Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya

10. бааяаасисуд̇д̇ам̣

10. Pāyāsisuttaṃ

406. звам̣ мз суд̇ам̣ – згам̣ самаяам̣ ааяасмаа гумаарагассабо госалзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи язна сзд̇аб̣яаа наама госалаанам̣ наг̇арам̣ д̇ад̣̇авасари. д̇ад̇ра суд̣̇ам̣ ааяасмаа гумаарагассабо сзд̇аб̣яааяам̣ вихарад̇и уд̇д̇арзна сзд̇аб̣яам̣ сим̣сабааванз ¹. д̇зна ко бана самаязна бааяааси рааж̇ан̃н̃о сзд̇аб̣яам̣ аж̇жхаавасад̇и сад̇д̇уссад̣̇ам̣ сад̇ин̣агадтод̣̇агам̣ сад̇хан̃н̃ам̣ рааж̇абхог̇г̇ам̣ ран̃н̃аа басзнад̣̇инаа госалзна д̣̇иннам̣ рааж̇ад̣̇ааяам̣ б̣рахмад̣̇зяяам̣.

406. Evaṃ me sutaṃ – ekaṃ samayaṃ āyasmā kumārakassapo kosalesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi yena setabyā nāma kosalānaṃ nagaraṃ tadavasari. Tatra sudaṃ āyasmā kumārakassapo setabyāyaṃ viharati uttarena setabyaṃ siṃsapāvane ². Tena kho pana samayena pāyāsi rājañño setabyaṃ ajjhāvasati sattussadaṃ satiṇakaṭṭhodakaṃ sadhaññaṃ rājabhoggaṃ raññā pasenadinā kosalena dinnaṃ rājadāyaṃ brahmadeyyaṃ.

бааяаасирааж̇ан̃н̃авад̇т̇у

Pāyāsirājaññavatthu

407. д̇зна ко бана самаязна бааяаасисса рааж̇ан̃н̃асса зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ ³ гаммаанам̣ палам̣ вибааго’’д̇и. ассосум̣ ко сзд̇аб̣яагаа б̣раахман̣аг̇ахабад̇игаа – ‘‘саман̣о калу бхо гумаарагассабо саман̣асса г̇од̇амасса сааваго госалзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи сзд̇аб̣яам̣ ануббад̇д̇о сзд̇аб̣яааяам̣ вихарад̇и уд̇д̇арзна сзд̇аб̣яам̣ сим̣сабааванз. д̇ам̣ ко бана бхаванд̇ам̣ гумаарагассабам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘бан̣д̣ид̇о б̣яад̇д̇о мзд̇хаавий б̣ахуссуд̇о жид̇д̇агат̇ий галяаан̣абадибхаано вуд̣̇д̇хо ⁴ жзва арахаа жа. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’’д̇и. ат̇а ко сзд̇аб̣яагаа б̣раахман̣аг̇ахабад̇игаа сзд̇аб̣яааяа нигкамид̇ваа сан̇гхасан̇гхий г̇ан̣ийбхууд̇аа уд̇д̇арзнамукаа г̇ажчанд̇и язна сим̣сабааванам̣ ⁵.

407. Tena kho pana samayena pāyāsissa rājaññassa evarūpaṃ pāpakaṃ diṭṭhigataṃ uppannaṃ hoti – ‘‘itipi natthi paro loko, natthi sattā opapātikā, natthi sukatadukkaṭānaṃ ⁶ kammānaṃ phalaṃ vipāko’’ti. Assosuṃ kho setabyakā brāhmaṇagahapatikā – ‘‘samaṇo khalu bho kumārakassapo samaṇassa gotamassa sāvako kosalesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi setabyaṃ anuppatto setabyāyaṃ viharati uttarena setabyaṃ siṃsapāvane. Taṃ kho pana bhavantaṃ kumārakassapaṃ evaṃ kalyāṇo kittisaddo abbhuggato – ‘paṇḍito byatto medhāvī bahussuto cittakathī kalyāṇapaṭibhāno vuddho ⁷ ceva arahā ca. Sādhu kho pana tathārūpānaṃ arahataṃ dassanaṃ hotī’’’ti. Atha kho setabyakā brāhmaṇagahapatikā setabyāya nikkhamitvā saṅghasaṅghī gaṇībhūtā uttarenamukhā gacchanti yena siṃsapāvanaṃ ⁸.

408. д̇зна ко бана самаязна бааяааси рааж̇ан̃н̃о убарибаасаад̣̇з д̣̇иваасзяяам̣ убаг̇ад̇о ход̇и. ад̣̇д̣̇асаа ко бааяааси рааж̇ан̃н̃о сзд̇аб̣яагз б̣раахман̣аг̇ахабад̇игз сзд̇аб̣яааяа нигкамид̇ваа сан̇гхасан̇гхий г̇ан̣ийбхууд̇з уд̇д̇арзнамукз г̇ажчанд̇з язна сим̣сабааванам̣ ⁹, д̣̇исваа кад̇д̇ам̣ ааманд̇зси – ‘‘гим̣ ну ко, бхо кад̇д̇з, сзд̇аб̣яагаа б̣раахман̣аг̇ахабад̇игаа сзд̇аб̣яааяа нигкамид̇ваа сан̇гхасан̇гхий г̇ан̣ийбхууд̇аа уд̇д̇арзнамукаа г̇ажчанд̇и язна сим̣сабаавана’’нд̇и ¹⁰?

408. Tena kho pana samayena pāyāsi rājañño uparipāsāde divāseyyaṃ upagato hoti. Addasā kho pāyāsi rājañño setabyake brāhmaṇagahapatike setabyāya nikkhamitvā saṅghasaṅghī gaṇībhūte uttarenamukhe gacchante yena siṃsapāvanaṃ ¹¹, disvā khattaṃ āmantesi – ‘‘kiṃ nu kho, bho khatte, setabyakā brāhmaṇagahapatikā setabyāya nikkhamitvā saṅghasaṅghī gaṇībhūtā uttarenamukhā gacchanti yena siṃsapāvana’’nti ¹²?

‘‘ад̇т̇и ко, бхо, саман̣о гумаарагассабо, саман̣асса г̇од̇амасса сааваго госалзсу жааригам̣ жарамаано махад̇аа бхигкусан̇гхзна сад̣̇д̇хим̣ бан̃жамад̇д̇зхи бхигкусад̇зхи сзд̇аб̣яам̣ ануббад̇д̇о сзд̇аб̣яааяам̣ вихарад̇и уд̇д̇арзна сзд̇аб̣яам̣ сим̣сабааванз. д̇ам̣ ко бана бхаванд̇ам̣ гумаарагассабам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘бан̣д̣ид̇о б̣яад̇д̇о мзд̇хаавий б̣ахуссуд̇о жид̇д̇агат̇ий галяаан̣абадибхаано вуд̣̇д̇хо жзва арахаа жаа’д̇и ¹³. д̇амзд̇з ¹⁴ бхаванд̇ам̣ гумаарагассабам̣ д̣̇ассанааяа убасан̇гаманд̇ий’’д̇и. ‘‘д̇зна хи, бхо кад̇д̇з, язна сзд̇аб̣яагаа б̣раахман̣аг̇ахабад̇игаа д̇знубасан̇гама; убасан̇гамид̇ваа сзд̇аб̣яагз б̣раахман̣аг̇ахабад̇игз звам̣ вад̣̇зхи – ‘бааяааси, бхо, рааж̇ан̃н̃о звамааха – ааг̇амзнд̇у гира бхаванд̇о, бааяаасиби рааж̇ан̃н̃о саман̣ам̣ гумаарагассабам̣ д̣̇ассанааяа убасан̇гамиссад̇ий’д̇и. бураа саман̣о гумаарагассабо сзд̇аб̣яагз б̣раахман̣аг̇ахабад̇игз б̣аалз аб̣яад̇д̇з сан̃н̃аабзд̇и – ‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’д̇и. над̇т̇и хи, бхо кад̇д̇з, баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’д̇и. ‘‘звам̣ бхо’’д̇и ко со кад̇д̇аа бааяаасисса рааж̇ан̃н̃асса бадиссуд̇ваа язна сзд̇аб̣яагаа б̣раахман̣аг̇ахабад̇игаа д̇знубасан̇гами; убасан̇гамид̇ваа сзд̇аб̣яагз б̣раахман̣аг̇ахабад̇игз зд̇ад̣̇авожа – ‘‘бааяааси, бхо, рааж̇ан̃н̃о звамааха, ааг̇амзнд̇у гира бхаванд̇о, бааяаасиби рааж̇ан̃н̃о саман̣ам̣ гумаарагассабам̣ д̣̇ассанааяа убасан̇гамиссад̇ий’’д̇и.

‘‘Atthi kho, bho, samaṇo kumārakassapo, samaṇassa gotamassa sāvako kosalesu cārikaṃ caramāno mahatā bhikkhusaṅghena saddhiṃ pañcamattehi bhikkhusatehi setabyaṃ anuppatto setabyāyaṃ viharati uttarena setabyaṃ siṃsapāvane. Taṃ kho pana bhavantaṃ kumārakassapaṃ evaṃ kalyāṇo kittisaddo abbhuggato – ‘paṇḍito byatto medhāvī bahussuto cittakathī kalyāṇapaṭibhāno vuddho ceva arahā cā’ti ¹⁵. Tamete ¹⁶ bhavantaṃ kumārakassapaṃ dassanāya upasaṅkamantī’’ti. ‘‘Tena hi, bho khatte, yena setabyakā brāhmaṇagahapatikā tenupasaṅkama; upasaṅkamitvā setabyake brāhmaṇagahapatike evaṃ vadehi – ‘pāyāsi, bho, rājañño evamāha – āgamentu kira bhavanto, pāyāsipi rājañño samaṇaṃ kumārakassapaṃ dassanāya upasaṅkamissatī’ti. Purā samaṇo kumārakassapo setabyake brāhmaṇagahapatike bāle abyatte saññāpeti – ‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’ti. Natthi hi, bho khatte, paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’ti. ‘‘Evaṃ bho’’ti kho so khattā pāyāsissa rājaññassa paṭissutvā yena setabyakā brāhmaṇagahapatikā tenupasaṅkami; upasaṅkamitvā setabyake brāhmaṇagahapatike etadavoca – ‘‘pāyāsi, bho, rājañño evamāha, āgamentu kira bhavanto, pāyāsipi rājañño samaṇaṃ kumārakassapaṃ dassanāya upasaṅkamissatī’’ti.

409. ат̇а ко бааяааси рааж̇ан̃н̃о сзд̇аб̣яагзхи б̣раахман̣аг̇ахабад̇игзхи баривуд̇о язна сим̣сабааванам̣ язнааяасмаа гумаарагассабо д̇знубасан̇гами; убасан̇гамид̇ваа ааяасмад̇аа гумаарагассабзна сад̣̇д̇хим̣ саммод̣̇и, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. сзд̇аб̣яагааби ко б̣раахман̣аг̇ахабад̇игаа аббзгажжз ааяасманд̇ам̣ гумаарагассабам̣ абхиваад̣̇зд̇ваа згаманд̇ам̣ нисийд̣̇им̣су; аббзгажжз ааяасмад̇аа гумаарагассабзна сад̣̇д̇хим̣ саммод̣̇им̣су; саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. аббзгажжз язнааяасмаа гумаарагассабо д̇знан̃ж̇алим̣ бан̣аамзд̇ваа згаманд̇ам̣ нисийд̣̇им̣су. аббзгажжз наамаг̇од̇д̇ам̣ саавзд̇ваа згаманд̇ам̣ нисийд̣̇им̣су. аббзгажжз д̇ун̣хийбхууд̇аа згаманд̇ам̣ нисийд̣̇им̣су.

409. Atha kho pāyāsi rājañño setabyakehi brāhmaṇagahapatikehi parivuto yena siṃsapāvanaṃ yenāyasmā kumārakassapo tenupasaṅkami; upasaṅkamitvā āyasmatā kumārakassapena saddhiṃ sammodi, sammodanīyaṃ kathaṃ sāraṇīyaṃ vītisāretvā ekamantaṃ nisīdi. Setabyakāpi kho brāhmaṇagahapatikā appekacce āyasmantaṃ kumārakassapaṃ abhivādetvā ekamantaṃ nisīdiṃsu; appekacce āyasmatā kumārakassapena saddhiṃ sammodiṃsu; sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Appekacce yenāyasmā kumārakassapo tenañjaliṃ paṇāmetvā ekamantaṃ nisīdiṃsu. Appekacce nāmagottaṃ sāvetvā ekamantaṃ nisīdiṃsu. Appekacce tuṇhībhūtā ekamantaṃ nisīdiṃsu.

над̇т̇игаваад̣̇о

Natthikavādo

410. згаманд̇ам̣ нисинно ко бааяааси рааж̇ан̃н̃о ааяасманд̇ам̣ гумаарагассабам̣ зд̇ад̣̇авожа – ‘‘ахан̃хи, бхо гассаба, звам̣ваад̣̇ий звам̣д̣̇идтий – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и. ‘‘наахам̣, рааж̇ан̃н̃а, звам̣ваад̣̇им̣ звам̣д̣̇идтим̣ ад̣̇д̣̇асам̣ ваа ассосим̣ ваа. гат̇ан̃хи наама звам̣ вад̣̇зяяа – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’д̇и?

410. Ekamantaṃ nisinno kho pāyāsi rājañño āyasmantaṃ kumārakassapaṃ etadavoca – ‘‘ahañhi, bho kassapa, evaṃvādī evaṃdiṭṭhī – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti. ‘‘Nāhaṃ, rājañña, evaṃvādiṃ evaṃdiṭṭhiṃ addasaṃ vā assosiṃ vā. Kathañhi nāma evaṃ vadeyya – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’ti?

жанд̣̇имасуурияаубамаа

Candimasūriyaupamā

411. ‘‘д̇зна хи, рааж̇ан̃н̃а, д̇ан̃н̃звзд̇т̇а бадибужчиссаами, яат̇аа д̇з камзяяа, д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, рааж̇ан̃н̃а, имз жанд̣̇имасуурияаа имасмим̣ ваа логз барасмим̣ ваа, д̣̇зваа ваа д̇з мануссаа ваа’’д̇и? ‘‘имз, бхо гассаба, жанд̣̇имасуурияаа барасмим̣ логз, на имасмим̣; д̣̇зваа д̇з на мануссаа’’д̇и. ‘‘иминааби ко д̇з, рааж̇ан̃н̃а, барияааязна звам̣ ход̇у – ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’’д̇и.

411. ‘‘Tena hi, rājañña, taññevettha paṭipucchissāmi, yathā te khameyya, tathā naṃ byākareyyāsi. Taṃ kiṃ maññasi, rājañña, ime candimasūriyā imasmiṃ vā loke parasmiṃ vā, devā vā te manussā vā’’ti? ‘‘Ime, bho kassapa, candimasūriyā parasmiṃ loke, na imasmiṃ; devā te na manussā’’ti. ‘‘Imināpi kho te, rājañña, pariyāyena evaṃ hotu – itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’’ti.

412. ‘‘гин̃жааби бхавам̣ гассабо звамааха, ат̇а ко звам̣ мз зд̇т̇а ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и. ‘‘ад̇т̇и бана, рааж̇ан̃н̃а, барияааяо, язна д̇з барияааязна звам̣ ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и? ‘‘ад̇т̇и , бхо гассаба, барияааяо, язна мз барияааязна звам̣ ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и. ‘‘яат̇аа гат̇ам̣ вияа, рааж̇ан̃н̃аа’’д̇и? ‘‘ид̇ха мз, бхо гассаба, мид̇д̇аамажжаа н̃аад̇исаалохид̇аа баан̣аад̇ибаад̇ий ад̣̇иннаад̣̇ааяий гаамзсумижчаажаарий мусааваад̣̇ий бисун̣аваажаа парусаваажаа сампаббалаабий абхиж̇жхаалуу б̣яаабаннажид̇д̇аа мижчаад̣̇идтий. д̇з абарзна самаязна ааб̣аад̇хигаа хонд̇и д̣̇угкид̇аа б̣аал̣хаг̇илаанаа. яад̣̇аахам̣ ж̇аанаами – ‘на д̣̇аанимз имамхаа ааб̣аад̇хаа вудтахиссанд̇ий’д̇и д̇яаахам̣ убасан̇гамид̇ваа звам̣ вад̣̇аами – ‘санд̇и ко, бхо, згз саман̣аб̣раахман̣аа звам̣ваад̣̇ино звам̣д̣̇идтино – яз д̇з баан̣аад̇ибаад̇ий ад̣̇иннаад̣̇ааяий гаамзсумижчаажаарий мусааваад̣̇ий бисун̣аваажаа парусаваажаа сампаббалаабий абхиж̇жхаалуу б̣яаабаннажид̇д̇аа мижчаад̣̇идтий, д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇ий’д̇и. бхаванд̇о ко баан̣аад̇ибаад̇ий ад̣̇иннаад̣̇ааяий гаамзсумижчаажаарий мусааваад̣̇ий бисун̣аваажаа парусаваажаа сампаббалаабий абхиж̇жхаалуу б̣яаабаннажид̇д̇аа мижчаад̣̇идтий. сажз д̇зсам̣ бхавад̇ам̣ саман̣аб̣раахман̣аанам̣ сажжам̣ важанам̣, бхаванд̇о гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇иссанд̇и. сажз, бхо, гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяаат̇а, язна мз ааг̇анд̇ваа аарожзяяаат̇а – ‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’д̇и . бхаванд̇о ко бана мз сад̣̇д̇хааяигаа бажжаяигаа, яам̣ бхаванд̇зхи д̣̇идтам̣, яат̇аа саамам̣ д̣̇идтам̣ звамзд̇ам̣ бхависсад̇ий’д̇и. д̇з мз ‘саад̇хуу’д̇и бадиссуд̇ваа нзва ааг̇анд̇ваа аарожзнд̇и, на бана д̣̇ууд̇ам̣ бахин̣анд̇и. аяамби ко, бхо гассаба, барияааяо, язна мз барияааязна звам̣ ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

412. ‘‘Kiñcāpi bhavaṃ kassapo evamāha, atha kho evaṃ me ettha hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti. ‘‘Atthi pana, rājañña, pariyāyo, yena te pariyāyena evaṃ hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti? ‘‘Atthi , bho kassapa, pariyāyo, yena me pariyāyena evaṃ hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti. ‘‘Yathā kathaṃ viya, rājaññā’’ti? ‘‘Idha me, bho kassapa, mittāmaccā ñātisālohitā pāṇātipātī adinnādāyī kāmesumicchācārī musāvādī pisuṇavācā pharusavācā samphappalāpī abhijjhālū byāpannacittā micchādiṭṭhī. Te aparena samayena ābādhikā honti dukkhitā bāḷhagilānā. Yadāhaṃ jānāmi – ‘na dānime imamhā ābādhā vuṭṭhahissantī’ti tyāhaṃ upasaṅkamitvā evaṃ vadāmi – ‘santi kho, bho, eke samaṇabrāhmaṇā evaṃvādino evaṃdiṭṭhino – ye te pāṇātipātī adinnādāyī kāmesumicchācārī musāvādī pisuṇavācā pharusavācā samphappalāpī abhijjhālū byāpannacittā micchādiṭṭhī, te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjantī’ti. Bhavanto kho pāṇātipātī adinnādāyī kāmesumicchācārī musāvādī pisuṇavācā pharusavācā samphappalāpī abhijjhālū byāpannacittā micchādiṭṭhī. Sace tesaṃ bhavataṃ samaṇabrāhmaṇānaṃ saccaṃ vacanaṃ, bhavanto kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjissanti. Sace, bho, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyyātha, yena me āgantvā āroceyyātha – ‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’ti . Bhavanto kho pana me saddhāyikā paccayikā, yaṃ bhavantehi diṭṭhaṃ, yathā sāmaṃ diṭṭhaṃ evametaṃ bhavissatī’ti. Te me ‘sādhū’ti paṭissutvā neva āgantvā ārocenti, na pana dūtaṃ pahiṇanti. Ayampi kho, bho kassapa, pariyāyo, yena me pariyāyena evaṃ hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti.

жораубамаа

Coraupamā

413. ‘‘д̇зна хи, рааж̇ан̃н̃а, д̇ан̃н̃звзд̇т̇а бадибужчиссаами. яат̇аа д̇з камзяяа д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, рааж̇ан̃н̃а, ид̇ха д̇з бурисаа жорам̣ ааг̇ужаарим̣ г̇ахзд̇ваа д̣̇ассзяяум̣ – ‘аяам̣ д̇з, бханд̇з, жоро ааг̇ужаарий; имасса яам̣ ижчаси, д̇ам̣ д̣̇ан̣д̣ам̣ бан̣зхий’д̇и. д̇з д̇вам̣ звам̣ вад̣̇зяяааси – ‘д̇зна хи, бхо, имам̣ бурисам̣ д̣̇ал̣хааяа раж̇ж̇уяаа бажчааб̣аахам̣ г̇аал̣хаб̣анд̇ханам̣ б̣анд̇хид̇ваа курамун̣д̣ам̣ гарид̇ваа ¹⁷ карассарзна бан̣авзна рат̇игааяа рат̇игам̣ ¹⁸ син̇гхаадагзна син̇гхаадагам̣ баринзд̇ваа д̣̇агкин̣зна д̣̇ваарзна нигкамид̇ваа д̣̇агкин̣ад̇о наг̇арасса аагхаад̇анз сийсам̣ чинд̣̇ат̇аа’д̇и. д̇з ‘саад̇хуу’д̇и бадиссуд̇ваа д̇ам̣ бурисам̣ д̣̇ал̣хааяа раж̇ж̇уяаа бажчааб̣аахам̣ г̇аал̣хаб̣анд̇ханам̣ б̣анд̇хид̇ваа курамун̣д̣ам̣ гарид̇ваа карассарзна бан̣авзна рат̇игааяа рат̇игам̣ син̇гхаадагзна син̇гхаадагам̣ баринзд̇ваа д̣̇агкин̣зна д̣̇ваарзна нигкамид̇ваа д̣̇агкин̣ад̇о наг̇арасса аагхаад̇анз нисийд̣̇аабзяяум̣. лабхзяяа ну ко со жоро жорагхаад̇зсу – ‘ааг̇амзнд̇у д̇аава бхаванд̇о жорагхаад̇аа, амугасмим̣ мз г̇аамз ваа ниг̇амз ваа мид̇д̇аамажжаа н̃аад̇исаалохид̇аа, яааваахам̣ д̇зсам̣ уд̣̇д̣̇исид̇ваа ааг̇ажчаамий’д̇и , уд̣̇ааху виббалабанд̇ассзва жорагхаад̇аа сийсам̣ чинд̣̇зяяу’’нд̇и? ‘‘на хи со, бхо гассаба, жоро лабхзяяа жорагхаад̇зсу – ‘ааг̇амзнд̇у д̇аава бхаванд̇о жорагхаад̇аа амугасмим̣ мз г̇аамз ваа ниг̇амз ваа мид̇д̇аамажжаа н̃аад̇исаалохид̇аа, яааваахам̣ д̇зсам̣ уд̣̇д̣̇исид̇ваа ааг̇ажчаамий’д̇и. ат̇а ко нам̣ виббалабанд̇ассзва жорагхаад̇аа сийсам̣ чинд̣̇зяяу’’нд̇и. ‘‘со хи наама, рааж̇ан̃н̃а, жоро мануссо мануссабхууд̇зсу жорагхаад̇зсу на лабхиссад̇и – ‘ааг̇амзнд̇у д̇аава бхаванд̇о жорагхаад̇аа, амугасмим̣ мз г̇аамз ваа ниг̇амз ваа мид̇д̇аамажжаа н̃аад̇исаалохид̇аа, яааваахам̣ д̇зсам̣ уд̣̇д̣̇исид̇ваа ааг̇ажчаамий’д̇и. гим̣ бана д̇з мид̇д̇аамажжаа н̃аад̇исаалохид̇аа баан̣аад̇ибаад̇ий ад̣̇иннаад̣̇ааяий гаамзсумижчаажаарий мусааваад̣̇ий бисун̣аваажаа парусаваажаа сампаббалаабий абхиж̇жхаалуу б̣яаабаннажид̇д̇аа мижчаад̣̇идтий, д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа лабхиссанд̇и нираяабаалзсу – ‘ааг̇амзнд̇у д̇аава бхаванд̇о нираяабаалаа, яаава маяам̣ бааяаасисса рааж̇ан̃н̃асса г̇анд̇ваа аарожзма – ‘‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и? иминааби ко д̇з, рааж̇ан̃н̃а, барияааязна звам̣ ход̇у – ‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

413. ‘‘Tena hi, rājañña, taññevettha paṭipucchissāmi. Yathā te khameyya tathā naṃ byākareyyāsi. Taṃ kiṃ maññasi, rājañña, idha te purisā coraṃ āgucāriṃ gahetvā dasseyyuṃ – ‘ayaṃ te, bhante, coro āgucārī; imassa yaṃ icchasi, taṃ daṇḍaṃ paṇehī’ti. Te tvaṃ evaṃ vadeyyāsi – ‘tena hi, bho, imaṃ purisaṃ daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā ¹⁹ kharassarena paṇavena rathikāya rathikaṃ ²⁰ siṅghāṭakena siṅghāṭakaṃ parinetvā dakkhiṇena dvārena nikkhamitvā dakkhiṇato nagarassa āghātane sīsaṃ chindathā’ti. Te ‘sādhū’ti paṭissutvā taṃ purisaṃ daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā kharassarena paṇavena rathikāya rathikaṃ siṅghāṭakena siṅghāṭakaṃ parinetvā dakkhiṇena dvārena nikkhamitvā dakkhiṇato nagarassa āghātane nisīdāpeyyuṃ. Labheyya nu kho so coro coraghātesu – ‘āgamentu tāva bhavanto coraghātā, amukasmiṃ me gāme vā nigame vā mittāmaccā ñātisālohitā, yāvāhaṃ tesaṃ uddisitvā āgacchāmī’ti , udāhu vippalapantasseva coraghātā sīsaṃ chindeyyu’’nti? ‘‘Na hi so, bho kassapa, coro labheyya coraghātesu – ‘āgamentu tāva bhavanto coraghātā amukasmiṃ me gāme vā nigame vā mittāmaccā ñātisālohitā, yāvāhaṃ tesaṃ uddisitvā āgacchāmī’ti. Atha kho naṃ vippalapantasseva coraghātā sīsaṃ chindeyyu’’nti. ‘‘So hi nāma, rājañña, coro manusso manussabhūtesu coraghātesu na labhissati – ‘āgamentu tāva bhavanto coraghātā, amukasmiṃ me gāme vā nigame vā mittāmaccā ñātisālohitā, yāvāhaṃ tesaṃ uddisitvā āgacchāmī’ti. Kiṃ pana te mittāmaccā ñātisālohitā pāṇātipātī adinnādāyī kāmesumicchācārī musāvādī pisuṇavācā pharusavācā samphappalāpī abhijjhālū byāpannacittā micchādiṭṭhī, te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā labhissanti nirayapālesu – ‘āgamentu tāva bhavanto nirayapālā, yāva mayaṃ pāyāsissa rājaññassa gantvā ārocema – ‘‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’’’ti? Imināpi kho te, rājañña, pariyāyena evaṃ hotu – ‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’’’ti.

414. ‘‘гин̃жааби бхавам̣ гассабо звамааха, ат̇а ко звам̣ мз зд̇т̇а ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’д̇и. ‘‘ад̇т̇и бана, рааж̇ан̃н̃а, барияааяо язна д̇з барияааязна звам̣ ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и? ‘‘ад̇т̇и, бхо гассаба, барияааяо, язна мз барияааязна звам̣ ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и. ‘‘яат̇аа гат̇ам̣ вияа, рааж̇ан̃н̃аа’’д̇и? ‘‘ид̇ха мз, бхо гассаба, мид̇д̇аамажжаа н̃аад̇исаалохид̇аа баан̣аад̇ибаад̇аа бадивирад̇аа ад̣̇иннаад̣̇аанаа бадивирад̇аа гаамзсумижчаажаараа бадивирад̇аа мусааваад̣̇аа бадивирад̇аа бисун̣ааяа ваажааяа бадивирад̇аа парусааяа ваажааяа бадивирад̇аа сампаббалаабаа бадивирад̇аа анабхиж̇жхаалуу аб̣яаабаннажид̇д̇аа саммаад̣̇идтий. д̇з абарзна самаязна ааб̣аад̇хигаа хонд̇и д̣̇угкид̇аа б̣аал̣хаг̇илаанаа. яад̣̇аахам̣ ж̇аанаами – ‘на д̣̇аанимз имамхаа ааб̣аад̇хаа вудтахиссанд̇ий’д̇и д̇яаахам̣ убасан̇гамид̇ваа звам̣ вад̣̇аами – ‘санд̇и ко, бхо, згз саман̣аб̣раахман̣аа звам̣ваад̣̇ино звам̣д̣̇идтино – яз д̇з баан̣аад̇ибаад̇аа бадивирад̇аа ад̣̇иннаад̣̇аанаа бадивирад̇аа гаамзсумижчаажаараа бадивирад̇аа мусааваад̣̇аа бадивирад̇аа бисун̣ааяа ваажааяа бадивирад̇аа парусааяа ваажааяа бадивирад̇аа сампаббалаабаа бадивирад̇аа анабхиж̇жхаалуу аб̣яаабаннажид̇д̇аа саммаад̣̇идтий д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇ийд̇и . бхаванд̇о ко баан̣аад̇ибаад̇аа бадивирад̇аа ад̣̇иннаад̣̇аанаа бадивирад̇аа гаамзсумижчаажаараа бадивирад̇аа мусааваад̣̇аа бадивирад̇аа бисун̣ааяа ваажааяа бадивирад̇аа парусааяа ваажааяа бадивирад̇аа сампаббалаабаа бадивирад̇аа анабхиж̇жхаалуу аб̣яаабаннажид̇д̇аа саммаад̣̇идтий. сажз д̇зсам̣ бхавад̇ам̣ саман̣аб̣раахман̣аанам̣ сажжам̣ важанам̣, бхаванд̇о гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссанд̇и. сажз, бхо, гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяаат̇а, язна мз ааг̇анд̇ваа аарожзяяаат̇а – ‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’д̇и. бхаванд̇о ко бана мз сад̣̇д̇хааяигаа бажжаяигаа, яам̣ бхаванд̇зхи д̣̇идтам̣, яат̇аа саамам̣ д̣̇идтам̣ звамзд̇ам̣ бхависсад̇ий’д̇и. д̇з мз ‘саад̇хуу’д̇и бадиссуд̇ваа нзва ааг̇анд̇ваа аарожзнд̇и, на бана д̣̇ууд̇ам̣ бахин̣анд̇и. аяамби ко, бхо гассаба, барияааяо, язна мз барияааязна звам̣ ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

414. ‘‘Kiñcāpi bhavaṃ kassapo evamāha, atha kho evaṃ me ettha hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’ti. ‘‘Atthi pana, rājañña, pariyāyo yena te pariyāyena evaṃ hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti? ‘‘Atthi, bho kassapa, pariyāyo, yena me pariyāyena evaṃ hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti. ‘‘Yathā kathaṃ viya, rājaññā’’ti? ‘‘Idha me, bho kassapa, mittāmaccā ñātisālohitā pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā pisuṇāya vācāya paṭiviratā pharusāya vācāya paṭiviratā samphappalāpā paṭiviratā anabhijjhālū abyāpannacittā sammādiṭṭhī. Te aparena samayena ābādhikā honti dukkhitā bāḷhagilānā. Yadāhaṃ jānāmi – ‘na dānime imamhā ābādhā vuṭṭhahissantī’ti tyāhaṃ upasaṅkamitvā evaṃ vadāmi – ‘santi kho, bho, eke samaṇabrāhmaṇā evaṃvādino evaṃdiṭṭhino – ye te pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā pisuṇāya vācāya paṭiviratā pharusāya vācāya paṭiviratā samphappalāpā paṭiviratā anabhijjhālū abyāpannacittā sammādiṭṭhī te kāyassa bhedā paraṃ maraṇā sugatiṃ saggaṃ lokaṃ upapajjantīti . Bhavanto kho pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā pisuṇāya vācāya paṭiviratā pharusāya vācāya paṭiviratā samphappalāpā paṭiviratā anabhijjhālū abyāpannacittā sammādiṭṭhī. Sace tesaṃ bhavataṃ samaṇabrāhmaṇānaṃ saccaṃ vacanaṃ, bhavanto kāyassa bhedā paraṃ maraṇā sugatiṃ saggaṃ lokaṃ upapajjissanti. Sace, bho, kāyassa bhedā paraṃ maraṇā sugatiṃ saggaṃ lokaṃ upapajjeyyātha, yena me āgantvā āroceyyātha – ‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’ti. Bhavanto kho pana me saddhāyikā paccayikā, yaṃ bhavantehi diṭṭhaṃ, yathā sāmaṃ diṭṭhaṃ evametaṃ bhavissatī’ti. Te me ‘sādhū’ti paṭissutvā neva āgantvā ārocenti, na pana dūtaṃ pahiṇanti. Ayampi kho, bho kassapa, pariyāyo, yena me pariyāyena evaṃ hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti.

г̇уут̇агуубабурисаубамаа

Gūthakūpapurisaupamā

415. ‘‘д̇зна хи, рааж̇ан̃н̃а, убамам̣ д̇з гариссаами. убамааяа мид̇хзгажжз ²¹ вин̃н̃уу бурисаа бхаасид̇асса ад̇т̇ам̣ ааж̇аананд̇и. сзяяат̇ааби, рааж̇ан̃н̃а, бурисо г̇уут̇агуубз сасийсагам̣ ²² нимуг̇г̇о асса. ат̇а д̇вам̣ бурисз аан̣аабзяяааси – ‘д̇зна хи, бхо, д̇ам̣ бурисам̣ д̇амхаа г̇уут̇агуубаа уд̣̇д̇харат̇аа’д̇и. д̇з ‘саад̇хуу’д̇и бадиссуд̇ваа д̇ам̣ бурисам̣ д̇амхаа г̇уут̇агуубаа уд̣̇д̇харзяяум̣. д̇з д̇вам̣ звам̣ вад̣̇зяяааси – ‘д̇зна хи, бхо, д̇асса бурисасса гааяаа взл̣убзсигаахи г̇уут̇ам̣ суниммаж̇ж̇ид̇ам̣ ниммаж̇ж̇ат̇аа’д̇и. д̇з ‘саад̇хуу’д̇и бадиссуд̇ваа д̇асса бурисасса гааяаа взл̣убзсигаахи г̇уут̇ам̣ суниммаж̇ж̇ид̇ам̣ ниммаж̇ж̇зяяум̣. д̇з д̇вам̣ звам̣ вад̣̇зяяааси – ‘д̇зна хи, бхо, д̇асса бурисасса гааяам̣ бан̣д̣умад̇д̇игааяа д̇игкад̇д̇ум̣ суб̣б̣аддид̇ам̣ уб̣б̣аддзт̇аа’д̇и ²³. д̇з д̇асса бурисасса гааяам̣ бан̣д̣умад̇д̇игааяа д̇игкад̇д̇ум̣ суб̣б̣аддид̇ам̣ уб̣б̣аддзяяум̣. д̇з д̇вам̣ звам̣ вад̣̇зяяааси – ‘д̇зна хи, бхо, д̇ам̣ бурисам̣ д̇злзна аб̣бхан̃ж̇ид̇ваа сукумзна жун̣н̣зна д̇игкад̇д̇ум̣ суббад̇ход̇ам̣ гарот̇аа’д̇и. д̇з д̇ам̣ бурисам̣ д̇злзна аб̣бхан̃ж̇ид̇ваа сукумзна жун̣н̣зна д̇игкад̇д̇ум̣ суббад̇ход̇ам̣ гарзяяум̣. д̇з д̇вам̣ звам̣ вад̣̇зяяааси – ‘д̇зна хи, бхо, д̇асса бурисасса гзсамассум̣ габбзт̇аа’д̇и. д̇з д̇асса бурисасса гзсамассум̣ габбзяяум̣. д̇з д̇вам̣ звам̣ вад̣̇зяяааси – ‘д̇зна хи, бхо, д̇асса бурисасса махаг̇гхан̃жа маалам̣ махаг̇гхан̃жа вилзбанам̣ махаг̇гхаани жа вад̇т̇аани убахарат̇аа’д̇и. д̇з д̇асса бурисасса махаг̇гхан̃жа маалам̣ махаг̇гхан̃жа вилзбанам̣ махаг̇гхаани жа вад̇т̇аани убахарзяяум̣. д̇з д̇вам̣ звам̣ вад̣̇зяяааси – ‘д̇зна хи, бхо, д̇ам̣ бурисам̣ баасаад̣̇ам̣ ааробзд̇ваа бан̃жагаамаг̇ун̣аани убадтаабзт̇аа’д̇и. д̇з д̇ам̣ бурисам̣ баасаад̣̇ам̣ ааробзд̇ваа бан̃жагаамаг̇ун̣аани убадтаабзяяум̣.

415. ‘‘Tena hi, rājañña, upamaṃ te karissāmi. Upamāya midhekacce ²⁴ viññū purisā bhāsitassa atthaṃ ājānanti. Seyyathāpi, rājañña, puriso gūthakūpe sasīsakaṃ ²⁵ nimuggo assa. Atha tvaṃ purise āṇāpeyyāsi – ‘tena hi, bho, taṃ purisaṃ tamhā gūthakūpā uddharathā’ti. Te ‘sādhū’ti paṭissutvā taṃ purisaṃ tamhā gūthakūpā uddhareyyuṃ. Te tvaṃ evaṃ vadeyyāsi – ‘tena hi, bho, tassa purisassa kāyā veḷupesikāhi gūthaṃ sunimmajjitaṃ nimmajjathā’ti. Te ‘sādhū’ti paṭissutvā tassa purisassa kāyā veḷupesikāhi gūthaṃ sunimmajjitaṃ nimmajjeyyuṃ. Te tvaṃ evaṃ vadeyyāsi – ‘tena hi, bho, tassa purisassa kāyaṃ paṇḍumattikāya tikkhattuṃ subbaṭṭitaṃ ubbaṭṭethā’ti ²⁶. Te tassa purisassa kāyaṃ paṇḍumattikāya tikkhattuṃ subbaṭṭitaṃ ubbaṭṭeyyuṃ. Te tvaṃ evaṃ vadeyyāsi – ‘tena hi, bho, taṃ purisaṃ telena abbhañjitvā sukhumena cuṇṇena tikkhattuṃ suppadhotaṃ karothā’ti. Te taṃ purisaṃ telena abbhañjitvā sukhumena cuṇṇena tikkhattuṃ suppadhotaṃ kareyyuṃ. Te tvaṃ evaṃ vadeyyāsi – ‘tena hi, bho, tassa purisassa kesamassuṃ kappethā’ti. Te tassa purisassa kesamassuṃ kappeyyuṃ. Te tvaṃ evaṃ vadeyyāsi – ‘tena hi, bho, tassa purisassa mahagghañca mālaṃ mahagghañca vilepanaṃ mahagghāni ca vatthāni upaharathā’ti. Te tassa purisassa mahagghañca mālaṃ mahagghañca vilepanaṃ mahagghāni ca vatthāni upahareyyuṃ. Te tvaṃ evaṃ vadeyyāsi – ‘tena hi, bho, taṃ purisaṃ pāsādaṃ āropetvā pañcakāmaguṇāni upaṭṭhāpethā’ti. Te taṃ purisaṃ pāsādaṃ āropetvā pañcakāmaguṇāni upaṭṭhāpeyyuṃ.

‘‘д̇ам̣ гим̣ ман̃н̃аси, рааж̇ан̃н̃а, аби ну д̇асса бурисасса сунхаад̇асса сувилид̇д̇асса сугаббид̇агзсамассусса аамуггамаалаабхаран̣асса од̣̇аад̇авад̇т̇авасанасса убарибаасаад̣̇авараг̇ад̇асса бан̃жахи гаамаг̇ун̣зхи самаббид̇асса саман̇г̇ийбхууд̇асса барижаараяамаанасса бунад̣̇зва д̇асмим̣ г̇уут̇агуубз нимуж̇ж̇ид̇угаамад̇аа ²⁷ ассаа’’д̇и? ‘‘но хид̣̇ам̣, бхо гассаба’’. ‘‘д̇ам̣ гисса хзд̇у’’? ‘‘асужи, бхо гассаба, г̇уут̇агуубо асужи жзва асужисан̇каад̇о жа д̣̇уг̇г̇анд̇хо жа д̣̇уг̇г̇анд̇хасан̇каад̇о жа ж̇зг̇ужчо жа ж̇зг̇ужчасан̇каад̇о жа бадигууло жа бадигууласан̇каад̇о жаа’’д̇и. ‘‘звамзва ко, рааж̇ан̃н̃а, мануссаа д̣̇зваанам̣ асужий жзва асужисан̇каад̇аа жа, д̣̇уг̇г̇анд̇хаа жа д̣̇уг̇г̇анд̇хасан̇каад̇аа жа, ж̇зг̇ужчаа жа ж̇зг̇ужчасан̇каад̇аа жа, бадигуулаа жа бадигууласан̇каад̇аа жа. яож̇анасад̇ам̣ ко, рааж̇ан̃н̃а, мануссаг̇анд̇хо д̣̇звз уб̣б̣аад̇хад̇и. гим̣ бана д̇з мид̇д̇аамажжаа н̃аад̇исаалохид̇аа баан̣аад̇ибаад̇аа бадивирад̇аа ад̣̇иннаад̣̇аанаа бадивирад̇аа гаамзсумижчаажаараа бадивирад̇аа мусааваад̣̇аа бадивирад̇аа бисун̣ааяа ваажааяа бадивирад̇аа парусааяа ваажааяа бадивирад̇аа сампаббалаабаа бадивирад̇аа анабхиж̇жхаалуу аб̣яаабаннажид̇д̇аа саммаад̣̇идтий, гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа д̇з ааг̇анд̇ваа аарожзссанд̇и – ‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’д̇и? иминааби ко д̇з, рааж̇ан̃н̃а, барияааязна звам̣ ход̇у – ‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

‘‘Taṃ kiṃ maññasi, rājañña, api nu tassa purisassa sunhātassa suvilittassa sukappitakesamassussa āmukkamālābharaṇassa odātavatthavasanassa uparipāsādavaragatassa pañcahi kāmaguṇehi samappitassa samaṅgībhūtassa paricārayamānassa punadeva tasmiṃ gūthakūpe nimujjitukāmatā ²⁸ assā’’ti? ‘‘No hidaṃ, bho kassapa’’. ‘‘Taṃ kissa hetu’’? ‘‘Asuci, bho kassapa, gūthakūpo asuci ceva asucisaṅkhāto ca duggandho ca duggandhasaṅkhāto ca jeguccho ca jegucchasaṅkhāto ca paṭikūlo ca paṭikūlasaṅkhāto cā’’ti. ‘‘Evameva kho, rājañña, manussā devānaṃ asucī ceva asucisaṅkhātā ca, duggandhā ca duggandhasaṅkhātā ca, jegucchā ca jegucchasaṅkhātā ca, paṭikūlā ca paṭikūlasaṅkhātā ca. Yojanasataṃ kho, rājañña, manussagandho deve ubbādhati. Kiṃ pana te mittāmaccā ñātisālohitā pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā pisuṇāya vācāya paṭiviratā pharusāya vācāya paṭiviratā samphappalāpā paṭiviratā anabhijjhālū abyāpannacittā sammādiṭṭhī, kāyassa bhedā paraṃ maraṇā sugatiṃ saggaṃ lokaṃ upapannā te āgantvā ārocessanti – ‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’ti? Imināpi kho te, rājañña, pariyāyena evaṃ hotu – ‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’’’ti.

416. ‘‘гин̃жааби бхавам̣ гассабо звамааха, ат̇а ко звам̣ мз зд̇т̇а ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и. ‘‘ад̇т̇и бана, рааж̇ан̃н̃а, барияааяо …бз… ‘‘ад̇т̇и, бхо гассаба, барияааяо…бз… ``яат̇аа гат̇ам̣ вияа, рааж̇ан̃н̃аад̇и? ‘‘ид̇ха мз, бхо гассаба, мид̇д̇аамажжаа н̃аад̇исаалохид̇аа баан̣аад̇ибаад̇аа бадивирад̇аа ад̣̇иннаад̣̇аанаа бадивирад̇аа гаамзсумижчаажаараа бадивирад̇аа мусааваад̣̇аа бадивирад̇аа сураамзраяамаж̇ж̇абамаад̣̇адтаанаа бадивирад̇аа, д̇з абарзна самаязна ааб̣аад̇хигаа хонд̇и д̣̇угкид̇аа б̣аал̣хаг̇илаанаа. яад̣̇аахам̣ ж̇аанаами – ‘на д̣̇аанимз имамхаа ааб̣аад̇хаа вудтахиссанд̇ий’д̇и д̇яаахам̣ убасан̇гамид̇ваа звам̣ вад̣̇аами – ‘санд̇и ко, бхо, згз саман̣аб̣раахман̣аа звам̣ваад̣̇ино звам̣д̣̇идтино – яз д̇з баан̣аад̇ибаад̇аа бадивирад̇аа ад̣̇иннаад̣̇аанаа бадивирад̇аа гаамзсумижчаажаараа бадивирад̇аа мусааваад̣̇аа бадивирад̇аа сураамзраяамаж̇ж̇абамаад̣̇адтаанаа бадивирад̇аа, д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и д̣̇зваанам̣ д̇аавад̇им̣саанам̣ сахаб̣яад̇анд̇и. бхаванд̇о ко баан̣аад̇ибаад̇аа бадивирад̇аа ад̣̇иннаад̣̇аанаа бадивирад̇аа гаамзсумижчаажаараа бадивирад̇аа мусааваад̣̇аа бадивирад̇аа сураамзраяамаж̇ж̇абамаад̣̇адтаанаа бадивирад̇аа. сажз д̇зсам̣ бхавад̇ам̣ саман̣аб̣раахман̣аанам̣ сажжам̣ важанам̣, бхаванд̇о гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇иссанд̇и, д̣̇зваанам̣ д̇аавад̇им̣саанам̣ сахаб̣яад̇ам̣. сажз, бхо, гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяаат̇а д̣̇зваанам̣ д̇аавад̇им̣саанам̣ сахаб̣яад̇ам̣, язна мз ааг̇анд̇ваа аарожзяяаат̇а – `ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибаагод̇и. бхаванд̇о ко бана мз сад̣̇д̇хааяигаа бажжаяигаа, яам̣ бхаванд̇зхи д̣̇идтам̣, яат̇аа саамам̣ д̣̇идтам̣ звамзд̇ам̣ бхависсад̇ийд̇и. д̇з мз ‘саад̇хуу’д̇и бадиссуд̇ваа нзва ааг̇анд̇ваа аарожзнд̇и, на бана д̣̇ууд̇ам̣ бахин̣анд̇и. аяамби ко, бхо гассаба, барияааяо, язна мз барияааязна звам̣ ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

416. ‘‘Kiñcāpi bhavaṃ kassapo evamāha, atha kho evaṃ me ettha hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti. ‘‘Atthi pana, rājañña, pariyāyo …pe… ‘‘atthi, bho kassapa, pariyāyo…pe… ``yathā kathaṃ viya, rājaññāti? ‘‘Idha me, bho kassapa, mittāmaccā ñātisālohitā pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā surāmerayamajjapamādaṭṭhānā paṭiviratā, te aparena samayena ābādhikā honti dukkhitā bāḷhagilānā. Yadāhaṃ jānāmi – ‘na dānime imamhā ābādhā vuṭṭhahissantī’ti tyāhaṃ upasaṅkamitvā evaṃ vadāmi – ‘santi kho, bho, eke samaṇabrāhmaṇā evaṃvādino evaṃdiṭṭhino – ye te pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā surāmerayamajjapamādaṭṭhānā paṭiviratā, te kāyassa bhedā paraṃ maraṇā sugatiṃ saggaṃ lokaṃ upapajjanti devānaṃ tāvatiṃsānaṃ sahabyatanti. Bhavanto kho pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā surāmerayamajjapamādaṭṭhānā paṭiviratā. Sace tesaṃ bhavataṃ samaṇabrāhmaṇānaṃ saccaṃ vacanaṃ, bhavanto kāyassa bhedā paraṃ maraṇā sugatiṃ saggaṃ lokaṃ upapajjissanti, devānaṃ tāvatiṃsānaṃ sahabyataṃ. Sace, bho, kāyassa bhedā paraṃ maraṇā sugatiṃ saggaṃ lokaṃ upapajjeyyātha devānaṃ tāvatiṃsānaṃ sahabyataṃ, yena me āgantvā āroceyyātha – `itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipākoti. Bhavanto kho pana me saddhāyikā paccayikā, yaṃ bhavantehi diṭṭhaṃ, yathā sāmaṃ diṭṭhaṃ evametaṃ bhavissatīti. Te me ‘sādhū’ti paṭissutvā neva āgantvā ārocenti, na pana dūtaṃ pahiṇanti. Ayampi kho, bho kassapa, pariyāyo, yena me pariyāyena evaṃ hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti.

д̇аавад̇им̣сад̣̇зваубамаа

Tāvatiṃsadevaupamā

417. ‘‘д̇зна хи, рааж̇ан̃н̃а, д̇ан̃н̃звзд̇т̇а бадибужчиссаами; яат̇аа д̇з камзяяа, д̇ат̇аа нам̣ б̣яаагарзяяааси. яам̣ ко бана, рааж̇ан̃н̃а, маануссагам̣ вассасад̇ам̣, д̣̇зваанам̣ д̇аавад̇им̣саанам̣ зсо зго рад̇д̇инд̣̇иво ²⁹, д̇ааяа рад̇д̇ияаа д̇им̣сарад̇д̇ияо маасо, д̇зна маасзна д̣̇ваад̣̇асамаасияо сам̣важчаро, д̇зна сам̣важчарзна д̣̇иб̣б̣ам̣ вассасахассам̣ д̣̇зваанам̣ д̇аавад̇им̣саанам̣ ааяуббамаан̣ам̣. яз д̇з мид̇д̇аамажжаа н̃аад̇исаалохид̇аа баан̣аад̇ибаад̇аа бадивирад̇аа ад̣̇иннаад̣̇аанаа бадивирад̇аа гаамзсумижчаажаараа бадивирад̇аа мусааваад̣̇аа бадивирад̇аа сураамзраяамаж̇ж̇абамаад̣̇адтаанаа бадивирад̇аа, д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа д̣̇зваанам̣ д̇аавад̇им̣саанам̣ сахаб̣яад̇ам̣. сажз бана д̇зсам̣ звам̣ бхависсад̇и – ‘яаава маяам̣ д̣̇вз ваа д̇ийн̣и ваа рад̇д̇инд̣̇иваа д̣̇иб̣б̣зхи бан̃жахи гаамаг̇ун̣зхи самаббид̇аа саман̇г̇ийбхууд̇аа барижаарзма, ат̇а маяам̣ бааяаасисса рааж̇ан̃н̃асса г̇анд̇ваа аарожзяяаама – ‘‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’’д̇и. аби ну д̇з ааг̇анд̇ваа аарожзяяум̣ – ‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и? ‘‘но хид̣̇ам̣, бхо гассаба. аби хи маяам̣, бхо гассаба, жирам̣ гаалан̇гад̇ааби бхавзяяаама. го банзд̇ам̣ бход̇о гассабасса аарожзд̇и – ‘ад̇т̇и д̣̇зваа д̇аавад̇им̣саа’д̇и ваа ‘звам̣д̣̇ийгхааяугаа д̣̇зваа д̇аавад̇им̣саа’д̇и ваа. на маяам̣ бход̇о гассабасса сад̣̇д̣̇ахаама – ‘ад̇т̇и д̣̇зваа д̇аавад̇им̣саа’д̇и ваа ‘звам̣д̣̇ийгхааяугаа д̣̇зваа д̇аавад̇им̣саа’д̇и ваа’’д̇и.

417. ‘‘Tena hi, rājañña, taññevettha paṭipucchissāmi; yathā te khameyya, tathā naṃ byākareyyāsi. Yaṃ kho pana, rājañña, mānussakaṃ vassasataṃ, devānaṃ tāvatiṃsānaṃ eso eko rattindivo ³⁰, tāya rattiyā tiṃsarattiyo māso, tena māsena dvādasamāsiyo saṃvaccharo, tena saṃvaccharena dibbaṃ vassasahassaṃ devānaṃ tāvatiṃsānaṃ āyuppamāṇaṃ. Ye te mittāmaccā ñātisālohitā pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā surāmerayamajjapamādaṭṭhānā paṭiviratā, te kāyassa bhedā paraṃ maraṇā sugatiṃ saggaṃ lokaṃ upapannā devānaṃ tāvatiṃsānaṃ sahabyataṃ. Sace pana tesaṃ evaṃ bhavissati – ‘yāva mayaṃ dve vā tīṇi vā rattindivā dibbehi pañcahi kāmaguṇehi samappitā samaṅgībhūtā paricārema, atha mayaṃ pāyāsissa rājaññassa gantvā āroceyyāma – ‘‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’’ti. Api nu te āgantvā āroceyyuṃ – ‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’’’ti? ‘‘No hidaṃ, bho kassapa. Api hi mayaṃ, bho kassapa, ciraṃ kālaṅkatāpi bhaveyyāma. Ko panetaṃ bhoto kassapassa āroceti – ‘atthi devā tāvatiṃsā’ti vā ‘evaṃdīghāyukā devā tāvatiṃsā’ti vā. Na mayaṃ bhoto kassapassa saddahāma – ‘atthi devā tāvatiṃsā’ti vā ‘evaṃdīghāyukā devā tāvatiṃsā’ti vā’’ti.

ж̇ажжанд̇хаубамаа

Jaccandhaupamā

418. ‘‘сзяяат̇ааби, рааж̇ан̃н̃а, ж̇ажжанд̇хо бурисо на бассзяяа ган̣ха – суггаани руубаани , на бассзяяа нийлагаани руубаани, на бассзяяа бийд̇агаани ³¹ руубаани, на бассзяяа лохид̇агаани руубаани, на бассзяяа ман̃ж̇идтагаани руубаани, на бассзяяа самависамам̣, на бассзяяа д̇аарагаани руубаани, на бассзяяа жанд̣̇имасуурияз. со звам̣ вад̣̇зяяа – ‘над̇т̇и ган̣хасуггаани руубаани, над̇т̇и ган̣хасуггаанам̣ руубаанам̣ д̣̇ассаавий. над̇т̇и нийлагаани руубаани, над̇т̇и нийлагаанам̣ руубаанам̣ д̣̇ассаавий. над̇т̇и бийд̇агаани руубаани, над̇т̇и бийд̇агаанам̣ руубаанам̣ д̣̇ассаавий. над̇т̇и лохид̇агаани руубаани, над̇т̇и лохид̇агаанам̣ руубаанам̣ д̣̇ассаавий. над̇т̇и ман̃ж̇идтагаани руубаани, над̇т̇и ман̃ж̇идтагаанам̣ руубаанам̣ д̣̇ассаавий. над̇т̇и самависамам̣, над̇т̇и самависамасса д̣̇ассаавий. над̇т̇и д̇аарагаани руубаани, над̇т̇и д̇аарагаанам̣ руубаанам̣ д̣̇ассаавий. над̇т̇и жанд̣̇имасуурияаа, над̇т̇и жанд̣̇имасуурияаанам̣ д̣̇ассаавий. ахамзд̇ам̣ на ж̇аанаами, ахамзд̇ам̣ на бассаами, д̇асмаа д̇ам̣ над̇т̇ий’д̇и. саммаа ну ко со, рааж̇ан̃н̃а, вад̣̇амаано вад̣̇зяяаа’’д̇и? ‘‘но хид̣̇ам̣, бхо гассаба. ад̇т̇и ган̣хасуггаани руубаани, ад̇т̇и ган̣хасуггаанам̣ руубаанам̣ д̣̇ассаавий. ад̇т̇и нийлагаани руубаани, ад̇т̇и нийлагаанам̣ руубаанам̣ д̣̇ассаавий…бз… ад̇т̇и самависамам̣, ад̇т̇и самависамасса д̣̇ассаавий. ад̇т̇и д̇аарагаани руубаани, ад̇т̇и д̇аарагаанам̣ руубаанам̣ д̣̇ассаавий. ад̇т̇и жанд̣̇имасуурияаа, ад̇т̇и жанд̣̇имасуурияаанам̣ д̣̇ассаавий. ‘ахамзд̇ам̣ на ж̇аанаами, ахамзд̇ам̣ на бассаами, д̇асмаа д̇ам̣ над̇т̇ий’д̇и. на хи со, бхо гассаба, саммаа вад̣̇амаано вад̣̇зяяаа’’д̇и. ‘‘звамзва ко д̇вам̣, рааж̇ан̃н̃а, ж̇ажжанд̇хуубамо ман̃н̃з бадибхааси яам̣ мам̣ д̇вам̣ звам̣ вад̣̇зси’’.

418. ‘‘Seyyathāpi, rājañña, jaccandho puriso na passeyya kaṇha – sukkāni rūpāni , na passeyya nīlakāni rūpāni, na passeyya pītakāni ³² rūpāni, na passeyya lohitakāni rūpāni, na passeyya mañjiṭṭhakāni rūpāni, na passeyya samavisamaṃ, na passeyya tārakāni rūpāni, na passeyya candimasūriye. So evaṃ vadeyya – ‘natthi kaṇhasukkāni rūpāni, natthi kaṇhasukkānaṃ rūpānaṃ dassāvī. Natthi nīlakāni rūpāni, natthi nīlakānaṃ rūpānaṃ dassāvī. Natthi pītakāni rūpāni, natthi pītakānaṃ rūpānaṃ dassāvī. Natthi lohitakāni rūpāni, natthi lohitakānaṃ rūpānaṃ dassāvī. Natthi mañjiṭṭhakāni rūpāni, natthi mañjiṭṭhakānaṃ rūpānaṃ dassāvī. Natthi samavisamaṃ, natthi samavisamassa dassāvī. Natthi tārakāni rūpāni, natthi tārakānaṃ rūpānaṃ dassāvī. Natthi candimasūriyā, natthi candimasūriyānaṃ dassāvī. Ahametaṃ na jānāmi, ahametaṃ na passāmi, tasmā taṃ natthī’ti. Sammā nu kho so, rājañña, vadamāno vadeyyā’’ti? ‘‘No hidaṃ, bho kassapa. Atthi kaṇhasukkāni rūpāni, atthi kaṇhasukkānaṃ rūpānaṃ dassāvī. Atthi nīlakāni rūpāni, atthi nīlakānaṃ rūpānaṃ dassāvī…pe… atthi samavisamaṃ, atthi samavisamassa dassāvī. Atthi tārakāni rūpāni, atthi tārakānaṃ rūpānaṃ dassāvī. Atthi candimasūriyā, atthi candimasūriyānaṃ dassāvī. ‘Ahametaṃ na jānāmi, ahametaṃ na passāmi, tasmā taṃ natthī’ti. Na hi so, bho kassapa, sammā vadamāno vadeyyā’’ti. ‘‘Evameva kho tvaṃ, rājañña, jaccandhūpamo maññe paṭibhāsi yaṃ maṃ tvaṃ evaṃ vadesi’’.

‘‘го банзд̇ам̣ бход̇о гассабасса аарожзд̇и – ‘ад̇т̇и д̣̇зваа д̇аавад̇им̣саа’’д̇и ваа, ‘звам̣д̣̇ийгхааяугаа д̣̇зваа д̇аавад̇им̣саа’д̇и ваа? на маяам̣ бход̇о гассабасса сад̣̇д̣̇ахаама – ‘ад̇т̇и д̣̇зваа д̇аавад̇им̣саа’д̇и ваа ‘звам̣д̣̇ийгхааяугаа д̣̇зваа д̇аавад̇им̣саа’д̇и ваа’’д̇и. ‘‘на ко, рааж̇ан̃н̃а, звам̣ баро лого д̣̇адтаб̣б̣о, яат̇аа д̇вам̣ ман̃н̃аси иминаа мам̣сажагкунаа. яз ко д̇з рааж̇ан̃н̃а саман̣аб̣раахман̣аа аран̃н̃аванабад̇т̇аани банд̇аани сзнаасанаани бадисзванд̇и , д̇з д̇ад̇т̇а аббамад̇д̇аа аад̇аабино бахид̇ад̇д̇аа вихаранд̇аа д̣̇иб̣б̣ажагкум̣ висод̇хзнд̇и. д̇з д̣̇иб̣б̣зна жагкунаа висуд̣̇д̇хзна ад̇игганд̇амаанусагзна имам̣ жзва логам̣ бассанд̇и баран̃жа сад̇д̇з жа обабаад̇игз. зван̃жа ко, рааж̇ан̃н̃а, баро лого д̣̇адтаб̣б̣о; над̇взва яат̇аа д̇вам̣ ман̃н̃аси иминаа мам̣сажагкунаа. иминааби ко д̇з, рааж̇ан̃н̃а, барияааязна звам̣ ход̇у – ‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

‘‘Ko panetaṃ bhoto kassapassa āroceti – ‘atthi devā tāvatiṃsā’’ti vā, ‘evaṃdīghāyukā devā tāvatiṃsā’ti vā? Na mayaṃ bhoto kassapassa saddahāma – ‘atthi devā tāvatiṃsā’ti vā ‘evaṃdīghāyukā devā tāvatiṃsā’ti vā’’ti. ‘‘Na kho, rājañña, evaṃ paro loko daṭṭhabbo, yathā tvaṃ maññasi iminā maṃsacakkhunā. Ye kho te rājañña samaṇabrāhmaṇā araññavanapatthāni pantāni senāsanāni paṭisevanti , te tattha appamattā ātāpino pahitattā viharantā dibbacakkhuṃ visodhenti. Te dibbena cakkhunā visuddhena atikkantamānusakena imaṃ ceva lokaṃ passanti parañca satte ca opapātike. Evañca kho, rājañña, paro loko daṭṭhabbo; natveva yathā tvaṃ maññasi iminā maṃsacakkhunā. Imināpi kho te, rājañña, pariyāyena evaṃ hotu – ‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’’’ti.

419. ‘‘гин̃жааби бхавам̣ гассабо звамааха, ат̇а ко звам̣ мз зд̇т̇а ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’д̇и . ‘‘ад̇т̇и бана, рааж̇ан̃н̃а, барияааяо…бз… ад̇т̇и, бхо гассаба, барияааяо…бз… яат̇аа гат̇ам̣ вияа, рааж̇ан̃н̃аа’’д̇и? ‘‘ид̇хаахам̣, бхо гассаба, бассаами саман̣аб̣раахман̣з сийлаванд̇з галяаан̣ад̇хаммз ж̇ийвид̇угаамз амарид̇угаамз сукагаамз д̣̇угкабадигуулз. д̇асса маяхам̣, бхо гассаба, звам̣ ход̇и – сажз ко имз бхонд̇о саман̣аб̣раахман̣аа сийлаванд̇о галяаан̣ад̇хаммаа звам̣ ж̇аанзяяум̣ – ‘ид̇о но мад̇аанам̣ сзяяо бхависсад̇ий’д̇и. ид̣̇аанимз бхонд̇о саман̣аб̣раахман̣аа сийлаванд̇о галяаан̣ад̇хаммаа висам̣ ваа каад̣̇зяяум̣, сад̇т̇ам̣ ваа аахарзяяум̣, уб̣б̣анд̇хид̇ваа ваа гаалан̇гарзяяум̣, бабаад̇з ваа бабад̇зяяум̣. яасмаа жа ко имз бхонд̇о саман̣аб̣раахман̣аа сийлаванд̇о галяаан̣ад̇хаммаа на звам̣ ж̇аананд̇и – ‘ид̇о но мад̇аанам̣ сзяяо бхависсад̇ий’д̇и, д̇асмаа имз бхонд̇о саман̣аб̣раахман̣аа сийлаванд̇о галяаан̣ад̇хаммаа ж̇ийвид̇угаамаа амарид̇угаамаа сукагаамаа д̣̇угкабадигуулаа ад̇д̇аанам̣ на маарзнд̇и ³³. аяамби ко, бхо гассаба, барияааяо, язна мз барияааязна звам̣ ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

419. ‘‘Kiñcāpi bhavaṃ kassapo evamāha, atha kho evaṃ me ettha hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’ti . ‘‘Atthi pana, rājañña, pariyāyo…pe… atthi, bho kassapa, pariyāyo…pe… yathā kathaṃ viya, rājaññā’’ti? ‘‘Idhāhaṃ, bho kassapa, passāmi samaṇabrāhmaṇe sīlavante kalyāṇadhamme jīvitukāme amaritukāme sukhakāme dukkhapaṭikūle. Tassa mayhaṃ, bho kassapa, evaṃ hoti – sace kho ime bhonto samaṇabrāhmaṇā sīlavanto kalyāṇadhammā evaṃ jāneyyuṃ – ‘ito no matānaṃ seyyo bhavissatī’ti. Idānime bhonto samaṇabrāhmaṇā sīlavanto kalyāṇadhammā visaṃ vā khādeyyuṃ, satthaṃ vā āhareyyuṃ, ubbandhitvā vā kālaṅkareyyuṃ, papāte vā papateyyuṃ. Yasmā ca kho ime bhonto samaṇabrāhmaṇā sīlavanto kalyāṇadhammā na evaṃ jānanti – ‘ito no matānaṃ seyyo bhavissatī’ti, tasmā ime bhonto samaṇabrāhmaṇā sīlavanto kalyāṇadhammā jīvitukāmā amaritukāmā sukhakāmā dukkhapaṭikūlā attānaṃ na mārenti ³⁴. Ayampi kho, bho kassapa, pariyāyo, yena me pariyāyena evaṃ hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti.

г̇аб̣бхинийубамаа

Gabbhinīupamā

420. ‘‘д̇зна хи, рааж̇ан̃н̃а, убамам̣ д̇з гариссаами. убамааяа мид̇хзгажжз вин̃н̃уу бурисаа бхаасид̇асса ад̇т̇ам̣ ааж̇аананд̇и. бхууд̇абуб̣б̣ам̣, рааж̇ан̃н̃а, ан̃н̃ад̇арасса б̣раахман̣асса д̣̇вз баж̇аабад̇ияо ахзсум̣. згиссаа буд̇д̇о ахоси д̣̇асавассуд̣̇д̣̇зсиго ваа д̣̇ваад̣̇асавассуд̣̇д̣̇зсиго ваа, згаа г̇аб̣бхиний убавиж̇ан̃н̃аа. ат̇а ко со б̣раахман̣о гааламагааси. ат̇а ко со маан̣аваго маад̇усабад̇д̇им̣ ³⁵ зд̇ад̣̇авожа – ‘яамид̣̇ам̣, бход̇и, д̇ханам̣ ваа д̇хан̃н̃ам̣ ваа раж̇ад̇ам̣ ваа ж̇аад̇аруубам̣ ваа, саб̣б̣ам̣ д̇ам̣ маяхам̣ ; над̇т̇и д̇уяхзд̇т̇а гин̃жи. бид̇у мз ³⁶ бход̇и, д̣̇ааяаж̇ж̇ам̣ нияяаад̣̇зхий’д̇и ³⁷. звам̣ вуд̇д̇з саа б̣раахман̣ий д̇ам̣ маан̣авагам̣ зд̇ад̣̇авожа – ‘ааг̇амзхи д̇аава, д̇аад̇а, яаава виж̇ааяаами. сажз гумаараго бхависсад̇и, д̇ассаби згад̣̇зсо бхависсад̇и; сажз гумааригаа бхависсад̇и, сааби д̇з обабхог̇г̇аа ³⁸ бхависсад̇ий’д̇и. д̣̇уд̇ияамби ко со маан̣аваго маад̇усабад̇д̇им̣ зд̇ад̣̇авожа – ‘яамид̣̇ам̣, бход̇и, д̇ханам̣ ваа д̇хан̃н̃ам̣ ваа раж̇ад̇ам̣ ваа ж̇аад̇аруубам̣ ваа, саб̣б̣ам̣ д̇ам̣ маяхам̣; над̇т̇и д̇уяхзд̇т̇а гин̃жи. бид̇у мз, бход̇и, д̣̇ааяаж̇ж̇ам̣ нияяаад̣̇зхий’д̇и. д̣̇уд̇ияамби ко саа б̣раахман̣ий д̇ам̣ маан̣авагам̣ зд̇ад̣̇авожа – ‘ааг̇амзхи д̇аава, д̇аад̇а, яаава виж̇ааяаами. сажз гумаараго бхависсад̇и, д̇ассаби згад̣̇зсо бхависсад̇и; сажз гумааригаа бхависсад̇и сааби д̇з обабхог̇г̇аа ³⁹ бхависсад̇ий’д̇и. д̇ад̇ияамби ко со маан̣аваго маад̇усабад̇д̇им̣ зд̇ад̣̇авожа – ‘яамид̣̇ам̣, бход̇и, д̇ханам̣ ваа д̇хан̃н̃ам̣ ваа раж̇ад̇ам̣ ваа ж̇аад̇аруубам̣ ваа , саб̣б̣ам̣ д̇ам̣ маяхам̣; над̇т̇и д̇уяхзд̇т̇а гин̃жи. бид̇у мз, бход̇и, д̣̇ааяаж̇ж̇ам̣ нияяаад̣̇зхий’д̇и.

420. ‘‘Tena hi, rājañña, upamaṃ te karissāmi. Upamāya midhekacce viññū purisā bhāsitassa atthaṃ ājānanti. Bhūtapubbaṃ, rājañña, aññatarassa brāhmaṇassa dve pajāpatiyo ahesuṃ. Ekissā putto ahosi dasavassuddesiko vā dvādasavassuddesiko vā, ekā gabbhinī upavijaññā. Atha kho so brāhmaṇo kālamakāsi. Atha kho so māṇavako mātusapattiṃ ⁴⁰ etadavoca – ‘yamidaṃ, bhoti, dhanaṃ vā dhaññaṃ vā rajataṃ vā jātarūpaṃ vā, sabbaṃ taṃ mayhaṃ ; natthi tuyhettha kiñci. Pitu me ⁴¹ bhoti, dāyajjaṃ niyyādehī’ti ⁴². Evaṃ vutte sā brāhmaṇī taṃ māṇavakaṃ etadavoca – ‘āgamehi tāva, tāta, yāva vijāyāmi. Sace kumārako bhavissati, tassapi ekadeso bhavissati; sace kumārikā bhavissati, sāpi te opabhoggā ⁴³ bhavissatī’ti. Dutiyampi kho so māṇavako mātusapattiṃ etadavoca – ‘yamidaṃ, bhoti, dhanaṃ vā dhaññaṃ vā rajataṃ vā jātarūpaṃ vā, sabbaṃ taṃ mayhaṃ; natthi tuyhettha kiñci. Pitu me, bhoti, dāyajjaṃ niyyādehī’ti. Dutiyampi kho sā brāhmaṇī taṃ māṇavakaṃ etadavoca – ‘āgamehi tāva, tāta, yāva vijāyāmi. Sace kumārako bhavissati, tassapi ekadeso bhavissati; sace kumārikā bhavissati sāpi te opabhoggā ⁴⁴ bhavissatī’ti. Tatiyampi kho so māṇavako mātusapattiṃ etadavoca – ‘yamidaṃ, bhoti, dhanaṃ vā dhaññaṃ vā rajataṃ vā jātarūpaṃ vā , sabbaṃ taṃ mayhaṃ; natthi tuyhettha kiñci. Pitu me, bhoti, dāyajjaṃ niyyādehī’ti.

‘‘ат̇а ко саа б̣раахман̣ий сад̇т̇ам̣ г̇ахзд̇ваа оварагам̣ бависид̇ваа уд̣̇арам̣ обаад̣̇зси ⁴⁵ – ‘яаава виж̇ааяаами яад̣̇и ваа гумаараго яад̣̇и ваа гумааригаа’д̇и. саа ад̇д̇аанам̣ жзва ж̇ийвид̇ан̃жа г̇аб̣бхан̃жа саабад̇зяяан̃жа винаасзси. яат̇аа д̇ам̣ б̣аалаа аб̣яад̇д̇аа анаяаб̣яасанам̣ аабаннаа аяонисо д̣̇ааяаж̇ж̇ам̣ г̇авзсанд̇ий, звамзва ко д̇вам̣, рааж̇ан̃н̃а, б̣аало аб̣яад̇д̇о анаяаб̣яасанам̣ аабаж̇ж̇иссаси аяонисо баралогам̣ г̇авзсанд̇о ; сзяяат̇ааби саа б̣раахман̣ий б̣аалаа аб̣яад̇д̇аа анаяаб̣яасанам̣ аабаннаа аяонисо д̣̇ааяаж̇ж̇ам̣ г̇авзсанд̇ий. на ко, рааж̇ан̃н̃а, саман̣аб̣раахман̣аа сийлаванд̇о галяаан̣ад̇хаммаа абаггам̣ барибаажзнд̇и; аби жа барибаагам̣ ааг̇амзнд̇и. бан̣д̣ид̇аанам̣ ад̇т̇о хи, рааж̇ан̃н̃а, саман̣аб̣раахман̣аанам̣ сийлаванд̇аанам̣ галяаан̣ад̇хаммаанам̣ ж̇ийвид̇зна. яат̇аа яат̇аа ко, рааж̇ан̃н̃а, саман̣аб̣раахман̣аа сийлаванд̇о галяаан̣ад̇хаммаа жирам̣ д̣̇ийгхамад̣̇д̇хаанам̣ д̇идтанд̇и, д̇ат̇аа д̇ат̇аа б̣ахум̣ бун̃н̃ам̣ басаванд̇и, б̣ахуж̇анахид̇ааяа жа бадибаж̇ж̇анд̇и б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. иминааби ко д̇з, рааж̇ан̃н̃а, барияааязна звам̣ ход̇у – ‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

‘‘Atha kho sā brāhmaṇī satthaṃ gahetvā ovarakaṃ pavisitvā udaraṃ opādesi ⁴⁶ – ‘yāva vijāyāmi yadi vā kumārako yadi vā kumārikā’ti. Sā attānaṃ ceva jīvitañca gabbhañca sāpateyyañca vināsesi. Yathā taṃ bālā abyattā anayabyasanaṃ āpannā ayoniso dāyajjaṃ gavesantī, evameva kho tvaṃ, rājañña, bālo abyatto anayabyasanaṃ āpajjissasi ayoniso paralokaṃ gavesanto ; seyyathāpi sā brāhmaṇī bālā abyattā anayabyasanaṃ āpannā ayoniso dāyajjaṃ gavesantī. Na kho, rājañña, samaṇabrāhmaṇā sīlavanto kalyāṇadhammā apakkaṃ paripācenti; api ca paripākaṃ āgamenti. Paṇḍitānaṃ attho hi, rājañña, samaṇabrāhmaṇānaṃ sīlavantānaṃ kalyāṇadhammānaṃ jīvitena. Yathā yathā kho, rājañña, samaṇabrāhmaṇā sīlavanto kalyāṇadhammā ciraṃ dīghamaddhānaṃ tiṭṭhanti, tathā tathā bahuṃ puññaṃ pasavanti, bahujanahitāya ca paṭipajjanti bahujanasukhāya lokānukampāya atthāya hitāya sukhāya devamanussānaṃ. Imināpi kho te, rājañña, pariyāyena evaṃ hotu – ‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’’’ti.

421. ‘‘гин̃жааби бхавам̣ гассабо звамааха, ат̇а ко звам̣ мз зд̇т̇а ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и. ‘‘ад̇т̇и бана, рааж̇ан̃н̃а, барияааяо…бз… ад̇т̇и, бхо гассаба, барияааяо…бз… яат̇аа гат̇ам̣ вияа, рааж̇ан̃н̃аа’’д̇и? ‘‘ид̇ха мз, бхо гассаба, бурисаа жорам̣ ааг̇ужаарим̣ г̇ахзд̇ваа д̣̇ассзнд̇и – ‘аяам̣ д̇з, бханд̇з, жоро ааг̇ужаарий; имасса яам̣ ижчаси, д̇ам̣ д̣̇ан̣д̣ам̣ бан̣зхий’д̇и. д̇яаахам̣ звам̣ вад̣̇аами – ‘д̇зна хи, бхо, имам̣ бурисам̣ ж̇ийванд̇ам̣язва гумбхияаа багкибид̇ваа мукам̣ бид̣̇ахид̇ваа аллзна жаммзна онанд̇хид̇ваа аллааяа мад̇д̇игааяа б̣ахалаавалзбанам̣ ⁴⁷ гарид̇ваа уд̣̇д̇ханам̣ ааробзд̇ваа аг̇г̇им̣ д̣̇зт̇аа’д̇и. д̇з мз ‘саад̇хуу’д̇и бадиссуд̇ваа д̇ам̣ бурисам̣ ж̇ийванд̇ам̣язва гумбхияаа багкибид̇ваа мукам̣ бид̣̇ахид̇ваа аллзна жаммзна онанд̇хид̇ваа аллааяа мад̇д̇игааяа б̣ахалаавалзбанам̣ гарид̇ваа уд̣̇д̇ханам̣ ааробзд̇ваа аг̇г̇им̣ д̣̇знд̇и. яад̣̇аа маяам̣ ж̇аанаама ‘гаалан̇гад̇о со бурисо’д̇и, ат̇а нам̣ гумбхим̣ оробзд̇ваа уб̣бхинд̣̇ид̇ваа мукам̣ виварид̇ваа сан̣игам̣ ниллогзма ⁴⁸ – ‘аббзва наамасса ж̇ийвам̣ нигкаманд̇ам̣ бассзяяаамаа’д̇и. нзвасса маяам̣ ж̇ийвам̣ нигкаманд̇ам̣ бассаама. аяамби ко, бхо гассаба, барияааяо, язна мз барияааязна звам̣ ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

421. ‘‘Kiñcāpi bhavaṃ kassapo evamāha, atha kho evaṃ me ettha hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti. ‘‘Atthi pana, rājañña, pariyāyo…pe… atthi, bho kassapa, pariyāyo…pe… yathā kathaṃ viya, rājaññā’’ti? ‘‘Idha me, bho kassapa, purisā coraṃ āgucāriṃ gahetvā dassenti – ‘ayaṃ te, bhante, coro āgucārī; imassa yaṃ icchasi, taṃ daṇḍaṃ paṇehī’ti. Tyāhaṃ evaṃ vadāmi – ‘tena hi, bho, imaṃ purisaṃ jīvantaṃyeva kumbhiyā pakkhipitvā mukhaṃ pidahitvā allena cammena onandhitvā allāya mattikāya bahalāvalepanaṃ ⁴⁹ karitvā uddhanaṃ āropetvā aggiṃ dethā’ti. Te me ‘sādhū’ti paṭissutvā taṃ purisaṃ jīvantaṃyeva kumbhiyā pakkhipitvā mukhaṃ pidahitvā allena cammena onandhitvā allāya mattikāya bahalāvalepanaṃ karitvā uddhanaṃ āropetvā aggiṃ denti. Yadā mayaṃ jānāma ‘kālaṅkato so puriso’ti, atha naṃ kumbhiṃ oropetvā ubbhinditvā mukhaṃ vivaritvā saṇikaṃ nillokema ⁵⁰ – ‘appeva nāmassa jīvaṃ nikkhamantaṃ passeyyāmā’ti. Nevassa mayaṃ jīvaṃ nikkhamantaṃ passāma. Ayampi kho, bho kassapa, pariyāyo, yena me pariyāyena evaṃ hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti.

субинагаубамаа

Supinakaupamā

422. ‘‘д̇зна хи, рааж̇ан̃н̃а, д̇ан̃н̃звзд̇т̇а бадибужчиссаами, яат̇аа д̇з камзяяа, д̇ат̇аа нам̣ б̣яаагарзяяааси. абхиж̇аанааси но д̇вам̣, рааж̇ан̃н̃а, д̣̇иваа сзяяам̣ убаг̇ад̇о субинагам̣ бассид̇аа аараамарааман̣зяяагам̣ ванарааман̣зяяагам̣ бхуумирааман̣зяяагам̣ богкаран̣ийрааман̣зяяага’’нд̇и? ‘‘абхиж̇аанаамахам̣, бхо гассаба, д̣̇иваасзяяам̣ убаг̇ад̇о субинагам̣ бассид̇аа аараамарааман̣зяяагам̣ ванарааман̣зяяагам̣ бхуумирааман̣зяяагам̣ богкаран̣ийрааман̣зяяага’’нд̇и. ‘‘рагканд̇и д̇ам̣ д̇амхи самаяз куж̇ж̇ааби вааманагааби взлаасигааби ⁵¹ гомааригаабий’’д̇и? ‘‘звам̣, бхо гассаба, рагканд̇и мам̣ д̇амхи самаяз куж̇ж̇ааби вааманагааби взлаасигааби ⁵² гомааригаабий’’д̇и. ‘‘аби ну д̇аа д̇уяхам̣ ж̇ийвам̣ бассанд̇и бависанд̇ам̣ ваа нигкаманд̇ам̣ ваа’’д̇и? ‘‘но хид̣̇ам̣, бхо гассаба’’. ‘‘д̇аа хи наама, рааж̇ан̃н̃а, д̇уяхам̣ ж̇ийванд̇асса ж̇ийванд̇ияо ж̇ийвам̣ на бассиссанд̇и бависанд̇ам̣ ваа нигкаманд̇ам̣ ваа. гим̣ бана д̇вам̣ гаалан̇гад̇асса ж̇ийвам̣ бассиссаси бависанд̇ам̣ ваа нигкаманд̇ам̣ ваа. иминааби ко д̇з, рааж̇ан̃н̃а, барияааязна звам̣ ход̇у – ‘‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

422. ‘‘Tena hi, rājañña, taññevettha paṭipucchissāmi, yathā te khameyya, tathā naṃ byākareyyāsi. Abhijānāsi no tvaṃ, rājañña, divā seyyaṃ upagato supinakaṃ passitā ārāmarāmaṇeyyakaṃ vanarāmaṇeyyakaṃ bhūmirāmaṇeyyakaṃ pokkharaṇīrāmaṇeyyaka’’nti? ‘‘Abhijānāmahaṃ, bho kassapa, divāseyyaṃ upagato supinakaṃ passitā ārāmarāmaṇeyyakaṃ vanarāmaṇeyyakaṃ bhūmirāmaṇeyyakaṃ pokkharaṇīrāmaṇeyyaka’’nti. ‘‘Rakkhanti taṃ tamhi samaye khujjāpi vāmanakāpi velāsikāpi ⁵³ komārikāpī’’ti? ‘‘Evaṃ, bho kassapa, rakkhanti maṃ tamhi samaye khujjāpi vāmanakāpi velāsikāpi ⁵⁴ komārikāpī’’ti. ‘‘Api nu tā tuyhaṃ jīvaṃ passanti pavisantaṃ vā nikkhamantaṃ vā’’ti? ‘‘No hidaṃ, bho kassapa’’. ‘‘Tā hi nāma, rājañña, tuyhaṃ jīvantassa jīvantiyo jīvaṃ na passissanti pavisantaṃ vā nikkhamantaṃ vā. Kiṃ pana tvaṃ kālaṅkatassa jīvaṃ passissasi pavisantaṃ vā nikkhamantaṃ vā. Imināpi kho te, rājañña, pariyāyena evaṃ hotu – ‘‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’’’ti.

423. ‘‘гин̃жааби бхавам̣ гассабо звамааха, ат̇а ко звам̣ мз зд̇т̇а ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и. ‘‘ад̇т̇и бана, рааж̇ан̃н̃а, барияааяо…бз… ‘‘ад̇т̇и, бхо гассаба, барияааяо…бз… яат̇аа гат̇ам̣ вияа рааж̇ан̃н̃аа’’д̇и? ‘‘ид̇ха мз, бхо гассаба, бурисаа жорам̣ ааг̇ужаарим̣ г̇ахзд̇ваа д̣̇ассзнд̇и – ‘аяам̣ д̇з, бханд̇з, жоро ааг̇ужаарий; имасса яам̣ ижчаси, д̇ам̣ д̣̇ан̣д̣ам̣ бан̣зхий’д̇и. д̇яаахам̣ звам̣ вад̣̇аами – ‘д̇зна хи, бхо, имам̣ бурисам̣ ж̇ийванд̇ам̣язва д̇улааяа д̇улзд̇ваа ж̇ияааяа анассаасагам̣ маарзд̇ваа бунад̣̇зва д̇улааяа д̇улзт̇аа’д̇и. д̇з мз ‘саад̇хуу’д̇и бадиссуд̇ваа д̇ам̣ бурисам̣ ж̇ийванд̇ам̣язва д̇улааяа д̇улзд̇ваа ж̇ияааяа анассаасагам̣ маарзд̇ваа бунад̣̇зва д̇улааяа д̇улзнд̇и. яад̣̇аа со ж̇ийвад̇и, д̇ад̣̇аа лахуд̇аро жа ход̇и муд̣̇уд̇аро жа гамман̃н̃ад̇аро жа. яад̣̇аа бана со гаалан̇гад̇о ход̇и д̇ад̣̇аа г̇аруд̇аро жа ход̇и бад̇т̇иннад̇аро жа агамман̃н̃ад̇аро жа. аяамби ко, бхо гассаба, барияааяо, язна мз барияааязна звам̣ ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

423. ‘‘Kiñcāpi bhavaṃ kassapo evamāha, atha kho evaṃ me ettha hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti. ‘‘Atthi pana, rājañña, pariyāyo…pe… ‘‘atthi, bho kassapa, pariyāyo…pe… yathā kathaṃ viya rājaññā’’ti? ‘‘Idha me, bho kassapa, purisā coraṃ āgucāriṃ gahetvā dassenti – ‘ayaṃ te, bhante, coro āgucārī; imassa yaṃ icchasi, taṃ daṇḍaṃ paṇehī’ti. Tyāhaṃ evaṃ vadāmi – ‘tena hi, bho, imaṃ purisaṃ jīvantaṃyeva tulāya tuletvā jiyāya anassāsakaṃ māretvā punadeva tulāya tulethā’ti. Te me ‘sādhū’ti paṭissutvā taṃ purisaṃ jīvantaṃyeva tulāya tuletvā jiyāya anassāsakaṃ māretvā punadeva tulāya tulenti. Yadā so jīvati, tadā lahutaro ca hoti mudutaro ca kammaññataro ca. Yadā pana so kālaṅkato hoti tadā garutaro ca hoti patthinnataro ca akammaññataro ca. Ayampi kho, bho kassapa, pariyāyo, yena me pariyāyena evaṃ hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti.

санд̇ад̇д̇ааяог̇ул̣аубамаа

Santattaayoguḷaupamā

424. ‘‘д̇зна хи, рааж̇ан̃н̃а, убамам̣ д̇з гариссаами. убамааяа мид̇хзгажжз вин̃н̃уу бурисаа бхаасид̇асса ад̇т̇ам̣ ааж̇аананд̇и. сзяяат̇ааби, рааж̇ан̃н̃а, бурисо д̣̇ивасам̣ санд̇ад̇д̇ам̣ аяог̇ул̣ам̣ аад̣̇ид̇д̇ам̣ самбаж̇ж̇алид̇ам̣ саж̇од̇ибхууд̇ам̣ д̇улааяа д̇улзяяа. д̇амзнам̣ абарзна самаязна сийд̇ам̣ ниб̣б̣уд̇ам̣ д̇улааяа д̇улзяяа. гад̣̇аа ну ко со аяог̇ул̣о лахуд̇аро ваа ход̇и муд̣̇уд̇аро ваа гамман̃н̃ад̇аро ваа, яад̣̇аа ваа аад̣̇ид̇д̇о самбаж̇ж̇алид̇о саж̇од̇ибхууд̇о, яад̣̇аа ваа сийд̇о ниб̣б̣уд̇о’’д̇и? ‘‘яад̣̇аа со, бхо гассаба, аяог̇ул̣о д̇зж̇осахаг̇ад̇о жа ход̇и вааяосахаг̇ад̇о жа аад̣̇ид̇д̇о самбаж̇ж̇алид̇о саж̇од̇ибхууд̇о, д̇ад̣̇аа лахуд̇аро жа ход̇и муд̣̇уд̇аро жа гамман̃н̃ад̇аро жа. яад̣̇аа бана со аяог̇ул̣о нзва д̇зж̇осахаг̇ад̇о ход̇и на вааяосахаг̇ад̇о сийд̇о ниб̣б̣уд̇о, д̇ад̣̇аа г̇аруд̇аро жа ход̇и бад̇т̇иннад̇аро жа агамман̃н̃ад̇аро жаа’’д̇и. ‘‘звамзва ко, рааж̇ан̃н̃а, яад̣̇ааяам̣ гааяо ааяусахаг̇ад̇о жа ход̇и усмаасахаг̇ад̇о жа вин̃н̃аан̣асахаг̇ад̇о жа, д̇ад̣̇аа лахуд̇аро жа ход̇и муд̣̇уд̇аро жа гамман̃н̃ад̇аро жа. яад̣̇аа банааяам̣ гааяо нзва ааяусахаг̇ад̇о ход̇и на усмаасахаг̇ад̇о на вин̃н̃аан̣асахаг̇ад̇о д̇ад̣̇аа г̇аруд̇аро жа ход̇и бад̇т̇иннад̇аро жа агамман̃н̃ад̇аро жа. иминааби ко д̇з, рааж̇ан̃н̃а, барияааязна звам̣ ход̇у – ‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

424. ‘‘Tena hi, rājañña, upamaṃ te karissāmi. Upamāya midhekacce viññū purisā bhāsitassa atthaṃ ājānanti. Seyyathāpi, rājañña, puriso divasaṃ santattaṃ ayoguḷaṃ ādittaṃ sampajjalitaṃ sajotibhūtaṃ tulāya tuleyya. Tamenaṃ aparena samayena sītaṃ nibbutaṃ tulāya tuleyya. Kadā nu kho so ayoguḷo lahutaro vā hoti mudutaro vā kammaññataro vā, yadā vā āditto sampajjalito sajotibhūto, yadā vā sīto nibbuto’’ti? ‘‘Yadā so, bho kassapa, ayoguḷo tejosahagato ca hoti vāyosahagato ca āditto sampajjalito sajotibhūto, tadā lahutaro ca hoti mudutaro ca kammaññataro ca. Yadā pana so ayoguḷo neva tejosahagato hoti na vāyosahagato sīto nibbuto, tadā garutaro ca hoti patthinnataro ca akammaññataro cā’’ti. ‘‘Evameva kho, rājañña, yadāyaṃ kāyo āyusahagato ca hoti usmāsahagato ca viññāṇasahagato ca, tadā lahutaro ca hoti mudutaro ca kammaññataro ca. Yadā panāyaṃ kāyo neva āyusahagato hoti na usmāsahagato na viññāṇasahagato tadā garutaro ca hoti patthinnataro ca akammaññataro ca. Imināpi kho te, rājañña, pariyāyena evaṃ hotu – ‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’’’ti.

425. ‘‘гин̃жааби бхавам̣ гассабо звамааха, ат̇а ко звам̣ мз зд̇т̇а ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и. ‘‘ад̇т̇и бана, рааж̇ан̃н̃а, барияааяо…бз… ад̇т̇и, бхо гассаба, барияааяо…бз… яат̇аа гат̇ам̣ вияа рааж̇ан̃н̃аа’’д̇и? ‘‘ид̇ха мз, бхо гассаба, бурисаа жорам̣ ааг̇ужаарим̣ г̇ахзд̇ваа д̣̇ассзнд̇и – ‘аяам̣ д̇з, бханд̇з, жоро ааг̇ужаарий; имасса яам̣ ижчаси , д̇ам̣ д̣̇ан̣д̣ам̣ бан̣зхий’д̇и. д̇яаахам̣ звам̣ вад̣̇аами – ‘д̇зна хи, бхо, имам̣ бурисам̣ анубахажжа чавин̃жа жамман̃жа мам̣сан̃жа нхаарун̃жа адтин̃жа адтимин̃ж̇ан̃жа ж̇ийвид̇аа воробзт̇а, аббзва наамасса ж̇ийвам̣ нигкаманд̇ам̣ бассзяяаамаа’д̇и. д̇з мз ‘саад̇хуу’д̇и бадиссуд̇ваа д̇ам̣ бурисам̣ анубахажжа чавин̃жа…бз… ж̇ийвид̇аа воробзнд̇и. яад̣̇аа со аамад̇о ход̇и, д̇яаахам̣ звам̣ вад̣̇аами – ‘д̇зна хи, бхо, имам̣ бурисам̣ уд̇д̇аанам̣ нибаад̇зт̇а, аббзва наамасса ж̇ийвам̣ нигкаманд̇ам̣ бассзяяаамаа’д̇и. д̇з д̇ам̣ бурисам̣ уд̇д̇аанам̣ нибаад̇знд̇и. нзвасса маяам̣ ж̇ийвам̣ нигкаманд̇ам̣ бассаама. д̇яаахам̣ звам̣ вад̣̇аами – ‘д̇зна хи, бхо, имам̣ бурисам̣ авагуж̇ж̇ам̣ нибаад̇зт̇а… бассзна нибаад̇зт̇а… д̣̇уд̇иязна бассзна нибаад̇зт̇а… уд̣̇д̇хам̣ табзт̇а… омуд̣̇д̇хагам̣ табзт̇а… баан̣инаа аагодзт̇а… лзд̣д̣унаа аагодзт̇а… д̣̇ан̣д̣зна аагодзт̇а… сад̇т̇зна аагодзт̇а… од̇хунаат̇а санд̇хунаат̇а нид̣̇д̇хунаат̇а, аббзва наамасса ж̇ийвам̣ нигкаманд̇ам̣ бассзяяаамаа’д̇и. д̇з д̇ам̣ бурисам̣ од̇хунанд̇и санд̇хунанд̇и нид̣̇д̇хунанд̇и. нзвасса маяам̣ ж̇ийвам̣ нигкаманд̇ам̣ бассаама. д̇асса д̇ад̣̇зва жагку ход̇и д̇з руубаа, д̇ан̃жааяад̇анам̣ наббадисам̣взд̣̇зд̇и. д̇ад̣̇зва сод̇ам̣ ход̇и д̇з сад̣̇д̣̇аа, д̇ан̃жааяад̇анам̣ наббадисам̣взд̣̇зд̇и. д̇ад̣̇зва гхаанам̣ ход̇и д̇з г̇анд̇хаа, д̇ан̃жааяад̇анам̣ наббадисам̣взд̣̇зд̇и . саава ж̇ивхаа ход̇и д̇з расаа, д̇ан̃жааяад̇анам̣ наббадисам̣взд̣̇зд̇и. свзва гааяо ход̇и д̇з подтаб̣б̣аа, д̇ан̃жааяад̇анам̣ наббадисам̣взд̣̇зд̇и. аяамби ко, бхо гассаба, барияааяо, язна мз барияааязна звам̣ ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

425. ‘‘Kiñcāpi bhavaṃ kassapo evamāha, atha kho evaṃ me ettha hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti. ‘‘Atthi pana, rājañña, pariyāyo…pe… atthi, bho kassapa, pariyāyo…pe… yathā kathaṃ viya rājaññā’’ti? ‘‘Idha me, bho kassapa, purisā coraṃ āgucāriṃ gahetvā dassenti – ‘ayaṃ te, bhante, coro āgucārī; imassa yaṃ icchasi , taṃ daṇḍaṃ paṇehī’ti. Tyāhaṃ evaṃ vadāmi – ‘tena hi, bho, imaṃ purisaṃ anupahacca chaviñca cammañca maṃsañca nhāruñca aṭṭhiñca aṭṭhimiñjañca jīvitā voropetha, appeva nāmassa jīvaṃ nikkhamantaṃ passeyyāmā’ti. Te me ‘sādhū’ti paṭissutvā taṃ purisaṃ anupahacca chaviñca…pe… jīvitā voropenti. Yadā so āmato hoti, tyāhaṃ evaṃ vadāmi – ‘tena hi, bho, imaṃ purisaṃ uttānaṃ nipātetha, appeva nāmassa jīvaṃ nikkhamantaṃ passeyyāmā’ti. Te taṃ purisaṃ uttānaṃ nipātenti. Nevassa mayaṃ jīvaṃ nikkhamantaṃ passāma. Tyāhaṃ evaṃ vadāmi – ‘tena hi, bho, imaṃ purisaṃ avakujjaṃ nipātetha… passena nipātetha… dutiyena passena nipātetha… uddhaṃ ṭhapetha… omuddhakaṃ ṭhapetha… pāṇinā ākoṭetha… leḍḍunā ākoṭetha… daṇḍena ākoṭetha… satthena ākoṭetha… odhunātha sandhunātha niddhunātha, appeva nāmassa jīvaṃ nikkhamantaṃ passeyyāmā’ti. Te taṃ purisaṃ odhunanti sandhunanti niddhunanti. Nevassa mayaṃ jīvaṃ nikkhamantaṃ passāma. Tassa tadeva cakkhu hoti te rūpā, tañcāyatanaṃ nappaṭisaṃvedeti. Tadeva sotaṃ hoti te saddā, tañcāyatanaṃ nappaṭisaṃvedeti. Tadeva ghānaṃ hoti te gandhā, tañcāyatanaṃ nappaṭisaṃvedeti . Sāva jivhā hoti te rasā, tañcāyatanaṃ nappaṭisaṃvedeti. Sveva kāyo hoti te phoṭṭhabbā, tañcāyatanaṃ nappaṭisaṃvedeti. Ayampi kho, bho kassapa, pariyāyo, yena me pariyāyena evaṃ hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti.

сан̇кад̇хамаубамаа

Saṅkhadhamaupamā

426. ‘‘д̇зна хи, рааж̇ан̃н̃а, убамам̣ д̇з гариссаами. убамааяа мид̇хзгажжз вин̃н̃уу бурисаа бхаасид̇асса ад̇т̇ам̣ ааж̇аананд̇и. бхууд̇абуб̣б̣ам̣, рааж̇ан̃н̃а, ан̃н̃ад̇аро сан̇кад̇хамо сан̇кам̣ аад̣̇ааяа бажжанд̇имам̣ ж̇анабад̣̇ам̣ аг̇амааси. со язна ан̃н̃ад̇аро г̇аамо д̇знубасан̇гами; убасан̇гамид̇ваа маж̇жхз г̇аамасса тид̇о д̇игкад̇д̇ум̣ сан̇кам̣ убалаабзд̇ваа сан̇кам̣ бхуумияам̣ нигкибид̇ваа згаманд̇ам̣ нисийд̣̇и. ат̇а ко, рааж̇ан̃н̃а, д̇зсам̣ бажжанд̇аж̇анабад̣̇аанам̣ ⁵⁵ мануссаанам̣ зд̇ад̣̇ахоси – ‘амбхо гасса ну ко ⁵⁶ зсо сад̣̇д̣̇о звам̣раж̇анийяо звам̣гаманийяо звам̣мад̣̇анийяо звам̣б̣анд̇ханийяо звам̣мужчанийяо’д̇и. саннибад̇ид̇ваа д̇ам̣ сан̇кад̇хамам̣ зд̇ад̣̇авожум̣ – ‘амбхо, гасса ну ко зсо сад̣̇д̣̇о звам̣раж̇анийяо звам̣гаманийяо звам̣мад̣̇анийяо звам̣б̣анд̇ханийяо звам̣мужчанийяо’д̇и. ‘зсо ко, бхо, сан̇ко наама яассзсо сад̣̇д̣̇о звам̣раж̇анийяо звам̣гаманийяо звам̣мад̣̇анийяо звам̣б̣анд̇ханийяо звам̣мужчанийяо’д̇и. д̇з д̇ам̣ сан̇кам̣ уд̇д̇аанам̣ нибаад̇зсум̣ – ‘вад̣̇зхи, бхо сан̇ка, вад̣̇зхи, бхо сан̇каа’д̇и. нзва со сан̇ко сад̣̇д̣̇амагааси. д̇з д̇ам̣ сан̇кам̣ авагуж̇ж̇ам̣ нибаад̇зсум̣, бассзна нибаад̇зсум̣, д̣̇уд̇иязна бассзна нибаад̇зсум̣, уд̣̇д̇хам̣ табзсум̣, омуд̣̇д̇хагам̣ табзсум̣, баан̣инаа аагодзсум̣, лзд̣д̣унаа аагодзсум̣, д̣̇ан̣д̣зна аагодзсум̣, сад̇т̇зна аагодзсум̣, од̇хуним̣су санд̇хуним̣су нид̣̇д̇хуним̣су – ‘вад̣̇зхи, бхо сан̇ка, вад̣̇зхи, бхо сан̇каа’д̇и. нзва со сан̇ко сад̣̇д̣̇амагааси.

426. ‘‘Tena hi, rājañña, upamaṃ te karissāmi. Upamāya midhekacce viññū purisā bhāsitassa atthaṃ ājānanti. Bhūtapubbaṃ, rājañña, aññataro saṅkhadhamo saṅkhaṃ ādāya paccantimaṃ janapadaṃ agamāsi. So yena aññataro gāmo tenupasaṅkami; upasaṅkamitvā majjhe gāmassa ṭhito tikkhattuṃ saṅkhaṃ upalāpetvā saṅkhaṃ bhūmiyaṃ nikkhipitvā ekamantaṃ nisīdi. Atha kho, rājañña, tesaṃ paccantajanapadānaṃ ⁵⁷ manussānaṃ etadahosi – ‘ambho kassa nu kho ⁵⁸ eso saddo evaṃrajanīyo evaṃkamanīyo evaṃmadanīyo evaṃbandhanīyo evaṃmucchanīyo’ti. Sannipatitvā taṃ saṅkhadhamaṃ etadavocuṃ – ‘ambho, kassa nu kho eso saddo evaṃrajanīyo evaṃkamanīyo evaṃmadanīyo evaṃbandhanīyo evaṃmucchanīyo’ti. ‘Eso kho, bho, saṅkho nāma yasseso saddo evaṃrajanīyo evaṃkamanīyo evaṃmadanīyo evaṃbandhanīyo evaṃmucchanīyo’ti. Te taṃ saṅkhaṃ uttānaṃ nipātesuṃ – ‘vadehi, bho saṅkha, vadehi, bho saṅkhā’ti. Neva so saṅkho saddamakāsi. Te taṃ saṅkhaṃ avakujjaṃ nipātesuṃ, passena nipātesuṃ, dutiyena passena nipātesuṃ, uddhaṃ ṭhapesuṃ, omuddhakaṃ ṭhapesuṃ, pāṇinā ākoṭesuṃ, leḍḍunā ākoṭesuṃ, daṇḍena ākoṭesuṃ, satthena ākoṭesuṃ, odhuniṃsu sandhuniṃsu niddhuniṃsu – ‘vadehi, bho saṅkha, vadehi, bho saṅkhā’ti. Neva so saṅkho saddamakāsi.

‘‘ат̇а ко, рааж̇ан̃н̃а, д̇асса сан̇кад̇хамасса зд̇ад̣̇ахоси – ‘яаава б̣аалаа имз бажжанд̇аж̇анабад̣̇аамануссаа, гат̇ан̃хи наама аяонисо сан̇касад̣̇д̣̇ам̣ г̇авзсиссанд̇ий’д̇и. д̇зсам̣ бзгкамаанаанам̣ сан̇кам̣ г̇ахзд̇ваа д̇игкад̇д̇ум̣ сан̇кам̣ убалаабзд̇ваа сан̇кам̣ аад̣̇ааяа баггаами. ат̇а ко, рааж̇ан̃н̃а, д̇зсам̣ бажжанд̇аж̇анабад̣̇аанам̣ мануссаанам̣ зд̇ад̣̇ахоси – ‘яад̣̇аа гира, бхо, аяам̣ сан̇ко наама бурисасахаг̇ад̇о жа ход̇и вааяаамасахаг̇ад̇о ⁵⁹ жа вааяусахаг̇ад̇о жа, д̇ад̣̇ааяам̣ сан̇ко сад̣̇д̣̇ам̣ гарод̇и, яад̣̇аа банааяам̣ сан̇ко нзва бурисасахаг̇ад̇о ход̇и на вааяаамасахаг̇ад̇о на вааяусахаг̇ад̇о, нааяам̣ сан̇ко сад̣̇д̣̇ам̣ гарод̇ий’д̇и . звамзва ко, рааж̇ан̃н̃а, яад̣̇ааяам̣ гааяо ааяусахаг̇ад̇о жа ход̇и усмаасахаг̇ад̇о жа вин̃н̃аан̣асахаг̇ад̇о жа, д̇ад̣̇аа абхиггамад̇иби бадиггамад̇иби д̇идтад̇иби нисийд̣̇ад̇иби сзяяамби габбзд̇и, жагкунааби руубам̣ бассад̇и, сод̇знаби сад̣̇д̣̇ам̣ сун̣аад̇и, гхаанзнаби г̇анд̇хам̣ гхааяад̇и, ж̇ивхааяаби расам̣ сааяад̇и, гааязнаби подтаб̣б̣ам̣ пусад̇и, манасааби д̇хаммам̣ виж̇аанаад̇и. яад̣̇аа банааяам̣ гааяо нзва ааяусахаг̇ад̇о ход̇и, на усмаасахаг̇ад̇о, на вин̃н̃аан̣асахаг̇ад̇о, д̇ад̣̇аа нзва абхиггамад̇и на бадиггамад̇и на д̇идтад̇и на нисийд̣̇ад̇и на сзяяам̣ габбзд̇и, жагкунааби руубам̣ на бассад̇и, сод̇знаби сад̣̇д̣̇ам̣ на сун̣аад̇и, гхаанзнаби г̇анд̇хам̣ на гхааяад̇и, ж̇ивхааяаби расам̣ на сааяад̇и, гааязнаби подтаб̣б̣ам̣ на пусад̇и, манасааби д̇хаммам̣ на виж̇аанаад̇и. иминааби ко д̇з, рааж̇ан̃н̃а, барияааязна звам̣ ход̇у – ‘ид̇иби ад̇т̇и баро лого, ад̇т̇и сад̇д̇аа обабаад̇игаа, ад̇т̇и сугад̇ад̣̇уггадаанам̣ гаммаанам̣ палам̣ вибааго’д̇и ⁶⁰.

‘‘Atha kho, rājañña, tassa saṅkhadhamassa etadahosi – ‘yāva bālā ime paccantajanapadāmanussā, kathañhi nāma ayoniso saṅkhasaddaṃ gavesissantī’ti. Tesaṃ pekkhamānānaṃ saṅkhaṃ gahetvā tikkhattuṃ saṅkhaṃ upalāpetvā saṅkhaṃ ādāya pakkāmi. Atha kho, rājañña, tesaṃ paccantajanapadānaṃ manussānaṃ etadahosi – ‘yadā kira, bho, ayaṃ saṅkho nāma purisasahagato ca hoti vāyāmasahagato ⁶¹ ca vāyusahagato ca, tadāyaṃ saṅkho saddaṃ karoti, yadā panāyaṃ saṅkho neva purisasahagato hoti na vāyāmasahagato na vāyusahagato, nāyaṃ saṅkho saddaṃ karotī’ti . Evameva kho, rājañña, yadāyaṃ kāyo āyusahagato ca hoti usmāsahagato ca viññāṇasahagato ca, tadā abhikkamatipi paṭikkamatipi tiṭṭhatipi nisīdatipi seyyampi kappeti, cakkhunāpi rūpaṃ passati, sotenapi saddaṃ suṇāti, ghānenapi gandhaṃ ghāyati, jivhāyapi rasaṃ sāyati, kāyenapi phoṭṭhabbaṃ phusati, manasāpi dhammaṃ vijānāti. Yadā panāyaṃ kāyo neva āyusahagato hoti, na usmāsahagato, na viññāṇasahagato, tadā neva abhikkamati na paṭikkamati na tiṭṭhati na nisīdati na seyyaṃ kappeti, cakkhunāpi rūpaṃ na passati, sotenapi saddaṃ na suṇāti, ghānenapi gandhaṃ na ghāyati, jivhāyapi rasaṃ na sāyati, kāyenapi phoṭṭhabbaṃ na phusati, manasāpi dhammaṃ na vijānāti. Imināpi kho te, rājañña, pariyāyena evaṃ hotu – ‘itipi atthi paro loko, atthi sattā opapātikā, atthi sukatadukkaṭānaṃ kammānaṃ phalaṃ vipāko’ti ⁶².

427. ‘‘гин̃жааби бхавам̣ гассабо звамааха, ат̇а ко звам̣ мз зд̇т̇а ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и. ‘‘ад̇т̇и бана, рааж̇ан̃н̃а, барияааяо…бз… ад̇т̇и, бхо гассаба, барияааяо…бз… яат̇аа гат̇ам̣ вияа рааж̇ан̃н̃аа’’д̇и? ‘‘ид̇ха мз, бхо гассаба, бурисаа жорам̣ ааг̇ужаарим̣ г̇ахзд̇ваа д̣̇ассзнд̇и – ‘аяам̣ д̇з, бханд̇з, жоро ааг̇ужаарий, имасса яам̣ ижчаси, д̇ам̣ д̣̇ан̣д̣ам̣ бан̣зхий’д̇и. д̇яаахам̣ звам̣ вад̣̇аами – ‘д̇зна хи, бхо, имасса бурисасса чавим̣ чинд̣̇ат̇а , аббзва наамасса ж̇ийвам̣ бассзяяаамаа’д̇и. д̇з д̇асса бурисасса чавим̣ чинд̣̇анд̇и. нзвасса маяам̣ ж̇ийвам̣ бассаама. д̇яаахам̣ звам̣ вад̣̇аами – ‘д̇зна хи, бхо, имасса бурисасса жаммам̣ чинд̣̇ат̇а, мам̣сам̣ чинд̣̇ат̇а, нхаарум̣ чинд̣̇ат̇а, адтим̣ чинд̣̇ат̇а, адтимин̃ж̇ам̣ чинд̣̇ат̇а, аббзва наамасса ж̇ийвам̣ бассзяяаамаа’д̇и. д̇з д̇асса бурисасса адтимин̃ж̇ам̣ чинд̣̇анд̇и, нзвасса маяам̣ ж̇ийвам̣ бассзяяаама. аяамби ко, бхо гассаба, барияааяо, язна мз барияааязна звам̣ ход̇и – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и.

427. ‘‘Kiñcāpi bhavaṃ kassapo evamāha, atha kho evaṃ me ettha hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti. ‘‘Atthi pana, rājañña, pariyāyo…pe… atthi, bho kassapa, pariyāyo…pe… yathā kathaṃ viya rājaññā’’ti? ‘‘Idha me, bho kassapa, purisā coraṃ āgucāriṃ gahetvā dassenti – ‘ayaṃ te, bhante, coro āgucārī, imassa yaṃ icchasi, taṃ daṇḍaṃ paṇehī’ti. Tyāhaṃ evaṃ vadāmi – ‘tena hi, bho, imassa purisassa chaviṃ chindatha , appeva nāmassa jīvaṃ passeyyāmā’ti. Te tassa purisassa chaviṃ chindanti. Nevassa mayaṃ jīvaṃ passāma. Tyāhaṃ evaṃ vadāmi – ‘tena hi, bho, imassa purisassa cammaṃ chindatha, maṃsaṃ chindatha, nhāruṃ chindatha, aṭṭhiṃ chindatha, aṭṭhimiñjaṃ chindatha, appeva nāmassa jīvaṃ passeyyāmā’ti. Te tassa purisassa aṭṭhimiñjaṃ chindanti, nevassa mayaṃ jīvaṃ passeyyāma. Ayampi kho, bho kassapa, pariyāyo, yena me pariyāyena evaṃ hoti – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti.

аг̇г̇игаж̇адилаубамаа

Aggikajaṭilaupamā

428. ‘‘д̇зна хи, рааж̇ан̃н̃а, убамам̣ д̇з гариссаами. убамааяа мид̇хзгажжз вин̃н̃уу бурисаа бхаасид̇асса ад̇т̇ам̣ ааж̇аананд̇и. бхууд̇абуб̣б̣ам̣, рааж̇ан̃н̃а, ан̃н̃ад̇аро аг̇г̇иго ж̇адило аран̃н̃ааяад̇анз бан̣н̣агудияаа саммад̇и ⁶³. ат̇а ко, рааж̇ан̃н̃а, ан̃н̃ад̇аро ж̇анабад̣̇з сад̇т̇о ⁶⁴ вудтааси. ат̇а ко со сад̇т̇о ⁶⁵ д̇асса аг̇г̇игасса ж̇адиласса ассамасса сааманд̇аа згарад̇д̇им̣ васид̇ваа баггаами. ат̇а ко, рааж̇ан̃н̃а, д̇асса аг̇г̇игасса ж̇адиласса зд̇ад̣̇ахоси – ‘яам̣нуунаахам̣ язна со сад̇т̇аваасо д̇знубасан̇гамзяяам̣, аббзва наамзд̇т̇а гин̃жи убагаран̣ам̣ ад̇хиг̇ажчзяяа’нд̇и. ат̇а ко со аг̇г̇иго ж̇адило гаалассзва вудтааяа язна со сад̇т̇аваасо д̇знубасан̇гами; убасан̇гамид̇ваа ад̣̇д̣̇аса д̇асмим̣ сад̇т̇аваасз д̣̇ахарам̣ гумаарам̣ манд̣̇ам̣ уд̇д̇аанасзяяагам̣ чад̣д̣ид̇ам̣. д̣̇исваанасса зд̇ад̣̇ахоси – ‘на ко мз д̇ам̣ бад̇ируубам̣ яам̣ мз бзгкамаанасса мануссабхууд̇о гаалан̇гарзяяа; яам̣нуунаахам̣ имам̣ д̣̇аарагам̣ ассамам̣ нзд̇ваа аабаад̣̇зяяам̣ босзяяам̣ вад̣дхзяяа’нд̇и. ат̇а ко со аг̇г̇иго ж̇адило д̇ам̣ д̣̇аарагам̣ ассамам̣ нзд̇ваа аабаад̣̇зси босзси вад̣дхзси. яад̣̇аа со д̣̇аараго д̣̇асавассуд̣̇д̣̇зсиго ваа ход̇и ⁶⁶ д̣̇ваад̣̇асавассуд̣̇д̣̇зсиго ваа, ат̇а ко д̇асса аг̇г̇игасса ж̇адиласса ж̇анабад̣̇з ган̃жид̣̇зва гаран̣ийяам̣ уббаж̇ж̇и. ат̇а ко со аг̇г̇иго ж̇адило д̇ам̣ д̣̇аарагам̣ зд̇ад̣̇авожа – ‘ижчаамахам̣, д̇аад̇а, ж̇анабад̣̇ам̣ ⁶⁷ г̇анд̇ум̣; аг̇г̇им̣, д̇аад̇а, барижарзяяааси. маа жа д̇з аг̇г̇и ниб̣б̣ааяи. сажз жа д̇з аг̇г̇и ниб̣б̣ааязяяа, аяам̣ ваасий имаани гадтаани ид̣̇ам̣ аран̣исахид̇ам̣, аг̇г̇им̣ ниб̣б̣ад̇д̇зд̇ваа аг̇г̇им̣ барижарзяяаасий’д̇и. ат̇а ко со аг̇г̇иго ж̇адило д̇ам̣ д̣̇аарагам̣ звам̣ анусаасид̇ваа ж̇анабад̣̇ам̣ аг̇амааси. д̇асса кид̣д̣аабасуд̇асса аг̇г̇и ниб̣б̣ааяи.

428. ‘‘Tena hi, rājañña, upamaṃ te karissāmi. Upamāya midhekacce viññū purisā bhāsitassa atthaṃ ājānanti. Bhūtapubbaṃ, rājañña, aññataro aggiko jaṭilo araññāyatane paṇṇakuṭiyā sammati ⁶⁸. Atha kho, rājañña, aññataro janapade sattho ⁶⁹ vuṭṭhāsi. Atha kho so sattho ⁷⁰ tassa aggikassa jaṭilassa assamassa sāmantā ekarattiṃ vasitvā pakkāmi. Atha kho, rājañña, tassa aggikassa jaṭilassa etadahosi – ‘yaṃnūnāhaṃ yena so satthavāso tenupasaṅkameyyaṃ, appeva nāmettha kiñci upakaraṇaṃ adhigaccheyya’nti. Atha kho so aggiko jaṭilo kālasseva vuṭṭhāya yena so satthavāso tenupasaṅkami; upasaṅkamitvā addasa tasmiṃ satthavāse daharaṃ kumāraṃ mandaṃ uttānaseyyakaṃ chaḍḍitaṃ. Disvānassa etadahosi – ‘na kho me taṃ patirūpaṃ yaṃ me pekkhamānassa manussabhūto kālaṅkareyya; yaṃnūnāhaṃ imaṃ dārakaṃ assamaṃ netvā āpādeyyaṃ poseyyaṃ vaḍḍheyya’nti. Atha kho so aggiko jaṭilo taṃ dārakaṃ assamaṃ netvā āpādesi posesi vaḍḍhesi. Yadā so dārako dasavassuddesiko vā hoti ⁷¹ dvādasavassuddesiko vā, atha kho tassa aggikassa jaṭilassa janapade kañcideva karaṇīyaṃ uppajji. Atha kho so aggiko jaṭilo taṃ dārakaṃ etadavoca – ‘icchāmahaṃ, tāta, janapadaṃ ⁷² gantuṃ; aggiṃ, tāta, paricareyyāsi. Mā ca te aggi nibbāyi. Sace ca te aggi nibbāyeyya, ayaṃ vāsī imāni kaṭṭhāni idaṃ araṇisahitaṃ, aggiṃ nibbattetvā aggiṃ paricareyyāsī’ti. Atha kho so aggiko jaṭilo taṃ dārakaṃ evaṃ anusāsitvā janapadaṃ agamāsi. Tassa khiḍḍāpasutassa aggi nibbāyi.

‘‘ат̇а ко д̇асса д̣̇аарагасса зд̇ад̣̇ахоси – ‘бид̇аа ко мам̣ звам̣ аважа – ‘‘аг̇г̇им̣, д̇аад̇а, барижарзяяааси. маа жа д̇з аг̇г̇и ниб̣б̣ааяи. сажз жа д̇з аг̇г̇и ниб̣б̣ааязяяа, аяам̣ ваасий имаани гадтаани ид̣̇ам̣ аран̣исахид̇ам̣, аг̇г̇им̣ ниб̣б̣ад̇д̇зд̇ваа аг̇г̇им̣ барижарзяяаасий’’д̇и. яам̣нуунаахам̣ аг̇г̇им̣ ниб̣б̣ад̇д̇зд̇ваа аг̇г̇им̣ барижарзяяа’нд̇и. ат̇а ко со д̣̇аараго аран̣исахид̇ам̣ ваасияаа д̇ажчи – ‘аббзва наама аг̇г̇им̣ ад̇хиг̇ажчзяяа’нд̇и. нзва со аг̇г̇им̣ ад̇хиг̇ажчи. аран̣исахид̇ам̣ д̣̇вид̇хаа паалзси, д̇ид̇хаа паалзси, жад̇уд̇хаа паалзси, бан̃жад̇хаа паалзси, д̣̇асад̇хаа паалзси, сад̇ад̇хаа ⁷³ паалзси, сагалигам̣ сагалигам̣ агааси, сагалигам̣ сагалигам̣ гарид̇ваа уд̣̇угкалз годдзси, уд̣̇угкалз годдзд̇ваа махааваад̇з обуни ⁷⁴ – ‘аббзва наама аг̇г̇им̣ ад̇хиг̇ажчзяяа’нд̇и. нзва со аг̇г̇им̣ ад̇хиг̇ажчи.

‘‘Atha kho tassa dārakassa etadahosi – ‘pitā kho maṃ evaṃ avaca – ‘‘aggiṃ, tāta, paricareyyāsi. Mā ca te aggi nibbāyi. Sace ca te aggi nibbāyeyya, ayaṃ vāsī imāni kaṭṭhāni idaṃ araṇisahitaṃ, aggiṃ nibbattetvā aggiṃ paricareyyāsī’’ti. Yaṃnūnāhaṃ aggiṃ nibbattetvā aggiṃ paricareyya’nti. Atha kho so dārako araṇisahitaṃ vāsiyā tacchi – ‘appeva nāma aggiṃ adhigaccheyya’nti. Neva so aggiṃ adhigacchi. Araṇisahitaṃ dvidhā phālesi, tidhā phālesi, catudhā phālesi, pañcadhā phālesi, dasadhā phālesi, satadhā ⁷⁵ phālesi, sakalikaṃ sakalikaṃ akāsi, sakalikaṃ sakalikaṃ karitvā udukkhale koṭṭesi, udukkhale koṭṭetvā mahāvāte opuni ⁷⁶ – ‘appeva nāma aggiṃ adhigaccheyya’nti. Neva so aggiṃ adhigacchi.

‘‘ат̇а ко со аг̇г̇иго ж̇адило ж̇анабад̣̇з д̇ам̣ гаран̣ийяам̣ д̇ийрзд̇ваа язна саго ассамо д̇знубасан̇гами; убасан̇гамид̇ваа д̇ам̣ д̣̇аарагам̣ зд̇ад̣̇авожа – ‘гажжи д̇з, д̇аад̇а, аг̇г̇и на ниб̣б̣уд̇о’д̇и? ‘ид̇ха мз, д̇аад̇а, кид̣д̣аабасуд̇асса аг̇г̇и ниб̣б̣ааяи. д̇асса мз зд̇ад̣̇ахоси – ‘‘бид̇аа ко мам̣ звам̣ аважа аг̇г̇им̣, д̇аад̇а, барижарзяяааси. маа жа д̇з, д̇аад̇а, аг̇г̇и ниб̣б̣ааяи. сажз жа д̇з аг̇г̇и ниб̣б̣ааязяяа, аяам̣ ваасий имаани гадтаани ид̣̇ам̣ аран̣исахид̇ам̣, аг̇г̇им̣ ниб̣б̣ад̇д̇зд̇ваа аг̇г̇им̣ барижарзяяаасийд̇и. яам̣нуунаахам̣ аг̇г̇им̣ ниб̣б̣ад̇д̇зд̇ваа аг̇г̇им̣ барижарзяяа’’нд̇и. ат̇а кваахам̣, д̇аад̇а, аран̣исахид̇ам̣ ваасияаа д̇ажчим̣ – ‘‘аббзва наама аг̇г̇им̣ ад̇хиг̇ажчзяяа’’нд̇и. нзваахам̣ аг̇г̇им̣ ад̇хиг̇ажчим̣. аран̣исахид̇ам̣ д̣̇вид̇хаа паалзсим̣, д̇ид̇хаа паалзсим̣, жад̇уд̇хаа паалзсим̣, бан̃жад̇хаа паалзсим̣, д̣̇асад̇хаа паалзсим̣ , сад̇ад̇хаа паалзсим̣, сагалигам̣ сагалигам̣ агаасим̣, сагалигам̣ сагалигам̣ гарид̇ваа уд̣̇угкалз годдзсим̣, уд̣̇угкалз годдзд̇ваа махааваад̇з обуним̣ – ‘‘аббзва наама аг̇г̇им̣ ад̇хиг̇ажчзяяа’’нд̇и. нзваахам̣ аг̇г̇им̣ ад̇хиг̇ажчи’’’нд̇и. ат̇а ко д̇асса аг̇г̇игасса ж̇адиласса зд̇ад̣̇ахоси – ‘яаава б̣аало аяам̣ д̣̇аараго аб̣яад̇д̇о, гат̇ан̃хи наама аяонисо аг̇г̇им̣ г̇авзсиссад̇ий’д̇и. д̇асса бзгкамаанасса аран̣исахид̇ам̣ г̇ахзд̇ваа аг̇г̇им̣ ниб̣б̣ад̇д̇зд̇ваа д̇ам̣ д̣̇аарагам̣ зд̇ад̣̇авожа – ‘звам̣ ко, д̇аад̇а, аг̇г̇и ниб̣б̣ад̇д̇зд̇аб̣б̣о. на д̇взва яат̇аа д̇вам̣ б̣аало аб̣яад̇д̇о аяонисо аг̇г̇им̣ г̇авзсий’д̇и. звамзва ко д̇вам̣, рааж̇ан̃н̃а, б̣аало аб̣яад̇д̇о аяонисо баралогам̣ г̇авзсиссаси. бадиниссаж̇ж̇зд̇ам̣, рааж̇ан̃н̃а, баабагам̣ д̣̇идтиг̇ад̇ам̣, бадиниссаж̇ж̇зд̇ам̣, рааж̇ан̃н̃а, баабагам̣ д̣̇идтиг̇ад̇ам̣, маа д̇з ахоси д̣̇ийгхарад̇д̇ам̣ ахид̇ааяа д̣̇угкааяаа’’д̇и.

‘‘Atha kho so aggiko jaṭilo janapade taṃ karaṇīyaṃ tīretvā yena sako assamo tenupasaṅkami; upasaṅkamitvā taṃ dārakaṃ etadavoca – ‘kacci te, tāta, aggi na nibbuto’ti? ‘Idha me, tāta, khiḍḍāpasutassa aggi nibbāyi. Tassa me etadahosi – ‘‘pitā kho maṃ evaṃ avaca aggiṃ, tāta, paricareyyāsi. Mā ca te, tāta, aggi nibbāyi. Sace ca te aggi nibbāyeyya, ayaṃ vāsī imāni kaṭṭhāni idaṃ araṇisahitaṃ, aggiṃ nibbattetvā aggiṃ paricareyyāsīti. Yaṃnūnāhaṃ aggiṃ nibbattetvā aggiṃ paricareyya’’nti. Atha khvāhaṃ, tāta, araṇisahitaṃ vāsiyā tacchiṃ – ‘‘appeva nāma aggiṃ adhigaccheyya’’nti. Nevāhaṃ aggiṃ adhigacchiṃ. Araṇisahitaṃ dvidhā phālesiṃ, tidhā phālesiṃ, catudhā phālesiṃ, pañcadhā phālesiṃ, dasadhā phālesiṃ , satadhā phālesiṃ, sakalikaṃ sakalikaṃ akāsiṃ, sakalikaṃ sakalikaṃ karitvā udukkhale koṭṭesiṃ, udukkhale koṭṭetvā mahāvāte opuniṃ – ‘‘appeva nāma aggiṃ adhigaccheyya’’nti. Nevāhaṃ aggiṃ adhigacchi’’’nti. Atha kho tassa aggikassa jaṭilassa etadahosi – ‘yāva bālo ayaṃ dārako abyatto, kathañhi nāma ayoniso aggiṃ gavesissatī’ti. Tassa pekkhamānassa araṇisahitaṃ gahetvā aggiṃ nibbattetvā taṃ dārakaṃ etadavoca – ‘evaṃ kho, tāta, aggi nibbattetabbo. Na tveva yathā tvaṃ bālo abyatto ayoniso aggiṃ gavesī’ti. Evameva kho tvaṃ, rājañña, bālo abyatto ayoniso paralokaṃ gavesissasi. Paṭinissajjetaṃ, rājañña, pāpakaṃ diṭṭhigataṃ, paṭinissajjetaṃ, rājañña, pāpakaṃ diṭṭhigataṃ, mā te ahosi dīgharattaṃ ahitāya dukkhāyā’’ti.

429. ‘‘гин̃жааби бхавам̣ гассабо звамааха, ат̇а ко нзваахам̣ саггоми ид̣̇ам̣ баабагам̣ д̣̇идтиг̇ад̇ам̣ бадиниссаж̇ж̇ид̇ум̣. рааж̇ааби мам̣ басзнад̣̇и госало ж̇аанаад̇и д̇ирорааж̇ааноби – ‘бааяааси рааж̇ан̃н̃о звам̣ваад̣̇ий звам̣д̣̇идтий – ‘‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’д̇и. сажаахам̣, бхо гассаба, ид̣̇ам̣ баабагам̣ д̣̇идтиг̇ад̇ам̣ бадиниссаж̇ж̇иссаами, бхависсанд̇и мз вад̇д̇ааро – ‘яаава б̣аало бааяааси рааж̇ан̃н̃о аб̣яад̇д̇о д̣̇уг̇г̇ахид̇аг̇аахий’д̇и. гобзнаби нам̣ хариссаами, магкзнаби нам̣ хариссаами, балаасзнаби нам̣ хариссаамий’’д̇и.

429. ‘‘Kiñcāpi bhavaṃ kassapo evamāha, atha kho nevāhaṃ sakkomi idaṃ pāpakaṃ diṭṭhigataṃ paṭinissajjituṃ. Rājāpi maṃ pasenadi kosalo jānāti tirorājānopi – ‘pāyāsi rājañño evaṃvādī evaṃdiṭṭhī – ‘‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’ti. Sacāhaṃ, bho kassapa, idaṃ pāpakaṃ diṭṭhigataṃ paṭinissajjissāmi, bhavissanti me vattāro – ‘yāva bālo pāyāsi rājañño abyatto duggahitagāhī’ti. Kopenapi naṃ harissāmi, makkhenapi naṃ harissāmi, palāsenapi naṃ harissāmī’’ti.

д̣̇вз сад̇т̇аваахаубамаа

Dve satthavāhaupamā

430. ‘‘д̇зна хи, рааж̇ан̃н̃а, убамам̣ д̇з гариссаами. убамааяа мид̇хзгажжз вин̃н̃уу бурисаа бхаасид̇асса ад̇т̇ам̣ ааж̇аананд̇и. бхууд̇абуб̣б̣ам̣, рааж̇ан̃н̃а, махаасагадасад̇т̇о сагадасахассам̣ бурад̇т̇имаа ж̇анабад̣̇аа бажчимам̣ ж̇анабад̣̇ам̣ аг̇амааси. со язна язна г̇ажчи, киббам̣язва барияаад̣̇ияад̇и д̇ин̣агадтод̣̇агам̣ харид̇агабан̣н̣ам̣. д̇асмим̣ ко бана сад̇т̇з д̣̇вз сад̇т̇аваахаа ахзсум̣ зго бан̃жаннам̣ сагадасад̇аанам̣, зго бан̃жаннам̣ сагадасад̇аанам̣. ат̇а ко д̇зсам̣ сад̇т̇аваахаанам̣ зд̇ад̣̇ахоси – ‘аяам̣ ко махаасагадасад̇т̇о сагадасахассам̣; д̇з маяам̣ язна язна г̇ажчаама, киббамзва барияаад̣̇ияад̇и д̇ин̣агадтод̣̇агам̣ харид̇агабан̣н̣ам̣. яам̣нууна маяам̣ имам̣ сад̇т̇ам̣ д̣̇вид̇хаа вибхаж̇зяяаама – згад̇о бан̃жа сагадасад̇аани згад̇о бан̃жа сагадасад̇ааний’д̇и. д̇з д̇ам̣ сад̇т̇ам̣ д̣̇вид̇хаа вибхаж̇им̣су ⁷⁷ згад̇о бан̃жа сагадасад̇аани, згад̇о бан̃жа сагадасад̇аани. зго сад̇т̇аваахо б̣ахум̣ д̇ин̣ан̃жа гадтан̃жа уд̣̇аган̃жа ааробзд̇ваа сад̇т̇ам̣ баяаабзси ⁷⁸. д̣̇вийхад̇ийхабаяаад̇о ко бана со сад̇т̇о ад̣̇д̣̇аса бурисам̣ гаал̣ам̣ лохид̇агкам̣ ⁷⁹ саннад̣̇д̇хагалаабам̣ ⁸⁰ гумуд̣̇амаалим̣ аллавад̇т̇ам̣ аллагзсам̣ гад̣̇д̣̇амамагкид̇зхи жаггзхи бхад̣̇рзна рат̇зна бадибат̇ам̣ ааг̇ажчанд̇ам̣’, д̣̇исваа зд̇ад̣̇авожа – ‘гуд̇о, бхо, ааг̇ажчасий’д̇и? ‘амугамхаа ж̇анабад̣̇аа’д̇и. ‘гухим̣ г̇амиссасий’д̇и? ‘амугам̣ наама ж̇анабад̣̇а’нд̇и. ‘гажжи, бхо, бурад̇о ганд̇аарз махаамзгхо абхиббавудто’д̇и? ‘звам̣, бхо, бурад̇о ганд̇аарз махаамзгхо абхиббавудто, аасид̇д̇од̣̇агаани вадумаани, б̣аху д̇ин̣ан̃жа гадтан̃жа уд̣̇аган̃жа. чад̣д̣зт̇а, бхо, бураан̣аани д̇ин̣аани гадтаани уд̣̇агаани, лахубхаарзхи сагадзхи сийгхам̣ сийгхам̣ г̇ажчат̇а, маа яог̇г̇аани гиламид̇т̇аа’д̇и.

430. ‘‘Tena hi, rājañña, upamaṃ te karissāmi. Upamāya midhekacce viññū purisā bhāsitassa atthaṃ ājānanti. Bhūtapubbaṃ, rājañña, mahāsakaṭasattho sakaṭasahassaṃ puratthimā janapadā pacchimaṃ janapadaṃ agamāsi. So yena yena gacchi, khippaṃyeva pariyādiyati tiṇakaṭṭhodakaṃ haritakapaṇṇaṃ. Tasmiṃ kho pana satthe dve satthavāhā ahesuṃ eko pañcannaṃ sakaṭasatānaṃ, eko pañcannaṃ sakaṭasatānaṃ. Atha kho tesaṃ satthavāhānaṃ etadahosi – ‘ayaṃ kho mahāsakaṭasattho sakaṭasahassaṃ; te mayaṃ yena yena gacchāma, khippameva pariyādiyati tiṇakaṭṭhodakaṃ haritakapaṇṇaṃ. Yaṃnūna mayaṃ imaṃ satthaṃ dvidhā vibhajeyyāma – ekato pañca sakaṭasatāni ekato pañca sakaṭasatānī’ti. Te taṃ satthaṃ dvidhā vibhajiṃsu ⁸¹ ekato pañca sakaṭasatāni, ekato pañca sakaṭasatāni. Eko satthavāho bahuṃ tiṇañca kaṭṭhañca udakañca āropetvā satthaṃ payāpesi ⁸². Dvīhatīhapayāto kho pana so sattho addasa purisaṃ kāḷaṃ lohitakkhaṃ ⁸³ sannaddhakalāpaṃ ⁸⁴ kumudamāliṃ allavatthaṃ allakesaṃ kaddamamakkhitehi cakkehi bhadrena rathena paṭipathaṃ āgacchantaṃ’, disvā etadavoca – ‘kuto, bho, āgacchasī’ti? ‘Amukamhā janapadā’ti. ‘Kuhiṃ gamissasī’ti? ‘Amukaṃ nāma janapada’nti. ‘Kacci, bho, purato kantāre mahāmegho abhippavuṭṭho’ti? ‘Evaṃ, bho, purato kantāre mahāmegho abhippavuṭṭho, āsittodakāni vaṭumāni, bahu tiṇañca kaṭṭhañca udakañca. Chaḍḍetha, bho, purāṇāni tiṇāni kaṭṭhāni udakāni, lahubhārehi sakaṭehi sīghaṃ sīghaṃ gacchatha, mā yoggāni kilamitthā’ti.

‘‘ат̇а ко со сад̇т̇аваахо сад̇т̇игз ааманд̇зси – ‘аяам̣, бхо, бурисо звамааха – ‘‘бурад̇о ганд̇аарз махаамзгхо абхиббавудто, аасид̇д̇од̣̇агаани вадумаани, б̣аху д̇ин̣ан̃жа гадтан̃жа уд̣̇аган̃жа. чад̣д̣зт̇а, бхо, бураан̣аани д̇ин̣аани гадтаани уд̣̇агаани, лахубхаарзхи сагадзхи сийгхам̣ сийгхам̣ г̇ажчат̇а, маа яог̇г̇аани гиламид̇т̇аа’’д̇и. чад̣д̣зт̇а, бхо, бураан̣аани д̇ин̣аани гадтаани уд̣̇агаани, лахубхаарзхи сагадзхи сад̇т̇ам̣ баяаабзт̇аа’д̇и. ‘звам̣, бхо’д̇и ко д̇з сад̇т̇игаа д̇асса сад̇т̇аваахасса бадиссуд̇ваа чад̣д̣зд̇ваа бураан̣аани д̇ин̣аани гадтаани уд̣̇агаани лахубхаарзхи сагадзхи сад̇т̇ам̣ баяаабзсум̣. д̇з батамзби сад̇т̇аваасз на ад̣̇д̣̇асам̣су д̇ин̣ам̣ ваа гадтам̣ ваа уд̣̇агам̣ ваа. д̣̇уд̇иязби сад̇т̇аваасз… д̇ад̇иязби сад̇т̇аваасз… жад̇уд̇т̇зби сад̇т̇аваасз… бан̃жамзби сад̇т̇аваасз… чадтзби сад̇т̇аваасз… сад̇д̇амзби сад̇т̇аваасз на ад̣̇д̣̇асам̣су д̇ин̣ам̣ ваа гадтам̣ ваа уд̣̇агам̣ ваа. саб̣б̣зва анаяаб̣яасанам̣ аабаж̇ж̇им̣су. яз жа д̇асмим̣ сад̇т̇з ахзсум̣ мануссаа ваа басуу ваа, саб̣б̣з со яагко амануссо бхагкзси. адтигаанзва сзсаани.

‘‘Atha kho so satthavāho satthike āmantesi – ‘ayaṃ, bho, puriso evamāha – ‘‘purato kantāre mahāmegho abhippavuṭṭho, āsittodakāni vaṭumāni, bahu tiṇañca kaṭṭhañca udakañca. Chaḍḍetha, bho, purāṇāni tiṇāni kaṭṭhāni udakāni, lahubhārehi sakaṭehi sīghaṃ sīghaṃ gacchatha, mā yoggāni kilamitthā’’ti. Chaḍḍetha, bho, purāṇāni tiṇāni kaṭṭhāni udakāni, lahubhārehi sakaṭehi satthaṃ payāpethā’ti. ‘Evaṃ, bho’ti kho te satthikā tassa satthavāhassa paṭissutvā chaḍḍetvā purāṇāni tiṇāni kaṭṭhāni udakāni lahubhārehi sakaṭehi satthaṃ payāpesuṃ. Te paṭhamepi satthavāse na addasaṃsu tiṇaṃ vā kaṭṭhaṃ vā udakaṃ vā. Dutiyepi satthavāse… tatiyepi satthavāse… catutthepi satthavāse… pañcamepi satthavāse… chaṭṭhepi satthavāse… sattamepi satthavāse na addasaṃsu tiṇaṃ vā kaṭṭhaṃ vā udakaṃ vā. Sabbeva anayabyasanaṃ āpajjiṃsu. Ye ca tasmiṃ satthe ahesuṃ manussā vā pasū vā, sabbe so yakkho amanusso bhakkhesi. Aṭṭhikāneva sesāni.

‘‘яад̣̇аа ан̃н̃ааси д̣̇уд̇ияо сад̇т̇аваахо – ‘б̣ахунигканд̇о ко, бхо, д̣̇аани со сад̇т̇о’д̇и б̣ахум̣ д̇ин̣ан̃жа гадтан̃жа уд̣̇аган̃жа ааробзд̇ваа сад̇т̇ам̣ баяаабзси. д̣̇вийхад̇ийхабаяаад̇о ко бана со сад̇т̇о ад̣̇д̣̇аса бурисам̣ гаал̣ам̣ лохид̇агкам̣ саннад̣̇д̇хагалаабам̣ гумуд̣̇амаалим̣ аллавад̇т̇ам̣ аллагзсам̣ гад̣̇д̣̇амамагкид̇зхи жаггзхи бхад̣̇рзна рат̇зна бадибат̇ам̣ ааг̇ажчанд̇ам̣, д̣̇исваа зд̇ад̣̇авожа – ‘гуд̇о, бхо, ааг̇ажчасий’д̇и? ‘амугамхаа ж̇анабад̣̇аа’д̇и. ‘гухим̣ г̇амиссасий’д̇и? ‘амугам̣ наама ж̇анабад̣̇а’нд̇и. ‘гажжи, бхо, бурад̇о ганд̇аарз махаамзгхо абхиббавудто’д̇и? ‘звам̣, бхо, бурад̇о ганд̇аарз махаамзгхо абхиббавудто. аасид̇д̇од̣̇агаани вадумаани, б̣аху д̇ин̣ан̃жа гадтан̃жа уд̣̇аган̃жа. чад̣д̣зт̇а , бхо, бураан̣аани д̇ин̣аани гадтаани уд̣̇агаани, лахубхаарзхи сагадзхи сийгхам̣ сийгхам̣ г̇ажчат̇а, маа яог̇г̇аани гиламид̇т̇аа’д̇и.

‘‘Yadā aññāsi dutiyo satthavāho – ‘bahunikkhanto kho, bho, dāni so sattho’ti bahuṃ tiṇañca kaṭṭhañca udakañca āropetvā satthaṃ payāpesi. Dvīhatīhapayāto kho pana so sattho addasa purisaṃ kāḷaṃ lohitakkhaṃ sannaddhakalāpaṃ kumudamāliṃ allavatthaṃ allakesaṃ kaddamamakkhitehi cakkehi bhadrena rathena paṭipathaṃ āgacchantaṃ, disvā etadavoca – ‘kuto, bho, āgacchasī’ti? ‘Amukamhā janapadā’ti. ‘Kuhiṃ gamissasī’ti? ‘Amukaṃ nāma janapada’nti. ‘Kacci, bho, purato kantāre mahāmegho abhippavuṭṭho’ti? ‘Evaṃ, bho, purato kantāre mahāmegho abhippavuṭṭho. Āsittodakāni vaṭumāni, bahu tiṇañca kaṭṭhañca udakañca. Chaḍḍetha , bho, purāṇāni tiṇāni kaṭṭhāni udakāni, lahubhārehi sakaṭehi sīghaṃ sīghaṃ gacchatha, mā yoggāni kilamitthā’ti.

‘‘ат̇а ко со сад̇т̇аваахо сад̇т̇игз ааманд̇зси – ‘аяам̣, бхо, ‘‘бурисо звамааха – бурад̇о ганд̇аарз махаамзгхо абхиббавудто, аасид̇д̇од̣̇агаани вадумаани, б̣аху д̇ин̣ан̃жа гадтан̃жа уд̣̇аган̃жа. чад̣д̣зт̇а, бхо, бураан̣аани д̇ин̣аани гадтаани уд̣̇агаани, лахубхаарзхи сагадзхи сийгхам̣ сийгхам̣ г̇ажчат̇а; маа яог̇г̇аани гиламид̇т̇аа’’д̇и. аяам̣ бхо бурисо нзва амхаагам̣ мид̇д̇о, на н̃аад̇исаалохид̇о, гат̇ам̣ маяам̣ имасса сад̣̇д̇хааяа г̇амиссаама. на во чад̣д̣зд̇аб̣б̣аани бураан̣аани д̇ин̣аани гадтаани уд̣̇агаани, яат̇аабхад̇зна бхан̣д̣зна сад̇т̇ам̣ баяаабзт̇а. на но бураан̣ам̣ чад̣д̣зссаамаа’д̇и. ‘звам̣, бхо’д̇и ко д̇з сад̇т̇игаа д̇асса сад̇т̇аваахасса бадиссуд̇ваа яат̇аабхад̇зна бхан̣д̣зна сад̇т̇ам̣ баяаабзсум̣. д̇з батамзби сад̇т̇аваасз на ад̣̇д̣̇асам̣су д̇ин̣ам̣ ваа гадтам̣ ваа уд̣̇агам̣ ваа. д̣̇уд̇иязби сад̇т̇аваасз… д̇ад̇иязби сад̇т̇аваасз… жад̇уд̇т̇зби сад̇т̇аваасз… бан̃жамзби сад̇т̇аваасз… чадтзби сад̇т̇аваасз… сад̇д̇амзби сад̇т̇аваасз на ад̣̇д̣̇асам̣су д̇ин̣ам̣ ваа гадтам̣ ваа уд̣̇агам̣ ваа. д̇ан̃жа сад̇т̇ам̣ ад̣̇д̣̇асам̣су анаяаб̣яасанам̣ аабаннам̣. яз жа д̇асмим̣ сад̇т̇зби ахзсум̣ мануссаа ваа басуу ваа, д̇зсан̃жа адтигаанзва ад̣̇д̣̇асам̣су д̇зна яагкзна амануссзна бхагкид̇аанам̣.

‘‘Atha kho so satthavāho satthike āmantesi – ‘ayaṃ, bho, ‘‘puriso evamāha – purato kantāre mahāmegho abhippavuṭṭho, āsittodakāni vaṭumāni, bahu tiṇañca kaṭṭhañca udakañca. Chaḍḍetha, bho, purāṇāni tiṇāni kaṭṭhāni udakāni, lahubhārehi sakaṭehi sīghaṃ sīghaṃ gacchatha; mā yoggāni kilamitthā’’ti. Ayaṃ bho puriso neva amhākaṃ mitto, na ñātisālohito, kathaṃ mayaṃ imassa saddhāya gamissāma. Na vo chaḍḍetabbāni purāṇāni tiṇāni kaṭṭhāni udakāni, yathābhatena bhaṇḍena satthaṃ payāpetha. Na no purāṇaṃ chaḍḍessāmā’ti. ‘Evaṃ, bho’ti kho te satthikā tassa satthavāhassa paṭissutvā yathābhatena bhaṇḍena satthaṃ payāpesuṃ. Te paṭhamepi satthavāse na addasaṃsu tiṇaṃ vā kaṭṭhaṃ vā udakaṃ vā. Dutiyepi satthavāse… tatiyepi satthavāse… catutthepi satthavāse… pañcamepi satthavāse… chaṭṭhepi satthavāse… sattamepi satthavāse na addasaṃsu tiṇaṃ vā kaṭṭhaṃ vā udakaṃ vā. Tañca satthaṃ addasaṃsu anayabyasanaṃ āpannaṃ. Ye ca tasmiṃ satthepi ahesuṃ manussā vā pasū vā, tesañca aṭṭhikāneva addasaṃsu tena yakkhena amanussena bhakkhitānaṃ.

‘‘ат̇а ко со сад̇т̇аваахо сад̇т̇игз ааманд̇зси – ‘аяам̣ ко, бхо, сад̇т̇о анаяаб̣яасанам̣ аабанно, яат̇аа д̇ам̣ д̇зна б̣аалзна сад̇т̇аваахзна барин̣ааяагзна. д̇зна хи, бхо, яаанамхаагам̣ сад̇т̇з аббасаараани бан̣ияаани, д̇аани чад̣д̣зд̇ваа, яаани имасмим̣ сад̇т̇з махаасаараани бан̣ияаани, д̇аани аад̣̇ияат̇аа’д̇и. ‘звам̣, бхо’д̇и ко д̇з сад̇т̇игаа д̇асса сад̇т̇аваахасса бадиссуд̇ваа яаани сагасмим̣ сад̇т̇з аббасаараани бан̣ияаани, д̇аани чад̣д̣зд̇ваа яаани д̇асмим̣ сад̇т̇з махаасаараани бан̣ияаани, д̇аани аад̣̇ияид̇ваа сод̇т̇инаа д̇ам̣ ганд̇аарам̣ нид̇т̇арим̣су, яат̇аа д̇ам̣ бан̣д̣ид̇зна сад̇т̇аваахзна барин̣ааяагзна. звамзва ко д̇вам̣, рааж̇ан̃н̃а, б̣аало аб̣яад̇д̇о анаяаб̣яасанам̣ аабаж̇ж̇иссаси аяонисо баралогам̣ г̇авзсанд̇о сзяяат̇ааби со буримо сад̇т̇аваахо. язби д̇ава ⁸⁵ сод̇аб̣б̣ам̣ сад̣̇д̇хаад̇аб̣б̣ам̣ ⁸⁶ ман̃н̃иссанд̇и, д̇зби анаяаб̣яасанам̣ аабаж̇ж̇иссанд̇и, сзяяат̇ааби д̇з сад̇т̇игаа. бадиниссаж̇ж̇зд̇ам̣, рааж̇ан̃н̃а , баабагам̣ д̣̇идтиг̇ад̇ам̣; бадиниссаж̇ж̇зд̇ам̣, рааж̇ан̃н̃а, баабагам̣ д̣̇идтиг̇ад̇ам̣. маа д̇з ахоси д̣̇ийгхарад̇д̇ам̣ ахид̇ааяа д̣̇угкааяаа’’д̇и.

‘‘Atha kho so satthavāho satthike āmantesi – ‘ayaṃ kho, bho, sattho anayabyasanaṃ āpanno, yathā taṃ tena bālena satthavāhena pariṇāyakena. Tena hi, bho, yānamhākaṃ satthe appasārāni paṇiyāni, tāni chaḍḍetvā, yāni imasmiṃ satthe mahāsārāni paṇiyāni, tāni ādiyathā’ti. ‘Evaṃ, bho’ti kho te satthikā tassa satthavāhassa paṭissutvā yāni sakasmiṃ satthe appasārāni paṇiyāni, tāni chaḍḍetvā yāni tasmiṃ satthe mahāsārāni paṇiyāni, tāni ādiyitvā sotthinā taṃ kantāraṃ nitthariṃsu, yathā taṃ paṇḍitena satthavāhena pariṇāyakena. Evameva kho tvaṃ, rājañña, bālo abyatto anayabyasanaṃ āpajjissasi ayoniso paralokaṃ gavesanto seyyathāpi so purimo satthavāho. Yepi tava ⁸⁷ sotabbaṃ saddhātabbaṃ ⁸⁸ maññissanti, tepi anayabyasanaṃ āpajjissanti, seyyathāpi te satthikā. Paṭinissajjetaṃ, rājañña , pāpakaṃ diṭṭhigataṃ; paṭinissajjetaṃ, rājañña, pāpakaṃ diṭṭhigataṃ. Mā te ahosi dīgharattaṃ ahitāya dukkhāyā’’ti.

431. ‘‘гин̃жааби бхавам̣ гассабо звамааха, ат̇а ко нзваахам̣ саггоми ид̣̇ам̣ баабагам̣ д̣̇идтиг̇ад̇ам̣ бадиниссаж̇ж̇ид̇ум̣. рааж̇ааби мам̣ басзнад̣̇и госало ж̇аанаад̇и д̇ирорааж̇ааноби – ‘бааяааси рааж̇ан̃н̃о звам̣ваад̣̇ий звам̣д̣̇идтий – ‘‘ид̇иби над̇т̇и баро лого…бз… вибааго’’’д̇и. сажаахам̣, бхо гассаба, ид̣̇ам̣ баабагам̣ д̣̇идтиг̇ад̇ам̣ бадиниссаж̇ж̇иссаами, бхависсанд̇и мз вад̇д̇ааро – ‘яаава б̣аало бааяааси рааж̇ан̃н̃о, аб̣яад̇д̇о д̣̇уг̇г̇ахид̇аг̇аахий’д̇и. гобзнаби нам̣ хариссаами, магкзнаби нам̣ хариссаами, балаасзнаби нам̣ хариссаамий’’д̇и.

431. ‘‘Kiñcāpi bhavaṃ kassapo evamāha, atha kho nevāhaṃ sakkomi idaṃ pāpakaṃ diṭṭhigataṃ paṭinissajjituṃ. Rājāpi maṃ pasenadi kosalo jānāti tirorājānopi – ‘pāyāsi rājañño evaṃvādī evaṃdiṭṭhī – ‘‘itipi natthi paro loko…pe… vipāko’’’ti. Sacāhaṃ, bho kassapa, idaṃ pāpakaṃ diṭṭhigataṃ paṭinissajjissāmi, bhavissanti me vattāro – ‘yāva bālo pāyāsi rājañño, abyatto duggahitagāhī’ti. Kopenapi naṃ harissāmi, makkhenapi naṃ harissāmi, palāsenapi naṃ harissāmī’’ti.

г̇уут̇абхааригаубамаа

Gūthabhārikaupamā

432. ‘‘д̇зна хи, рааж̇ан̃н̃а, убамам̣ д̇з гариссаами. убамааяа мид̇хзгажжз вин̃н̃уу бурисаа бхаасид̇асса ад̇т̇ам̣ ааж̇аананд̇и. бхууд̇абуб̣б̣ам̣, рааж̇ан̃н̃а, ан̃н̃ад̇аро суугарабосаго бурисо сагамхаа г̇аамаа ан̃н̃ам̣ г̇аамам̣ аг̇амааси. д̇ад̇т̇а ад̣̇д̣̇аса бахууд̇ам̣ сугкаг̇уут̇ам̣ чад̣д̣ид̇ам̣. д̣̇исваанасса зд̇ад̣̇ахоси – ‘аяам̣ ко бахуд̇о сугкаг̇уут̇о чад̣д̣ид̇о, мама жа суугарабхад̇д̇ам̣ ⁸⁹; яам̣нуунаахам̣ ид̇о сугкаг̇уут̇ам̣ харзяяа’нд̇и. со уд̇д̇араасан̇г̇ам̣ бад̇т̇арид̇ваа бахууд̇ам̣ сугкаг̇уут̇ам̣ аагирид̇ваа бхан̣д̣игам̣ б̣анд̇хид̇ваа сийсз уб̣б̣аахзд̇ваа ⁹⁰ аг̇амааси. д̇асса анд̇араамаг̇г̇з махааагааламзгхо баавасси. со уг̇гхаранд̇ам̣ баг̇гхаранд̇ам̣ яаава аг̇г̇анакаа г̇уут̇зна магкид̇о г̇уут̇абхаарам̣ аад̣̇ааяа аг̇амааси. д̇амзнам̣ мануссаа д̣̇исваа звамаахам̣су – ‘гажжи но д̇вам̣, бхан̣з, уммад̇д̇о, гажжи вижзд̇о, гат̇ан̃хи наама уг̇гхаранд̇ам̣ баг̇гхаранд̇ам̣ яаава аг̇г̇анакаа г̇уут̇зна магкид̇о г̇уут̇абхаарам̣ хариссасий’д̇и. ‘д̇умхз квзд̇т̇а, бхан̣з, уммад̇д̇аа, д̇умхз вижзд̇аа, д̇ат̇аа хи бана мз суугарабхад̇д̇а’нд̇и. звамзва ко д̇вам̣, рааж̇ан̃н̃а, г̇уут̇абхааригуубамо ⁹¹ ман̃н̃з бадибхааси. бадиниссаж̇ж̇зд̇ам̣, рааж̇ан̃н̃а, баабагам̣ д̣̇идтиг̇ад̇ам̣. бадиниссаж̇ж̇зд̇ам̣, рааж̇ан̃н̃а, баабагам̣ д̣̇идтиг̇ад̇ам̣. маа д̇з ахоси д̣̇ийгхарад̇д̇ам̣ ахид̇ааяа д̣̇угкааяаа’’д̇и.

432. ‘‘Tena hi, rājañña, upamaṃ te karissāmi. Upamāya midhekacce viññū purisā bhāsitassa atthaṃ ājānanti. Bhūtapubbaṃ, rājañña, aññataro sūkaraposako puriso sakamhā gāmā aññaṃ gāmaṃ agamāsi. Tattha addasa pahūtaṃ sukkhagūthaṃ chaḍḍitaṃ. Disvānassa etadahosi – ‘ayaṃ kho pahuto sukkhagūtho chaḍḍito, mama ca sūkarabhattaṃ ⁹²; yaṃnūnāhaṃ ito sukkhagūthaṃ hareyya’nti. So uttarāsaṅgaṃ pattharitvā pahūtaṃ sukkhagūthaṃ ākiritvā bhaṇḍikaṃ bandhitvā sīse ubbāhetvā ⁹³ agamāsi. Tassa antarāmagge mahāakālamegho pāvassi. So uggharantaṃ paggharantaṃ yāva agganakhā gūthena makkhito gūthabhāraṃ ādāya agamāsi. Tamenaṃ manussā disvā evamāhaṃsu – ‘kacci no tvaṃ, bhaṇe, ummatto, kacci viceto, kathañhi nāma uggharantaṃ paggharantaṃ yāva agganakhā gūthena makkhito gūthabhāraṃ harissasī’ti. ‘Tumhe khvettha, bhaṇe, ummattā, tumhe vicetā, tathā hi pana me sūkarabhatta’nti. Evameva kho tvaṃ, rājañña, gūthabhārikūpamo ⁹⁴ maññe paṭibhāsi. Paṭinissajjetaṃ, rājañña, pāpakaṃ diṭṭhigataṃ. Paṭinissajjetaṃ, rājañña, pāpakaṃ diṭṭhigataṃ. Mā te ahosi dīgharattaṃ ahitāya dukkhāyā’’ti.

433. ‘‘гин̃жааби бхавам̣ гассабо звамааха, ат̇а ко нзваахам̣ саггоми ид̣̇ам̣ баабагам̣ д̣̇идтиг̇ад̇ам̣ бадиниссаж̇ж̇ид̇ум̣. рааж̇ааби мам̣ басзнад̣̇и госало ж̇аанаад̇и д̇ирорааж̇ааноби – ‘бааяааси рааж̇ан̃н̃о звам̣ваад̣̇ий звам̣д̣̇идтий – ‘‘ид̇иби над̇т̇и баро лого…бз… вибааго’’д̇и. сажаахам̣, бхо гассаба, ид̣̇ам̣ баабагам̣ д̣̇идтиг̇ад̇ам̣ бадиниссаж̇ж̇иссаами, бхависсанд̇и мз вад̇д̇ааро – ‘яаава б̣аало бааяааси рааж̇ан̃н̃о аб̣яад̇д̇о д̣̇уг̇г̇ахид̇аг̇аахий’д̇и. гобзнаби нам̣ хариссаами, магкзнаби нам̣ хариссаами, балаасзнаби нам̣ хариссаамий’’д̇и.

433. ‘‘Kiñcāpi bhavaṃ kassapo evamāha, atha kho nevāhaṃ sakkomi idaṃ pāpakaṃ diṭṭhigataṃ paṭinissajjituṃ. Rājāpi maṃ pasenadi kosalo jānāti tirorājānopi – ‘pāyāsi rājañño evaṃvādī evaṃdiṭṭhī – ‘‘itipi natthi paro loko…pe… vipāko’’ti. Sacāhaṃ, bho kassapa, idaṃ pāpakaṃ diṭṭhigataṃ paṭinissajjissāmi, bhavissanti me vattāro – ‘yāva bālo pāyāsi rājañño abyatto duggahitagāhī’ti. Kopenapi naṃ harissāmi, makkhenapi naṃ harissāmi, palāsenapi naṃ harissāmī’’ti.

агкад̇худ̇д̇агаубамаа

Akkhadhuttakaupamā

434. ‘‘д̇зна хи, рааж̇ан̃н̃а, убамам̣ д̇з гариссаами, убамааяа мид̇хзгажжз вин̃н̃уу бурисаа бхаасид̇асса ад̇т̇ам̣ ааж̇аананд̇и. бхууд̇абуб̣б̣ам̣, рааж̇ан̃н̃а, д̣̇вз агкад̇худ̇д̇аа агкзхи д̣̇иб̣б̣им̣су. зго агкад̇худ̇д̇о ааг̇ад̇ааг̇ад̇ам̣ галим̣ г̇илад̇и. ад̣̇д̣̇асаа ко д̣̇уд̇ияо агкад̇худ̇д̇о д̇ам̣ агкад̇худ̇д̇ам̣ ааг̇ад̇ааг̇ад̇ам̣ галим̣ г̇иланд̇ам̣, д̣̇исваа д̇ам̣ агкад̇худ̇д̇ам̣ зд̇ад̣̇авожа – ‘д̇вам̣ ко, самма, зганд̇игзна ж̇инааси, д̣̇зхи мз, самма, агкз баж̇охиссаамий’д̇и. ‘звам̣ саммаа’д̇и ко со агкад̇худ̇д̇о д̇асса агкад̇худ̇д̇асса агкз баад̣̇ааси. ат̇а ко со агкад̇худ̇д̇о агкз висзна барибхаавзд̇ваа д̇ам̣ агкад̇худ̇д̇ам̣ зд̇ад̣̇авожа – ‘зхи ко, самма, агкзхи д̣̇иб̣б̣иссаамаа’д̇и. ‘звам̣ саммаа’д̇и ко со агкад̇худ̇д̇о д̇асса агкад̇худ̇д̇асса бажжассоси. д̣̇уд̇ияамби ко д̇з агкад̇худ̇д̇аа агкзхи д̣̇иб̣б̣им̣су. д̣̇уд̇ияамби ко со агкад̇худ̇д̇о ааг̇ад̇ааг̇ад̇ам̣ галим̣ г̇илад̇и. ад̣̇д̣̇асаа ко д̣̇уд̇ияо агкад̇худ̇д̇о д̇ам̣ агкад̇худ̇д̇ам̣ д̣̇уд̇ияамби ааг̇ад̇ааг̇ад̇ам̣ галим̣ г̇иланд̇ам̣, д̣̇исваа д̇ам̣ агкад̇худ̇д̇ам̣ зд̇ад̣̇авожа –

434. ‘‘Tena hi, rājañña, upamaṃ te karissāmi, upamāya midhekacce viññū purisā bhāsitassa atthaṃ ājānanti. Bhūtapubbaṃ, rājañña, dve akkhadhuttā akkhehi dibbiṃsu. Eko akkhadhutto āgatāgataṃ kaliṃ gilati. Addasā kho dutiyo akkhadhutto taṃ akkhadhuttaṃ āgatāgataṃ kaliṃ gilantaṃ, disvā taṃ akkhadhuttaṃ etadavoca – ‘tvaṃ kho, samma, ekantikena jināsi, dehi me, samma, akkhe pajohissāmī’ti. ‘Evaṃ sammā’ti kho so akkhadhutto tassa akkhadhuttassa akkhe pādāsi. Atha kho so akkhadhutto akkhe visena paribhāvetvā taṃ akkhadhuttaṃ etadavoca – ‘ehi kho, samma, akkhehi dibbissāmā’ti. ‘Evaṃ sammā’ti kho so akkhadhutto tassa akkhadhuttassa paccassosi. Dutiyampi kho te akkhadhuttā akkhehi dibbiṃsu. Dutiyampi kho so akkhadhutto āgatāgataṃ kaliṃ gilati. Addasā kho dutiyo akkhadhutto taṃ akkhadhuttaṃ dutiyampi āgatāgataṃ kaliṃ gilantaṃ, disvā taṃ akkhadhuttaṃ etadavoca –

‘‘лид̇д̇ам̣ барамзна д̇зж̇асаа, г̇иламагкам̣ бурисо на б̣уж̇жхад̇и;

‘‘Littaṃ paramena tejasā, gilamakkhaṃ puriso na bujjhati;

г̇ила рз г̇ила баабад̇худ̇д̇ага ⁹⁵, бажчаа д̇з гадугам̣ бхависсад̇ийд̇и.

Gila re gila pāpadhuttaka ⁹⁶, pacchā te kaṭukaṃ bhavissatīti.

‘‘звамзва ко д̇вам̣, рааж̇ан̃н̃а, агкад̇худ̇д̇агуубамо ман̃н̃з бадибхааси. бадиниссаж̇ж̇зд̇ам̣, рааж̇ан̃н̃а, баабагам̣ д̣̇идтиг̇ад̇ам̣; бадиниссаж̇ж̇зд̇ам̣, рааж̇ан̃н̃а, баабагам̣ д̣̇идтиг̇ад̇ам̣. маа д̇з ахоси д̣̇ийгхарад̇д̇ам̣ ахид̇ааяа д̣̇угкааяаа’’д̇и.

‘‘Evameva kho tvaṃ, rājañña, akkhadhuttakūpamo maññe paṭibhāsi. Paṭinissajjetaṃ, rājañña, pāpakaṃ diṭṭhigataṃ; paṭinissajjetaṃ, rājañña, pāpakaṃ diṭṭhigataṃ. Mā te ahosi dīgharattaṃ ahitāya dukkhāyā’’ti.

435. ‘‘гин̃жааби бхавам̣ гассабо звамааха, ат̇а ко нзваахам̣ саггоми ид̣̇ам̣ баабагам̣ д̣̇идтиг̇ад̇ам̣ бадиниссаж̇ж̇ид̇ум̣. рааж̇ааби мам̣ басзнад̣̇и госало ж̇аанаад̇и д̇ирорааж̇ааноби – ‘бааяааси рааж̇ан̃н̃о звам̣ваад̣̇ий звам̣д̣̇идтий – ‘‘ид̇иби над̇т̇и баро лого…бз… вибааго’’д̇и. сажаахам̣, бхо гассаба, ид̣̇ам̣ баабагам̣ д̣̇идтиг̇ад̇ам̣ бадиниссаж̇ж̇иссаами, бхависсанд̇и мз вад̇д̇ааро – ‘яаава б̣аало бааяааси рааж̇ан̃н̃о аб̣яад̇д̇о д̣̇уг̇г̇ахид̇аг̇аахий’д̇и. гобзнаби нам̣ хариссаами, магкзнаби нам̣ хариссаами, балаасзнаби нам̣ хариссаамий’’д̇и.

435. ‘‘Kiñcāpi bhavaṃ kassapo evamāha, atha kho nevāhaṃ sakkomi idaṃ pāpakaṃ diṭṭhigataṃ paṭinissajjituṃ. Rājāpi maṃ pasenadi kosalo jānāti tirorājānopi – ‘pāyāsi rājañño evaṃvādī evaṃdiṭṭhī – ‘‘itipi natthi paro loko…pe… vipāko’’ti. Sacāhaṃ, bho kassapa, idaṃ pāpakaṃ diṭṭhigataṃ paṭinissajjissāmi, bhavissanti me vattāro – ‘yāva bālo pāyāsi rājañño abyatto duggahitagāhī’ti. Kopenapi naṃ harissāmi, makkhenapi naṃ harissāmi, palāsenapi naṃ harissāmī’’ti.

саан̣абхааригаубамаа

Sāṇabhārikaupamā

436. ‘‘д̇зна хи, рааж̇ан̃н̃а, убамам̣ д̇з гариссаами, убамааяа мид̇хзгажжз вин̃н̃уу бурисаа бхаасид̇асса ад̇т̇ам̣ ааж̇аананд̇и. бхууд̇абуб̣б̣ам̣, рааж̇ан̃н̃а, ан̃н̃ад̇аро ж̇анабад̣̇о вудтааси. ат̇а ко сахааяаго сахааяагам̣ ааманд̇зси – ‘ааяаама, самма, язна со ж̇анабад̣̇о д̇знубасан̇гамиссаама, аббзва наамзд̇т̇а гин̃жи д̇ханам̣ ад̇хиг̇ажчзяяаамаа’д̇и. ‘звам̣ саммаа’д̇и ко сахааяаго сахааяагасса бажжассоси. д̇з язна со ж̇анабад̣̇о, язна ан̃н̃ад̇арам̣ г̇аамабаддам̣ ⁹⁷ д̇знубасан̇гамим̣су , д̇ад̇т̇а ад̣̇д̣̇асам̣су бахууд̇ам̣ саан̣ам̣ чад̣д̣ид̇ам̣, д̣̇исваа сахааяаго сахааяагам̣ ааманд̇зси – ‘ид̣̇ам̣ ко, самма, бахууд̇ам̣ саан̣ам̣ чад̣д̣ид̇ам̣, д̇зна хи, самма, д̇ван̃жа саан̣абхаарам̣ б̣анд̇ха, ахан̃жа саан̣абхаарам̣ б̣анд̇хиссаами, убхо саан̣абхаарам̣ аад̣̇ааяа г̇амиссаамаа’д̇и. ‘звам̣ саммаа’д̇и ко сахааяаго сахааяагасса бадиссуд̇ваа саан̣абхаарам̣ б̣анд̇хид̇ваа д̇з убхо саан̣абхаарам̣ аад̣̇ааяа язна ан̃н̃ад̇арам̣ г̇аамабаддам̣ д̇знубасан̇гамим̣су. д̇ад̇т̇а ад̣̇д̣̇асам̣су бахууд̇ам̣ саан̣асуд̇д̇ам̣ чад̣д̣ид̇ам̣, д̣̇исваа сахааяаго сахааяагам̣ ааманд̇зси – ‘яасса ко, самма, ад̇т̇ааяа ижчзяяаама саан̣ам̣, ид̣̇ам̣ бахууд̇ам̣ саан̣асуд̇д̇ам̣ чад̣д̣ид̇ам̣. д̇зна хи, самма, д̇ван̃жа саан̣абхаарам̣ чад̣д̣зхи, ахан̃жа саан̣абхаарам̣ чад̣д̣зссаами, убхо саан̣асуд̇д̇абхаарам̣ аад̣̇ааяа г̇амиссаамаа’д̇и. ‘аяам̣ ко мз, самма, саан̣абхааро д̣̇уураабхад̇о жа сусаннад̣̇д̇хо жа, алам̣ мз д̇вам̣ баж̇аанаахий’д̇и. ат̇а ко со сахааяаго саан̣абхаарам̣ чад̣д̣зд̇ваа саан̣асуд̇д̇абхаарам̣ аад̣̇ияи.

436. ‘‘Tena hi, rājañña, upamaṃ te karissāmi, upamāya midhekacce viññū purisā bhāsitassa atthaṃ ājānanti. Bhūtapubbaṃ, rājañña, aññataro janapado vuṭṭhāsi. Atha kho sahāyako sahāyakaṃ āmantesi – ‘āyāma, samma, yena so janapado tenupasaṅkamissāma, appeva nāmettha kiñci dhanaṃ adhigaccheyyāmā’ti. ‘Evaṃ sammā’ti kho sahāyako sahāyakassa paccassosi. Te yena so janapado, yena aññataraṃ gāmapaṭṭaṃ ⁹⁸ tenupasaṅkamiṃsu , tattha addasaṃsu pahūtaṃ sāṇaṃ chaḍḍitaṃ, disvā sahāyako sahāyakaṃ āmantesi – ‘idaṃ kho, samma, pahūtaṃ sāṇaṃ chaḍḍitaṃ, tena hi, samma, tvañca sāṇabhāraṃ bandha, ahañca sāṇabhāraṃ bandhissāmi, ubho sāṇabhāraṃ ādāya gamissāmā’ti. ‘Evaṃ sammā’ti kho sahāyako sahāyakassa paṭissutvā sāṇabhāraṃ bandhitvā te ubho sāṇabhāraṃ ādāya yena aññataraṃ gāmapaṭṭaṃ tenupasaṅkamiṃsu. Tattha addasaṃsu pahūtaṃ sāṇasuttaṃ chaḍḍitaṃ, disvā sahāyako sahāyakaṃ āmantesi – ‘yassa kho, samma, atthāya iccheyyāma sāṇaṃ, idaṃ pahūtaṃ sāṇasuttaṃ chaḍḍitaṃ. Tena hi, samma, tvañca sāṇabhāraṃ chaḍḍehi, ahañca sāṇabhāraṃ chaḍḍessāmi, ubho sāṇasuttabhāraṃ ādāya gamissāmā’ti. ‘Ayaṃ kho me, samma, sāṇabhāro dūrābhato ca susannaddho ca, alaṃ me tvaṃ pajānāhī’ti. Atha kho so sahāyako sāṇabhāraṃ chaḍḍetvā sāṇasuttabhāraṃ ādiyi.

‘‘д̇з язна ан̃н̃ад̇арам̣ г̇аамабаддам̣ д̇знубасан̇гамим̣су. д̇ад̇т̇а ад̣̇д̣̇асам̣су бахууд̇аа саан̣ияо чад̣д̣ид̇аа, д̣̇исваа сахааяаго сахааяагам̣ ааманд̇зси – ‘яасса ко , самма, ад̇т̇ааяа ижчзяяаама саан̣ам̣ ваа саан̣асуд̇д̇ам̣ ваа, имаа бахууд̇аа саан̣ияо чад̣д̣ид̇аа. д̇зна хи, самма, д̇ван̃жа саан̣абхаарам̣ чад̣д̣зхи, ахан̃жа саан̣асуд̇д̇абхаарам̣ чад̣д̣зссаами, убхо саан̣ибхаарам̣ аад̣̇ааяа г̇амиссаамаа’д̇и . ‘аяам̣ ко мз, самма, саан̣абхааро д̣̇уураабхад̇о жа сусаннад̣̇д̇хо жа, алам̣ мз, д̇вам̣ баж̇аанаахий’д̇и. ат̇а ко со сахааяаго саан̣асуд̇д̇абхаарам̣ чад̣д̣зд̇ваа саан̣ибхаарам̣ аад̣̇ияи.

‘‘Te yena aññataraṃ gāmapaṭṭaṃ tenupasaṅkamiṃsu. Tattha addasaṃsu pahūtā sāṇiyo chaḍḍitā, disvā sahāyako sahāyakaṃ āmantesi – ‘yassa kho , samma, atthāya iccheyyāma sāṇaṃ vā sāṇasuttaṃ vā, imā pahūtā sāṇiyo chaḍḍitā. Tena hi, samma, tvañca sāṇabhāraṃ chaḍḍehi, ahañca sāṇasuttabhāraṃ chaḍḍessāmi, ubho sāṇibhāraṃ ādāya gamissāmā’ti . ‘Ayaṃ kho me, samma, sāṇabhāro dūrābhato ca susannaddho ca, alaṃ me, tvaṃ pajānāhī’ti. Atha kho so sahāyako sāṇasuttabhāraṃ chaḍḍetvā sāṇibhāraṃ ādiyi.

‘‘д̇з язна ан̃н̃ад̇арам̣ г̇аамабаддам̣ д̇знубасан̇гамим̣су. д̇ад̇т̇а ад̣̇д̣̇асам̣су бахууд̇ам̣ комам̣ чад̣д̣ид̇ам̣, д̣̇исваа…бз… бахууд̇ам̣ комасуд̇д̇ам̣ чад̣д̣ид̇ам̣, д̣̇исваа… бахууд̇ам̣ комад̣̇уссам̣ чад̣д̣ид̇ам̣, д̣̇исваа… бахууд̇ам̣ габбаасам̣ чад̣д̣ид̇ам̣, д̣̇исваа… бахууд̇ам̣ габбаасигасуд̇д̇ам̣ чад̣д̣ид̇ам̣, д̣̇исваа… бахууд̇ам̣ габбаасигад̣̇уссам̣ чад̣д̣ид̇ам̣, д̣̇исваа… бахууд̇ам̣ аяам̣ ⁹⁹ чад̣д̣ид̇ам̣, д̣̇исваа… бахууд̇ам̣ лохам̣ чад̣д̣ид̇ам̣, д̣̇исваа… бахууд̇ам̣ д̇ибум̣ чад̣д̣ид̇ам̣, д̣̇исваа… бахууд̇ам̣ сийсам̣ чад̣д̣ид̇ам̣, д̣̇исваа… бахууд̇ам̣ саж̇жхам̣ ¹⁰⁰ чад̣д̣ид̇ам̣, д̣̇исваа… бахууд̇ам̣ суван̣н̣ам̣ чад̣д̣ид̇ам̣, д̣̇исваа сахааяаго сахааяагам̣ ааманд̇зси – ‘яасса ко, самма, ад̇т̇ааяа ижчзяяаама саан̣ам̣ ваа саан̣асуд̇д̇ам̣ ваа саан̣ияо ваа комам̣ ваа комасуд̇д̇ам̣ ваа комад̣̇уссам̣ ваа габбаасам̣ ваа габбаасигасуд̇д̇ам̣ ваа габбаасигад̣̇уссам̣ ваа аяам̣ ваа лохам̣ ваа д̇ибум̣ ваа сийсам̣ ваа саж̇жхам̣ ваа, ид̣̇ам̣ бахууд̇ам̣ суван̣н̣ам̣ чад̣д̣ид̇ам̣. д̇зна хи, самма, д̇ван̃жа саан̣абхаарам̣ чад̣д̣зхи, ахан̃жа саж̇жхабхаарам̣ ¹⁰¹ чад̣д̣зссаами, убхо суван̣н̣абхаарам̣ аад̣̇ааяа г̇амиссаамаа’д̇и. ‘аяам̣ ко мз, самма, саан̣абхааро д̣̇уураабхад̇о жа сусаннад̣̇д̇хо жа, алам̣ мз д̇вам̣ баж̇аанаахий’д̇и. ат̇а ко со сахааяаго саж̇жхабхаарам̣ чад̣д̣зд̇ваа суван̣н̣абхаарам̣ аад̣̇ияи.

‘‘Te yena aññataraṃ gāmapaṭṭaṃ tenupasaṅkamiṃsu. Tattha addasaṃsu pahūtaṃ khomaṃ chaḍḍitaṃ, disvā…pe… pahūtaṃ khomasuttaṃ chaḍḍitaṃ, disvā… pahūtaṃ khomadussaṃ chaḍḍitaṃ, disvā… pahūtaṃ kappāsaṃ chaḍḍitaṃ, disvā… pahūtaṃ kappāsikasuttaṃ chaḍḍitaṃ, disvā… pahūtaṃ kappāsikadussaṃ chaḍḍitaṃ, disvā… pahūtaṃ ayaṃ ¹⁰² chaḍḍitaṃ, disvā… pahūtaṃ lohaṃ chaḍḍitaṃ, disvā… pahūtaṃ tipuṃ chaḍḍitaṃ, disvā… pahūtaṃ sīsaṃ chaḍḍitaṃ, disvā… pahūtaṃ sajjhaṃ ¹⁰³ chaḍḍitaṃ, disvā… pahūtaṃ suvaṇṇaṃ chaḍḍitaṃ, disvā sahāyako sahāyakaṃ āmantesi – ‘yassa kho, samma, atthāya iccheyyāma sāṇaṃ vā sāṇasuttaṃ vā sāṇiyo vā khomaṃ vā khomasuttaṃ vā khomadussaṃ vā kappāsaṃ vā kappāsikasuttaṃ vā kappāsikadussaṃ vā ayaṃ vā lohaṃ vā tipuṃ vā sīsaṃ vā sajjhaṃ vā, idaṃ pahūtaṃ suvaṇṇaṃ chaḍḍitaṃ. Tena hi, samma, tvañca sāṇabhāraṃ chaḍḍehi, ahañca sajjhabhāraṃ ¹⁰⁴ chaḍḍessāmi, ubho suvaṇṇabhāraṃ ādāya gamissāmā’ti. ‘Ayaṃ kho me, samma, sāṇabhāro dūrābhato ca susannaddho ca, alaṃ me tvaṃ pajānāhī’ti. Atha kho so sahāyako sajjhabhāraṃ chaḍḍetvā suvaṇṇabhāraṃ ādiyi.

‘‘д̇з язна саго г̇аамо д̇знубасан̇гамим̣су. д̇ад̇т̇а яо со сахааяаго саан̣абхаарам̣ аад̣̇ааяа аг̇амааси, д̇асса нзва маад̇аабид̇аро абхинанд̣̇им̣су, на буд̇д̇ад̣̇аараа абхинанд̣̇им̣су, на мид̇д̇аамажжаа абхинанд̣̇им̣су, на жа д̇ад̇онид̣̇аанам̣ сукам̣ соманассам̣ ад̇хиг̇ажчи. яо бана со сахааяаго суван̣н̣абхаарам̣ аад̣̇ааяа аг̇амааси, д̇асса маад̇аабид̇ароби абхинанд̣̇им̣су, буд̇д̇ад̣̇аарааби абхинанд̣̇им̣су, мид̇д̇аамажжааби абхинанд̣̇им̣су, д̇ад̇онид̣̇аанан̃жа сукам̣ соманассам̣ ад̇хиг̇ажчи. ‘‘звамзва ко д̇вам̣, рааж̇ан̃н̃а, саан̣абхааригуубамо ман̃н̃з бадибхааси. бадиниссаж̇ж̇зд̇ам̣, рааж̇ан̃н̃а, баабагам̣ д̣̇идтиг̇ад̇ам̣; бадиниссаж̇ж̇зд̇ам̣, рааж̇ан̃н̃а, баабагам̣ д̣̇идтиг̇ад̇ам̣. маа д̇з ахоси д̣̇ийгхарад̇д̇ам̣ ахид̇ааяа д̣̇угкааяаа’’д̇и.

‘‘Te yena sako gāmo tenupasaṅkamiṃsu. Tattha yo so sahāyako sāṇabhāraṃ ādāya agamāsi, tassa neva mātāpitaro abhinandiṃsu, na puttadārā abhinandiṃsu, na mittāmaccā abhinandiṃsu, na ca tatonidānaṃ sukhaṃ somanassaṃ adhigacchi. Yo pana so sahāyako suvaṇṇabhāraṃ ādāya agamāsi, tassa mātāpitaropi abhinandiṃsu, puttadārāpi abhinandiṃsu, mittāmaccāpi abhinandiṃsu, tatonidānañca sukhaṃ somanassaṃ adhigacchi. ‘‘Evameva kho tvaṃ, rājañña, sāṇabhārikūpamo maññe paṭibhāsi. Paṭinissajjetaṃ, rājañña, pāpakaṃ diṭṭhigataṃ; paṭinissajjetaṃ, rājañña, pāpakaṃ diṭṭhigataṃ. Mā te ahosi dīgharattaṃ ahitāya dukkhāyā’’ti.

саран̣аг̇аманам̣

Saraṇagamanaṃ

437. ‘‘буримзнзва ахам̣ обаммзна бход̇о гассабасса ад̇д̇амано абхирад̣̇д̇хо. аби жаахам̣ имаани вижид̇раани бан̃хаабадибхаанаани сод̇угаамо зваахам̣ бхаванд̇ам̣ гассабам̣ бажжанийгам̣ гаад̇аб̣б̣ам̣ аман̃н̃иссам̣. абхигганд̇ам̣, бхо гассаба, абхигганд̇ам̣, бхо гассаба. сзяяат̇ааби, бхо гассаба, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа ‘жагкуманд̇о руубаани д̣̇агканд̇ий’д̇и звамзвам̣ бход̇аа гассабзна анзгабарияааязна д̇хаммо багаасид̇о. зсаахам̣, бхо гассаба, д̇ам̣ бхаванд̇ам̣ г̇од̇амам̣ саран̣ам̣ г̇ажчаами, д̇хамман̃жа, бхигкусан̇гхан̃жа. убаасагам̣ мам̣ бхавам̣ гассабо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇ам̣.

437. ‘‘Purimeneva ahaṃ opammena bhoto kassapassa attamano abhiraddho. Api cāhaṃ imāni vicitrāni pañhāpaṭibhānāni sotukāmo evāhaṃ bhavantaṃ kassapaṃ paccanīkaṃ kātabbaṃ amaññissaṃ. Abhikkantaṃ, bho kassapa, abhikkantaṃ, bho kassapa. Seyyathāpi, bho kassapa, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya ‘cakkhumanto rūpāni dakkhantī’ti evamevaṃ bhotā kassapena anekapariyāyena dhammo pakāsito. Esāhaṃ, bho kassapa, taṃ bhavantaṃ gotamaṃ saraṇaṃ gacchāmi, dhammañca, bhikkhusaṅghañca. Upāsakaṃ maṃ bhavaṃ kassapo dhāretu ajjatagge pāṇupetaṃ saraṇaṃ gataṃ.

‘‘ижчаами жаахам̣, бхо гассаба, махааяан̃н̃ам̣ яаж̇ид̇ум̣, анусаасад̇у мам̣ бхавам̣ гассабо, яам̣ мамасса д̣̇ийгхарад̇д̇ам̣ хид̇ааяа сукааяаа’’д̇и.

‘‘Icchāmi cāhaṃ, bho kassapa, mahāyaññaṃ yajituṃ, anusāsatu maṃ bhavaṃ kassapo, yaṃ mamassa dīgharattaṃ hitāya sukhāyā’’ti.

яан̃н̃агат̇аа

Yaññakathā

438. ‘‘яат̇ааруубз ко, рааж̇ан̃н̃а, яан̃н̃з г̇ааво ваа хан̃н̃анд̇и аж̇зл̣агаа ваа хан̃н̃анд̇и, гуггудасуугараа ваа хан̃н̃анд̇и, вивид̇хаа ваа баан̣аа сам̣гхаад̇ам̣ аабаж̇ж̇анд̇и, бадиг̇г̇аахагаа жа хонд̇и мижчаад̣̇идтий мижчаасан̇габбаа мижчааваажаа мижчаагамманд̇аа мижчааааж̇ийваа мижчаавааяаамаа мижчаасад̇ий мижчаасамаад̇хий, зваруубо ко, рааж̇ан̃н̃а, яан̃н̃о на махабпало ход̇и на махаанисам̣со на махааж̇уд̇иго на махаавибпааро. сзяяат̇ааби, рааж̇ан̃н̃а, гассаго б̣ийж̇анан̇г̇алам̣ аад̣̇ааяа ванам̣ бависзяяа. со д̇ад̇т̇а д̣̇угкзд̇д̇з д̣̇уб̣бхуумз авихад̇акаан̣уган̣дагз б̣ийж̇аани бад̇идтаабзяяа кан̣д̣аани бууд̇ийни ваад̇аад̇абахад̇аани асаарад̣̇аани асукасаяид̇аани. д̣̇зво жа на гаалзна гаалам̣ саммаад̇хаарам̣ ануббавзжчзяяа. аби ну д̇аани б̣ийж̇аани вуд̣̇д̇хим̣ вируул̣хим̣ ¹⁰⁵ взбуллам̣ аабаж̇ж̇зяяум̣, гассаго ваа вибулам̣ палам̣ ад̇хиг̇ажчзяяаа’’д̇и? ‘‘но хид̣̇ам̣ ¹⁰⁶ бхо гассаба’’. ‘‘звамзва ко, рааж̇ан̃н̃а, яат̇ааруубз яан̃н̃з г̇ааво ваа хан̃н̃анд̇и, аж̇зл̣агаа ваа хан̃н̃анд̇и, гуггудасуугараа ваа хан̃н̃анд̇и, вивид̇хаа ваа баан̣аа сам̣гхаад̇ам̣ аабаж̇ж̇анд̇и, бадиг̇г̇аахагаа жа хонд̇и мижчаад̣̇идтий мижчаасан̇габбаа мижчааваажаа мижчаагамманд̇аа мижчааааж̇ийваа мижчаавааяаамаа мижчаасад̇ий мижчаасамаад̇хий, зваруубо ко , рааж̇ан̃н̃а, яан̃н̃о на махабпало ход̇и на махаанисам̣со на махааж̇уд̇иго на махаавибпааро.

438. ‘‘Yathārūpe kho, rājañña, yaññe gāvo vā haññanti ajeḷakā vā haññanti, kukkuṭasūkarā vā haññanti, vividhā vā pāṇā saṃghātaṃ āpajjanti, paṭiggāhakā ca honti micchādiṭṭhī micchāsaṅkappā micchāvācā micchākammantā micchāājīvā micchāvāyāmā micchāsatī micchāsamādhī, evarūpo kho, rājañña, yañño na mahapphalo hoti na mahānisaṃso na mahājutiko na mahāvipphāro. Seyyathāpi, rājañña, kassako bījanaṅgalaṃ ādāya vanaṃ paviseyya. So tattha dukkhette dubbhūme avihatakhāṇukaṇṭake bījāni patiṭṭhāpeyya khaṇḍāni pūtīni vātātapahatāni asāradāni asukhasayitāni. Devo ca na kālena kālaṃ sammādhāraṃ anuppaveccheyya. Api nu tāni bījāni vuddhiṃ virūḷhiṃ ¹⁰⁷ vepullaṃ āpajjeyyuṃ, kassako vā vipulaṃ phalaṃ adhigaccheyyā’’ti? ‘‘No hidaṃ ¹⁰⁸ bho kassapa’’. ‘‘Evameva kho, rājañña, yathārūpe yaññe gāvo vā haññanti, ajeḷakā vā haññanti, kukkuṭasūkarā vā haññanti, vividhā vā pāṇā saṃghātaṃ āpajjanti, paṭiggāhakā ca honti micchādiṭṭhī micchāsaṅkappā micchāvācā micchākammantā micchāājīvā micchāvāyāmā micchāsatī micchāsamādhī, evarūpo kho , rājañña, yañño na mahapphalo hoti na mahānisaṃso na mahājutiko na mahāvipphāro.

‘‘яат̇ааруубз жа ко, рааж̇ан̃н̃а, яан̃н̃з нзва г̇ааво хан̃н̃анд̇и, на аж̇зл̣агаа хан̃н̃анд̇и, на гуггудасуугараа хан̃н̃анд̇и, на вивид̇хаа ваа баан̣аа сам̣гхаад̇ам̣ аабаж̇ж̇анд̇и, бадиг̇г̇аахагаа жа хонд̇и саммаад̣̇идтий саммаасан̇габбаа саммааваажаа саммаагамманд̇аа саммааааж̇ийваа саммаавааяаамаа саммаасад̇ий саммаасамаад̇хий, зваруубо ко, рааж̇ан̃н̃а, яан̃н̃о махабпало ход̇и махаанисам̣со махааж̇уд̇иго махаавибпааро. сзяяат̇ааби, рааж̇ан̃н̃а, гассаго б̣ийж̇анан̇г̇алам̣ аад̣̇ааяа ванам̣ бависзяяа. со д̇ад̇т̇а сукзд̇д̇з субхуумз сувихад̇акаан̣уган̣дагз б̣ийж̇аани бад̇идтабзяяа акан̣д̣аани абууд̇ийни аваад̇аад̇абахад̇аани саарад̣̇аани сукасаяид̇аани. д̣̇зво жа гаалзна гаалам̣ саммаад̇хаарам̣ ануббавзжчзяяа. аби ну д̇аани б̣ийж̇аани вуд̣̇д̇хим̣ вируул̣хим̣ взбуллам̣ аабаж̇ж̇зяяум̣, гассаго ваа вибулам̣ палам̣ ад̇хиг̇ажчзяяаа’’д̇и? ‘‘звам̣, бхо гассаба’’. ‘‘звамзва ко, рааж̇ан̃н̃а, яат̇ааруубз яан̃н̃з нзва г̇ааво хан̃н̃анд̇и, на аж̇зл̣агаа хан̃н̃анд̇и, на гуггудасуугараа хан̃н̃анд̇и, на вивид̇хаа ваа баан̣аа сам̣гхаад̇ам̣ аабаж̇ж̇анд̇и, бадиг̇г̇аахагаа жа хонд̇и саммаад̣̇идтий саммаасан̇габбаа саммааваажаа саммаагамманд̇аа саммааааж̇ийваа саммаавааяаамаа саммаасад̇ий саммаасамаад̇хий, зваруубо ко, рааж̇ан̃н̃а, яан̃н̃о махабпало ход̇и махаанисам̣со махааж̇уд̇иго махаавибпааро’’д̇и.

‘‘Yathārūpe ca kho, rājañña, yaññe neva gāvo haññanti, na ajeḷakā haññanti, na kukkuṭasūkarā haññanti, na vividhā vā pāṇā saṃghātaṃ āpajjanti, paṭiggāhakā ca honti sammādiṭṭhī sammāsaṅkappā sammāvācā sammākammantā sammāājīvā sammāvāyāmā sammāsatī sammāsamādhī, evarūpo kho, rājañña, yañño mahapphalo hoti mahānisaṃso mahājutiko mahāvipphāro. Seyyathāpi, rājañña, kassako bījanaṅgalaṃ ādāya vanaṃ paviseyya. So tattha sukhette subhūme suvihatakhāṇukaṇṭake bījāni patiṭṭhapeyya akhaṇḍāni apūtīni avātātapahatāni sāradāni sukhasayitāni. Devo ca kālena kālaṃ sammādhāraṃ anuppaveccheyya. Api nu tāni bījāni vuddhiṃ virūḷhiṃ vepullaṃ āpajjeyyuṃ, kassako vā vipulaṃ phalaṃ adhigaccheyyā’’ti? ‘‘Evaṃ, bho kassapa’’. ‘‘Evameva kho, rājañña, yathārūpe yaññe neva gāvo haññanti, na ajeḷakā haññanti, na kukkuṭasūkarā haññanti, na vividhā vā pāṇā saṃghātaṃ āpajjanti, paṭiggāhakā ca honti sammādiṭṭhī sammāsaṅkappā sammāvācā sammākammantā sammāājīvā sammāvāyāmā sammāsatī sammāsamādhī, evarūpo kho, rājañña, yañño mahapphalo hoti mahānisaṃso mahājutiko mahāvipphāro’’ti.

уд̇д̇арамаан̣ававад̇т̇у

Uttaramāṇavavatthu

439. ат̇а ко бааяааси рааж̇ан̃н̃о д̣̇аанам̣ бадтабзси саман̣аб̣раахман̣агабан̣ад̣̇д̇хигаван̣иб̣б̣агаяаажагаанам̣ . д̇асмим̣ ко бана д̣̇аанз зваруубам̣ бхож̇анам̣ д̣̇ийяад̇и ган̣ааж̇агам̣ б̣илан̇г̇ад̣̇уд̇ияам̣, д̇хорагаани ¹⁰⁹ жа вад̇т̇аани г̇ул̣аваалагаани ¹¹⁰. д̇асмим̣ ко бана д̣̇аанз уд̇д̇аро наама маан̣аво ваавадо ¹¹¹ ахоси. со д̣̇аанам̣ д̣̇ад̇ваа звам̣ ануд̣̇д̣̇исад̇и – ‘‘иминаахам̣ д̣̇аанзна бааяаасим̣ рааж̇ан̃н̃амзва имасмим̣ логз самааг̇ажчим̣, маа барасми’’нд̇и. ассоси ко бааяааси рааж̇ан̃н̃о – ‘‘уд̇д̇аро гира маан̣аво д̣̇аанам̣ д̣̇ад̇ваа звам̣ ануд̣̇д̣̇исад̇и – ‘иминаахам̣ д̣̇аанзна бааяаасим̣ рааж̇ан̃н̃амзва имасмим̣ логз самааг̇ажчим̣, маа барасми’’’нд̇и. ат̇а ко бааяааси рааж̇ан̃н̃о уд̇д̇арам̣ маан̣авам̣ ааманд̇аабзд̇ваа зд̇ад̣̇авожа – ‘‘сажжам̣ гира д̇вам̣, д̇аад̇а уд̇д̇ара, д̣̇аанам̣ д̣̇ад̇ваа звам̣ ануд̣̇д̣̇исаси – ‘иминаахам̣ д̣̇аанзна бааяаасим̣ рааж̇ан̃н̃амзва имасмим̣ логз самааг̇ажчим̣, маа барасми’’’нд̇и? ‘‘звам̣, бхо’’. ‘‘гисса бана д̇вам̣, д̇аад̇а уд̇д̇ара, д̣̇аанам̣ д̣̇ад̇ваа звам̣ ануд̣̇д̣̇исаси – ‘иминаахам̣ д̣̇аанзна бааяаасим̣ рааж̇ан̃н̃амзва имасмим̣ логз самааг̇ажчим̣, маа барасми’нд̇и? нану маяам̣, д̇аад̇а уд̇д̇ара, бун̃н̃ад̇т̇игаа д̣̇аанассзва палам̣ баадиган̇кино’’д̇и? ‘‘бход̇о ко д̣̇аанз зваруубам̣ бхож̇анам̣ д̣̇ийяад̇и ган̣ааж̇агам̣ б̣илан̇г̇ад̣̇уд̇ияам̣, яам̣ бхавам̣ баад̣̇ааби ¹¹² на ижчзяяа сампусид̇ум̣ ¹¹³, гуд̇о бхун̃ж̇ид̇ум̣, д̇хорагаани жа вад̇т̇аани г̇ул̣аваалагаани, яаани бхавам̣ баад̣̇ааби ¹¹⁴ на ижчзяяа сампусид̇ум̣, гуд̇о барид̣̇ахид̇ум̣. бхавам̣ ко банамхаагам̣ бияо манаабо, гат̇ам̣ маяам̣ манаабам̣ аманаабзна сам̣яож̇змаа’’д̇и? ‘‘д̇зна хи д̇вам̣, д̇аад̇а уд̇д̇ара, яаад̣̇исаахам̣ бхож̇анам̣ бхун̃ж̇аами, д̇аад̣̇исам̣ бхож̇анам̣ бадтабзхи. яаад̣̇исаани жаахам̣ вад̇т̇аани барид̣̇ахаами, д̇аад̣̇исаани жа вад̇т̇аани бадтабзхий’’д̇и. ‘‘звам̣, бхо’’д̇и ко уд̇д̇аро маан̣аво бааяаасисса рааж̇ан̃н̃асса бадиссуд̇ваа яаад̣̇исам̣ бхож̇анам̣ бааяааси рааж̇ан̃н̃о бхун̃ж̇ад̇и, д̇аад̣̇исам̣ бхож̇анам̣ бадтабзси. яаад̣̇исаани жа вад̇т̇аани бааяааси рааж̇ан̃н̃о барид̣̇ахад̇и, д̇аад̣̇исаани жа вад̇т̇аани бадтабзси.

439. Atha kho pāyāsi rājañño dānaṃ paṭṭhapesi samaṇabrāhmaṇakapaṇaddhikavaṇibbakayācakānaṃ . Tasmiṃ kho pana dāne evarūpaṃ bhojanaṃ dīyati kaṇājakaṃ bilaṅgadutiyaṃ, dhorakāni ¹¹⁵ ca vatthāni guḷavālakāni ¹¹⁶. Tasmiṃ kho pana dāne uttaro nāma māṇavo vāvaṭo ¹¹⁷ ahosi. So dānaṃ datvā evaṃ anuddisati – ‘‘imināhaṃ dānena pāyāsiṃ rājaññameva imasmiṃ loke samāgacchiṃ, mā parasmi’’nti. Assosi kho pāyāsi rājañño – ‘‘uttaro kira māṇavo dānaṃ datvā evaṃ anuddisati – ‘imināhaṃ dānena pāyāsiṃ rājaññameva imasmiṃ loke samāgacchiṃ, mā parasmi’’’nti. Atha kho pāyāsi rājañño uttaraṃ māṇavaṃ āmantāpetvā etadavoca – ‘‘saccaṃ kira tvaṃ, tāta uttara, dānaṃ datvā evaṃ anuddisasi – ‘imināhaṃ dānena pāyāsiṃ rājaññameva imasmiṃ loke samāgacchiṃ, mā parasmi’’’nti? ‘‘Evaṃ, bho’’. ‘‘Kissa pana tvaṃ, tāta uttara, dānaṃ datvā evaṃ anuddisasi – ‘imināhaṃ dānena pāyāsiṃ rājaññameva imasmiṃ loke samāgacchiṃ, mā parasmi’nti? Nanu mayaṃ, tāta uttara, puññatthikā dānasseva phalaṃ pāṭikaṅkhino’’ti? ‘‘Bhoto kho dāne evarūpaṃ bhojanaṃ dīyati kaṇājakaṃ bilaṅgadutiyaṃ, yaṃ bhavaṃ pādāpi ¹¹⁸ na iccheyya samphusituṃ ¹¹⁹, kuto bhuñjituṃ, dhorakāni ca vatthāni guḷavālakāni, yāni bhavaṃ pādāpi ¹²⁰ na iccheyya samphusituṃ, kuto paridahituṃ. Bhavaṃ kho panamhākaṃ piyo manāpo, kathaṃ mayaṃ manāpaṃ amanāpena saṃyojemā’’ti? ‘‘Tena hi tvaṃ, tāta uttara, yādisāhaṃ bhojanaṃ bhuñjāmi, tādisaṃ bhojanaṃ paṭṭhapehi. Yādisāni cāhaṃ vatthāni paridahāmi, tādisāni ca vatthāni paṭṭhapehī’’ti. ‘‘Evaṃ, bho’’ti kho uttaro māṇavo pāyāsissa rājaññassa paṭissutvā yādisaṃ bhojanaṃ pāyāsi rājañño bhuñjati, tādisaṃ bhojanaṃ paṭṭhapesi. Yādisāni ca vatthāni pāyāsi rājañño paridahati, tādisāni ca vatthāni paṭṭhapesi.

440. ат̇а ко бааяааси рааж̇ан̃н̃о асаггажжам̣ д̣̇аанам̣ д̣̇ад̇ваа асахад̇т̇аа д̣̇аанам̣ д̣̇ад̇ваа ажид̇д̇ийгад̇ам̣ д̣̇аанам̣ д̣̇ад̇ваа абавид̣̇д̇хам̣ д̣̇аанам̣ д̣̇ад̇ваа гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇и сун̃н̃ам̣ сзрийсагам̣ вимаанам̣. яо бана д̇асса д̣̇аанз ваавадо ахоси уд̇д̇аро наама маан̣аво. со саггажжам̣ д̣̇аанам̣ д̣̇ад̇ваа сахад̇т̇аа д̣̇аанам̣ д̣̇ад̇ваа жид̇д̇ийгад̇ам̣ д̣̇аанам̣ д̣̇ад̇ваа анабавид̣̇д̇хам̣ д̣̇аанам̣ д̣̇ад̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇и д̣̇зваанам̣ д̇аавад̇им̣саанам̣ сахаб̣яад̇ам̣.

440. Atha kho pāyāsi rājañño asakkaccaṃ dānaṃ datvā asahatthā dānaṃ datvā acittīkataṃ dānaṃ datvā apaviddhaṃ dānaṃ datvā kāyassa bhedā paraṃ maraṇā cātumahārājikānaṃ devānaṃ sahabyataṃ upapajji suññaṃ serīsakaṃ vimānaṃ. Yo pana tassa dāne vāvaṭo ahosi uttaro nāma māṇavo. So sakkaccaṃ dānaṃ datvā sahatthā dānaṃ datvā cittīkataṃ dānaṃ datvā anapaviddhaṃ dānaṃ datvā kāyassa bhedā paraṃ maraṇā sugatiṃ saggaṃ lokaṃ upapajji devānaṃ tāvatiṃsānaṃ sahabyataṃ.

бааяаасид̣̇звабуд̇д̇о

Pāyāsidevaputto

441. д̇зна ко бана самаязна ааяасмаа г̇авамбад̇и абхигкан̣ам̣ сун̃н̃ам̣ сзрийсагам̣ вимаанам̣ д̣̇иваавихаарам̣ г̇ажчад̇и. ат̇а ко бааяааси д̣̇звабуд̇д̇о язнааяасмаа г̇авамбад̇и д̇знубасан̇гами; убасан̇гамид̇ваа ааяасманд̇ам̣ г̇авамбад̇им̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇ам̣ ко бааяаасим̣ д̣̇звабуд̇д̇ам̣ ааяасмаа г̇авамбад̇и зд̇ад̣̇авожа – ‘‘госи д̇вам̣, аавусо’’д̇и? ‘‘ахам̣, бханд̇з, бааяааси рааж̇ан̃н̃о’’д̇и. ‘‘нану д̇вам̣, аавусо, звам̣д̣̇идтиго ахоси – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’’’д̇и? ‘‘сажжаахам̣, бханд̇з, звам̣д̣̇идтиго ахосим̣ – ‘ид̇иби над̇т̇и баро лого, над̇т̇и сад̇д̇аа обабаад̇игаа, над̇т̇и сугад̇ад̣̇уггадаанам̣ гаммаанам̣ палам̣ вибааго’д̇и. аби жаахам̣ аяязна гумаарагассабзна зд̇асмаа баабагаа д̣̇идтиг̇ад̇аа вивзжид̇о’’д̇и. ‘‘яо бана д̇з, аавусо, д̣̇аанз ваавадо ахоси уд̇д̇аро наама маан̣аво, со гухим̣ убабанно’’д̇и? ‘‘яо мз, бханд̇з, д̣̇аанз ваавадо ахоси уд̇д̇аро наама маан̣аво, со саггажжам̣ д̣̇аанам̣ д̣̇ад̇ваа сахад̇т̇аа д̣̇аанам̣ д̣̇ад̇ваа жид̇д̇ийгад̇ам̣ д̣̇аанам̣ д̣̇ад̇ваа анабавид̣̇д̇хам̣ д̣̇аанам̣ д̣̇ад̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабанно д̣̇зваанам̣ д̇аавад̇им̣саанам̣ сахаб̣яад̇ам̣. ахам̣ бана, бханд̇з, асаггажжам̣ д̣̇аанам̣ д̣̇ад̇ваа асахад̇т̇аа д̣̇аанам̣ д̣̇ад̇ваа ажид̇д̇ийгад̇ам̣ д̣̇аанам̣ д̣̇ад̇ваа абавид̣̇д̇хам̣ д̣̇аанам̣ д̣̇ад̇ваа гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабанно сун̃н̃ам̣ сзрийсагам̣ вимаанам̣. д̇зна хи, бханд̇з г̇авамбад̇и, мануссалогам̣ г̇анд̇ваа звамаарожзхи – ‘саггажжам̣ д̣̇аанам̣ д̣̇зт̇а, сахад̇т̇аа д̣̇аанам̣ д̣̇зт̇а, жид̇д̇ийгад̇ам̣ д̣̇аанам̣ д̣̇зт̇а, анабавид̣̇д̇хам̣ д̣̇аанам̣ д̣̇зт̇а. бааяааси рааж̇ан̃н̃о асаггажжам̣ д̣̇аанам̣ д̣̇ад̇ваа асахад̇т̇аа д̣̇аанам̣ д̣̇ад̇ваа ажид̇д̇ийгад̇ам̣ д̣̇аанам̣ д̣̇ад̇ваа абавид̣̇д̇хам̣ д̣̇аанам̣ д̣̇ад̇ваа гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабанно сун̃н̃ам̣ сзрийсагам̣ вимаанам̣. яо бана д̇асса д̣̇аанз ваавадо ахоси уд̇д̇аро наама маан̣аво, со саггажжам̣ д̣̇аанам̣ д̣̇ад̇ваа сахад̇т̇аа д̣̇аанам̣ д̣̇ад̇ваа жид̇д̇ийгад̇ам̣ д̣̇аанам̣ д̣̇ад̇ваа анабавид̣̇д̇хам̣ д̣̇аанам̣ д̣̇ад̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабанно д̣̇зваанам̣ д̇аавад̇им̣саанам̣ сахаб̣яад̇а’’’нд̇и.

441. Tena kho pana samayena āyasmā gavampati abhikkhaṇaṃ suññaṃ serīsakaṃ vimānaṃ divāvihāraṃ gacchati. Atha kho pāyāsi devaputto yenāyasmā gavampati tenupasaṅkami; upasaṅkamitvā āyasmantaṃ gavampatiṃ abhivādetvā ekamantaṃ aṭṭhāsi. Ekamantaṃ ṭhitaṃ kho pāyāsiṃ devaputtaṃ āyasmā gavampati etadavoca – ‘‘kosi tvaṃ, āvuso’’ti? ‘‘Ahaṃ, bhante, pāyāsi rājañño’’ti. ‘‘Nanu tvaṃ, āvuso, evaṃdiṭṭhiko ahosi – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’’’ti? ‘‘Saccāhaṃ, bhante, evaṃdiṭṭhiko ahosiṃ – ‘itipi natthi paro loko, natthi sattā opapātikā, natthi sukatadukkaṭānaṃ kammānaṃ phalaṃ vipāko’ti. Api cāhaṃ ayyena kumārakassapena etasmā pāpakā diṭṭhigatā vivecito’’ti. ‘‘Yo pana te, āvuso, dāne vāvaṭo ahosi uttaro nāma māṇavo, so kuhiṃ upapanno’’ti? ‘‘Yo me, bhante, dāne vāvaṭo ahosi uttaro nāma māṇavo, so sakkaccaṃ dānaṃ datvā sahatthā dānaṃ datvā cittīkataṃ dānaṃ datvā anapaviddhaṃ dānaṃ datvā kāyassa bhedā paraṃ maraṇā sugatiṃ saggaṃ lokaṃ upapanno devānaṃ tāvatiṃsānaṃ sahabyataṃ. Ahaṃ pana, bhante, asakkaccaṃ dānaṃ datvā asahatthā dānaṃ datvā acittīkataṃ dānaṃ datvā apaviddhaṃ dānaṃ datvā kāyassa bhedā paraṃ maraṇā cātumahārājikānaṃ devānaṃ sahabyataṃ upapanno suññaṃ serīsakaṃ vimānaṃ. Tena hi, bhante gavampati, manussalokaṃ gantvā evamārocehi – ‘sakkaccaṃ dānaṃ detha, sahatthā dānaṃ detha, cittīkataṃ dānaṃ detha, anapaviddhaṃ dānaṃ detha. Pāyāsi rājañño asakkaccaṃ dānaṃ datvā asahatthā dānaṃ datvā acittīkataṃ dānaṃ datvā apaviddhaṃ dānaṃ datvā kāyassa bhedā paraṃ maraṇā cātumahārājikānaṃ devānaṃ sahabyataṃ upapanno suññaṃ serīsakaṃ vimānaṃ. Yo pana tassa dāne vāvaṭo ahosi uttaro nāma māṇavo, so sakkaccaṃ dānaṃ datvā sahatthā dānaṃ datvā cittīkataṃ dānaṃ datvā anapaviddhaṃ dānaṃ datvā kāyassa bhedā paraṃ maraṇā sugatiṃ saggaṃ lokaṃ upapanno devānaṃ tāvatiṃsānaṃ sahabyata’’’nti.

ат̇а ко ааяасмаа г̇авамбад̇и мануссалогам̣ ааг̇анд̇ваа звамаарожзси – ‘‘саггажжам̣ д̣̇аанам̣ д̣̇зт̇а, сахад̇т̇аа д̣̇аанам̣ д̣̇зт̇а, жид̇д̇ийгад̇ам̣ д̣̇аанам̣ д̣̇зт̇а, анабавид̣̇д̇хам̣ д̣̇аанам̣ д̣̇зт̇а. бааяааси рааж̇ан̃н̃о асаггажжам̣ д̣̇аанам̣ д̣̇ад̇ваа асахад̇т̇аа д̣̇аанам̣ д̣̇ад̇ваа ажид̇д̇ийгад̇ам̣ д̣̇аанам̣ д̣̇ад̇ваа абавид̣̇д̇хам̣ д̣̇аанам̣ д̣̇ад̇ваа гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабанно сун̃н̃ам̣ сзрийсагам̣ вимаанам̣. яо бана д̇асса д̣̇аанз ваавадо ахоси уд̇д̇аро наама маан̣аво, со саггажжам̣ д̣̇аанам̣ д̣̇ад̇ваа сахад̇т̇аа д̣̇аанам̣ д̣̇ад̇ваа жид̇д̇ийгад̇ам̣ д̣̇аанам̣ д̣̇ад̇ваа анабавид̣̇д̇хам̣ д̣̇аанам̣ д̣̇ад̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабанно д̣̇зваанам̣ д̇аавад̇им̣саанам̣ сахаб̣яад̇а’’нд̇и.

Atha kho āyasmā gavampati manussalokaṃ āgantvā evamārocesi – ‘‘sakkaccaṃ dānaṃ detha, sahatthā dānaṃ detha, cittīkataṃ dānaṃ detha, anapaviddhaṃ dānaṃ detha. Pāyāsi rājañño asakkaccaṃ dānaṃ datvā asahatthā dānaṃ datvā acittīkataṃ dānaṃ datvā apaviddhaṃ dānaṃ datvā kāyassa bhedā paraṃ maraṇā cātumahārājikānaṃ devānaṃ sahabyataṃ upapanno suññaṃ serīsakaṃ vimānaṃ. Yo pana tassa dāne vāvaṭo ahosi uttaro nāma māṇavo, so sakkaccaṃ dānaṃ datvā sahatthā dānaṃ datvā cittīkataṃ dānaṃ datvā anapaviddhaṃ dānaṃ datvā kāyassa bhedā paraṃ maraṇā sugatiṃ saggaṃ lokaṃ upapanno devānaṃ tāvatiṃsānaṃ sahabyata’’nti.

бааяаасисуд̇д̇ам̣ нидтид̇ам̣ д̣̇асамам̣.

Pāyāsisuttaṃ niṭṭhitaṃ dasamaṃ.

махааваг̇г̇о нидтид̇о.

Mahāvaggo niṭṭhito.

д̇ассуд̣̇д̣̇аанам̣ –

Tassuddānaṃ –

махаабад̣̇аана нид̣̇аанам̣, ниб̣б̣аанан̃жа суд̣̇ассанам̣;

Mahāpadāna nidānaṃ, nibbānañca sudassanaṃ;

ж̇анавасабха г̇овинд̣̇ам̣, самаяам̣ саггабан̃хагам̣;

Janavasabha govindaṃ, samayaṃ sakkapañhakaṃ;

махаасад̇ибадтаанан̃жа, бааяааси д̣̇асамам̣ бхавз ¹²¹.

Mahāsatipaṭṭhānañca, pāyāsi dasamaṃ bhave ¹²².

махааваг̇г̇абаал̣и нидтид̇аа.

Mahāvaggapāḷi niṭṭhitā.

Next: 1. баат̇игасуд̇д̇ам̣ • 1. Pāthikasuttaṃ

Footnotes:

1. сийсабааванз (сяаа.)

2. sīsapāvane (syā.)

3. сугадаггадаанам̣ (сий. бий.)

4. б̣уд̣̇д̇хо (сяаа. га.)

5. язна сим̣сабааванам̣, д̇знубасан̇гаманд̇и (сий. бий.)

6. sukaṭakkaṭānaṃ (sī. pī.)

7. buddho (syā. ka.)

8. yena siṃsapāvanaṃ, tenupasaṅkamanti (sī. pī.)

9. язна сим̣сабааванам̣, д̇знубасан̇гаманд̇з (сий. бий.)

10. зд̇т̇а бана саб̣б̣ад̇т̇аби звамзва д̣̇иссад̇и, над̇т̇и баатанд̇арам̣

11. yena siṃsapāvanaṃ, tenupasaṅkamante (sī. pī.)

12. ettha pana sabbatthapi evameva dissati, natthi pāṭhantaraṃ

13. арахаа жа (сяаа. га.)

14. д̇амзнам̣ д̇з (сий. га.), д̇амзнам̣ (бий.)

15. arahā ca (syā. ka.)

16. tamenaṃ te (sī. ka.), tamenaṃ (pī.)

17. гаарзд̇ваа (сяаа. га.)

18. рат̇ияааяа рат̇ияам̣ (б̣ахуусуу)

19. kāretvā (syā. ka.)

20. rathiyāya rathiyaṃ (bahūsū)

21. убамааяабид̇хзгажжз (сий. сяаа.), убамааяабиид̇хзгажжз (бий.)

22. сасийсаго (сяаа.)

23. суббаддид̇ам̣ уббаддзт̇аад̇и (га.)

24. upamāyapidhekacce (sī. syā.), upamāyapiidhekacce (pī.)

25. sasīsako (syā.)

26. suppaṭṭitaṃ uppaṭṭethāti (ka.)

27. нимуж̇ж̇ид̇угаамяад̇аа (сяаа. га.)

28. nimujjitukāmyatā (syā. ka.)

29. рад̇д̇ид̣̇иво (га.)

30. rattidivo (ka.)

31. ман̃ж̇здтагаани (сяаа.)

32. mañjeṭṭhakāni (syā.)

33. ( ) над̇т̇и (сяаа. бий.)

34. ( ) natthi (syā. pī.)

35. маад̇усабад̇им̣ (сяаа.)

36. бид̇у мз санд̇аго (сяаа.)

37. нийяяаад̇зхийд̇и (сий. бий.)

38. убабхог̇г̇аа (сяаа.)

39. убабхог̇г̇аа (сяаа.)

40. mātusapatiṃ (syā.)

41. pitu me santako (syā.)

42. nīyyātehīti (sī. pī.)

43. upabhoggā (syā.)

44. upabhoggā (syā.)

45. уббаад̇зси (сяаа.)

46. uppātesi (syā.)

47. б̣ахалавилзбанам̣ (сяаа. га.)

48. вилогзма (сяаа.)

49. bahalavilepanaṃ (syā. ka.)

50. vilokema (syā.)

51. жзлаавигааби (сяаа.), гзл̣ааяигааби (сий.)

52. жзлаавигааби (сяаа.), гзл̣ааяигааби (сий.)

53. celāvikāpi (syā.), keḷāyikāpi (sī.)

54. celāvikāpi (syā.), keḷāyikāpi (sī.)

55. бажжанд̇аж̇аанам̣ (сий.)

56. зд̇ад̣̇ахоси ‘‘гисса д̣̇уко (бий.)

57. paccantajānaṃ (sī.)

58. etadahosi ‘‘kissa dukho (pī.)

59. вааяосахаг̇ад̇о (сяаа.)

60. вибаагод̇и, батамабхаан̣аваарам̣ (сяаа.)

61. vāyosahagato (syā.)

62. vipākoti, paṭhamabhāṇavāraṃ (syā.)

63. васад̇и (сий. бий.)

64. сад̇т̇о ж̇анабад̣̇абад̣̇зсаа (сий.), ж̇анабад̣̇о сад̇т̇аваасо (сяаа.), ж̇анабад̣̇абад̣̇зсо (бий.)

65. сад̇т̇аваасо (сяаа.)

66. ахоси (?)

67. наг̇арам̣ (га.)

68. vasati (sī. pī.)

69. sattho janapadapadesā (sī.), janapado satthavāso (syā.), janapadapadeso (pī.)

70. satthavāso (syā.)

71. ahosi (?)

72. nagaraṃ (ka.)

73. вийсад̇ид̇хаа (сяаа.)

74. опуни (сяаа. га.)

75. vīsatidhā (syā.)

76. ophuni (syā. ka.)

77. вибхаж̇зсум̣ (га.)

78. бааяаабзси (сий. бий.)

79. лохид̇агким̣ (сяаа.)

80. аасаннад̣̇д̇хагалаабам̣ (сяаа.)

81. vibhajesuṃ (ka.)

82. pāyāpesi (sī. pī.)

83. lohitakkhiṃ (syā.)

84. āsannaddhakalāpaṃ (syā.)

85. д̇з (га.)

86. сад̣̇д̣̇ахаад̇аб̣б̣ам̣ (бий. га.)

87. te (ka.)

88. saddahātabbaṃ (pī. ka.)

89. суугараанам̣ бхагко (сяаа.)

90. ужжааробзд̇ваа (га. сий. га.)

91. г̇уут̇ахааригуубамо (сий. бий.)

92. sūkarānaṃ bhakkho (syā.)

93. uccāropetvā (ka. sī. ka.)

94. gūthahārikūpamo (sī. pī.)

95. г̇или рз баабад̇худ̇д̇ага (га.)

96. gili re pāpadhuttaka (ka.)

97. г̇аамабаж̇ж̇ам̣ (сяаа.), г̇аамабад̇д̇ам̣ (сий.)

98. gāmapajjaṃ (syā.), gāmapattaṃ (sī.)

99. аяасам̣ (сяаа.)

100. саж̇жхум̣ (сий. сяаа. бий.)

101. саж̇жхубхаарам̣ (сий. сяаа. бий.)

102. ayasaṃ (syā.)

103. sajjhuṃ (sī. syā. pī.)

104. sajjhubhāraṃ (sī. syā. pī.)

105. вирул̣хим̣ (мог̇г̇алаанз)

106. на звам̣ (сяаа. га.)

107. viruḷhiṃ (moggalāne)

108. na evaṃ (syā. ka.)

109. т̇орагаани (сий. бий.), жорагаани (сяаа.)

110. г̇ул̣аг̇аал̣агаани (га.)

111. б̣яаавадо (сий. бий.)

112. баад̣̇ааси (га.)

113. чубид̇ум̣ (бий. га.)

114. ажид̇д̇игад̇ам̣ (га.)

115. thorakāni (sī. pī.), corakāni (syā.)

116. guḷagāḷakāni (ka.)

117. byāvaṭo (sī. pī.)

118. pādāsi (ka.)

119. chupituṃ (pī. ka.)

120. acittikataṃ (ka.)

121. сад̇ибадтаанабааяааси, махааваг̇г̇асса сан̇г̇ахо (сий. бий.) сад̇ибадтаанабааяааси, махааваг̇г̇од̇и вужжад̇ийд̇и (сяаа.)

122. satipaṭṭhānapāyāsi, mahāvaggassa saṅgaho (sī. pī.) satipaṭṭhānapāyāsi, mahāvaggoti vuccatīti (syā.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 10. бааяаасирааж̇ан̃н̃асуд̇д̇аван̣н̣анаа • 10. Pāyāsirājaññasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 10. бааяаасирааж̇ан̃н̃асуд̇д̇аван̣н̣анаа • 10. Pāyāsirājaññasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact