| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. бзсаласуд̇д̇аван̣н̣анаа
3. Pesalasuttavaṇṇanā
211. зд̇зсанд̇и зд̇зсам̣ махаллагаанам̣. на баал̣и ааг̇ажчад̇и аббаг̇ун̣абхаавад̇о. на жа баал̣и убадтаад̇и, згааяа баал̣ияаа сад̇и баал̣иг̇ад̇ияаа д̇ат̇аа д̇ат̇аа убадтаанамби нзсам̣ над̇т̇ийд̇и вад̣̇ад̇и. на адтагат̇аад̇и зд̇т̇ааби зсзва наяо. сит̇илад̇ханид̇аад̣̇ид̇ам̣д̇ам̣б̣яан̃ж̇анаб̣уд̣̇д̇хим̣ ахаабзд̇ваа ужжааран̣ам̣ бад̣̇аб̣яан̃ж̇анамад̇хурад̇аа. ад̇иггамид̇ваа ман̃н̃ад̇и ан̃н̃з бхигкуу. хийл̣анавасзна абхибхавид̇ваа бадибхаанасуд̇зна ад̇д̇аанам̣ басам̣сад̇и самбхаавзд̇и. маанасса бавад̇д̇ид̇ааяа сахаж̇аад̇аниссаяаад̣̇ибажжаяад̇хаммаа д̇ам̣сахабхуд̇хаммаа. маанавасзна виббадисаарий ахуваа. маа ахосийд̇и яож̇анаа. ван̣н̣абхан̣ананд̇и барзхи гирияамаанам̣ г̇ун̣аабхид̇т̇авам̣. акилод̇и бан̃жажзд̇окиларахид̇о. ниссзсам̣ нававид̇ханд̇и нававид̇хамби маанам̣ гассажи згад̣̇зсассаби асзсад̇о. виж̇ж̇ааяаад̇и аг̇г̇амаг̇г̇авиж̇ж̇ааяа. ажжанд̇амзва самид̇ад̇ааяа вуубасамид̇ад̇ааяа самид̇аавий.
211.Etesanti etesaṃ mahallakānaṃ. Na pāḷi āgacchati appaguṇabhāvato. Na ca pāḷi upaṭṭhāti, ekāya pāḷiyā sati pāḷigatiyā tathā tathā upaṭṭhānampi nesaṃ natthīti vadati. Na aṭṭhakathāti etthāpi eseva nayo. Sithiladhanitāditaṃtaṃbyañjanabuddhiṃ ahāpetvā uccāraṇaṃ padabyañjanamadhuratā. Atikkamitvā maññati aññe bhikkhū. Hīḷanavasena abhibhavitvā paṭibhānasutena attānaṃ pasaṃsati sambhāveti. Mānassa pavattitāya sahajātanissayādipaccayadhammā taṃsahabhudhammā. Mānavasena vippaṭisārī ahuvā. Mā ahosīti yojanā. Vaṇṇabhaṇananti parehi kiriyamānaṃ guṇābhitthavaṃ. Akhiloti pañcacetokhilarahito. Nissesaṃ navavidhanti navavidhampi mānaṃ kassaci ekadesassapi asesato. Vijjāyāti aggamaggavijjāya. Accantameva samitatāya vūpasamitatāya samitāvī.
бзсаласуд̇д̇аван̣н̣анаа нидтид̇аа.
Pesalasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. бзсаласуд̇д̇ам̣ • 3. Pesalasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. бзсаласуд̇д̇аван̣н̣анаа • 3. Pesalasuttavaṇṇanā
