃ nāma hotīti āha ‘‘sammā nayena hetunā kāraṇenā’’ti. Ubhatobhāgavimuttāti ubhayabhāgehi ubhayabhāgato vimuttāti ayamettha atthoti dasseti ‘‘dvīhi bhāgehi vimuttā, arūpā…pe… nāmakāyato’’ti iminā. Tevijjādibhāvanti tevijjachaḷabhiññacatuppaṭisambhidabhāvaṃ. Paññāvimuttā hi taṃ tividhaṃ appattā kevalaṃ paññāya eva vimuttā.
વਿਸੁਦ੍ਧਤ੍ਥਾਯਾਤਿ વਿਸੁਦ੍ਧਿਪવਾਰਣਤ੍ਥਾਯ। ਸਂਯੋਜਨਟ੍ਠੇਨ ਸਂਯੋਜਨਸਙ੍ਖਾਤੇ ਚੇવ ਬਨ੍ਧਨਟ੍ਠੇਨ ਬਨ੍ਧਨਸਙ੍ਖਾਤੇ ਚ। વਿਜਿਤਸਙ੍ਗਾਮਨ੍ਤਿ ਯਥਾ ਰਾਗਾਦਯੋ ਪੁਨ ਨ ਸੀਸਂ ਉਕ੍ਖਿਪਨ੍ਤਿ, ਏવਂ ਅਰਿਯਮਗ੍ਗਸੇਨਾਯ વਸੇਨ વਿਜਿਤਸਙ੍ਗਾਮਂ। ਤੇਨਾਹ ‘‘વਿਜਿਤਰਾਗਦੋਸਮੋਹਸਙ੍ਗਾਮ’’ਨ੍ਤਿ। ਮਾਰਬਲਸ੍ਸਾਤਿ ਮਾਰਸੇਨਾਯ, ਮਾਰਸ੍ਸ વਾ ਸਾਮਤ੍ਥਿਯਸ੍ਸ। વੇਨੇਯ੍ਯਸਤ੍ਥਨ੍ਤਿ વਿਨੇਤਬ੍ਬਜਨਸਮੂਹਂ। ਸਕਟਾਦਿਸਤ੍ਥਸਭਾਗਤੋ વਿਨੇਯ੍ਯੋવ ਸਤ੍ਥੋਤਿ ਤਂ વੇਨੇਯ੍ਯਸਤ੍ਥਂ। ਸੀਲਸਾਰਾਦਿਅਭਾવਤੋ ਅਨ੍ਤੋਤੁਚ੍ਛੋ।
Visuddhatthāyāti visuddhipavāraṇatthāya. Saṃyojanaṭṭhena saṃyojanasaṅkhāte ceva bandhanaṭṭhena bandhanasaṅkhāte ca. Vijitasaṅgāmanti yathā rāgādayo puna na sīsaṃ ukkhipanti, evaṃ ariyamaggasenāya vasena vijitasaṅgāmaṃ. Tenāha ‘‘vijitarāgadosamohasaṅgāma’’nti. Mārabalassāti mārasenāya, mārassa vā sāmatthiyassa. Veneyyasatthanti vinetabbajanasamūhaṃ. Sakaṭādisatthasabhāgato vineyyova satthoti taṃ veneyyasatthaṃ. Sīlasārādiabhāvato antotuccho.
ਪવਾਰਣਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Pavāraṇāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਪવਾਰਣਾਸੁਤ੍ਤਂ • 7. Pavāraṇāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਪવਾਰਣਾਸੁਤ੍ਤવਣ੍ਣਨਾ • 7. Pavāraṇāsuttavaṇṇanā
