| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. бавивзгасуд̇д̇аван̣н̣анаа
2. Pavivekasuttavaṇṇanā
94. д̣̇уд̇ияз жийварабавивзганд̇и жийварам̣ ниссааяа уббаж̇ж̇анагагилзсзхи вивид̇д̇абхаавам̣. сзсад̣̇ваязби зсзва наяо. саан̣аанийд̇и саан̣аваагажзлаани. масаан̣аанийд̇и миссагажзлаани. чавад̣̇уссаанийд̇и мад̇асарийрад̇о чад̣д̣ид̇авад̇т̇аани, зрагад̇ин̣аад̣̇ийни ваа г̇ант̇зд̇ваа гад̇аниваасанаани. бам̣сугуулаанийд̇и бат̇авияам̣ чад̣д̣ид̇ананд̇агаани. д̇ирийдаанийд̇и ругкад̇ажавад̇т̇аани. аж̇инаанийд̇и аж̇инамиг̇ажаммаани. аж̇инагкибанд̇и д̇ад̣̇зва маж̇жхз паалид̇ам̣, сахакураганд̇иби вад̣̇анд̇и. гусажийранд̇и гусад̇ин̣аани г̇ант̇зд̇ваа гад̇ажийрам̣. ваагажийрапалагажийрзсуби зсзва наяо. гзсагамб̣аланд̇и мануссагзсзхи гад̇агамб̣алам̣. ваалагамб̣аланд̇и ассаваалаад̣̇ийхи гад̇агамб̣алам̣. улуугабагкиганд̇и улуугабад̇д̇аани г̇ант̇зд̇ваа гад̇аниваасанам̣.
94. Dutiye cīvarapavivekanti cīvaraṃ nissāya uppajjanakakilesehi vivittabhāvaṃ. Sesadvayepi eseva nayo. Sāṇānīti sāṇavākacelāni. Masāṇānīti missakacelāni. Chavadussānīti matasarīrato chaḍḍitavatthāni, erakatiṇādīni vā ganthetvā katanivāsanāni. Paṃsukūlānīti pathaviyaṃ chaḍḍitanantakāni. Tirīṭānīti rukkhatacavatthāni. Ajinānīti ajinamigacammāni. Ajinakkhipanti tadeva majjhe phālitaṃ, sahakhurakantipi vadanti. Kusacīranti kusatiṇāni ganthetvā katacīraṃ. Vākacīraphalakacīresupi eseva nayo. Kesakambalanti manussakesehi katakambalaṃ. Vālakambalanti assavālādīhi katakambalaṃ. Ulūkapakkhikanti ulūkapattāni ganthetvā katanivāsanaṃ.
саагабхагкаад̇и алласаагабхагкаа. саамаагабхагкаад̇и саамаагад̇ан̣д̣улабхагкаа. нийваараад̣̇ийсу нийваараа наама аран̃н̃з саяам̣ ж̇аад̇авийхиж̇аад̇и. д̣̇ад̣̇д̣̇уланд̇и жаммагаарзхи жаммам̣ ликид̇ваа чад̣д̣ид̇агасадам̣. хадам̣ вужжад̇и силзсоби сзваалоби ган̣игаараад̣̇иругканияяаасоби. ган̣анд̇и гун̣д̣агам̣. аажаамод̇и бхад̇д̇аугкалигааяа лаг̇г̇о жхаамаод̣̇ано. д̇ам̣ чад̣д̣ид̇адтаанз г̇ахзд̇ваа каад̣̇анд̇и, од̣̇анаган̃ж̇ияанд̇иби вад̣̇анд̇и. бин̃н̃аагаад̣̇аяо баагадаава. бавад̇д̇апалабхож̇ийд̇и бад̇ид̇апалабхож̇ий. бхусааг̇ааранд̇и каласаалам̣.
Sākabhakkhāti allasākabhakkhā. Sāmākabhakkhāti sāmākataṇḍulabhakkhā. Nīvārādīsu nīvārā nāma araññe sayaṃ jātavīhijāti. Daddulanti cammakārehi cammaṃ likhitvā chaḍḍitakasaṭaṃ. Haṭaṃ vuccati silesopi sevālopi kaṇikārādirukkhaniyyāsopi. Kaṇanti kuṇḍakaṃ. Ācāmoti bhattaukkhalikāya laggo jhāmaodano. Taṃ chaḍḍitaṭṭhāne gahetvā khādanti, odanakañjiyantipi vadanti. Piññākādayo pākaṭāva. Pavattaphalabhojīti patitaphalabhojī. Bhusāgāranti khalasālaṃ.
сийлаваад̇и жад̇убаарисуд̣̇д̇хисийлзна саманнааг̇ад̇о. д̣̇уссийляан̃жасса бахийнам̣ ход̇ийд̇и бан̃жа д̣̇уссийляаани бахийнаани хонд̇и. саммаад̣̇идтигод̇и яаат̇аавад̣̇идтиго. мижчаад̣̇идтийд̇и аяаат̇аавад̣̇идти. аасаваад̇и жад̇д̇ааро аасаваа. аг̇г̇аббад̇д̇од̇и сийлаг̇г̇аббад̇д̇о. саараббад̇д̇од̇и сийласаарам̣ бад̇д̇о. суд̣̇д̇ход̇и барисуд̣̇д̇хо. саарз бад̇идтид̇од̇и сийласамаад̇хибан̃н̃аасаарз бад̇идтид̇о.
Sīlavāti catupārisuddhisīlena samannāgato. Dussīlyañcassa pahīnaṃ hotīti pañca dussīlyāni pahīnāni honti. Sammādiṭṭhikoti yāthāvadiṭṭhiko. Micchādiṭṭhīti ayāthāvadiṭṭhi. Āsavāti cattāro āsavā. Aggappattoti sīlaggappatto. Sārappattoti sīlasāraṃ patto. Suddhoti parisuddho. Sāre patiṭṭhitoti sīlasamādhipaññāsāre patiṭṭhito.
сзяяат̇аабийд̇и яат̇аа наама. самбаннанд̇и барибун̣н̣ам̣ барибаггасаалибхарид̇ам̣. сан̇гхараабзяяаад̇и сан̇гад̣дхаабзяяа. уб̣б̣ахаабзяяаад̇и каладтаанам̣ аахараабзяяа. бхусиганд̇и бхусам̣. годдаабзяяаад̇и уд̣̇угкалз багкибаабзд̇ваа мусалзхи бахараабзяяа. аг̇г̇аббад̇д̇аанийд̇и д̇ан̣д̣улаг̇г̇ам̣ бад̇д̇аани. саараббад̇д̇аад̣̇ийсуби зсзва наяо. сзсам̣ уд̇д̇аанамзва. яам̣ банзд̇т̇а ‘‘д̣̇уссийляан̃жасса бахийнам̣ мижчаад̣̇идти жасса бахийнаа’’д̇и вуд̇д̇ам̣, д̇ам̣ сод̇аабад̇д̇имаг̇г̇зна бахийнабхаавам̣ санд̇хааяа вуд̇д̇анд̇и взд̣̇ид̇аб̣б̣ам̣.
Seyyathāpīti yathā nāma. Sampannanti paripuṇṇaṃ paripakkasālibharitaṃ. Saṅgharāpeyyāti saṅkaḍḍhāpeyya. Ubbahāpeyyāti khalaṭṭhānaṃ āharāpeyya. Bhusikanti bhusaṃ. Koṭṭāpeyyāti udukkhale pakkhipāpetvā musalehi paharāpeyya. Aggappattānīti taṇḍulaggaṃ pattāni. Sārappattādīsupi eseva nayo. Sesaṃ uttānameva. Yaṃ panettha ‘‘dussīlyañcassa pahīnaṃ micchādiṭṭhi cassa pahīnā’’ti vuttaṃ, taṃ sotāpattimaggena pahīnabhāvaṃ sandhāya vuttanti veditabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. бавивзгасуд̇д̇ам̣ • 2. Pavivekasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2. бавивзгасуд̇д̇аван̣н̣анаа • 2. Pavivekasuttavaṇṇanā
