| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
21. бавааран̣аавинижчаяагат̇аа
21. Pavāraṇāvinicchayakathā
116. звам̣ бадиг̇г̇ахан̣авинижчаяам̣ гат̇зд̇ваа ид̣̇аани бавааран̣аавинижчаяам̣ гат̇зд̇ум̣ ‘‘бадигкзбабавааран̣аа’’д̇иаад̣̇имааха. д̇ад̇т̇а бадигкибанам̣ бадигкзбо, асамбадижчананд̇и ад̇т̇о. баваарияад̇з бавааран̣аа, бадисзд̇хананд̇яад̇т̇о. бадигкзбасан̇каад̇аа бавааран̣аа бадигкзбабавааран̣аа. ат̇а ваа бадигкзбавасзна бавааран̣аа бадигкзбабавааран̣аа. бан̃жаннам̣ бхож̇анаанам̣ ан̃н̃ад̇арам̣ бхун̃ж̇анд̇асса ан̃н̃асмим̣ бхож̇анз абхихадз бадигкзбасан̇каад̇аа бавааран̣аад̇и самб̣анд̇хо.
116. Evaṃ paṭiggahaṇavinicchayaṃ kathetvā idāni pavāraṇāvinicchayaṃ kathetuṃ ‘‘paṭikkhepapavāraṇā’’tiādimāha. Tattha paṭikkhipanaṃ paṭikkhepo, asampaṭicchananti attho. Pavāriyate pavāraṇā, paṭisedhanantyattho. Paṭikkhepasaṅkhātā pavāraṇā paṭikkhepapavāraṇā. Atha vā paṭikkhepavasena pavāraṇā paṭikkhepapavāraṇā. Pañcannaṃ bhojanānaṃ aññataraṃ bhuñjantassa aññasmiṃ bhojane abhihaṭe paṭikkhepasaṅkhātā pavāraṇāti sambandho.
117. яам̣ аснаад̇ийд̇и яам̣ бхун̃ж̇ад̇и. амб̣илабааяаасаад̣̇ийсууд̇и аад̣̇и-сад̣̇д̣̇зна кийрабааяаасаад̣̇им̣ сан̇г̇ан̣хаад̇и. д̇ад̇т̇а амб̣илабааяаасаг̇г̇ахан̣зна д̇аггаад̣̇иамб̣иласам̣яуд̇д̇аа гханаяааг̇у вуд̇д̇аа. кийрабааяаасаг̇г̇ахан̣зна кийрасам̣яуд̇д̇аа яааг̇у сан̇г̇аяхад̇и. бавааран̣ам̣ ж̇анзд̇ийд̇и анад̇ирид̇д̇абхож̇анаабад̇д̇иниб̣анд̇ханам̣ бадигкзбам̣ саад̇хзд̇и. гад̇оби бадигкзбо анад̇ирид̇д̇абхож̇анаабад̇д̇иниб̣анд̇хано на ход̇и, агад̇адтаанзязва д̇идтад̇ийд̇и ааха ‘‘бавааран̣ам̣ на ж̇анзд̇ий’’д̇и.
117.Yaṃ asnātīti yaṃ bhuñjati. Ambilapāyāsādīsūti ādi-saddena khīrapāyāsādiṃ saṅgaṇhāti. Tattha ambilapāyāsaggahaṇena takkādiambilasaṃyuttā ghanayāgu vuttā. Khīrapāyāsaggahaṇena khīrasaṃyuttā yāgu saṅgayhati. Pavāraṇaṃ janetīti anatirittabhojanāpattinibandhanaṃ paṭikkhepaṃ sādheti. Katopi paṭikkhepo anatirittabhojanāpattinibandhano na hoti, akataṭṭhāneyeva tiṭṭhatīti āha ‘‘pavāraṇaṃ na janetī’’ti.
‘‘яааг̇у-сад̣̇д̣̇асса бавааран̣аж̇анагаяааг̇уяааби саад̇хааран̣ад̇д̇аа ‘яааг̇ум̣ г̇ан̣хат̇аа’д̇и вуд̇д̇зби бавааран̣аа ход̇ийд̇и бавааран̣ам̣ ж̇анзд̇иязваад̇и вуд̇д̇а’’нд̇и д̇ийсуби г̇ан̣тибад̣̇зсу вуд̇д̇ам̣. д̇ам̣ барад̇о д̇ад̇т̇зва ‘‘бхад̇д̇амиссагам̣ яааг̇ум̣ аахарид̇ваа’’д̇и зд̇т̇а вуд̇д̇агааран̣зна на самзд̇и. вуд̇д̇ан̃хи д̇ад̇т̇а – хздтаа аяааг̇угз ниманд̇анз уд̣̇агаган̃ж̇игакийраад̣̇ийхи сад̣̇д̇хим̣ мад̣̇д̣̇ид̇ам̣ бхад̇д̇амзва санд̇хааяа ‘‘яааг̇ум̣ г̇ан̣хат̇аа’’д̇и вуд̇д̇ад̇д̇аа бавааран̣аа ход̇и. ‘‘бхад̇д̇амиссагам̣ яааг̇ум̣ аахарид̇ваа’’д̇и зд̇т̇а бана висум̣ яааг̇уяаа виж̇ж̇амаанад̇д̇аа бавааран̣аа на ход̇ийд̇и. д̇асмаа д̇ад̇т̇а вуд̇д̇анаязнзва кийраад̣̇ийхи сад̣̇д̇хим̣ мад̣̇д̣̇ид̇ам̣ бхад̇д̇амзва санд̇хааяа ‘‘яааг̇ум̣ г̇ан̣хат̇аа’’д̇и вуд̇д̇ад̇д̇аа яааг̇уяаава д̇ад̇т̇а абхаавад̇о бавааран̣аа ход̇ийд̇и звамзд̇т̇а гааран̣ам̣ вад̇д̇аб̣б̣ам̣. зван̃хи сад̇и барад̇о ‘‘язнаабужчид̇о, д̇асса ад̇т̇ид̇ааяаа’’д̇и адтагат̇ааяа вуд̇д̇агааран̣знаби сам̣санд̣̇ад̇и, ан̃н̃ат̇аа г̇ан̣тибад̣̇зсуязва буб̣б̣аабаравирод̇хо аабаж̇ж̇ад̇и, адтагат̇ааяа жа на самзд̇ийд̇и. сажз…бз… бан̃н̃ааяад̇ийд̇и иминаа вуд̇д̇аббамаан̣асса мажчамам̣сакан̣д̣асса нахааруно ваа саб̣бхаавамад̇д̇ам̣ д̣̇ассзд̇и. д̇аахийд̇и бут̇угаахи.
‘‘Yāgu-saddassa pavāraṇajanakayāguyāpi sādhāraṇattā ‘yāguṃ gaṇhathā’ti vuttepi pavāraṇā hotīti pavāraṇaṃ janetiyevāti vutta’’nti tīsupi gaṇṭhipadesu vuttaṃ. Taṃ parato tattheva ‘‘bhattamissakaṃ yāguṃ āharitvā’’ti ettha vuttakāraṇena na sameti. Vuttañhi tattha – heṭṭhā ayāguke nimantane udakakañjikakhīrādīhi saddhiṃ madditaṃ bhattameva sandhāya ‘‘yāguṃ gaṇhathā’’ti vuttattā pavāraṇā hoti. ‘‘Bhattamissakaṃ yāguṃ āharitvā’’ti ettha pana visuṃ yāguyā vijjamānattā pavāraṇā na hotīti. Tasmā tattha vuttanayeneva khīrādīhi saddhiṃ madditaṃ bhattameva sandhāya ‘‘yāguṃ gaṇhathā’’ti vuttattā yāguyāva tattha abhāvato pavāraṇā hotīti evamettha kāraṇaṃ vattabbaṃ. Evañhi sati parato ‘‘yenāpucchito, tassa atthitāyā’’ti aṭṭhakathāya vuttakāraṇenapi saṃsandati, aññathā gaṇṭhipadesuyeva pubbāparavirodho āpajjati, aṭṭhakathāya ca na sametīti. Sace…pe… paññāyatīti iminā vuttappamāṇassa macchamaṃsakhaṇḍassa nahāruno vā sabbhāvamattaṃ dasseti. Tāhīti puthukāhi.
сааливийхияавзхи гад̇асад̇д̇ууд̇и язбхуяяанаязна вуд̇д̇ам̣, сад̇д̇а д̇хан̃н̃аани бана бхаж̇ж̇ид̇ваа гад̇оби сад̇д̇уязва. д̇знзвааха ‘‘ган̇г̇уварага…бз… сад̇д̇усан̇г̇ахамзва г̇ажчад̇ий’’д̇и. сад̇д̇умод̣̇агод̇и сад̇д̇уяо бин̣д̣зд̇ваа гад̇о абагго сад̇д̇уг̇ул̣о . вимад̇ивинод̣̇анияам̣ (ви. ви. дий. баажид̇д̇ияа 2.238-239) бана ‘‘сад̇д̇умод̣̇агод̇и сад̇д̇ум̣ д̇змзд̇ваа гад̇о абагго, сад̇д̇ум̣ бана бисид̇ваа бидтам̣ гад̇ваа д̇змзд̇ваа буувам̣ гад̇ваа бажанд̇и, д̇ам̣ на баваарзд̇ий’’д̇и вуд̇д̇ам̣.
Sālivīhiyavehi katasattūti yebhuyyanayena vuttaṃ, satta dhaññāni pana bhajjitvā katopi sattuyeva. Tenevāha ‘‘kaṅguvaraka…pe… sattusaṅgahameva gacchatī’’ti. Sattumodakoti sattuyo piṇḍetvā kato apakko sattuguḷo . Vimativinodaniyaṃ (vi. vi. ṭī. pācittiya 2.238-239) pana ‘‘sattumodakoti sattuṃ temetvā kato apakko, sattuṃ pana pisitvā piṭṭhaṃ katvā temetvā pūvaṃ katvā pacanti, taṃ na pavāretī’’ti vuttaṃ.
бан̃жаннам̣ бхож̇анаанам̣ ан̃н̃ад̇аравасзна виббагад̇абхож̇анабхаавасса убажчиннад̇д̇аа ‘‘мукз саасабамад̇д̇амби…бз… на баваарзд̇ий’’д̇и вуд̇д̇ам̣. ‘‘агаббияамам̣сам̣ бадигкибад̇и, на баваарзд̇ий’’д̇и важанад̇о сажз сан̇гхигам̣ лаабхам̣ ад̇д̇ано абаабун̣анд̇ам̣ ж̇аанид̇ваа ваа аж̇аанид̇ваа ваа бадигкибад̇и, на баваарзд̇и бадигкибид̇аб̣б̣ассзва бадигкид̇д̇ад̇д̇аа, алаж̇ж̇исанд̇агам̣ бадигкибанд̇оби на баваарзд̇и. авад̇т̇уд̇ааяаад̇и анад̇ирид̇д̇аабад̇д̇исаад̇хигааяа бавааран̣ааяа авад̇т̇убхаавад̇о. зд̇зна бадигкибид̇аб̣б̣ассзва бадигкид̇д̇абхаавам̣ д̣̇ийбзд̇и. яан̃хи бадигкибид̇аб̣б̣ам̣ ход̇и, д̇асса бадигкзбо аабад̇д̇ияаа ан̇г̇ам̣ на ход̇ийд̇и д̇ам̣ бавааран̣ааяа авад̇т̇ууд̇и вужжад̇и.
Pañcannaṃ bhojanānaṃ aññataravasena vippakatabhojanabhāvassa upacchinnattā ‘‘mukhe sāsapamattampi…pe… na pavāretī’’ti vuttaṃ. ‘‘Akappiyamaṃsaṃ paṭikkhipati, na pavāretī’’ti vacanato sace saṅghikaṃ lābhaṃ attano apāpuṇantaṃ jānitvā vā ajānitvā vā paṭikkhipati, na pavāreti paṭikkhipitabbasseva paṭikkhittattā, alajjisantakaṃ paṭikkhipantopi na pavāreti. Avatthutāyāti anatirittāpattisādhikāya pavāraṇāya avatthubhāvato. Etena paṭikkhipitabbasseva paṭikkhittabhāvaṃ dīpeti. Yañhi paṭikkhipitabbaṃ hoti, tassa paṭikkhepo āpattiyā aṅgaṃ na hotīti taṃ pavāraṇāya avatthūti vuccati.
118. аасаннад̇арам̣ ан̇г̇анд̇и хад̇т̇абаасад̇о б̣ахи тад̇ваа онамид̇ваа д̣̇знд̇асса сийсам̣ аасаннад̇арам̣ ход̇и, д̇асса ориманд̇зна барижчинд̣̇ид̇аб̣б̣ам̣.
118.Āsannataraṃ aṅganti hatthapāsato bahi ṭhatvā onamitvā dentassa sīsaṃ āsannataraṃ hoti, tassa orimantena paricchinditabbaṃ.
убанаамзд̇ийд̇и иминаа гааяаабхихаарам̣ д̣̇ассзд̇и. абанаамзд̇ваад̇и абхимукам̣ харид̇ваа. ид̣̇ам̣ бхад̇д̇ам̣ г̇ан̣хаад̇и вад̣̇ад̇ийд̇и гин̃жи абанаамзд̇ваа вад̣̇ад̇и. гзвалам̣ ваажаабхихаарасса анад̇хиббзд̇ад̇д̇аа г̇ан̣хат̇аад̇и г̇ахзд̇ум̣ аарад̣̇д̇хам̣. хад̇т̇абаасад̇о б̣ахи тид̇асса сад̇иби д̣̇аад̇угаамад̇аабхихаарз бадигкибанд̇асса д̣̇уурабхаавзнзва бавааран̣ааяа абхаавад̇о т̇зрассаби д̣̇уурабхаавамад̇д̇ам̣ г̇ахзд̇ваа бавааран̣ааяа абхаавам̣ д̣̇ассзнд̇о ‘‘т̇зрасса д̣̇уурабхаавад̇о’’д̇иаад̣̇имааха, на бана т̇зрасса абхихаарасамбхавад̇о. сажзби г̇ахзд̇ваа г̇ад̇о хад̇т̇абаасз тид̇о ход̇и, гин̃жи бана авад̇ваа аад̇хаарадтаанз тид̇ад̇д̇аа абхихааро наама на ход̇ийд̇и ‘‘д̣̇ууд̇асса жа анабхихаран̣ад̇о’’д̇и вуд̇д̇ам̣. ‘‘г̇ахзд̇ваа ааг̇ад̇зна ‘бхад̇д̇ам̣ г̇ан̣хат̇аа’д̇и вуд̇д̇з абхихааро наама ход̇ийд̇и ‘сажз бана г̇ахзд̇ваа ааг̇ад̇о бхигку…бз… бавааран̣аа ход̇ий’д̇и вуд̇д̇а’’нд̇и д̇ийсуби г̇ан̣тибад̣̇зсу вуд̇д̇ам̣. гзжи бана ‘‘бад̇д̇ам̣ гин̃жиби убанаамзд̇ваа ‘имам̣ бхад̇д̇ам̣ г̇ан̣хат̇аа’д̇и вуд̇д̇анд̇и г̇ахзд̇аб̣б̣а’’нд̇и вад̣̇анд̇и, д̇ам̣ яуд̇д̇ам̣ вияа д̣̇иссад̇и ваажаабхихаарасса ид̇ха анад̇хиббзд̇ад̇д̇аа.
Upanāmetīti iminā kāyābhihāraṃ dasseti. Apanāmetvāti abhimukhaṃ haritvā. Idaṃ bhattaṃ gaṇhāti vadatīti kiñci apanāmetvā vadati. Kevalaṃ vācābhihārassa anadhippetattā gaṇhathāti gahetuṃ āraddhaṃ. Hatthapāsato bahi ṭhitassa satipi dātukāmatābhihāre paṭikkhipantassa dūrabhāveneva pavāraṇāya abhāvato therassapi dūrabhāvamattaṃ gahetvā pavāraṇāya abhāvaṃ dassento ‘‘therassa dūrabhāvato’’tiādimāha, na pana therassa abhihārasambhavato. Sacepi gahetvā gato hatthapāse ṭhito hoti, kiñci pana avatvā ādhāraṭṭhāne ṭhitattā abhihāro nāma na hotīti ‘‘dūtassa ca anabhiharaṇato’’ti vuttaṃ. ‘‘Gahetvā āgatena ‘bhattaṃ gaṇhathā’ti vutte abhihāro nāma hotīti ‘sace pana gahetvā āgato bhikkhu…pe… pavāraṇā hotī’ti vutta’’nti tīsupi gaṇṭhipadesu vuttaṃ. Keci pana ‘‘pattaṃ kiñcipi upanāmetvā ‘imaṃ bhattaṃ gaṇhathā’ti vuttanti gahetabba’’nti vadanti, taṃ yuttaṃ viya dissati vācābhihārassa idha anadhippetattā.
баривзсанааяаад̇и бхад̇д̇аг̇г̇з. абхихадаава ход̇ийд̇и баривзсагзнзва абхихадаа ход̇и. д̇ад̇о д̣̇аад̇угаамад̇ааяа г̇ан̣ханд̇ам̣ бадигкибанд̇асса бавааран̣аа ход̇ийд̇и зд̇т̇а аг̇г̇ан̣ханд̇амби бадигкибад̇о бавааран̣аа ход̇иязва. гасмаа? д̣̇аад̇угаамад̇ааяа абхихадад̇д̇аа, ‘‘д̇асмаа саа абхихадаава ход̇ий’’д̇и хи вуд̇д̇ам̣. д̇знзва д̇ийсуби г̇ан̣тибад̣̇зсу ‘‘д̣̇аад̇угаамаабхихаарз сад̇и гзвалам̣ ‘д̣̇ассаамий’д̇и г̇ахан̣амзва абхихааро на ход̇и, ‘д̣̇ассаамий’д̇и г̇ан̣ханд̇зби аг̇ан̣ханд̇зби д̣̇аад̇угаамад̇аабхихаарова абхихааро ход̇и, д̇асмаа г̇ахан̣асамаяз ваа аг̇г̇ахан̣асамаяз ваа д̇ам̣ бадигкибад̇о бавааран̣аа ход̇ий’’д̇и вуд̇д̇ам̣. ид̣̇аани д̇асса асад̇и д̣̇аад̇угаамад̇аабхихаарз г̇ахан̣асамаязби бадигкибад̇о бавааран̣аа на ход̇ийд̇и д̣̇ассзд̇ум̣ ‘‘сажз банаа’’д̇иаад̣̇и вуд̇д̇ам̣. гадажчунаа анугкид̇д̇амби буб̣б̣з зва абхихадад̇д̇аа бавааран̣аа ход̇ийд̇и ‘‘абхихадаава ход̇ий’’д̇и вуд̇д̇ам̣. уд̣̇д̇хадамад̇д̇зд̇и бхааж̇анад̇о вияож̇ид̇амад̇д̇з. д̣̇виннам̣ самабхаарзбийд̇и баривзсагасса жа ан̃н̃асса жа бхад̇д̇абажчибхаараг̇г̇ахан̣з самбхууд̇збийд̇и ад̇т̇о.
Parivesanāyāti bhattagge. Abhihaṭāva hotīti parivesakeneva abhihaṭā hoti. Tatodātukāmatāya gaṇhantaṃ paṭikkhipantassa pavāraṇā hotīti ettha aggaṇhantampi paṭikkhipato pavāraṇā hotiyeva. Kasmā? Dātukāmatāya abhihaṭattā, ‘‘tasmā sā abhihaṭāva hotī’’ti hi vuttaṃ. Teneva tīsupi gaṇṭhipadesu ‘‘dātukāmābhihāre sati kevalaṃ ‘dassāmī’ti gahaṇameva abhihāro na hoti, ‘dassāmī’ti gaṇhantepi agaṇhantepi dātukāmatābhihārova abhihāro hoti, tasmā gahaṇasamaye vā aggahaṇasamaye vā taṃ paṭikkhipato pavāraṇā hotī’’ti vuttaṃ. Idāni tassa asati dātukāmatābhihāre gahaṇasamayepi paṭikkhipato pavāraṇā na hotīti dassetuṃ ‘‘sace panā’’tiādi vuttaṃ. Kaṭacchunā anukkhittampi pubbe eva abhihaṭattā pavāraṇā hotīti ‘‘abhihaṭāva hotī’’ti vuttaṃ. Uddhaṭamatteti bhājanato viyojitamatte. Dvinnaṃ samabhārepīti parivesakassa ca aññassa ca bhattapacchibhāraggahaṇe sambhūtepīti attho.
119. расам̣ г̇ан̣хат̇аад̇и зд̇т̇а гзвалам̣ мам̣сарасасса абавааран̣ааж̇анагасса наамзна вуд̇д̇ад̇д̇аа бадигкибад̇о бавааран̣аа на ход̇и. мажчарасанд̇иаад̣̇ийсу мажчо жа расан̃жаад̇и ад̇т̇асамбхавад̇о, вад̇т̇уноби д̇аад̣̇исад̇д̇аа бавааран̣аа ход̇и. ‘‘ид̣̇ам̣ г̇ан̣хат̇аа’’д̇иби авад̇ваа д̇ун̣хийбхууд̇зна абхихадам̣ бадигкибад̇оби ход̇и зва.
119.Rasaṃ gaṇhathāti ettha kevalaṃ maṃsarasassa apavāraṇājanakassa nāmena vuttattā paṭikkhipato pavāraṇā na hoti. Maccharasantiādīsu maccho ca rasañcāti atthasambhavato, vatthunopi tādisattā pavāraṇā hoti. ‘‘Idaṃ gaṇhathā’’tipi avatvā tuṇhībhūtena abhihaṭaṃ paṭikkhipatopi hoti eva.
гарамб̣агод̇и миссагаад̇хиважанамзд̇ам̣. яан̃хи б̣ахуухи миссзд̇ваа гаронд̇и, со ‘‘гарамб̣аго’’д̇и вужжад̇и, со сажзби мам̣сзна миссзд̇ваа гад̇о ход̇и, ‘‘гарамб̣агам̣ г̇ан̣хат̇аа’’д̇и абавааран̣аарахасса наамзна вуд̇д̇ад̇д̇аа бадигкибад̇о бавааран̣аа на ход̇и. ‘‘мам̣сагарамб̣агам̣ г̇ан̣хат̇аа’’д̇и вуд̇д̇з бана ‘‘мам̣самиссагам̣ г̇ан̣хат̇аа’’д̇и вуд̇д̇ам̣ ход̇и, д̇асмаа бавааран̣аава ход̇и.
Karambakoti missakādhivacanametaṃ. Yañhi bahūhi missetvā karonti, so ‘‘karambako’’ti vuccati, so sacepi maṃsena missetvā kato hoti, ‘‘karambakaṃ gaṇhathā’’ti apavāraṇārahassa nāmena vuttattā paṭikkhipato pavāraṇā na hoti. ‘‘Maṃsakarambakaṃ gaṇhathā’’ti vutte pana ‘‘maṃsamissakaṃ gaṇhathā’’ti vuttaṃ hoti, tasmā pavāraṇāva hoti.
120. ‘‘уд̣̇д̣̇иссагад̇а’’нд̇и ман̃н̃амаанод̇и зд̇т̇а ‘‘вад̇т̇уно габбияад̇д̇аа агаббияасан̃н̃ааяа бадигкзбад̇оби ажид̇д̇агад̇д̇аа имасса сигкаабад̣̇асса бавааран̣аа ход̇ий’’д̇и вад̣̇анд̇и. ‘‘хздтаа аяааг̇угз ниманд̇анз уд̣̇агаган̃ж̇игакийраад̣̇ийхи сад̣̇д̇хим̣ мад̣̇д̣̇ид̇ам̣ бхад̇д̇амзва санд̇хааяа ‘яааг̇ум̣ г̇ан̣хат̇аа’д̇и вуд̇д̇ад̇д̇аа бавааран̣аа ход̇и, ‘бхад̇д̇амиссагам̣ яааг̇ум̣ аахарид̇ваа’д̇и зд̇т̇а бана висум̣ яааг̇уяаа виж̇ж̇амаанад̇д̇аа бавааран̣аа на ход̇ий’’д̇и вад̣̇анд̇и. аяамзд̇т̇а ад̇хиббааяод̇и ‘‘язнаабужчид̇о’’д̇иаад̣̇инаа вуд̇д̇амзвад̇т̇ам̣ санд̇хааяа вад̣̇ад̇и. гааран̣ам̣ банзд̇т̇а д̣̇уд̣̇д̣̇асанд̇и зд̇т̇а згз д̇аава вад̣̇анд̇и ‘‘яасмаа яааг̇умиссагам̣ наама бхад̇д̇амзва на ход̇и, кийраад̣̇игамби ход̇иязва, д̇асмаа гарамб̣агз вияа бавааран̣ааяа на бхавид̇аб̣б̣ам̣, зван̃жа сад̇и ‘яааг̇у б̣ахуд̇араа ваа ход̇и самасамаа ваа , на баваарзд̇и, яааг̇у манд̣̇аа, бхад̇д̇ам̣ б̣ахуд̇арам̣, баваарзд̇ий’д̇и зд̇т̇а гааран̣ам̣ д̣̇уд̣̇д̣̇аса’’нд̇и. гзжи бана вад̣̇анд̇и ‘‘яааг̇умиссагам̣ наама бхад̇д̇ам̣, д̇асмаа д̇ам̣ бадигкибад̇о бавааран̣ааяа зва бхавид̇аб̣б̣ам̣, зван̃жа сад̇и ‘ид̇ха бавааран̣аа ход̇и, на ход̇ий’д̇и зд̇т̇а гааран̣ам̣ д̣̇уд̣̇д̣̇аса’’нд̇и.
120.‘‘Uddissakata’’nti maññamānoti ettha ‘‘vatthuno kappiyattā akappiyasaññāya paṭikkhepatopi acittakattā imassa sikkhāpadassa pavāraṇā hotī’’ti vadanti. ‘‘Heṭṭhā ayāguke nimantane udakakañjikakhīrādīhi saddhiṃ madditaṃ bhattameva sandhāya ‘yāguṃ gaṇhathā’ti vuttattā pavāraṇā hoti, ‘bhattamissakaṃ yāguṃ āharitvā’ti ettha pana visuṃ yāguyā vijjamānattā pavāraṇā na hotī’’ti vadanti. Ayamettha adhippāyoti ‘‘yenāpucchito’’tiādinā vuttamevatthaṃ sandhāya vadati. Kāraṇaṃ panettha duddasanti ettha eke tāva vadanti ‘‘yasmā yāgumissakaṃ nāma bhattameva na hoti, khīrādikampi hotiyeva, tasmā karambake viya pavāraṇāya na bhavitabbaṃ, evañca sati ‘yāgu bahutarā vā hoti samasamā vā , na pavāreti, yāgu mandā, bhattaṃ bahutaraṃ, pavāretī’ti ettha kāraṇaṃ duddasa’’nti. Keci pana vadanti ‘‘yāgumissakaṃ nāma bhattaṃ, tasmā taṃ paṭikkhipato pavāraṇāya eva bhavitabbaṃ, evañca sati ‘idha pavāraṇā hoti, na hotī’ti ettha kāraṇaṃ duddasa’’nti.
яат̇аа жзд̇т̇а гааран̣ам̣ д̣̇уд̣̇д̣̇асам̣, звам̣ барад̇о ‘‘миссагам̣ г̇ан̣хат̇аа’’д̇и зд̇т̇ааби гааран̣ам̣ д̣̇уд̣̇д̣̇асамзваад̇и взд̣̇ид̇аб̣б̣ам̣. на хи бавааран̣аббахонагасса аббаб̣ахубхааво бавааран̣ааяа бхааваабхааванимид̇д̇ам̣, гин̃жарахи бавааран̣ааж̇анагасса наама г̇ахан̣амзвзд̇т̇а бамаан̣ам̣, д̇асмаа ‘‘ид̣̇ан̃жа гарамб̣агзна на самаанзд̇аб̣б̣а’’нд̇иаад̣̇инаа яамби гааран̣ам̣ вуд̇д̇ам̣, д̇амби буб̣б̣з вуд̇д̇зна сам̣санд̣̇ияамаанам̣ на самзд̇и. яад̣̇и хи миссаганд̇и бхад̇д̇амиссагзязва рул̣хам̣ сияаа, звам̣ сад̇и яат̇аа ‘‘бхад̇д̇амиссагам̣ г̇ан̣хат̇аа’’д̇и вуд̇д̇з бхад̇д̇ам̣ б̣ахуд̇арам̣ ваа самам̣ ваа аббад̇арам̣ ваа ход̇и, баваарзд̇иязва, звам̣ ‘‘миссагам̣ г̇ан̣хат̇аа’’д̇и вуд̇д̇зби аббад̇арзби бхад̇д̇з бавааран̣ааяа бхавид̇аб̣б̣ам̣ ‘‘миссага’’нд̇и бхад̇д̇амиссагзязва рул̣хад̇д̇аа. д̇ат̇аа хи ‘‘миссаганд̇и бхад̇д̇амиссагзязва рул̣хавохаарад̇д̇аа ид̣̇ам̣ бана бхад̇д̇амиссагамзваад̇и вуд̇д̇а’’нд̇и д̇ийсуби г̇ан̣тибад̣̇зсу вуд̇д̇ам̣. ат̇а миссаганд̇и бхад̇д̇амиссагз рул̣хам̣ на ход̇и, миссагабхад̇д̇ам̣ бана санд̇хааяа ‘‘миссагам̣ г̇ан̣хат̇аа’’д̇и вуд̇д̇анд̇и. звамби яат̇аа аяааг̇угз ниманд̇анз кийраад̣̇ийхи саммад̣̇д̣̇ид̇ам̣ бхад̇д̇амзва санд̇хааяа ‘‘яааг̇ум̣ г̇ан̣хат̇аа’’д̇и вуд̇д̇з бавааран̣аа ход̇и, звамид̇хааби миссагабхад̇д̇амзва санд̇хааяа ‘‘миссагам̣ г̇ан̣хат̇аа’’д̇и вуд̇д̇з бхад̇д̇ам̣ аббам̣ ваа ход̇у, б̣аху ваа, бавааран̣аа зва сияаа, д̇асмаа миссаганд̇и бхад̇д̇амиссагз рул̣хам̣ ваа ход̇у, миссагам̣ санд̇хааяа бхаасид̇ам̣ ваа, убхаяат̇ааби буб̣б̣знаабарам̣ на самзд̇ийд̇и гимзд̇т̇а гааран̣ажинд̇ааяа. ийд̣̇исзсу бана таанзсу адтагат̇аабамаан̣знзва г̇анд̇аб̣б̣анд̇и аяам̣ амхаагам̣ канд̇и.
Yathā cettha kāraṇaṃ duddasaṃ, evaṃ parato ‘‘missakaṃ gaṇhathā’’ti etthāpi kāraṇaṃ duddasamevāti veditabbaṃ. Na hi pavāraṇappahonakassa appabahubhāvo pavāraṇāya bhāvābhāvanimittaṃ, kiñcarahi pavāraṇājanakassa nāma gahaṇamevettha pamāṇaṃ, tasmā ‘‘idañca karambakena na samānetabba’’ntiādinā yampi kāraṇaṃ vuttaṃ, tampi pubbe vuttena saṃsandiyamānaṃ na sameti. Yadi hi missakanti bhattamissakeyeva ruḷhaṃ siyā, evaṃ sati yathā ‘‘bhattamissakaṃ gaṇhathā’’ti vutte bhattaṃ bahutaraṃ vā samaṃ vā appataraṃ vā hoti, pavāretiyeva, evaṃ ‘‘missakaṃ gaṇhathā’’ti vuttepi appatarepi bhatte pavāraṇāya bhavitabbaṃ ‘‘missaka’’nti bhattamissakeyeva ruḷhattā. Tathā hi ‘‘missakanti bhattamissakeyeva ruḷhavohārattā idaṃ pana bhattamissakamevāti vutta’’nti tīsupi gaṇṭhipadesu vuttaṃ. Atha missakanti bhattamissake ruḷhaṃ na hoti, missakabhattaṃ pana sandhāya ‘‘missakaṃ gaṇhathā’’ti vuttanti. Evampi yathā ayāguke nimantane khīrādīhi sammadditaṃ bhattameva sandhāya ‘‘yāguṃ gaṇhathā’’ti vutte pavāraṇā hoti, evamidhāpi missakabhattameva sandhāya ‘‘missakaṃ gaṇhathā’’ti vutte bhattaṃ appaṃ vā hotu, bahu vā, pavāraṇā eva siyā, tasmā missakanti bhattamissake ruḷhaṃ vā hotu, missakaṃ sandhāya bhāsitaṃ vā, ubhayathāpi pubbenāparaṃ na sametīti kimettha kāraṇacintāya. Īdisesu pana ṭhānesu aṭṭhakathāpamāṇeneva gantabbanti ayaṃ amhākaṃ khanti.
вимад̇ивинод̣̇анияам̣ (ви. ви. дий. баажид̇д̇ияа 2.238-239) бана ‘‘уд̣̇д̣̇иссагад̇анд̇и ман̃н̃амаанод̇и зд̇т̇а вад̇т̇уно габбияад̇д̇аа ‘баваарид̇ова ход̇ий’д̇и вуд̇д̇ам̣. д̇ан̃жз уд̣̇д̣̇иссагад̇амзва ход̇и, бадигкзбо над̇т̇и. аяамзд̇т̇аад̇хиббааяод̇и ‘язнаабужчид̇о’д̇иаад̣̇инаа вуд̇д̇амзвад̇т̇ам̣ санд̇хааяа вад̣̇ад̇и. гааран̣ам̣ банзд̇т̇а д̣̇уд̣̇д̣̇асанд̇и бхад̇д̇асса б̣ахуд̇арабхаавз бавааран̣ааяа самбхавагааран̣ам̣ д̣̇уд̣̇д̣̇асам̣, ан̃н̃ат̇аа гарамб̣агзби мажчаад̣̇иб̣ахубхаавз бавааран̣аа бхавзяяаад̇и ад̇хиббааяо. яат̇аа жзд̇т̇а гааран̣ам̣ д̣̇уд̣̇д̣̇асам̣, звам̣ барад̇о ‘миссагам̣ г̇ан̣хат̇аа’д̇и зд̇т̇ааби гааран̣ам̣ д̣̇уд̣̇д̣̇асамзваад̇и д̣̇адтаб̣б̣ам̣. яан̃жа ‘ид̣̇ам̣ бана бхад̇д̇амиссагамзваа’д̇иаад̣̇и гааран̣ам̣ вуд̇д̇ам̣, д̇амби ‘аббад̇арам̣ на баваарзд̇ий’д̇и важанзна на самзд̇ий’’д̇и зд̇д̇агамзва вуд̇д̇ам̣.
Vimativinodaniyaṃ (vi. vi. ṭī. pācittiya 2.238-239) pana ‘‘uddissakatanti maññamānoti ettha vatthuno kappiyattā ‘pavāritova hotī’ti vuttaṃ. Tañce uddissakatameva hoti, paṭikkhepo natthi. Ayametthādhippāyoti ‘yenāpucchito’tiādinā vuttamevatthaṃ sandhāya vadati. Kāraṇaṃ panettha duddasanti bhattassa bahutarabhāve pavāraṇāya sambhavakāraṇaṃ duddasaṃ, aññathā karambakepi macchādibahubhāve pavāraṇā bhaveyyāti adhippāyo. Yathā cettha kāraṇaṃ duddasaṃ, evaṃ parato ‘missakaṃ gaṇhathā’ti etthāpi kāraṇaṃ duddasamevāti daṭṭhabbaṃ. Yañca ‘idaṃ pana bhattamissakamevā’tiādi kāraṇaṃ vuttaṃ, tampi ‘appataraṃ na pavāretī’ti vacanena na sametī’’ti ettakameva vuttaṃ.
‘‘висум̣ гад̇ваа д̣̇зд̇ийд̇и бхад̇д̇асса убари тид̇ам̣ расаад̣̇им̣ висум̣ г̇ахзд̇ваа д̣̇зд̇ий’’д̇и д̇ийсуби г̇ан̣тибад̣̇зсу вуд̇д̇ам̣. гзхижи бана ‘‘яат̇аа бхад̇д̇асид̇т̇ам̣ на бад̇ад̇и, д̇ат̇аа г̇аал̣хам̣ хад̇т̇зна бийл̣зд̇ваа бариссаавзд̇ваа д̣̇зд̇ий’’д̇и вуд̇д̇ам̣. д̇ад̇т̇ааби гааран̣ам̣ на д̣̇иссад̇и. яат̇аа хи бхад̇д̇амиссагам̣ яааг̇ум̣ аахарид̇ваа ‘‘яааг̇ум̣ г̇ан̣хат̇аа’’д̇и вад̇ваа яааг̇умиссагам̣ бхад̇д̇амби д̣̇знд̇ам̣ бадигкибад̇о бавааран̣аа на ход̇и, звамид̇хааби б̣ахукийрарасаад̣̇ийсу бхад̇д̇зсу ‘‘кийрам̣ г̇ан̣хат̇аа’’д̇иаад̣̇ийни вад̇ваа д̣̇иннаани кийраад̣̇ийни ваа д̣̇зд̇у кийраад̣̇имиссагам̣ бхад̇д̇ам̣ ваа, убхаяат̇ааби бавааран̣ааяа на бхавид̇аб̣б̣ам̣, д̇асмаа ‘‘висум̣ гад̇ваа д̣̇зд̇ий’’д̇и д̇знаагаарзна д̣̇знд̇ам̣ санд̇хааяа вуд̇д̇ам̣, на бана бхад̇д̇амиссагам̣ гад̇ваа д̣̇ийяамаанам̣ бадигкибад̇о бавааран̣аа ход̇ийд̇и д̣̇ассанад̇т̇анд̇и г̇ахзд̇аб̣б̣ам̣. яад̣̇и бана бхад̇д̇амиссагам̣ гад̇ваа д̣̇ийяамаанз бавааран̣аа ход̇ийд̇и ад̇хиббааязна адтагат̇ааяам̣ ‘‘висум̣ гад̇ваа д̣̇зд̇ий’’д̇и вуд̇д̇ам̣, звам̣ сад̇и адтагат̇ааязвзд̇т̇а бамаан̣анд̇и г̇ахзд̇аб̣б̣ам̣, на бана гааран̣анд̇арам̣ г̇авзсид̇аб̣б̣ам̣. вимад̇ивинод̣̇анияам̣ (ви. ви. дий. баажид̇д̇ияа 2.238-239) бана ‘‘висум̣ гад̇ваа д̣̇зд̇ийд̇и ‘расам̣ г̇ан̣хат̇аа’д̇иаад̣̇инаа ваажааяа висум̣ гад̇ваа д̣̇зд̇ийд̇и ад̇т̇о г̇ахзд̇аб̣б̣о, на бана гааязна расаад̣̇им̣ вияож̇зд̇ваад̇и д̇ат̇аа авияож̇ид̇зби бадигкибад̇о бавааран̣ааяа асамбхавад̇о абавааран̣аабахонагасса наамзна вуд̇д̇ад̇д̇аа бхад̇д̇амиссагаяааг̇ум̣ аахарид̇ваа ‘яааг̇ум̣ г̇ан̣хат̇аа’д̇и вуд̇д̇адтаанаад̣̇ийсу вияа, ан̃н̃ат̇аа зд̇т̇а яат̇аа буб̣б̣аабарам̣ на вируж̇жхад̇и, д̇ат̇аа ад̇хиббааяо г̇ахзд̇аб̣б̣о’’д̇и вуд̇д̇ам̣.
‘‘Visuṃ katvā detīti bhattassa upari ṭhitaṃ rasādiṃ visuṃ gahetvā detī’’ti tīsupi gaṇṭhipadesu vuttaṃ. Kehici pana ‘‘yathā bhattasitthaṃ na patati, tathā gāḷhaṃ hatthena pīḷetvā parissāvetvā detī’’ti vuttaṃ. Tatthāpi kāraṇaṃ na dissati. Yathā hi bhattamissakaṃ yāguṃ āharitvā ‘‘yāguṃ gaṇhathā’’ti vatvā yāgumissakaṃ bhattampi dentaṃ paṭikkhipato pavāraṇā na hoti, evamidhāpi bahukhīrarasādīsu bhattesu ‘‘khīraṃ gaṇhathā’’tiādīni vatvā dinnāni khīrādīni vā detu khīrādimissakaṃ bhattaṃ vā, ubhayathāpi pavāraṇāya na bhavitabbaṃ, tasmā ‘‘visuṃ katvā detī’’ti tenākārena dentaṃ sandhāya vuttaṃ, na pana bhattamissakaṃ katvā dīyamānaṃ paṭikkhipato pavāraṇā hotīti dassanatthanti gahetabbaṃ. Yadi pana bhattamissakaṃ katvā dīyamāne pavāraṇā hotīti adhippāyena aṭṭhakathāyaṃ ‘‘visuṃ katvā detī’’ti vuttaṃ, evaṃ sati aṭṭhakathāyevettha pamāṇanti gahetabbaṃ, na pana kāraṇantaraṃ gavesitabbaṃ. Vimativinodaniyaṃ (vi. vi. ṭī. pācittiya 2.238-239) pana ‘‘visuṃ katvā detīti ‘rasaṃ gaṇhathā’tiādinā vācāya visuṃ katvā detīti attho gahetabbo, na pana kāyena rasādiṃ viyojetvāti tathā aviyojitepi paṭikkhipato pavāraṇāya asambhavato apavāraṇāpahonakassa nāmena vuttattā bhattamissakayāguṃ āharitvā ‘yāguṃ gaṇhathā’ti vuttaṭṭhānādīsu viya, aññathā ettha yathā pubbāparaṃ na virujjhati, tathā adhippāyo gahetabbo’’ti vuttaṃ.
нааваа ваа сзд̇у ваад̇иаад̣̇имхи нааваад̣̇иабхируханаад̣̇игкан̣з гин̃жи тад̇вааби абхируханаад̣̇игаад̇аб̣б̣ад̇д̇зби г̇аманад̇аббарад̇ааяа таанам̣ наама на ход̇и, ж̇анасаммад̣̇д̣̇зна бана аногаасаад̣̇ибхаавзна таад̇ум̣ на ваддад̇и. ажаалзд̇ваад̇и вуд̇д̇адтаанад̇о ан̃н̃асмим̣ бийтаббад̣̇зсз ваа уд̣̇д̇хам̣ ваа абзллзд̇ваа, д̇асмим̣ зва бана таанз баривад̇д̇зд̇ум̣ лабхад̇и. д̇знааха ‘‘язна бассзнаа’’д̇иаад̣̇и. сажз уггудигам̣ нисинно баад̣̇з амун̃жид̇вааби бхуумияам̣ нисийд̣̇ад̇и, ирияаабат̇ам̣ вигобзнд̇о наама ход̇ийд̇и уггудигаасанам̣ авигобзд̇ваа сукзна нисийд̣̇ид̇ум̣ ‘‘д̇асса бана хздтаа…бз… нисийд̣̇анагам̣ д̣̇аад̇аб̣б̣а’’нд̇и вуд̇д̇ам̣. ‘‘аасанам̣ ажаалзд̇ваад̇и бийтз пудтогаасад̇о аанисад̣̇амам̣сам̣ аможзд̇ваа анудтахид̇ваад̇и вуд̇д̇ам̣ ход̇и. ад̣̇иннаад̣̇аанз вияа таанаажааванам̣ на г̇ахзд̇аб̣б̣а’’нд̇и д̇ийсуби г̇ан̣тибад̣̇зсу вуд̇д̇ам̣.
Nāvā vā setu vātiādimhi nāvādiabhiruhanādikkhaṇe kiñci ṭhatvāpi abhiruhanādikātabbattepi gamanatapparatāya ṭhānaṃ nāma na hoti, janasammaddena pana anokāsādibhāvena ṭhātuṃ na vaṭṭati. Acāletvāti vuttaṭṭhānato aññasmiṃ pīṭhappadese vā uddhaṃ vā apelletvā, tasmiṃ eva pana ṭhāne parivattetuṃ labhati. Tenāha ‘‘yena passenā’’tiādi. Sace ukkuṭikaṃ nisinno pāde amuñcitvāpi bhūmiyaṃ nisīdati, iriyāpathaṃ vikopento nāma hotīti ukkuṭikāsanaṃ avikopetvā sukhena nisīdituṃ ‘‘tassa pana heṭṭhā…pe… nisīdanakaṃ dātabba’’nti vuttaṃ. ‘‘Āsanaṃ acāletvāti pīṭhe phuṭṭhokāsato ānisadamaṃsaṃ amocetvā anuṭṭhahitvāti vuttaṃ hoti. Adinnādāne viya ṭhānācāvanaṃ na gahetabba’’nti tīsupi gaṇṭhipadesu vuttaṃ.
121. агаббияагад̇анд̇и зд̇т̇а агаббияагад̇ассзва анад̇ирид̇д̇абхаавад̇о габбияам̣ агаараабзд̇ваа д̇асмим̣ бад̇д̇з багкид̇д̇ам̣ муулапалаад̣̇иязва ад̇ирид̇д̇ам̣ на ход̇и, агаббияабхож̇анам̣ ваа гулад̣̇уусанаад̣̇инаа уббаннам̣. сзсам̣ бана бад̇д̇абарияаабаннам̣ ад̇ирид̇д̇амзва ход̇и, барибхун̃ж̇ид̇ум̣ ваддад̇и, д̇ам̣ бана муулапалаад̣̇им̣ барибхун̃ж̇ид̇угаамзна д̇ад̇о нийхарид̇ваа габбияам̣ гаараабзд̇ваа ан̃н̃асмим̣ бхааж̇анз табзд̇ваа ад̇ирид̇д̇ам̣ гаараабзд̇ваа барибхун̃ж̇ид̇аб̣б̣ам̣.
121.Akappiyakatanti ettha akappiyakatasseva anatirittabhāvato kappiyaṃ akārāpetvā tasmiṃ patte pakkhittaṃ mūlaphalādiyeva atirittaṃ na hoti, akappiyabhojanaṃ vā kuladūsanādinā uppannaṃ. Sesaṃ pana pattapariyāpannaṃ atirittameva hoti, paribhuñjituṃ vaṭṭati, taṃ pana mūlaphalādiṃ paribhuñjitukāmena tato nīharitvā kappiyaṃ kārāpetvā aññasmiṃ bhājane ṭhapetvā atirittaṃ kārāpetvā paribhuñjitabbaṃ.
122. со буна гаад̇ум̣ на лабхад̇ийд̇и д̇асмим̣язва бхааж̇анз гарияамаанам̣ батамам̣ гад̇зна сад̣̇д̇хим̣ гад̇ам̣ ход̇ийд̇и буна соязва гаад̇ум̣ на лабхад̇и, ан̃н̃о лабхад̇и. ан̃н̃асмим̣ бана бхааж̇анз д̇зна ваа ан̃н̃зна ваа гаад̇ум̣ ваддад̇и. д̇знааха ‘‘язна агад̇ам̣, д̇зна гаад̇аб̣б̣ам̣, яан̃жа агад̇ам̣, д̇ам̣ гаад̇аб̣б̣а’’нд̇и. д̇знаабийд̇и зд̇т̇а би-сад̣̇д̣̇о на гзвалам̣ ан̃н̃знзваад̇и имамад̇т̇ам̣ д̣̇ийбзд̇и. звам̣ гад̇анд̇и ан̃н̃асмим̣ бхааж̇анз гад̇ам̣.
122.So puna kātuṃ na labhatīti tasmiṃyeva bhājane kariyamānaṃ paṭhamaṃ katena saddhiṃ kataṃ hotīti puna soyeva kātuṃ na labhati, añño labhati. Aññasmiṃ pana bhājane tena vā aññena vā kātuṃ vaṭṭati. Tenāha ‘‘yena akataṃ, tena kātabbaṃ, yañca akataṃ, taṃ kātabba’’nti. Tenāpīti ettha pi-saddo na kevalaṃ aññenevāti imamatthaṃ dīpeti. Evaṃ katanti aññasmiṃ bhājane kataṃ.
бзсзд̇ваад̇и анубасамбаннасса хад̇т̇з бзсзд̇ваа. имасса винаяагаммабхаавад̇о ‘‘анубасамбаннасса хад̇т̇з тид̇ам̣ на гаад̇аб̣б̣а’’нд̇и вуд̇д̇ам̣.
Pesetvāti anupasampannassa hatthe pesetvā. Imassa vinayakammabhāvato ‘‘anupasampannassa hatthe ṭhitaṃ na kātabba’’nti vuttaṃ.
сажз бана аамисасам̣садтаанийд̇и зд̇т̇а сажз мукаг̇ад̇знааби анад̇ирид̇д̇зна аамисзна сам̣садтаани хонд̇и, баажид̇д̇ияамзваад̇и взд̣̇ид̇аб̣б̣ам̣, д̇асмаа баваарид̇зна бхож̇анам̣ ад̇ирид̇д̇ам̣ гаараабзд̇ваа бхун̃ж̇анд̇знаби яат̇аа агад̇зна миссам̣ на ход̇и, звам̣ мукан̃жа хад̇т̇ан̃жа суд̣̇д̇хам̣ гад̇ваа бхун̃ж̇ид̇аб̣б̣ам̣. гин̃жааби абаваарид̇асса бурзбхад̇д̇ам̣ яаамагаалигаад̣̇ийни аахаарад̇т̇ааяа барибхун̃ж̇ад̇оби анаабад̇д̇и, баваарид̇асса бана бавааран̣амуулагам̣ д̣̇уггадам̣ ход̇иязваад̇и ‘‘яаамагаалигам̣…бз… аж̇жхохаарз аж̇жхохаарз аабад̇д̇и д̣̇уггадассаа’’д̇и баал̣ияам̣ (баажи. 240) вуд̇д̇ам̣.
Sace pana āmisasaṃsaṭṭhānīti ettha sace mukhagatenāpi anatirittena āmisena saṃsaṭṭhāni honti, pācittiyamevāti veditabbaṃ, tasmā pavāritena bhojanaṃ atirittaṃ kārāpetvā bhuñjantenapi yathā akatena missaṃ na hoti, evaṃ mukhañca hatthañca suddhaṃ katvā bhuñjitabbaṃ. Kiñcāpi apavāritassa purebhattaṃ yāmakālikādīni āhāratthāya paribhuñjatopi anāpatti, pavāritassa pana pavāraṇamūlakaṃ dukkaṭaṃ hotiyevāti ‘‘yāmakālikaṃ…pe… ajjhohāre ajjhohāre āpatti dukkaṭassā’’ti pāḷiyaṃ (pāci. 240) vuttaṃ.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
Iti vinayasaṅgahasaṃvaṇṇanābhūte vinayālaṅkāre
бадигкзбабавааран̣аавинижчаяагат̇аалан̇гааро наама
Paṭikkhepapavāraṇāvinicchayakathālaṅkāro nāma
згавийсад̇имо барижчзд̣̇о.
Ekavīsatimo paricchedo.
