| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
১৪১. পৰারণাট্ঠপনকথা
141. Pavāraṇāṭṭhapanakathā
২৩৬. সব্বং সঙ্গণ্হাতীতি সব্বসঙ্গাহিকং। পুগ্গলস্স ঠপনং পুগ্গলিকং। তত্থাতি দ্ৰীসু পৰারণাট্ঠপনেসু । সব্বসঙ্গাহিকে ঠপিতা হোতীতি সম্বন্ধো। যাৰ রেকারো অত্থি, তাৰাতি যোজনা। ভাসিযিত্থাতি ভাসিতা। লপিযিত্থাতি লপিতা। ন পরিযোসিযিত্থাতি অপরিযোসিতা। এত্থন্তরেতি এতস্মিং সুকাররেকারানং অন্তরে। একপদেপীতি পিসদ্দো একক্খরেপীতি অত্থং সম্পিণ্ডেতি। ঠপিতাতি ‘‘সুণাতু মে ভন্তে সঙ্ঘো, ইত্থন্নামো পুগ্গলো সাপত্তিকো, তস্স পৰারণং ঠপেমী’’তি ঞত্তিযা ঠপিতা। য্যকারেতি ‘‘পৰারেয্যা’’তি এত্থ য্যকারে। ততোতি য্যকারতো। পুগ্গলিকট্ঠপনে পন অট্ঠপিতা হোতীতি সম্বন্ধো। সংকারতোতি ‘‘সঙ্ঘং ভন্তে’’তি এত্থ সংকারতো। সব্বপচ্ছিমোতি তীসু ৰারেসু ততিযৰারে সব্বেসং অক্খরানং পচ্ছিমো টিকারো অত্থীতি যোজনা। এত্থন্তরেতি এতস্মিং সংকারটিকারানং অন্তরে। তস্মাতি যস্মা পরিযোসিতা হোতি, তস্মা। ‘‘এসেৰ নযো’’তি ৰুত্তৰচনং ৰিত্থারেন্তো আহ ‘‘এতাসুপি হী’’তিআদি। তত্থ এতাসুপীতি দ্ৰেৰাচিকএকৰাচিকসমানৰস্সিকাসুপি। পিসদ্দো তেৰাচিকমপেক্খতি। ঠপনখেত্তন্তি ঠপনস্স ভূমি। ইতিসদ্দো পরিসমাপনত্থো।
236. Sabbaṃ saṅgaṇhātīti sabbasaṅgāhikaṃ. Puggalassa ṭhapanaṃ puggalikaṃ. Tatthāti dvīsu pavāraṇāṭṭhapanesu . Sabbasaṅgāhike ṭhapitā hotīti sambandho. Yāva rekāro atthi, tāvāti yojanā. Bhāsiyitthāti bhāsitā. Lapiyitthāti lapitā. Na pariyosiyitthāti apariyositā. Etthantareti etasmiṃ sukārarekārānaṃ antare. Ekapadepīti pisaddo ekakkharepīti atthaṃ sampiṇḍeti. Ṭhapitāti ‘‘suṇātu me bhante saṅgho, itthannāmo puggalo sāpattiko, tassa pavāraṇaṃ ṭhapemī’’ti ñattiyā ṭhapitā. Yyakāreti ‘‘pavāreyyā’’ti ettha yyakāre. Tatoti yyakārato. Puggalikaṭṭhapane pana aṭṭhapitā hotīti sambandho. Saṃkāratoti ‘‘saṅghaṃ bhante’’ti ettha saṃkārato. Sabbapacchimoti tīsu vāresu tatiyavāre sabbesaṃ akkharānaṃ pacchimo ṭikāro atthīti yojanā. Etthantareti etasmiṃ saṃkāraṭikārānaṃ antare. Tasmāti yasmā pariyositā hoti, tasmā. ‘‘Eseva nayo’’ti vuttavacanaṃ vitthārento āha ‘‘etāsupi hī’’tiādi. Tattha etāsupīti dvevācikaekavācikasamānavassikāsupi. Pisaddo tevācikamapekkhati. Ṭhapanakhettanti ṭhapanassa bhūmi. Itisaddo parisamāpanattho.
২৩৭. অনুযুঞ্জিযমানোতি এত্থ অনুযুঞ্জসদ্দো পুচ্ছনত্থোতি আহ ‘‘পুচ্ছিযমানো’’তি। পরতোতি পরস্মিংযেৰ খন্ধকেতি (মহাৰ॰ ২৩৭) অত্থো। অলং ভিক্খু মা ভণ্ডনন্তিআদীনীতি এত্থ আদিসদ্দেন ‘‘মা কলহং, মা ৰিৰাদ’’ন্তিৰচনানি সঙ্গণ্হাতি, ৰচনানি ৰত্ৰা ওমদ্দিত্ৰাতি যোজনা। ৰচনোমদ্দনাতি ৰচনেনেৰ ওমদ্দনা। হীতি সচ্চং। ইধাতি ইমস্মিং পৰারণাট্ঠপনট্ঠানে। অনুদ্ধংসিতং পটিজানাতীতি এত্থ পটিজাননাকারং দস্সেন্তো আহ ‘‘অমূলকেন পারাজিকেন অনুদ্ধংসিতো অযং মযা’’তি। ‘‘লিঙ্গনাসনাযা’’তি ইমিনা দণ্ডকম্মনাসনসংৰাসনাসনানি নিৰত্তেতি।
237.Anuyuñjiyamānoti ettha anuyuñjasaddo pucchanatthoti āha ‘‘pucchiyamāno’’ti. Paratoti parasmiṃyeva khandhaketi (mahāva. 237) attho. Alaṃ bhikkhu mā bhaṇḍanantiādīnīti ettha ādisaddena ‘‘mā kalahaṃ, mā vivāda’’ntivacanāni saṅgaṇhāti, vacanāni vatvā omadditvāti yojanā. Vacanomaddanāti vacaneneva omaddanā. Hīti saccaṃ. Idhāti imasmiṃ pavāraṇāṭṭhapanaṭṭhāne. Anuddhaṃsitaṃ paṭijānātīti ettha paṭijānanākāraṃ dassento āha ‘‘amūlakena pārājikena anuddhaṃsito ayaṃ mayā’’ti. ‘‘Liṅganāsanāyā’’ti iminā daṇḍakammanāsanasaṃvāsanāsanāni nivatteti.
২৩৮. এতন্তি ‘‘অসুকা আপত্তী’’তি ৰচনং। কলহস্স মুখন্তি কলহস্স উপাযো।
238.Etanti ‘‘asukā āpattī’’ti vacanaṃ. Kalahassa mukhanti kalahassa upāyo.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১৪১. পৰারণাঠপনং • 141. Pavāraṇāṭhapanaṃ
১৪২. থুল্লচ্চযৰত্থুকাদি • 142. Thullaccayavatthukādi
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / পৰারণাঠপনকথা • Pavāraṇāṭhapanakathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / পৰারণাঠপনকথাৰণ্ণনা • Pavāraṇāṭhapanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অনাপত্তিপন্নরসকাদিকথাৰণ্ণনা • Anāpattipannarasakādikathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অফাসুৰিহারকথাদিৰণ্ণনা • Aphāsuvihārakathādivaṇṇanā
