| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੩. ਪੇਣਾਹਿਕਙ੍ਗਪਞ੍ਹੋ
3. Peṇāhikaṅgapañho
੩. ‘‘ਭਨ੍ਤੇ ਨਾਗਸੇਨ, ‘ਪੇਣਾਹਿਕਾਯ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਦ੍વੇ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਪੇਣਾਹਿਕਾ ਸਕਪਤਿਮ੍ਹਿ ਉਸੂਯਾਯ ਛਾਪਕੇ ਨ ਪੋਸਯਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸਕਮਨੇ 1 ਕਿਲੇਸੇ ਉਪ੍ਪਨ੍ਨੇ ਉਸੂਯਾਯਿਤਬ੍ਬਂ, ਸਤਿਪਟ੍ਠਾਨੇਨ ਸਮ੍ਮਾਸਂવਰਸੁਸਿਰੇ ਪਕ੍ਖਿਪਿਤ੍વਾ ਮਨੋਦ੍વਾਰੇ ਕਾਯਗਤਾਸਤਿ ਭਾવੇਤਬ੍ਬਾ। ਇਦਂ, ਮਹਾਰਾਜ, ਪੇਣਾਹਿਕਾਯ ਪਠਮਂ ਅਙ੍ਗਂ ਗਹੇਤਬ੍ਬਂ।
3. ‘‘Bhante nāgasena, ‘peṇāhikāya dve aṅgāni gahetabbānī’ti yaṃ vadesi, katamāni tāni dve aṅgāni gahetabbānī’’ti? ‘‘Yathā, mahārāja, peṇāhikā sakapatimhi usūyāya chāpake na posayati, evameva kho, mahārāja, yoginā yogāvacarena sakamane 2 kilese uppanne usūyāyitabbaṃ, satipaṭṭhānena sammāsaṃvarasusire pakkhipitvā manodvāre kāyagatāsati bhāvetabbā. Idaṃ, mahārāja, peṇāhikāya paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਪੇਣਾਹਿਕਾ ਪવਨੇ ਦਿવਸਂ ਗੋਚਰਂ ਚਰਿਤ੍વਾ ਸਾਯਂ ਪਕ੍ਖਿਗਣਂ ਉਪੇਤਿ ਅਤ੍ਤਨੋ ਗੁਤ੍ਤਿਯਾ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਏਕਕੇਨ ਪવਿવੇਕਂ ਸੇવਿਤਬ੍ਬਂ ਸਂਯੋਜਨਪਰਿਮੁਤ੍ਤਿਯਾ, ਤਤ੍ਰ ਰਤਿਂ ਅਲਭਮਾਨੇਨ ਉਪવਾਦਭਯਪਰਿਰਕ੍ਖਣਾਯ ਸਙ੍ਘਂ ਓਸਰਿਤ੍વਾ ਸਙ੍ਘਰਕ੍ਖਿਤੇਨ વਸਿਤਬ੍ਬਂ। ਇਦਂ, ਮਹਾਰਾਜ, ਪੇਣਾਹਿਕਾਯ ਦੁਤਿਯਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਬ੍ਰਹ੍ਮੁਨਾ ਸਹਮ੍ਪਤਿਨਾ ਭਗવਤੋ ਸਨ੍ਤਿਕੇ –
‘‘Puna caparaṃ, mahārāja, peṇāhikā pavane divasaṃ gocaraṃ caritvā sāyaṃ pakkhigaṇaṃ upeti attano guttiyā, evameva kho, mahārāja, yoginā yogāvacarena ekakena pavivekaṃ sevitabbaṃ saṃyojanaparimuttiyā, tatra ratiṃ alabhamānena upavādabhayaparirakkhaṇāya saṅghaṃ osaritvā saṅgharakkhitena vasitabbaṃ. Idaṃ, mahārāja, peṇāhikāya dutiyaṃ aṅgaṃ gahetabbaṃ. Bhāsitampetaṃ, mahārāja, brahmunā sahampatinā bhagavato santike –
‘‘‘ਸੇવੇਥ ਪਨ੍ਤਾਨਿ ਸੇਨਾਸਨਾਨਿ, ਚਰੇਯ੍ਯ ਸਂਯੋਜਨવਿਪ੍ਪਮੋਕ੍ਖਾ।
‘‘‘Sevetha pantāni senāsanāni, careyya saṃyojanavippamokkhā;
ਸਚੇ ਰਤਿਂ ਨਾਧਿਗਚ੍ਛੇਯ੍ਯ ਤਤ੍ਥ, ਸਙ੍ਘੇ વਸੇ ਰਕ੍ਖਿਤਤ੍ਤੋ ਸਤੀਮਾ’’’ਤਿ॥
Sace ratiṃ nādhigaccheyya tattha, saṅghe vase rakkhitatto satīmā’’’ti.
ਪੇਣਾਹਿਕਙ੍ਗਪਞ੍ਹੋ ਤਤਿਯੋ।
Peṇāhikaṅgapañho tatiyo.
Footnotes:
