| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੪੧. ਪવਾਰਣਾਟ੍ਠਪਨਕਥਾ
141. Pavāraṇāṭṭhapanakathā
੨੩੬. ਸਬ੍ਬਂ ਸਙ੍ਗਣ੍ਹਾਤੀਤਿ ਸਬ੍ਬਸਙ੍ਗਾਹਿਕਂ। ਪੁਗ੍ਗਲਸ੍ਸ ਠਪਨਂ ਪੁਗ੍ਗਲਿਕਂ। ਤਤ੍ਥਾਤਿ ਦ੍વੀਸੁ ਪવਾਰਣਾਟ੍ਠਪਨੇਸੁ । ਸਬ੍ਬਸਙ੍ਗਾਹਿਕੇ ਠਪਿਤਾ ਹੋਤੀਤਿ ਸਮ੍ਬਨ੍ਧੋ। ਯਾવ ਰੇਕਾਰੋ ਅਤ੍ਥਿ, ਤਾવਾਤਿ ਯੋਜਨਾ। ਭਾਸਿਯਿਤ੍ਥਾਤਿ ਭਾਸਿਤਾ। ਲਪਿਯਿਤ੍ਥਾਤਿ ਲਪਿਤਾ। ਨ ਪਰਿਯੋਸਿਯਿਤ੍ਥਾਤਿ ਅਪਰਿਯੋਸਿਤਾ। ਏਤ੍ਥਨ੍ਤਰੇਤਿ ਏਤਸ੍ਮਿਂ ਸੁਕਾਰਰੇਕਾਰਾਨਂ ਅਨ੍ਤਰੇ। ਏਕਪਦੇਪੀਤਿ ਪਿਸਦ੍ਦੋ ਏਕਕ੍ਖਰੇਪੀਤਿ ਅਤ੍ਥਂ ਸਮ੍ਪਿਣ੍ਡੇਤਿ। ਠਪਿਤਾਤਿ ‘‘ਸੁਣਾਤੁ ਮੇ ਭਨ੍ਤੇ ਸਙ੍ਘੋ, ਇਤ੍ਥਨ੍ਨਾਮੋ ਪੁਗ੍ਗਲੋ ਸਾਪਤ੍ਤਿਕੋ, ਤਸ੍ਸ ਪવਾਰਣਂ ਠਪੇਮੀ’’ਤਿ ਞਤ੍ਤਿਯਾ ਠਪਿਤਾ। ਯ੍ਯਕਾਰੇਤਿ ‘‘ਪવਾਰੇਯ੍ਯਾ’’ਤਿ ਏਤ੍ਥ ਯ੍ਯਕਾਰੇ। ਤਤੋਤਿ ਯ੍ਯਕਾਰਤੋ। ਪੁਗ੍ਗਲਿਕਟ੍ਠਪਨੇ ਪਨ ਅਟ੍ਠਪਿਤਾ ਹੋਤੀਤਿ ਸਮ੍ਬਨ੍ਧੋ। ਸਂਕਾਰਤੋਤਿ ‘‘ਸਙ੍ਘਂ ਭਨ੍ਤੇ’’ਤਿ ਏਤ੍ਥ ਸਂਕਾਰਤੋ। ਸਬ੍ਬਪਚ੍ਛਿਮੋਤਿ ਤੀਸੁ વਾਰੇਸੁ ਤਤਿਯવਾਰੇ ਸਬ੍ਬੇਸਂ ਅਕ੍ਖਰਾਨਂ ਪਚ੍ਛਿਮੋ ਟਿਕਾਰੋ ਅਤ੍ਥੀਤਿ ਯੋਜਨਾ। ਏਤ੍ਥਨ੍ਤਰੇਤਿ ਏਤਸ੍ਮਿਂ ਸਂਕਾਰਟਿਕਾਰਾਨਂ ਅਨ੍ਤਰੇ। ਤਸ੍ਮਾਤਿ ਯਸ੍ਮਾ ਪਰਿਯੋਸਿਤਾ ਹੋਤਿ, ਤਸ੍ਮਾ। ‘‘ਏਸੇવ ਨਯੋ’’ਤਿ વੁਤ੍ਤવਚਨਂ વਿਤ੍ਥਾਰੇਨ੍ਤੋ ਆਹ ‘‘ਏਤਾਸੁਪਿ ਹੀ’’ਤਿਆਦਿ। ਤਤ੍ਥ ਏਤਾਸੁਪੀਤਿ ਦ੍વੇવਾਚਿਕਏਕવਾਚਿਕਸਮਾਨવਸ੍ਸਿਕਾਸੁਪਿ। ਪਿਸਦ੍ਦੋ ਤੇવਾਚਿਕਮਪੇਕ੍ਖਤਿ। ਠਪਨਖੇਤ੍ਤਨ੍ਤਿ ਠਪਨਸ੍ਸ ਭੂਮਿ। ਇਤਿਸਦ੍ਦੋ ਪਰਿਸਮਾਪਨਤ੍ਥੋ।
236. Sabbaṃ saṅgaṇhātīti sabbasaṅgāhikaṃ. Puggalassa ṭhapanaṃ puggalikaṃ. Tatthāti dvīsu pavāraṇāṭṭhapanesu . Sabbasaṅgāhike ṭhapitā hotīti sambandho. Yāva rekāro atthi, tāvāti yojanā. Bhāsiyitthāti bhāsitā. Lapiyitthāti lapitā. Na pariyosiyitthāti apariyositā. Etthantareti etasmiṃ sukārarekārānaṃ antare. Ekapadepīti pisaddo ekakkharepīti atthaṃ sampiṇḍeti. Ṭhapitāti ‘‘suṇātu me bhante saṅgho, itthannāmo puggalo sāpattiko, tassa pavāraṇaṃ ṭhapemī’’ti ñattiyā ṭhapitā. Yyakāreti ‘‘pavāreyyā’’ti ettha yyakāre. Tatoti yyakārato. Puggalikaṭṭhapane pana aṭṭhapitā hotīti sambandho. Saṃkāratoti ‘‘saṅghaṃ bhante’’ti ettha saṃkārato. Sabbapacchimoti tīsu vāresu tatiyavāre sabbesaṃ akkharānaṃ pacchimo ṭikāro atthīti yojanā. Etthantareti etasmiṃ saṃkāraṭikārānaṃ antare. Tasmāti yasmā pariyositā hoti, tasmā. ‘‘Eseva nayo’’ti vuttavacanaṃ vitthārento āha ‘‘etāsupi hī’’tiādi. Tattha etāsupīti dvevācikaekavācikasamānavassikāsupi. Pisaddo tevācikamapekkhati. Ṭhapanakhettanti ṭhapanassa bhūmi. Itisaddo parisamāpanattho.
੨੩੭. ਅਨੁਯੁਞ੍ਜਿਯਮਾਨੋਤਿ ਏਤ੍ਥ ਅਨੁਯੁਞ੍ਜਸਦ੍ਦੋ ਪੁਚ੍ਛਨਤ੍ਥੋਤਿ ਆਹ ‘‘ਪੁਚ੍ਛਿਯਮਾਨੋ’’ਤਿ। ਪਰਤੋਤਿ ਪਰਸ੍ਮਿਂਯੇવ ਖਨ੍ਧਕੇਤਿ (ਮਹਾવ॰ ੨੩੭) ਅਤ੍ਥੋ। ਅਲਂ ਭਿਕ੍ਖੁ ਮਾ ਭਣ੍ਡਨਨ੍ਤਿਆਦੀਨੀਤਿ ਏਤ੍ਥ ਆਦਿਸਦ੍ਦੇਨ ‘‘ਮਾ ਕਲਹਂ, ਮਾ વਿવਾਦ’’ਨ੍ਤਿવਚਨਾਨਿ ਸਙ੍ਗਣ੍ਹਾਤਿ, વਚਨਾਨਿ વਤ੍વਾ ਓਮਦ੍ਦਿਤ੍વਾਤਿ ਯੋਜਨਾ। વਚਨੋਮਦ੍ਦਨਾਤਿ વਚਨੇਨੇવ ਓਮਦ੍ਦਨਾ। ਹੀਤਿ ਸਚ੍ਚਂ। ਇਧਾਤਿ ਇਮਸ੍ਮਿਂ ਪવਾਰਣਾਟ੍ਠਪਨਟ੍ਠਾਨੇ। ਅਨੁਦ੍ਧਂਸਿਤਂ ਪਟਿਜਾਨਾਤੀਤਿ ਏਤ੍ਥ ਪਟਿਜਾਨਨਾਕਾਰਂ ਦਸ੍ਸੇਨ੍ਤੋ ਆਹ ‘‘ਅਮੂਲਕੇਨ ਪਾਰਾਜਿਕੇਨ ਅਨੁਦ੍ਧਂਸਿਤੋ ਅਯਂ ਮਯਾ’’ਤਿ। ‘‘ਲਿਙ੍ਗਨਾਸਨਾਯਾ’’ਤਿ ਇਮਿਨਾ ਦਣ੍ਡਕਮ੍ਮਨਾਸਨਸਂવਾਸਨਾਸਨਾਨਿ ਨਿવਤ੍ਤੇਤਿ।
237.Anuyuñjiyamānoti ettha anuyuñjasaddo pucchanatthoti āha ‘‘pucchiyamāno’’ti. Paratoti parasmiṃyeva khandhaketi (mahāva. 237) attho. Alaṃ bhikkhu mā bhaṇḍanantiādīnīti ettha ādisaddena ‘‘mā kalahaṃ, mā vivāda’’ntivacanāni saṅgaṇhāti, vacanāni vatvā omadditvāti yojanā. Vacanomaddanāti vacaneneva omaddanā. Hīti saccaṃ. Idhāti imasmiṃ pavāraṇāṭṭhapanaṭṭhāne. Anuddhaṃsitaṃ paṭijānātīti ettha paṭijānanākāraṃ dassento āha ‘‘amūlakena pārājikena anuddhaṃsito ayaṃ mayā’’ti. ‘‘Liṅganāsanāyā’’ti iminā daṇḍakammanāsanasaṃvāsanāsanāni nivatteti.
੨੩੮. ਏਤਨ੍ਤਿ ‘‘ਅਸੁਕਾ ਆਪਤ੍ਤੀ’’ਤਿ વਚਨਂ। ਕਲਹਸ੍ਸ ਮੁਖਨ੍ਤਿ ਕਲਹਸ੍ਸ ਉਪਾਯੋ।
238.Etanti ‘‘asukā āpattī’’ti vacanaṃ. Kalahassa mukhanti kalahassa upāyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੪੧. ਪવਾਰਣਾਠਪਨਂ • 141. Pavāraṇāṭhapanaṃ
੧੪੨. ਥੁਲ੍ਲਚ੍ਚਯવਤ੍ਥੁਕਾਦਿ • 142. Thullaccayavatthukādi
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਪવਾਰਣਾਠਪਨਕਥਾ • Pavāraṇāṭhapanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪવਾਰਣਾਠਪਨਕਥਾવਣ੍ਣਨਾ • Pavāraṇāṭhapanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਨਾਪਤ੍ਤਿਪਨ੍ਨਰਸਕਾਦਿਕਥਾવਣ੍ਣਨਾ • Anāpattipannarasakādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਫਾਸੁવਿਹਾਰਕਥਾਦਿવਣ੍ਣਨਾ • Aphāsuvihārakathādivaṇṇanā
