| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੨. ਪવਿવੇਕਸੁਤ੍ਤਂ
2. Pavivekasuttaṃ
੯੪. ‘‘ਤੀਣਿਮਾਨਿ , ਭਿਕ੍ਖવੇ, ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਪવਿવੇਕਾਨਿ ਪਞ੍ਞਾਪੇਨ੍ਤਿ। ਕਤਮਾਨਿ ਤੀਣਿ? ਚੀવਰਪવਿવੇਕਂ, ਪਿਣ੍ਡਪਾਤਪવਿવੇਕਂ, ਸੇਨਾਸਨਪવਿવੇਕਂ।
94. ‘‘Tīṇimāni , bhikkhave, aññatitthiyā paribbājakā pavivekāni paññāpenti. Katamāni tīṇi? Cīvarapavivekaṃ, piṇḍapātapavivekaṃ, senāsanapavivekaṃ.
‘‘ਤਤ੍ਰਿਦਂ, ਭਿਕ੍ਖવੇ, ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਚੀવਰਪવਿવੇਕਸ੍ਮਿਂ ਪਞ੍ਞਾਪੇਨ੍ਤਿ, ਸਾਣਾਨਿਪਿ ਧਾਰੇਨ੍ਤਿ, ਮਸਾਣਾਨਿਪਿ ਧਾਰੇਨ੍ਤਿ, ਛવਦੁਸ੍ਸਾਨਿਪਿ ਧਾਰੇਨ੍ਤਿ, ਪਂਸੁਕੂਲਾਨਿਪਿ ਧਾਰੇਨ੍ਤਿ, ਤਿਰੀਟਾਨਿਪਿ ਧਾਰੇਨ੍ਤਿ, ਅਜਿਨਮ੍ਪਿ ਧਾਰੇਨ੍ਤਿ, ਅਜਿਨਕ੍ਖਿਪਮ੍ਪਿ ਧਾਰੇਨ੍ਤਿ, ਕੁਸਚੀਰਮ੍ਪਿ ਧਾਰੇਨ੍ਤਿ, વਾਕਚੀਰਮ੍ਪਿ ਧਾਰੇਨ੍ਤਿ, ਫਲਕਚੀਰਮ੍ਪਿ ਧਾਰੇਨ੍ਤਿ, ਕੇਸਕਮ੍ਬਲਮ੍ਪਿ ਧਾਰੇਨ੍ਤਿ, વਾਲਕਮ੍ਬਲਮ੍ਪਿ ਧਾਰੇਨ੍ਤਿ , ਉਲੂਕਪਕ੍ਖਿਕਮ੍ਪਿ ਧਾਰੇਨ੍ਤਿ। ਇਦਂ ਖੋ, ਭਿਕ੍ਖવੇ, ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਚੀવਰਪવਿવੇਕਸ੍ਮਿਂ ਪਞ੍ਞਾਪੇਨ੍ਤਿ।
‘‘Tatridaṃ, bhikkhave, aññatitthiyā paribbājakā cīvarapavivekasmiṃ paññāpenti, sāṇānipi dhārenti, masāṇānipi dhārenti, chavadussānipi dhārenti, paṃsukūlānipi dhārenti, tirīṭānipi dhārenti, ajinampi dhārenti, ajinakkhipampi dhārenti, kusacīrampi dhārenti, vākacīrampi dhārenti, phalakacīrampi dhārenti, kesakambalampi dhārenti, vālakambalampi dhārenti , ulūkapakkhikampi dhārenti. Idaṃ kho, bhikkhave, aññatitthiyā paribbājakā cīvarapavivekasmiṃ paññāpenti.
‘‘ਤਤ੍ਰਿਦਂ, ਭਿਕ੍ਖવੇ, ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਪਿਣ੍ਡਪਾਤਪવਿવੇਕਸ੍ਮਿਂ ਪਞ੍ਞਾਪੇਨ੍ਤਿ। ਸਾਕਭਕ੍ਖਾਪਿ ਹੋਨ੍ਤਿ, ਸਾਮਾਕਭਕ੍ਖਾਪਿ ਹੋਨ੍ਤਿ, ਨੀવਾਰਭਕ੍ਖਾਪਿ ਹੋਨ੍ਤਿ, ਦਦ੍ਦੁਲਭਕ੍ਖਾਪਿ ਹੋਨ੍ਤਿ, ਹਟਭਕ੍ਖਾਪਿ ਹੋਨ੍ਤਿ, ਕਣਭਕ੍ਖਾਪਿ ਹੋਨ੍ਤਿ, ਆਚਾਮਭਕ੍ਖਾਪਿ ਹੋਨ੍ਤਿ, ਪਿਞ੍ਞਾਕਭਕ੍ਖਾਪਿ ਹੋਨ੍ਤਿ, ਤਿਣਭਕ੍ਖਾਪਿ ਹੋਨ੍ਤਿ, ਗੋਮਯਭਕ੍ਖਾਪਿ ਹੋਨ੍ਤਿ, વਨਮੂਲਫਲਾਹਾਰਾ ਯਾਪੇਨ੍ਤਿ ਪવਤ੍ਤਫਲਭੋਜੀ। ਇਦਂ ਖੋ, ਭਿਕ੍ਖવੇ, ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਪਿਣ੍ਡਪਾਤਪવਿવੇਕਸ੍ਮਿਂ ਪਞ੍ਞਾਪੇਨ੍ਤਿ।
‘‘Tatridaṃ, bhikkhave, aññatitthiyā paribbājakā piṇḍapātapavivekasmiṃ paññāpenti. Sākabhakkhāpi honti, sāmākabhakkhāpi honti, nīvārabhakkhāpi honti, daddulabhakkhāpi honti, haṭabhakkhāpi honti, kaṇabhakkhāpi honti, ācāmabhakkhāpi honti, piññākabhakkhāpi honti, tiṇabhakkhāpi honti, gomayabhakkhāpi honti, vanamūlaphalāhārā yāpenti pavattaphalabhojī. Idaṃ kho, bhikkhave, aññatitthiyā paribbājakā piṇḍapātapavivekasmiṃ paññāpenti.
‘‘ਤਤ੍ਰਿਦਂ, ਭਿਕ੍ਖવੇ, ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਸੇਨਾਸਨਪવਿવੇਕਸ੍ਮਿਂ ਪਞ੍ਞਾਪੇਨ੍ਤਿ ਅਰਞ੍ਞਂ ਰੁਕ੍ਖਮੂਲਂ ਸੁਸਾਨਂ 1 વਨਪਤ੍ਥਂ ਅਬ੍ਭੋਕਾਸਂ ਪਲਾਲਪੁਞ੍ਜਂ ਭੁਸਾਗਾਰਂ 2। ਇਦਂ ਖੋ, ਭਿਕ੍ਖવੇ, ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਸੇਨਾਸਨਪવਿવੇਕਸ੍ਮਿਂ ਪਞ੍ਞਾਪੇਨ੍ਤਿ। ਇਮਾਨਿ ਖੋ, ਭਿਕ੍ਖવੇ, ਤੀਣਿ ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਪવਿવੇਕਾਨਿ ਪਞ੍ਞਾਪੇਨ੍ਤਿ।
‘‘Tatridaṃ, bhikkhave, aññatitthiyā paribbājakā senāsanapavivekasmiṃ paññāpenti araññaṃ rukkhamūlaṃ susānaṃ 3 vanapatthaṃ abbhokāsaṃ palālapuñjaṃ bhusāgāraṃ 4. Idaṃ kho, bhikkhave, aññatitthiyā paribbājakā senāsanapavivekasmiṃ paññāpenti. Imāni kho, bhikkhave, tīṇi aññatitthiyā paribbājakā pavivekāni paññāpenti.
‘‘ਤੀਣਿ ਖੋ ਪਨਿਮਾਨਿ, ਭਿਕ੍ਖવੇ, ਇਮਸ੍ਮਿਂ ਧਮ੍ਮવਿਨਯੇ ਭਿਕ੍ਖੁਨੋ ਪવਿવੇਕਾਨਿ। ਕਤਮਾਨਿ ਤੀਣਿ? ਇਧ, ਭਿਕ੍ਖવੇ, ਭਿਕ੍ਖੁ ਸੀਲવਾ ਚ ਹੋਤਿ, ਦੁਸ੍ਸੀਲ੍ਯਞ੍ਚਸ੍ਸ ਪਹੀਨਂ ਹੋਤਿ, ਤੇਨ ਚ વਿવਿਤ੍ਤੋ ਹੋਤਿ; ਸਮ੍ਮਾਦਿਟ੍ਠਿਕੋ ਚ ਹੋਤਿ, ਮਿਚ੍ਛਾਦਿਟ੍ਠਿ ਚਸ੍ਸ ਪਹੀਨਾ ਹੋਤਿ, ਤਾਯ ਚ વਿવਿਤ੍ਤੋ ਹੋਤਿ; ਖੀਣਾਸવੋ ਚ ਹੋਤਿ, ਆਸવਾ ਚਸ੍ਸ ਪਹੀਨਾ ਹੋਨ੍ਤਿ, ਤੇਹਿ ਚ વਿવਿਤ੍ਤੋ ਹੋਤਿ । ਯਤੋ ਖੋ, ਭਿਕ੍ਖવੇ, ਭਿਕ੍ਖੁ ਸੀਲવਾ ਹੋਤਿ, ਦੁਸ੍ਸੀਲ੍ਯਞ੍ਚਸ੍ਸ ਪਹੀਨਂ ਹੋਤਿ, ਤੇਨ ਚ વਿવਿਤ੍ਤੋ ਹੋਤਿ; ਸਮ੍ਮਾਦਿਟ੍ਠਿਕੋ ਚ ਹੋਤਿ, ਮਿਚ੍ਛਾਦਿਟ੍ਠਿ ਚਸ੍ਸ ਪਹੀਨਾ ਹੋਤਿ, ਤਾਯ ਚ વਿવਿਤ੍ਤੋ ਹੋਤਿ; ਖੀਣਾਸવੋ ਚ ਹੋਤਿ, ਆਸવਾ ਚਸ੍ਸ ਪਹੀਨਾ ਹੋਨ੍ਤਿ, ਤੇਹਿ ਚ વਿવਿਤ੍ਤੋ ਹੋਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ‘ਭਿਕ੍ਖੁ ਅਗ੍ਗਪ੍ਪਤ੍ਤੋ ਸਾਰਪ੍ਪਤ੍ਤੋ ਸੁਦ੍ਧੋ ਸਾਰੇ ਪਤਿਟ੍ਠਿਤੋ’’’।
‘‘Tīṇi kho panimāni, bhikkhave, imasmiṃ dhammavinaye bhikkhuno pavivekāni. Katamāni tīṇi? Idha, bhikkhave, bhikkhu sīlavā ca hoti, dussīlyañcassa pahīnaṃ hoti, tena ca vivitto hoti; sammādiṭṭhiko ca hoti, micchādiṭṭhi cassa pahīnā hoti, tāya ca vivitto hoti; khīṇāsavo ca hoti, āsavā cassa pahīnā honti, tehi ca vivitto hoti . Yato kho, bhikkhave, bhikkhu sīlavā hoti, dussīlyañcassa pahīnaṃ hoti, tena ca vivitto hoti; sammādiṭṭhiko ca hoti, micchādiṭṭhi cassa pahīnā hoti, tāya ca vivitto hoti; khīṇāsavo ca hoti, āsavā cassa pahīnā honti, tehi ca vivitto hoti. Ayaṃ vuccati, bhikkhave, ‘bhikkhu aggappatto sārappatto suddho sāre patiṭṭhito’’’.
‘‘ਸੇਯ੍ਯਥਾਪਿ, ਭਿਕ੍ਖવੇ, ਕਸ੍ਸਕਸ੍ਸ ਗਹਪਤਿਸ੍ਸ ਸਮ੍ਪਨ੍ਨਂ ਸਾਲਿਕ੍ਖੇਤ੍ਤਂ। ਤਮੇਨਂ ਕਸ੍ਸਕੋ ਗਹਪਤਿ ਸੀਘਂ ਸੀਘਂ 5 ਲવਾਪੇਯ੍ਯ। ਸੀਘਂ ਸੀਘਂ ਲવਾਪੇਤ੍વਾ ਸੀਘਂ ਸੀਘਂ ਸਙ੍ਘਰਾਪੇਯ੍ਯ। ਸੀਘਂ ਸੀਘਂ ਸਙ੍ਘਰਾਪੇਤ੍વਾ ਸੀਘਂ ਸੀਘਂ ਉਬ੍ਬਹਾਪੇਯ੍ਯ 6। ਸੀਘਂ ਸੀਘਂ ਉਬ੍ਬਹਾਪੇਤ੍વਾ ਸੀਘਂ ਸੀਘਂ ਪੁਞ੍ਜਂ ਕਾਰਾਪੇਯ੍ਯ। ਸੀਘਂ ਸੀਘਂ ਪੁਞ੍ਜਂ ਕਾਰਾਪੇਤ੍વਾ ਸੀਘਂ ਸੀਘਂ ਮਦ੍ਦਾਪੇਯ੍ਯ। ਸੀਘਂ ਸੀਘਂ ਮਦ੍ਦਾਪੇਤ੍વਾ ਸੀਘਂ ਸੀਘਂ ਪਲਾਲਾਨਿ ਉਦ੍ਧਰਾਪੇਯ੍ਯ। ਸੀਘਂ ਸੀਘਂ ਪਲਾਲਾਨਿ ਉਦ੍ਧਰਾਪੇਤ੍વਾ ਸੀਘਂ ਸੀਘਂ ਭੁਸਿਕਂ ਉਦ੍ਧਰਾਪੇਯ੍ਯ। ਸੀਘਂ ਸੀਘਂ ਭੁਸਿਕਂ ਉਦ੍ਧਰਾਪੇਤ੍વਾ ਸੀਘਂ ਸੀਘਂ ਓਪੁਨਾਪੇਯ੍ਯ। ਸੀਘਂ ਸੀਘਂ ਓਪੁਨਾਪੇਤ੍વਾ ਸੀਘਂ ਸੀਘਂ ਅਤਿਹਰਾਪੇਯ੍ਯ। ਸੀਘਂ ਸੀਘਂ ਅਤਿਹਰਾਪੇਤ੍વਾ ਸੀਘਂ ਸੀਘਂ ਕੋਟ੍ਟਾਪੇਯ੍ਯ। ਸੀਘਂ ਸੀਘਂ ਕੋਟ੍ਟਾਪੇਤ੍વਾ ਸੀਘਂ ਸੀਘਂ ਥੁਸਾਨਿ ਉਦ੍ਧਰਾਪੇਯ੍ਯ। ਏવਮਸ੍ਸੁ 7 ਤਾਨਿ, ਭਿਕ੍ਖવੇ, ਕਸ੍ਸਕਸ੍ਸ ਗਹਪਤਿਸ੍ਸ ਧਞ੍ਞਾਨਿ ਅਗ੍ਗਪ੍ਪਤ੍ਤਾਨਿ ਸਾਰਪ੍ਪਤ੍ਤਾਨਿ ਸੁਦ੍ਧਾਨਿ ਸਾਰੇ ਪਤਿਟ੍ਠਿਤਾਨਿ।
‘‘Seyyathāpi, bhikkhave, kassakassa gahapatissa sampannaṃ sālikkhettaṃ. Tamenaṃ kassako gahapati sīghaṃ sīghaṃ 8 lavāpeyya. Sīghaṃ sīghaṃ lavāpetvā sīghaṃ sīghaṃ saṅgharāpeyya. Sīghaṃ sīghaṃ saṅgharāpetvā sīghaṃ sīghaṃ ubbahāpeyya 9. Sīghaṃ sīghaṃ ubbahāpetvā sīghaṃ sīghaṃ puñjaṃ kārāpeyya. Sīghaṃ sīghaṃ puñjaṃ kārāpetvā sīghaṃ sīghaṃ maddāpeyya. Sīghaṃ sīghaṃ maddāpetvā sīghaṃ sīghaṃ palālāni uddharāpeyya. Sīghaṃ sīghaṃ palālāni uddharāpetvā sīghaṃ sīghaṃ bhusikaṃ uddharāpeyya. Sīghaṃ sīghaṃ bhusikaṃ uddharāpetvā sīghaṃ sīghaṃ opunāpeyya. Sīghaṃ sīghaṃ opunāpetvā sīghaṃ sīghaṃ atiharāpeyya. Sīghaṃ sīghaṃ atiharāpetvā sīghaṃ sīghaṃ koṭṭāpeyya. Sīghaṃ sīghaṃ koṭṭāpetvā sīghaṃ sīghaṃ thusāni uddharāpeyya. Evamassu 10 tāni, bhikkhave, kassakassa gahapatissa dhaññāni aggappattāni sārappattāni suddhāni sāre patiṭṭhitāni.
‘‘ਏવਮੇવਂ ਖੋ, ਭਿਕ੍ਖવੇ, ਯਤੋ ਭਿਕ੍ਖੁ ਸੀਲવਾ ਚ ਹੋਤਿ, ਦੁਸ੍ਸੀਲ੍ਯਞ੍ਚਸ੍ਸ ਪਹੀਨਂ ਹੋਤਿ, ਤੇਨ ਚ વਿવਿਤ੍ਤੋ ਹੋਤਿ; ਸਮ੍ਮਾਦਿਟ੍ਠਿਕੋ ਚ ਹੋਤਿ, ਮਿਚ੍ਛਾਦਿਟ੍ਠਿ ਚਸ੍ਸ ਪਹੀਨਾ ਹੋਤਿ, ਤਾਯ ਚ વਿવਿਤ੍ਤੋ ਹੋਤਿ; ਖੀਣਾਸવੋ ਚ ਹੋਤਿ, ਆਸવਾ ਚਸ੍ਸ ਪਹੀਨਾ ਹੋਨ੍ਤਿ, ਤੇਹਿ ਚ વਿવਿਤ੍ਤੋ ਹੋਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ‘ਭਿਕ੍ਖੁ ਅਗ੍ਗਪ੍ਪਤ੍ਤੋ ਸਾਰਪ੍ਪਤ੍ਤੋ ਸੁਦ੍ਧੋ ਸਾਰੇ ਪਤਿਟ੍ਠਿਤੋ’’’ਤਿ। ਦੁਤਿਯਂ।
‘‘Evamevaṃ kho, bhikkhave, yato bhikkhu sīlavā ca hoti, dussīlyañcassa pahīnaṃ hoti, tena ca vivitto hoti; sammādiṭṭhiko ca hoti, micchādiṭṭhi cassa pahīnā hoti, tāya ca vivitto hoti; khīṇāsavo ca hoti, āsavā cassa pahīnā honti, tehi ca vivitto hoti. Ayaṃ vuccati, bhikkhave, ‘bhikkhu aggappatto sārappatto suddho sāre patiṭṭhito’’’ti. Dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਪવਿવੇਕਸੁਤ੍ਤવਣ੍ਣਨਾ • 2. Pavivekasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨. ਪવਿવੇਕਸੁਤ੍ਤવਣ੍ਣਨਾ • 2. Pavivekasuttavaṇṇanā
