| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
141. பவாரணாட்ட²பனகதா²
141. Pavāraṇāṭṭhapanakathā
236. ஸப்³ப³ங் ஸங்க³ண்ஹாதீதி ஸப்³ப³ஸங்கா³ஹிகங். புக்³க³லஸ்ஸ ட²பனங் புக்³க³லிகங். தத்தா²தி த்³வீஸு பவாரணாட்ட²பனேஸு . ஸப்³ப³ஸங்கா³ஹிகே ட²பிதா ஹோதீதி ஸம்ப³ந்தோ⁴. யாவ ரேகாரோ அத்தி², தாவாதி யோஜனா. பா⁴ஸியித்தா²தி பா⁴ஸிதா. லபியித்தா²தி லபிதா. ந பரியோஸியித்தா²தி அபரியோஸிதா. எத்த²ந்தரேதி ஏதஸ்மிங் ஸுகாரரேகாரானங் அந்தரே. ஏகபதே³பீதி பிஸத்³தோ³ ஏகக்க²ரேபீதி அத்த²ங் ஸம்பிண்டே³தி. ட²பிதாதி ‘‘ஸுணாது மே ப⁴ந்தே ஸங்கோ⁴, இத்த²ன்னாமோ புக்³க³லோ ஸாபத்திகோ, தஸ்ஸ பவாரணங் ட²பேமீ’’தி ஞத்தியா ட²பிதா. ய்யகாரேதி ‘‘பவாரெய்யா’’தி எத்த² ய்யகாரே. ததோதி ய்யகாரதோ. புக்³க³லிகட்ட²பனே பன அட்ட²பிதா ஹோதீதி ஸம்ப³ந்தோ⁴. ஸங்காரதோதி ‘‘ஸங்க⁴ங் ப⁴ந்தே’’தி எத்த² ஸங்காரதோ. ஸப்³ப³பச்சி²மோதி தீஸு வாரேஸு ததியவாரே ஸப்³பே³ஸங் அக்க²ரானங் பச்சி²மோ டிகாரோ அத்தீ²தி யோஜனா. எத்த²ந்தரேதி ஏதஸ்மிங் ஸங்காரடிகாரானங் அந்தரே. தஸ்மாதி யஸ்மா பரியோஸிதா ஹோதி, தஸ்மா. ‘‘ஏஸேவ நயோ’’தி வுத்தவசனங் வித்தா²ரெந்தோ ஆஹ ‘‘ஏதாஸுபி ஹீ’’திஆதி³. தத்த² ஏதாஸுபீதி த்³வேவாசிகஏகவாசிகஸமானவஸ்ஸிகாஸுபி. பிஸத்³தோ³ தேவாசிகமபெக்க²தி. ட²பனகெ²த்தந்தி ட²பனஸ்ஸ பூ⁴மி. இதிஸத்³தோ³ பரிஸமாபனத்தோ².
236. Sabbaṃ saṅgaṇhātīti sabbasaṅgāhikaṃ. Puggalassa ṭhapanaṃ puggalikaṃ. Tatthāti dvīsu pavāraṇāṭṭhapanesu . Sabbasaṅgāhike ṭhapitā hotīti sambandho. Yāva rekāro atthi, tāvāti yojanā. Bhāsiyitthāti bhāsitā. Lapiyitthāti lapitā. Na pariyosiyitthāti apariyositā. Etthantareti etasmiṃ sukārarekārānaṃ antare. Ekapadepīti pisaddo ekakkharepīti atthaṃ sampiṇḍeti. Ṭhapitāti ‘‘suṇātu me bhante saṅgho, itthannāmo puggalo sāpattiko, tassa pavāraṇaṃ ṭhapemī’’ti ñattiyā ṭhapitā. Yyakāreti ‘‘pavāreyyā’’ti ettha yyakāre. Tatoti yyakārato. Puggalikaṭṭhapane pana aṭṭhapitā hotīti sambandho. Saṃkāratoti ‘‘saṅghaṃ bhante’’ti ettha saṃkārato. Sabbapacchimoti tīsu vāresu tatiyavāre sabbesaṃ akkharānaṃ pacchimo ṭikāro atthīti yojanā. Etthantareti etasmiṃ saṃkāraṭikārānaṃ antare. Tasmāti yasmā pariyositā hoti, tasmā. ‘‘Eseva nayo’’ti vuttavacanaṃ vitthārento āha ‘‘etāsupi hī’’tiādi. Tattha etāsupīti dvevācikaekavācikasamānavassikāsupi. Pisaddo tevācikamapekkhati. Ṭhapanakhettanti ṭhapanassa bhūmi. Itisaddo parisamāpanattho.
237. அனுயுஞ்ஜியமானோதி எத்த² அனுயுஞ்ஜஸத்³தோ³ புச்ச²னத்தோ²தி ஆஹ ‘‘புச்சி²யமானோ’’தி. பரதோதி பரஸ்மிங்யேவ க²ந்த⁴கேதி (மஹாவ॰ 237) அத்தோ². அலங் பி⁴க்கு² மா ப⁴ண்ட³னந்திஆதீ³னீதி எத்த² ஆதி³ஸத்³தே³ன ‘‘மா கலஹங், மா விவாத³’’ந்திவசனானி ஸங்க³ண்ஹாதி, வசனானி வத்வா ஓமத்³தி³த்வாதி யோஜனா. வசனோமத்³த³னாதி வசனேனேவ ஓமத்³த³னா. ஹீதி ஸச்சங். இதா⁴தி இமஸ்மிங் பவாரணாட்ட²பனட்டா²னே. அனுத்³த⁴ங்ஸிதங் படிஜானாதீதி எத்த² படிஜானநாகாரங் த³ஸ்ஸெந்தோ ஆஹ ‘‘அமூலகேன பாராஜிகேன அனுத்³த⁴ங்ஸிதோ அயங் மயா’’தி. ‘‘லிங்க³னாஸனாயா’’தி இமினா த³ண்ட³கம்மனாஸனஸங்வாஸனாஸனானி நிவத்தேதி.
237.Anuyuñjiyamānoti ettha anuyuñjasaddo pucchanatthoti āha ‘‘pucchiyamāno’’ti. Paratoti parasmiṃyeva khandhaketi (mahāva. 237) attho. Alaṃ bhikkhu mā bhaṇḍanantiādīnīti ettha ādisaddena ‘‘mā kalahaṃ, mā vivāda’’ntivacanāni saṅgaṇhāti, vacanāni vatvā omadditvāti yojanā. Vacanomaddanāti vacaneneva omaddanā. Hīti saccaṃ. Idhāti imasmiṃ pavāraṇāṭṭhapanaṭṭhāne. Anuddhaṃsitaṃ paṭijānātīti ettha paṭijānanākāraṃ dassento āha ‘‘amūlakena pārājikena anuddhaṃsito ayaṃ mayā’’ti. ‘‘Liṅganāsanāyā’’ti iminā daṇḍakammanāsanasaṃvāsanāsanāni nivatteti.
238. ஏதந்தி ‘‘அஸுகா ஆபத்தீ’’தி வசனங். கலஹஸ்ஸ முக²ந்தி கலஹஸ்ஸ உபாயோ.
238.Etanti ‘‘asukā āpattī’’ti vacanaṃ. Kalahassa mukhanti kalahassa upāyo.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
141. பவாரணாட²பனங் • 141. Pavāraṇāṭhapanaṃ
142. து²ல்லச்சயவத்து²காதி³ • 142. Thullaccayavatthukādi
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / பவாரணாட²பனகதா² • Pavāraṇāṭhapanakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / பவாரணாட²பனகதா²வண்ணனா • Pavāraṇāṭhapanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அனாபத்திபன்னரஸகாதி³கதா²வண்ணனா • Anāpattipannarasakādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அபா²ஸுவிஹாரகதா²தி³வண்ணனா • Aphāsuvihārakathādivaṇṇanā
