| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៣. បេសលសុត្តវណ្ណនា
3. Pesalasuttavaṇṇanā
២១១. តតិយេ អតិមញ្ញតីតិ ‘‘កិំ ឥមេ មហល្លកា? ន ឯតេសំ បាឡិ, ន អដ្ឋកថា, ន បទព្យញ្ជនមធុរតា, អម្ហាកំ បន បាឡិបិ អដ្ឋកថាបិ នយសតេន នយសហស្សេន ឧបដ្ឋាតី’’តិ អតិក្កមិត្វា មញ្ញតិ។ គោតមាតិ គោតមពុទ្ធសាវកត្តា អត្តានំ អាលបតិ។ មានបថន្តិ មានារម្មណញ្ចេវ មានសហភុនោ ច ធម្មេ។ វិប្បដិសារីហុវាតិ វិប្បដិសារី អហុវា, អហោសីតិ អត្ថោ។ មគ្គជិនោតិ មគ្គេន ជិតកិលេសោ។ កិត្តិញ្ច សុខញ្ចាតិ វណ្ណភណនញ្ច កាយិកចេតសិកសុខញ្ច។ អខិលោធ បធានវាតិ អខិលោ ឥធ បធានវា វីរិយសម្បន្នោ។ វិសុទ្ធោតិ វិសុទ្ធោ ភវេយ្យ។ អសេសន្តិ និស្សេសំ នវវិធំ។ វិជ្ជាយន្តករោតិ វិជ្ជាយ កិលេសានំ អន្តករោ។ សមិតាវីតិ រាគាទីនំ សមិតតាយ សមិតាវី។ តតិយំ។
211. Tatiye atimaññatīti ‘‘kiṃ ime mahallakā? Na etesaṃ pāḷi, na aṭṭhakathā, na padabyañjanamadhuratā, amhākaṃ pana pāḷipi aṭṭhakathāpi nayasatena nayasahassena upaṭṭhātī’’ti atikkamitvā maññati. Gotamāti gotamabuddhasāvakattā attānaṃ ālapati. Mānapathanti mānārammaṇañceva mānasahabhuno ca dhamme. Vippaṭisārīhuvāti vippaṭisārī ahuvā, ahosīti attho. Maggajinoti maggena jitakileso. Kittiñca sukhañcāti vaṇṇabhaṇanañca kāyikacetasikasukhañca. Akhilodha padhānavāti akhilo idha padhānavā vīriyasampanno. Visuddhoti visuddho bhaveyya. Asesanti nissesaṃ navavidhaṃ. Vijjāyantakaroti vijjāya kilesānaṃ antakaro. Samitāvīti rāgādīnaṃ samitatāya samitāvī. Tatiyaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៣. បេសលសុត្តំ • 3. Pesalasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៣. បេសលសុត្តវណ្ណនា • 3. Pesalasuttavaṇṇanā
