| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. бавидтад̇т̇зраг̇аат̇ааван̣н̣анаа
7. Paviṭṭhattheragāthāvaṇṇanā
канд̇хаа д̣̇идтаа яат̇аабхууд̇анд̇и ааяасмад̇о бавидтад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ гаронд̇о ад̇т̇ад̣̇ассисса бхаг̇авад̇о гаалз гзсаво наама д̇аабасо худ̇ваа згад̣̇ивасам̣ сад̇т̇аарам̣ убасан̇гамид̇ваа д̇хаммам̣ суд̇ваа басаннамаанасо абхиваад̣̇зд̇ваа ан̃ж̇алим̣ баг̇г̇аяха бад̣̇агкин̣ам̣ гад̇ваа баггаами. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з маг̇ад̇харадтз б̣раахман̣агулз уббаж̇ж̇ид̇ваа ануггамзна вин̃н̃уд̇ам̣ бад̇д̇о нзгкамманиннаж̇жхаасаяад̇ааяа бариб̣б̣ааж̇агабаб̣б̣аж̇ж̇ам̣ баб̣б̣аж̇ид̇ваа д̇ад̇т̇а сигкид̇аб̣б̣ам̣ сигкид̇ваа вижаранд̇о убад̇иссаголид̇аанам̣ б̣уд̣̇д̇хасаасанз баб̣б̣аж̇ид̇абхаавам̣ суд̇ваа ‘‘д̇зби наама махаабан̃н̃аа д̇ад̇т̇а баб̣б̣аж̇ид̇аа, д̇ад̣̇зва ман̃н̃з сзяяо’’д̇и сад̇т̇у санд̇игам̣ г̇анд̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇и. д̇асса сад̇т̇аа вибассанам̣ аажигки. со вибассанам̣ аарабхид̇ваа нажирассзва арахад̇д̇ам̣ сажчаагааси. д̇зна вуд̇д̇ам̣ абад̣̇аанз (аба. т̇зра 1.14.55-59) –
Khandhā diṭṭhā yathābhūtanti āyasmato paviṭṭhattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ karonto atthadassissa bhagavato kāle kesavo nāma tāpaso hutvā ekadivasaṃ satthāraṃ upasaṅkamitvā dhammaṃ sutvā pasannamānaso abhivādetvā añjaliṃ paggayha padakkhiṇaṃ katvā pakkāmi. So tena puññakammena devaloke nibbattitvā aparāparaṃ puññāni katvā devamanussesu saṃsaranto imasmiṃ buddhuppāde magadharaṭṭhe brāhmaṇakule uppajjitvā anukkamena viññutaṃ patto nekkhammaninnajjhāsayatāya paribbājakapabbajjaṃ pabbajitvā tattha sikkhitabbaṃ sikkhitvā vicaranto upatissakolitānaṃ buddhasāsane pabbajitabhāvaṃ sutvā ‘‘tepi nāma mahāpaññā tattha pabbajitā, tadeva maññe seyyo’’ti satthu santikaṃ gantvā dhammaṃ sutvā paṭiladdhasaddho pabbaji. Tassa satthā vipassanaṃ ācikkhi. So vipassanaṃ ārabhitvā nacirasseva arahattaṃ sacchākāsi. Tena vuttaṃ apadāne (apa. thera 1.14.55-59) –
‘‘наарад̣̇о ид̇и мз наамам̣, гзсаво ид̇и мам̣ вид̣̇уу;
‘‘Nārado iti me nāmaṃ, kesavo iti maṃ vidū;
гусалаагусалам̣ зсам̣, аг̇амам̣ б̣уд̣̇д̇хасанд̇игам̣.
Kusalākusalaṃ esaṃ, agamaṃ buddhasantikaṃ.
‘‘мзд̇д̇ажид̇д̇о гаарун̣иго, ад̇т̇ад̣̇ассий махаамуни;
‘‘Mettacitto kāruṇiko, atthadassī mahāmuni;
ассаасаяанд̇о сад̇д̇з со, д̇хаммам̣ д̣̇зсзд̇и жагкумаа.
Assāsayanto satte so, dhammaṃ deseti cakkhumā.
‘‘сагам̣ жид̇д̇ам̣ басаад̣̇зд̇ваа, сирз гад̇ваана ан̃ж̇алим̣;
‘‘Sakaṃ cittaṃ pasādetvā, sire katvāna añjaliṃ;
сад̇т̇аарам̣ абхиваад̣̇зд̇ваа, баггаамим̣ баажинаамуко.
Satthāraṃ abhivādetvā, pakkāmiṃ pācināmukho.
‘‘сад̇д̇арасз габбасад̇з, рааж̇аа ааси махийбад̇и;
‘‘Sattarase kappasate, rājā āsi mahīpati;
амид̇д̇ад̇аабано наама, жаггавад̇д̇ий махаб̣б̣ало.
Amittatāpano nāma, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ан̃н̃ам̣ б̣яаагаронд̇о –
Arahattaṃ pana patvā aññaṃ byākaronto –
87.
87.
‘‘канд̇хаа д̣̇идтаа яат̇аабхууд̇ам̣, бхаваа саб̣б̣з бад̣̇аалид̇аа;
‘‘Khandhā diṭṭhā yathābhūtaṃ, bhavā sabbe padālitā;
вигкийн̣о ж̇аад̇исам̣сааро, над̇т̇и д̣̇аани бунаб̣бхаво’’д̇и. – г̇аат̇ам̣ абхааси;
Vikkhīṇo jātisaṃsāro, natthi dāni punabbhavo’’ti. – gāthaṃ abhāsi;
д̇ад̇т̇а канд̇хаад̇и бан̃жубаад̣̇аанагканд̇хаа, д̇з хи вибассанубалагкан̣ад̇о сааман̃н̃алагкан̣ад̇о жа н̃аад̇абарин̃н̃аад̣̇ийхи бариж̇аананавасзна вибассид̇аб̣б̣аа. д̣̇идтаа яат̇аабхууд̇анд̇и вибассанаабан̃н̃аасахид̇ааяа маг̇г̇абан̃н̃ааяа ‘‘ид̣̇ам̣ д̣̇угка’’нд̇иаад̣̇инаа авибарийд̇ад̇о д̣̇идтаа. бхаваа саб̣б̣з бад̣̇аалид̇аад̇и гаамабхаваад̣̇аяо саб̣б̣з гаммабхаваа убабад̇д̇ибхаваа жа маг̇г̇ан̃аан̣асад̇т̇зна бхиннаа вид̣̇д̇хам̣сид̇аа. гилзсабад̣̇ааланзнзва хи гаммобабад̇д̇ибхаваа бад̣̇аалид̇аа наама хонд̇и. д̇знааха ‘‘вигкийн̣о ж̇аад̇исам̣сааро, над̇т̇и д̣̇аани бунаб̣бхаво’’д̇и. д̇ассад̇т̇о хздтаа вуд̇д̇оязва.
Tattha khandhāti pañcupādānakkhandhā, te hi vipassanupalakkhaṇato sāmaññalakkhaṇato ca ñātapariññādīhi parijānanavasena vipassitabbā. Diṭṭhā yathābhūtanti vipassanāpaññāsahitāya maggapaññāya ‘‘idaṃ dukkha’’ntiādinā aviparītato diṭṭhā. Bhavā sabbe padālitāti kāmabhavādayo sabbe kammabhavā upapattibhavā ca maggañāṇasatthena bhinnā viddhaṃsitā. Kilesapadālaneneva hi kammopapattibhavā padālitā nāma honti. Tenāha ‘‘vikkhīṇo jātisaṃsāro, natthi dāni punabbhavo’’ti. Tassattho heṭṭhā vuttoyeva.
бавидтад̇т̇зраг̇аат̇ааван̣н̣анаа нидтид̇аа.
Paviṭṭhattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. бавидтад̇т̇зраг̇аат̇аа • 7. Paviṭṭhattheragāthā
