| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๓. เปสลสุตฺตวณฺณนา
3. Pesalasuttavaṇṇanā
๒๑๑. เอเตสนฺติ เอเตสํ มหลฺลกานํฯ น ปาฬิ อาคจฺฉติ อปฺปคุณภาวโตฯ น จ ปาฬิ อุปฎฺฐาติ, เอกาย ปาฬิยา สติ ปาฬิคติยา ตถา ตถา อุปฎฺฐานมฺปิ เนสํ นตฺถีติ วทติฯ น อฎฺฐกถาติ เอตฺถาปิ เอเสว นโยฯ สิถิลธนิตาทิตํตํพฺยญฺชนพุทฺธิํ อหาเปตฺวา อุจฺจารณํ ปทพฺยญฺชนมธุรตาฯ อติกฺกมิตฺวา มญฺญติ อเญฺญ ภิกฺขูฯ หีฬนวเสน อภิภวิตฺวา ปฎิภานสุเตน อตฺตานํ ปสํสติ สมฺภาเวติฯ มานสฺส ปวตฺติตาย สหชาตนิสฺสยาทิปจฺจยธมฺมา ตํสหภุธมฺมาฯ มานวเสน วิปฺปฎิสารี อหุวาฯ มา อโหสีติ โยชนาฯ วณฺณภณนนฺติ ปเรหิ กิริยมานํ คุณาภิตฺถวํฯ อขิโลติ ปญฺจเจโตขิลรหิโตฯ นิเสฺสสํ นววิธนฺติ นววิธมฺปิ มานํ กสฺสจิ เอกเทสสฺสปิ อเสสโตฯ วิชฺชายาติ อคฺคมคฺควิชฺชายฯ อจฺจนฺตเมว สมิตตาย วูปสมิตตาย สมิตาวีฯ
211.Etesanti etesaṃ mahallakānaṃ. Na pāḷi āgacchati appaguṇabhāvato. Na ca pāḷi upaṭṭhāti, ekāya pāḷiyā sati pāḷigatiyā tathā tathā upaṭṭhānampi nesaṃ natthīti vadati. Na aṭṭhakathāti etthāpi eseva nayo. Sithiladhanitāditaṃtaṃbyañjanabuddhiṃ ahāpetvā uccāraṇaṃ padabyañjanamadhuratā. Atikkamitvā maññati aññe bhikkhū. Hīḷanavasena abhibhavitvā paṭibhānasutena attānaṃ pasaṃsati sambhāveti. Mānassa pavattitāya sahajātanissayādipaccayadhammā taṃsahabhudhammā. Mānavasena vippaṭisārī ahuvā. Mā ahosīti yojanā. Vaṇṇabhaṇananti parehi kiriyamānaṃ guṇābhitthavaṃ. Akhiloti pañcacetokhilarahito. Nissesaṃ navavidhanti navavidhampi mānaṃ kassaci ekadesassapi asesato. Vijjāyāti aggamaggavijjāya. Accantameva samitatāya vūpasamitatāya samitāvī.
เปสลสุตฺตวณฺณนา นิฎฺฐิตาฯ
Pesalasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๓. เปสลสุตฺตํ • 3. Pesalasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๓. เปสลสุตฺตวณฺณนา • 3. Pesalasuttavaṇṇanā
