| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༣. པེསལསུཏྟཝཎྞནཱ
3. Pesalasuttavaṇṇanā
༢༡༡. ཏཏིཡེ ཨཏིམཉྙཏཱིཏི ‘‘ཀིཾ ཨིམེ མཧལླཀཱ? ན ཨེཏེསཾ པཱལི༹, ན ཨཊྛཀཐཱ, ན པདབྱཉྫནམདྷུརཏཱ, ཨམྷཱཀཾ པན པཱལི༹པི ཨཊྛཀཐཱཔི ནཡསཏེན ནཡསཧསྶེན ཨུཔཊྛཱཏཱི’’ཏི ཨཏིཀྐམིཏྭཱ མཉྙཏི། གོཏམཱཏི གོཏམབུདྡྷསཱཝཀཏྟཱ ཨཏྟཱནཾ ཨཱལཔཏི། མཱནཔཐནྟི མཱནཱརམྨཎཉྩེཝ མཱནསཧབྷུནོ ཙ དྷམྨེ། ཝིཔྤཊིསཱརཱིཧུཝཱཏི ཝིཔྤཊིསཱརཱི ཨཧུཝཱ, ཨཧོསཱིཏི ཨཏྠོ། མགྒཛིནོཏི མགྒེན ཛིཏཀིལེསོ། ཀིཏྟིཉྩ སུཁཉྩཱཏི ཝཎྞབྷཎནཉྩ ཀཱཡིཀཙེཏསིཀསུཁཉྩ། ཨཁིལོདྷ པདྷཱནཝཱཏི ཨཁིལོ ཨིདྷ པདྷཱནཝཱ ཝཱིརིཡསམྤནྣོ། ཝིསུདྡྷོཏི ཝིསུདྡྷོ བྷཝེཡྻ། ཨསེསནྟི ནིསྶེསཾ ནཝཝིདྷཾ། ཝིཛྫཱཡནྟཀརོཏི ཝིཛྫཱཡ ཀིལེསཱནཾ ཨནྟཀརོ། སམིཏཱཝཱིཏི རཱགཱདཱིནཾ སམིཏཏཱཡ སམིཏཱཝཱི། ཏཏིཡཾ།
211. Tatiye atimaññatīti ‘‘kiṃ ime mahallakā? Na etesaṃ pāḷi, na aṭṭhakathā, na padabyañjanamadhuratā, amhākaṃ pana pāḷipi aṭṭhakathāpi nayasatena nayasahassena upaṭṭhātī’’ti atikkamitvā maññati. Gotamāti gotamabuddhasāvakattā attānaṃ ālapati. Mānapathanti mānārammaṇañceva mānasahabhuno ca dhamme. Vippaṭisārīhuvāti vippaṭisārī ahuvā, ahosīti attho. Maggajinoti maggena jitakileso. Kittiñca sukhañcāti vaṇṇabhaṇanañca kāyikacetasikasukhañca. Akhilodha padhānavāti akhilo idha padhānavā vīriyasampanno. Visuddhoti visuddho bhaveyya. Asesanti nissesaṃ navavidhaṃ. Vijjāyantakaroti vijjāya kilesānaṃ antakaro. Samitāvīti rāgādīnaṃ samitatāya samitāvī. Tatiyaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༣. པེསལསུཏྟཾ • 3. Pesalasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. པེསལསུཏྟཝཎྞནཱ • 3. Pesalasuttavaṇṇanā
