| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๒. ปวิเวกสุตฺตวณฺณนา
2. Pavivekasuttavaṇṇanā
๙๔. ทุติเย สาเณหิ วาเกหิ นิพฺพตฺติตานิ สาณานิฯ มิสฺสสาณานิ มสาณานิ น ภงฺคานิฯ เอรกติณาทีนีติ อาทิ-สเทฺทน อกฺกมกจิกทลิวากาทีนํ สงฺคโหฯ เอรกาทีหิ กตานิ หิ ฉวานิ ลามกานิ ทุสฺสานีติ ‘‘ฉวทุสฺสานี’’ติ วตฺตพฺพตํ ลภนฺติฯ กุณฺฑกนฺติ ตนุตรํ ตณฺฑุลปฺปกรณํฯ ปญฺจ ทุสฺสีลฺยานีติ ปาณาติปาตาทีนิ ปญฺจฯ จตฺตาโร อาสวาติ กามาสวาทโย จตฺตาโร อาสวาฯ สีลคฺคปฺปโตฺตติ สีเลน, สีลสฺส วา อคฺคปฺปโตฺตฯ
94. Dutiye sāṇehi vākehi nibbattitāni sāṇāni. Missasāṇāni masāṇāni na bhaṅgāni. Erakatiṇādīnīti ādi-saddena akkamakacikadalivākādīnaṃ saṅgaho. Erakādīhi katāni hi chavāni lāmakāni dussānīti ‘‘chavadussānī’’ti vattabbataṃ labhanti. Kuṇḍakanti tanutaraṃ taṇḍulappakaraṇaṃ. Pañca dussīlyānīti pāṇātipātādīni pañca. Cattāro āsavāti kāmāsavādayo cattāro āsavā. Sīlaggappattoti sīlena, sīlassa vā aggappatto.
ปวิเวกสุตฺตวณฺณนา นิฎฺฐิตาฯ
Pavivekasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๒. ปวิเวกสุตฺตํ • 2. Pavivekasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๒. ปวิเวกสุตฺตวณฺณนา • 2. Pavivekasuttavaṇṇanā
