| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. бзсаласуд̇д̇аван̣н̣анаа
3. Pesalasuttavaṇṇanā
211. д̇ад̇ияз ад̇иман̃н̃ад̇ийд̇и ‘‘гим̣ имз махаллагаа? на зд̇зсам̣ баал̣и, на адтагат̇аа, на бад̣̇аб̣яан̃ж̇анамад̇хурад̇аа, амхаагам̣ бана баал̣иби адтагат̇ааби наяасад̇зна наяасахассзна убадтаад̇ий’’д̇и ад̇иггамид̇ваа ман̃н̃ад̇и. г̇од̇амаад̇и г̇од̇амаб̣уд̣̇д̇хасаавагад̇д̇аа ад̇д̇аанам̣ аалабад̇и. маанабат̇анд̇и маанаарамман̣ан̃жзва маанасахабхуно жа д̇хаммз. виббадисаарийхуваад̇и виббадисаарий ахуваа, ахосийд̇и ад̇т̇о. маг̇г̇аж̇инод̇и маг̇г̇зна ж̇ид̇агилзсо. гид̇д̇ин̃жа сукан̃жаад̇и ван̣н̣абхан̣анан̃жа гааяигажзд̇асигасукан̃жа. акилод̇ха бад̇хаанаваад̇и акило ид̇ха бад̇хаанаваа вийрияасамбанно. висуд̣̇д̇ход̇и висуд̣̇д̇хо бхавзяяа. асзсанд̇и ниссзсам̣ нававид̇хам̣. виж̇ж̇ааяанд̇агарод̇и виж̇ж̇ааяа гилзсаанам̣ анд̇агаро. самид̇аавийд̇и рааг̇аад̣̇ийнам̣ самид̇ад̇ааяа самид̇аавий. д̇ад̇ияам̣.
211. Tatiye atimaññatīti ‘‘kiṃ ime mahallakā? Na etesaṃ pāḷi, na aṭṭhakathā, na padabyañjanamadhuratā, amhākaṃ pana pāḷipi aṭṭhakathāpi nayasatena nayasahassena upaṭṭhātī’’ti atikkamitvā maññati. Gotamāti gotamabuddhasāvakattā attānaṃ ālapati. Mānapathanti mānārammaṇañceva mānasahabhuno ca dhamme. Vippaṭisārīhuvāti vippaṭisārī ahuvā, ahosīti attho. Maggajinoti maggena jitakileso. Kittiñca sukhañcāti vaṇṇabhaṇanañca kāyikacetasikasukhañca. Akhilodha padhānavāti akhilo idha padhānavā vīriyasampanno. Visuddhoti visuddho bhaveyya. Asesanti nissesaṃ navavidhaṃ. Vijjāyantakaroti vijjāya kilesānaṃ antakaro. Samitāvīti rāgādīnaṃ samitatāya samitāvī. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. бзсаласуд̇д̇ам̣ • 3. Pesalasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. бзсаласуд̇д̇аван̣н̣анаа • 3. Pesalasuttavaṇṇanā
