| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
7. бзсавад̇ийвимаанаван̣н̣анаа
7. Pesavatīvimānavaṇṇanā
палигараж̇ад̇ахзмаж̇аалачаннанд̇и бзсавад̇ийвимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна самаязна маг̇ад̇хзсу наалагаг̇аамз згасмим̣ г̇ахабад̇имахаасаарагулз бзсавад̇ий наама гуласун̣хаа ахоси. саа гира гассабасса бхаг̇авад̇о яож̇анигз ганагат̇уубз гаяирамаанз д̣̇ааригаа худ̇ваа маад̇араа сад̣̇д̇хим̣ жзд̇ияадтаанам̣ г̇анд̇ваа маад̇арам̣ бужчи ‘‘гим̣ имз, амма, гаронд̇ий’’д̇и? ‘‘жзд̇ияам̣ гаад̇ум̣ суван̣н̣идтагаа гаронд̇ий’’д̇и. д̇ам̣ суд̇ваа д̣̇ааригаа басаннамаанасаа маад̇арам̣ ааха – ‘‘амма, мама г̇ийвааяа ид̣̇ам̣ сован̣н̣амаяам̣ куд̣̇д̣̇агабил̣анд̇ханам̣ ад̇т̇и, имаахам̣ жзд̇ияад̇т̇ааяа д̣̇змий’’д̇и. маад̇аа ‘‘саад̇ху д̣̇зхий’’д̇и вад̇ваа д̇ам̣ г̇ийвад̇о омун̃жид̇ваа суван̣н̣агаарасса хад̇т̇з ад̣̇ааси ‘‘ид̣̇ам̣ имааяа д̣̇ааригааяа барижжаж̇ид̇ам̣, имамби багкибид̇ваа идтагам̣ гарохий’’д̇и. суван̣н̣агааро д̇ат̇аа агааси. саа д̣̇ааригаа абарабхааг̇з гаалам̣ гад̇ваа д̇знзва бун̃н̃агаммзна д̣̇звалогз ниб̣б̣ад̇д̇ид̇ваа суг̇ад̇ияам̣язва абараабарам̣ сам̣саранд̇ий амхаагам̣ бхаг̇авад̇о гаалз наалагаг̇аамз ниб̣б̣ад̇д̇аа ануггамзна д̣̇ваад̣̇асавассигаа ж̇аад̇аа.
Phalikarajatahemajālachannanti pesavatīvimānaṃ. Tassa kā uppatti? Bhagavā sāvatthiyaṃ viharati jetavane. Tena samayena magadhesu nālakagāme ekasmiṃ gahapatimahāsārakule pesavatī nāma kulasuṇhā ahosi. Sā kira kassapassa bhagavato yojanike kanakathūpe kayiramāne dārikā hutvā mātarā saddhiṃ cetiyaṭṭhānaṃ gantvā mātaraṃ pucchi ‘‘kiṃ ime, amma, karontī’’ti? ‘‘Cetiyaṃ kātuṃ suvaṇṇiṭṭhakā karontī’’ti. Taṃ sutvā dārikā pasannamānasā mātaraṃ āha – ‘‘amma, mama gīvāya idaṃ sovaṇṇamayaṃ khuddakapiḷandhanaṃ atthi, imāhaṃ cetiyatthāya demī’’ti. Mātā ‘‘sādhu dehī’’ti vatvā taṃ gīvato omuñcitvā suvaṇṇakārassa hatthe adāsi ‘‘idaṃ imāya dārikāya pariccajitaṃ, imampi pakkhipitvā iṭṭhakaṃ karohī’’ti. Suvaṇṇakāro tathā akāsi. Sā dārikā aparabhāge kālaṃ katvā teneva puññakammena devaloke nibbattitvā sugatiyaṃyeva aparāparaṃ saṃsarantī amhākaṃ bhagavato kāle nālakagāme nibbattā anukkamena dvādasavassikā jātā.
саа згад̣̇ивасам̣ маад̇араа бзсид̇ам̣ муулам̣ г̇ахзд̇ваа д̇злад̇т̇ааяа ан̃н̃ад̇арам̣ аабан̣ам̣ аг̇амааси. д̇асмин̃жа аабан̣з ан̃н̃ад̇аро гудумб̣ияабуд̇д̇о бид̇араа нид̣̇ахид̇ваа табид̇ам̣ б̣ахум̣ хиран̃н̃асуван̣н̣ам̣ муд̇д̇ааман̣ирад̇анаани жа г̇ахзд̇ум̣ уд̣̇д̇харанд̇о аабан̣иго гаммаб̣алзна гат̇алабаасаан̣асагкараруубзна убадтаханд̇аани д̣̇исваа д̇ад̇о згад̣̇зсам̣ ‘‘бун̃н̃аванд̇аанам̣ васзна хиран̃н̃асуван̣н̣аад̣̇и бхависсад̇ий’’д̇и виймам̣сид̇ум̣ раасим̣ гад̇ваа табзси. ат̇а нам̣ саа д̣̇ааригаа д̣̇исваа ‘‘гасмаа аабан̣з рад̇анаани звам̣ табид̇аани, нану наама саммад̣̇зва бадисаамзд̇аб̣б̣ааний’’д̇и ааха. аабан̣иго д̇ам̣ суд̇ваа ‘‘махаабун̃н̃аа аяам̣ д̣̇ааригаа, имиссаа васзна саб̣б̣амид̣̇ам̣ хиран̃н̃аад̣̇и зва худ̇ваа амхаагам̣ винияог̇ам̣ г̇амиссад̇и, сан̇г̇ан̣хиссаами на’’нд̇и жинд̇зд̇ваа д̇ассаа маад̇у санд̇игам̣ г̇анд̇ваа ‘‘имам̣ д̣̇ааригам̣ маяхам̣ буд̇д̇ассад̇т̇ааяа д̣̇зхий’’д̇и ваарзд̇ваа б̣ахуд̇ханам̣ д̣̇ад̇ваа ааваахавиваахам̣ гад̇ваа д̇ам̣ ад̇д̇ано г̇зхам̣ аанзси. ат̇ассаа сийлаажаарам̣ н̃ад̇ваа бхан̣д̣ааг̇аарам̣ виварид̇ваа ‘‘гим̣ зд̇т̇а бассасий’’д̇и вад̇ваа д̇ааяа ‘‘хиран̃н̃асуван̣н̣аман̣имзва раасигад̇ам̣ бассаамий’’д̇и вуд̇д̇з ‘‘зд̇аани амхаагам̣ гаммаб̣алзна анд̇арад̇хааяанд̇аани д̇ава бун̃н̃ависзсзна буна висзсаани ж̇аад̇аани, д̇асмаа ид̇о бадтааяа имасмим̣ г̇зхз саб̣б̣ам̣ д̇вам̣язва вижаарзхи , д̇аяаа д̣̇иннамзва маяам̣ барибхун̃ж̇иссаамаа’’д̇и вад̇ваа д̇ад̇о бабхуд̇и д̇ам̣ ‘‘бзсавад̇ий’’д̇и вохарим̣су.
Sā ekadivasaṃ mātarā pesitaṃ mūlaṃ gahetvā telatthāya aññataraṃ āpaṇaṃ agamāsi. Tasmiñca āpaṇe aññataro kuṭumbiyaputto pitarā nidahitvā ṭhapitaṃ bahuṃ hiraññasuvaṇṇaṃ muttāmaṇiratanāni ca gahetuṃ uddharanto āpaṇiko kammabalena kathalapāsāṇasakkhararūpena upaṭṭhahantāni disvā tato ekadesaṃ ‘‘puññavantānaṃ vasena hiraññasuvaṇṇādi bhavissatī’’ti vīmaṃsituṃ rāsiṃ katvā ṭhapesi. Atha naṃ sā dārikā disvā ‘‘kasmā āpaṇe ratanāni evaṃ ṭhapitāni, nanu nāma sammadeva paṭisāmetabbānī’’ti āha. Āpaṇiko taṃ sutvā ‘‘mahāpuññā ayaṃ dārikā, imissā vasena sabbamidaṃ hiraññādi eva hutvā amhākaṃ viniyogaṃ gamissati, saṅgaṇhissāmi na’’nti cintetvā tassā mātu santikaṃ gantvā ‘‘imaṃ dārikaṃ mayhaṃ puttassatthāya dehī’’ti vāretvā bahudhanaṃ datvā āvāhavivāhaṃ katvā taṃ attano gehaṃ ānesi. Athassā sīlācāraṃ ñatvā bhaṇḍāgāraṃ vivaritvā ‘‘kiṃ ettha passasī’’ti vatvā tāya ‘‘hiraññasuvaṇṇamaṇimeva rāsikataṃ passāmī’’ti vutte ‘‘etāni amhākaṃ kammabalena antaradhāyantāni tava puññavisesena puna visesāni jātāni, tasmā ito paṭṭhāya imasmiṃ gehe sabbaṃ tvaṃyeva vicārehi , tayā dinnameva mayaṃ paribhuñjissāmā’’ti vatvā tato pabhuti taṃ ‘‘pesavatī’’ti vohariṃsu.
д̇зна жа самаязна ааяасмаа д̇хаммасзнаабад̇и ад̇д̇ано ааяусан̇каараанам̣ баригкийн̣абхаавам̣ н̃ад̇ваа ‘‘маяхам̣ маад̇уяаа руубасаариб̣раахман̣ияаа босааванигамуулам̣ д̣̇ад̇ваа бариниб̣б̣ааяиссаамий’’д̇и жинд̇зд̇ваа бхаг̇аванд̇ам̣ убасан̇гамид̇ваа бариниб̣б̣аанам̣ ануж̇аанаабзд̇ваа сад̇т̇у аан̣ааяа маханд̇ам̣ баадихаарияам̣ д̣̇ассзд̇ваа анзгзхи т̇уд̇исахассзхи бхаг̇аванд̇ам̣ т̇омзд̇ваа яаава д̣̇ассанависаяаад̇иггамаа абхимукова абаггамид̇ваа буна ванд̣̇ид̇ваа бхигкусан̇гхабаривуд̇о вихаараа нигкамма бхигкусан̇гхасса оваад̣̇ам̣ д̣̇ад̇ваа ааяасманд̇ам̣ аананд̣̇ам̣ самассаасзд̇ваа жад̇ассоби барисаа нивад̇д̇зд̇ваа ануггамзна наалагаг̇аамам̣ бад̇ваа маад̇арам̣ сод̇аабад̇д̇ипалз бад̇идтаабзд̇ваа бажжуусасамаяз ж̇аад̇оварагз бариниб̣б̣ааяи. бариниб̣б̣уд̇асса жасса сарийрасаггаарагаран̣авасзна д̣̇зваа жзва мануссаа жа сад̇д̇аахам̣ вийд̇инаамзсум̣, аг̇аружанд̣̇анаад̣̇ийхи хад̇т̇асад̇уб̣б̣зд̇хам̣ жид̇агамагам̣су.
Tena ca samayena āyasmā dhammasenāpati attano āyusaṅkhārānaṃ parikkhīṇabhāvaṃ ñatvā ‘‘mayhaṃ mātuyā rūpasāribrāhmaṇiyā posāvanikamūlaṃ datvā parinibbāyissāmī’’ti cintetvā bhagavantaṃ upasaṅkamitvā parinibbānaṃ anujānāpetvā satthu āṇāya mahantaṃ pāṭihāriyaṃ dassetvā anekehi thutisahassehi bhagavantaṃ thometvā yāva dassanavisayātikkamā abhimukhova apakkamitvā puna vanditvā bhikkhusaṅghaparivuto vihārā nikkhamma bhikkhusaṅghassa ovādaṃ datvā āyasmantaṃ ānandaṃ samassāsetvā catassopi parisā nivattetvā anukkamena nālakagāmaṃ patvā mātaraṃ sotāpattiphale patiṭṭhāpetvā paccūsasamaye jātovarake parinibbāyi. Parinibbutassa cassa sarīrasakkārakaraṇavasena devā ceva manussā ca sattāhaṃ vītināmesuṃ, agarucandanādīhi hatthasatubbedhaṃ citakamakaṃsu.
бзсавад̇ийби т̇зрасса бариниб̣б̣аанам̣ суд̇ваа ‘‘г̇анд̇аа бууж̇зссаамий’’д̇и суван̣н̣абубпзхи г̇анд̇хаж̇аад̇зхи жа буурид̇аани жан̇годагаани г̇аахаабзд̇ваа г̇анд̇угаамаа сасурам̣ аабужчид̇ваа д̇зна ‘‘д̇вам̣ г̇арубхаараа, д̇ад̇т̇а жа махааж̇анасаммад̣̇д̣̇о, бубпаг̇анд̇хаани бзсзд̇ваа ид̇хзва хохий’’д̇и вуд̇д̇ааби сад̣̇д̇хааж̇аад̇аа ‘‘яад̣̇иби мз д̇ад̇т̇а ж̇ийвид̇анд̇арааяо сияаа, г̇анд̇аава бууж̇аасаггаарам̣ гариссаамий’’д̇и д̇ам̣ важанам̣ аг̇г̇ахзд̇ваа сабариваараа д̇ад̇т̇а г̇анд̇ваа г̇анд̇хабубпаад̣̇ийхи бууж̇зд̇ваа гад̇ан̃ж̇алий адтааси. д̇асмин̃жа самаяз т̇зрам̣ бууж̇зд̇ум̣ ааг̇ад̇аанам̣ рааж̇абарисаанам̣ хад̇т̇ий мад̇д̇о худ̇ваа д̇ам̣ бад̣̇зсам̣ убаг̇ан̃чи. д̇ам̣ д̣̇исваа маран̣абхаяабхийд̇зсу мануссзсу балааяанд̇зсу ж̇анасаммад̣̇д̣̇зна бад̇ид̇ам̣ бзсавад̇им̣ махааж̇ано аггамид̇ваа маарзси. саа бууж̇аасаггаарам̣ гад̇ваа т̇зраг̇ад̇ааяа сад̣̇д̇хааяа самбаннажид̇д̇аа зва гаалам̣ гад̇ваа д̇аавад̇им̣сабхаванз ниб̣б̣ад̇д̇и, ажчараасахассан̃жассаа баривааро ахоси.
Pesavatīpi therassa parinibbānaṃ sutvā ‘‘gantā pūjessāmī’’ti suvaṇṇapupphehi gandhajātehi ca pūritāni caṅkoṭakāni gāhāpetvā gantukāmā sasuraṃ āpucchitvā tena ‘‘tvaṃ garubhārā, tattha ca mahājanasammaddo, pupphagandhāni pesetvā idheva hohī’’ti vuttāpi saddhājātā ‘‘yadipi me tattha jīvitantarāyo siyā, gantāva pūjāsakkāraṃ karissāmī’’ti taṃ vacanaṃ aggahetvā saparivārā tattha gantvā gandhapupphādīhi pūjetvā katañjalī aṭṭhāsi. Tasmiñca samaye theraṃ pūjetuṃ āgatānaṃ rājaparisānaṃ hatthī matto hutvā taṃ padesaṃ upagañchi. Taṃ disvā maraṇabhayabhītesu manussesu palāyantesu janasammaddena patitaṃ pesavatiṃ mahājano akkamitvā māresi. Sā pūjāsakkāraṃ katvā theragatāya saddhāya sampannacittā eva kālaṃ katvā tāvatiṃsabhavane nibbatti, accharāsahassañcassā parivāro ahosi.
саа д̇аавад̣̇зва ад̇д̇ано д̣̇иб̣б̣асамбад̇д̇им̣ ологзд̇ваа ‘‘гийд̣̇исзна ну ко бун̃н̃зна маяаа зсаа лад̣̇д̇хаа’’д̇и, д̇ассаа хзд̇ум̣ убад̇хаарзнд̇ий т̇зрам̣ уд̣̇д̣̇исса гад̇ам̣ бууж̇аасаггаарам̣ д̣̇исваа, рад̇анад̇д̇аяз абхиббасаннамаанасаа сад̇т̇аарам̣ ванд̣̇ид̇ум̣ ажчараасахассабаривуд̇аа садтисагадабхаараалан̇гаарабадиман̣д̣ид̇ад̇д̇абхааваа сумахад̇ияаа д̣̇звид̣̇д̇хияаа жанд̣̇о вияа жа суурияо вияа жа д̣̇аса д̣̇исаа обхаасаяамаанаа саха вимаанзна ааг̇анд̇ваа вимаанад̇о оруяха бхаг̇аванд̇ам̣ ванд̣̇ид̇ваа ан̃ж̇алим̣ баг̇г̇аяха адтааси. д̇зна жа самаязна ааяасмаа ван̇г̇ийсо бхаг̇авад̇о самийбз нисинно бхаг̇аванд̇ам̣ звамааха ‘‘бадибхаад̇и мам̣ бхаг̇аваа имиссаа д̣̇звад̇ааяа гад̇агаммам̣ бужчид̇у’’нд̇и. ‘‘бадибхаад̇у д̇ам̣, ван̇г̇ийсаа’’д̇и бхаг̇аваа авожа. ат̇а ааяасмаа ван̇г̇ийсо д̇ааяа д̣̇звад̇ааяа гад̇агаммам̣ бужчид̇угаамо батамам̣ д̇аавассаа вимаанам̣ сам̣ван̣н̣знд̇о ааха –
Sā tāvadeva attano dibbasampattiṃ oloketvā ‘‘kīdisena nu kho puññena mayā esā laddhā’’ti, tassā hetuṃ upadhārentī theraṃ uddissa kataṃ pūjāsakkāraṃ disvā, ratanattaye abhippasannamānasā satthāraṃ vandituṃ accharāsahassaparivutā saṭṭhisakaṭabhārālaṅkārapaṭimaṇḍitattabhāvā sumahatiyā deviddhiyā cando viya ca sūriyo viya ca dasa disā obhāsayamānā saha vimānena āgantvā vimānato oruyha bhagavantaṃ vanditvā añjaliṃ paggayha aṭṭhāsi. Tena ca samayena āyasmā vaṅgīso bhagavato samīpe nisinno bhagavantaṃ evamāha ‘‘paṭibhāti maṃ bhagavā imissā devatāya katakammaṃ pucchitu’’nti. ‘‘Paṭibhātu taṃ, vaṅgīsā’’ti bhagavā avoca. Atha āyasmā vaṅgīso tāya devatāya katakammaṃ pucchitukāmo paṭhamaṃ tāvassā vimānaṃ saṃvaṇṇento āha –
646.
646.
‘‘палигараж̇ад̇ахзмаж̇аалачаннам̣, вивид̇хажид̇рад̇аламад̣̇д̣̇асам̣ сураммам̣;
‘‘Phalikarajatahemajālachannaṃ, vividhacitratalamaddasaṃ surammaṃ;
б̣яамхам̣ суниммид̇ам̣ д̇оран̣уубабаннам̣, ружагубагин̣н̣амид̣̇ам̣ субхам̣ вимаанам̣.
Byamhaṃ sunimmitaṃ toraṇūpapannaṃ, rucakupakiṇṇamidaṃ subhaṃ vimānaṃ.
647.
647.
‘‘бхаад̇и жа д̣̇аса д̣̇исаа набхзва сурияо, сарад̣̇з д̇амонуд̣̇о сахассарам̣сий;
‘‘Bhāti ca dasa disā nabheva suriyo, sarade tamonudo sahassaraṃsī;
д̇ат̇аа д̇абад̇и мид̣̇ам̣ д̇ава вимаанам̣, ж̇аламива д̇хуумасико нисз набхаг̇г̇з.
Tathā tapati midaṃ tava vimānaṃ, jalamiva dhūmasikho nise nabhagge.
648.
648.
‘‘мусад̇ийва наяанам̣ сад̇зрад̇аава, аагаасз табид̇амид̣̇ам̣ манун̃н̃ам̣;
‘‘Musatīva nayanaṃ sateratāva, ākāse ṭhapitamidaṃ manuññaṃ;
вийн̣аамураж̇асаммад̇аал̣агхудтам̣, ид̣̇д̇хам̣ инд̣̇абурам̣ яат̇аа д̇авзд̣̇ам̣.
Vīṇāmurajasammatāḷaghuṭṭhaṃ, iddhaṃ indapuraṃ yathā tavedaṃ.
649.
649.
‘‘бад̣̇умагумуд̣̇уббалагувалаяам̣ , яод̇хигаб̣анд̇хуганож̇агаа жа санд̇и;
‘‘Padumakumuduppalakuvalayaṃ , yodhikabandhukanojakā ca santi;
саалагусумид̇абубпид̇аа асогаа, вивид̇хад̣̇умаг̇г̇асуг̇анд̇хасзвид̇амид̣̇ам̣.
Sālakusumitapupphitā asokā, vividhadumaggasugandhasevitamidaṃ.
650.
650.
‘‘сал̣алалаб̣уж̇абхуж̇агасам̣яуд̇д̇аа, гусагасупуллид̇алад̇ааваламб̣инийхи;
‘‘Saḷalalabujabhujakasaṃyuttā, kusakasuphullitalatāvalambinīhi;
ман̣иж̇ааласад̣̇исаа яасассиний, раммаа богкаран̣ий убадтид̇аа д̇з.
Maṇijālasadisā yasassinī, rammā pokkharaṇī upaṭṭhitā te.
651.
651.
‘‘уд̣̇агарухаа жа язд̇т̇и бубпаж̇аад̇аа, т̇алаж̇аа яз жа санд̇и ругкаж̇аад̇аа;
‘‘Udakaruhā ca yetthi pupphajātā, thalajā ye ca santi rukkhajātā;
маанусагаамаануссагаа жа д̣̇иб̣б̣аа, саб̣б̣з д̇уяхам̣ нивзсанамхи ж̇аад̇аа.
Mānusakāmānussakā ca dibbā, sabbe tuyhaṃ nivesanamhi jātā.
652.
652.
‘‘гисса сам̣яамад̣̇амассаяам̣ вибааго, гзнааси гаммапалзнид̇хуубабаннаа;
‘‘Kissa saṃyamadamassayaṃ vipāko, kenāsi kammaphalenidhūpapannā;
яат̇аа жа д̇з ад̇хиг̇ад̇амид̣̇ам̣ вимаанам̣, д̇ад̣̇анубад̣̇ам̣ аважаасил̣аарабамхз’’д̇и.
Yathā ca te adhigatamidaṃ vimānaṃ, tadanupadaṃ avacāsiḷārapamhe’’ti.
646. д̇ад̇т̇а палигараж̇ад̇ахзмаж̇аалачаннанд̇и палигаман̣ийхи раж̇ад̇ахзмаж̇аалзхи жа чаад̣̇ид̇ам̣, палигаман̣имаяаахи бхид̇д̇ийхи раж̇ад̇ахзмамаязхи ж̇аалзхи жа саманд̇ад̇о хздтаа жа убари жа чаад̣̇ид̇ам̣, вивид̇хаван̣н̣аанам̣ вижид̇д̇асаннивзсаанан̃жа д̇алаанам̣ бхуумийнам̣ васзна вивид̇хажид̇рад̇алам̣ ад̣̇д̣̇асам̣ бассим̣. сурамманд̇и судту раман̣ийяам̣. вихарид̇угаамаа васанд̇и зд̇т̇аад̇и б̣яамхам̣, бхаванам̣. д̇оран̣уубабаннанд̇и вивид̇хамаалаагаммаад̣̇ивижид̇д̇зна сад̇д̇арад̇анамаязна д̇оран̣зна убзд̇ам̣. д̇оран̣анд̇и ваа д̣̇ваарагодтагабаасаад̣̇асса наамам̣, д̇зна жа анзгабхуумагзна вижид̇д̇аагаарзна д̇ам̣ вимаанам̣ убзд̇ам̣. ружагубад̇ин̣н̣анд̇и суван̣н̣аваалигаахи огин̣н̣ан̇г̇ан̣ам̣. ваалигасад̣̇исаа хи суван̣н̣акан̣д̣аа ружаа наама, ружамзва ружаганд̇и вуд̇д̇ам̣. субханд̇и собхад̇и, судту бхаад̇ийд̇и ваа субхам̣. вимаананд̇и висидтамаанам̣, бамаан̣ад̇о маханд̇анд̇и ад̇т̇о.
646. Tattha phalikarajatahemajālachannanti phalikamaṇīhi rajatahemajālehi ca chāditaṃ, phalikamaṇimayāhi bhittīhi rajatahemamayehi jālehi ca samantato heṭṭhā ca upari ca chāditaṃ, vividhavaṇṇānaṃ vicittasannivesānañca talānaṃ bhūmīnaṃ vasena vividhacitratalaṃ addasaṃ passiṃ. Surammanti suṭṭhu ramaṇīyaṃ. Viharitukāmā vasanti etthāti byamhaṃ, bhavanaṃ. Toraṇūpapannanti vividhamālākammādivicittena sattaratanamayena toraṇena upetaṃ. Toraṇanti vā dvārakoṭṭhakapāsādassa nāmaṃ, tena ca anekabhūmakena vicittākārena taṃ vimānaṃ upetaṃ. Rucakupatiṇṇanti suvaṇṇavālikāhi okiṇṇaṅgaṇaṃ. Vālikasadisā hi suvaṇṇakhaṇḍā rucā nāma, rucameva rucakanti vuttaṃ. Subhanti sobhati, suṭṭhu bhātīti vā subhaṃ. Vimānanti visiṭṭhamānaṃ, pamāṇato mahantanti attho.
647. бхаад̇ийд̇и ж̇од̇ад̇и уж̇ж̇алад̇и. набхзва сурияод̇и аагаасз аад̣̇ижжо вияа. сарад̣̇зд̇и сарад̣̇асамаяз. д̇амонуд̣̇од̇и анд̇хагааравид̣̇д̇хам̣сано. д̇ат̇аа д̇абад̇и мид̣̇анд̇и яат̇аа сарад̣̇агаалз сахассарам̣сий суурияо, д̇ат̇аа д̇абад̇и д̣̇иб̣б̣ад̇и ид̣̇ам̣ д̇ава вимаанам̣, ма-гааро бад̣̇асанд̇хигаро. ж̇аламива д̇хуумасикод̇и ж̇аланд̇о аг̇г̇и вияа. аг̇г̇и хи д̇асса аг̇г̇ад̇о д̇хуумо бан̃н̃ааяад̇ийд̇и ‘‘д̇хуумасико д̇хуумагзд̇уу’’д̇и жа вужжад̇и. нисзд̇и нисад̇и, рад̇д̇ияанд̇и ад̇т̇о. набхаг̇г̇зд̇и набхагодтаасз, аагаасабад̣̇зсзд̇и вуд̇д̇ам̣ ход̇и. ‘‘наг̇аг̇г̇з’’д̇и ваа баато, баб̣б̣ад̇асикарзд̇и ад̇т̇о. ид̣̇ам̣ д̇ава вимаананд̇и яож̇анаа.
647.Bhātīti jotati ujjalati. Nabheva suriyoti ākāse ādicco viya. Saradeti saradasamaye. Tamonudoti andhakāraviddhaṃsano. Tathā tapati midanti yathā saradakāle sahassaraṃsī sūriyo, tathā tapati dibbati idaṃ tava vimānaṃ, ma-kāro padasandhikaro. Jalamiva dhūmasikhoti jalanto aggi viya. Aggi hi tassa aggato dhūmo paññāyatīti ‘‘dhūmasikho dhūmaketū’’ti ca vuccati. Niseti nisati, rattiyanti attho. Nabhaggeti nabhakoṭṭhāse, ākāsapadeseti vuttaṃ hoti. ‘‘Nagagge’’ti vā pāṭho, pabbatasikhareti attho. Idaṃ tava vimānanti yojanā.
648. мусад̇ийва наяананд̇и ад̇ивияа ад̇д̇ано бабхассарад̇ааяа бадихананд̇ам̣ д̣̇ассанагижжам̣ гаад̇ум̣ ад̣̇знд̇ам̣ ологзнд̇аанам̣ жагкум̣ мусад̇и вияа. д̇знааха ‘‘сад̇зрад̇ааваа’’д̇и, виж̇ж̇улад̇аа вияаад̇и ад̇т̇о. вийн̣аамураж̇асаммад̇аал̣агхудтанд̇и махад̇ийаад̣̇ивийн̣аанам̣ бхзриаад̣̇ибадахаанам̣ хад̇т̇ад̇аал̣агам̣сад̇аал̣аанан̃жа сад̣̇д̣̇зхи гхосид̇ам̣ зганиннаад̣̇ам̣. ид̣̇д̇ханд̇и д̣̇звабуд̇д̇зхи д̣̇звад̇хийд̇аахи д̣̇иб̣б̣асамбад̇д̇ияаа жа самид̣̇д̇хам̣. инд̣̇абурам̣ яат̇аад̇и суд̣̇ассананаг̇арам̣ вияа.
648.Musatīvanayananti ativiya attano pabhassaratāya paṭihanantaṃ dassanakiccaṃ kātuṃ adentaṃ olokentānaṃ cakkhuṃ musati viya. Tenāha ‘‘sateratāvā’’ti, vijjulatā viyāti attho. Vīṇāmurajasammatāḷaghuṭṭhanti mahatīādivīṇānaṃ bheriādipaṭahānaṃ hatthatāḷakaṃsatāḷānañca saddehi ghositaṃ ekaninnādaṃ. Iddhanti devaputtehi devadhītāhi dibbasampattiyā ca samiddhaṃ. Indapuraṃ yathāti sudassananagaraṃ viya.
649. бад̣̇умаани жа гумуд̣̇аани жа уббалаани жа гувалаяаани жа бад̣̇умагумуд̣̇уббалагувалаяанд̇и згад̇д̇авасзна вуд̇д̇ам̣. ад̇т̇ийд̇и важанам̣ барин̣аамзд̇ваа яож̇зд̇аб̣б̣ам̣. д̇ад̇т̇а бад̣̇умаг̇г̇ахан̣зна бун̣д̣арийгамби г̇ахид̇ам̣, гумуд̣̇аг̇г̇ахан̣зна сзд̇арад̇д̇абхзд̣̇аани саб̣б̣аани гумуд̣̇аани, уббалаг̇г̇ахан̣зна рад̇д̇ауббалам̣ саб̣б̣аа ваа уббалаж̇аад̇и, гувалаяаг̇г̇ахан̣зна нийлуббаламзва г̇ахид̇анд̇и взд̣̇ид̇аб̣б̣ам̣. яод̇хигаб̣анд̇хуганож̇агаа жа санд̇ийд̇и жа-гааро нибаад̇амад̇д̇ам̣, яод̇хигаб̣анд̇хуж̇ийвагаанож̇агаругкаа жа санд̇ийд̇и ад̇т̇о. гзжи ‘‘анож̇агааби санд̇ий’’д̇и баатам̣ вад̇ваа ‘‘анож̇агаабийд̇и вуд̇д̇ам̣ ход̇ий’’д̇и ад̇т̇ам̣ вад̣̇анд̇и. саалагусумид̇абубпид̇аа асогаад̇и саалаа гусумид̇аа бубпид̇аа асогаад̇и яож̇зд̇аб̣б̣ам̣ . вивид̇хад̣̇умаг̇г̇асуг̇анд̇хасзвид̇амид̣̇анд̇и наанаавид̇хаанам̣ уд̇д̇амаругкаанам̣ собханзхи г̇анд̇хзхи сзвид̇ам̣ барибхаавид̇ам̣ ид̣̇ам̣ д̇з вимаананд̇и ад̇т̇о.
649. Padumāni ca kumudāni ca uppalāni ca kuvalayāni ca padumakumuduppalakuvalayanti ekattavasena vuttaṃ. Atthīti vacanaṃ pariṇāmetvā yojetabbaṃ. Tattha padumaggahaṇena puṇḍarīkampi gahitaṃ, kumudaggahaṇena setarattabhedāni sabbāni kumudāni, uppalaggahaṇena rattauppalaṃ sabbā vā uppalajāti, kuvalayaggahaṇena nīluppalameva gahitanti veditabbaṃ. Yodhikabandhukanojakā ca santīti ca-kāro nipātamattaṃ, yodhikabandhujīvakaanojakarukkhā ca santīti attho. Keci ‘‘anojakāpi santī’’ti pāṭhaṃ vatvā ‘‘anojakāpīti vuttaṃ hotī’’ti atthaṃ vadanti. Sālakusumitapupphitā asokāti sālā kusumitā pupphitā asokāti yojetabbaṃ . Vividhadumaggasugandhasevitamidanti nānāvidhānaṃ uttamarukkhānaṃ sobhanehi gandhehi sevitaṃ paribhāvitaṃ idaṃ te vimānanti attho.
650. сал̣алалаб̣уж̇абхуж̇агасам̣яуд̇д̇аад̇и д̇ийрз тид̇зхи сал̣алзхи лаб̣уж̇зхи бхуж̇агаругкзхи жа сахид̇аа. бхуж̇аго наама зго суг̇анд̇харугко д̣̇звалогз жа г̇анд̇хамаад̣̇анз жа ад̇т̇и, ан̃н̃ад̇т̇а над̇т̇ийд̇и вад̣̇анд̇и. гусагасупуллид̇алад̇ааваламб̣инийхийд̇и гусагзхи д̇ааланаал̣игзраад̣̇ийхи д̇ин̣аж̇аад̇ийхи оламб̣амаанаахи санд̇аанагаваллиаад̣̇ийхи судту гусумид̇алад̇аахи жа сам̣яуд̇д̇аад̇и яож̇анаа. ман̣иж̇ааласад̣̇исаад̇и ман̣иж̇ааласад̣̇исаж̇алаа. ‘‘ман̣иж̇аласад̣̇исаа’’д̇иби баал̣и, ман̣исад̣̇исаж̇алаад̇и ад̇т̇о. яасассинийд̇и д̣̇звад̇ааяа аалабанам̣. убадтид̇аа д̇зд̇и яат̇аавуд̇д̇аг̇ун̣аа раман̣ийяаа богкаран̣ий д̇ава вимаанасамийбз тид̇аа.
650.Saḷalalabujabhujakasaṃyuttāti tīre ṭhitehi saḷalehi labujehi bhujakarukkhehi ca sahitā. Bhujako nāma eko sugandharukkho devaloke ca gandhamādane ca atthi, aññattha natthīti vadanti. Kusakasuphullitalatāvalambinīhīti kusakehi tālanāḷikerādīhi tiṇajātīhi olambamānāhi santānakavalliādīhi suṭṭhu kusumitalatāhi ca saṃyuttāti yojanā. Maṇijālasadisāti maṇijālasadisajalā. ‘‘Maṇijalasadisā’’tipi pāḷi, maṇisadisajalāti attho. Yasassinīti devatāya ālapanaṃ. Upaṭṭhitā teti yathāvuttaguṇā ramaṇīyā pokkharaṇī tava vimānasamīpe ṭhitā.
651. уд̣̇агарухаад̇и яат̇аавуд̇д̇з бад̣̇умаад̣̇игз санд̇хааяа вад̣̇ад̇и. язд̇т̇ийд̇и яз ад̇т̇и. т̇алаж̇аад̇и яод̇хигаад̣̇игаа. яз жа санд̇ийд̇и яз ан̃н̃зби ругкаж̇аад̇аа бубпуубаг̇аа жа палуубаг̇аа жа, д̇зби д̇ава вимаанасамийбз санд̇иязва.
651.Udakaruhāti yathāvutte padumādike sandhāya vadati. Yetthīti ye atthi. Thalajāti yodhikādikā. Ye ca santīti ye aññepi rukkhajātā pupphūpagā ca phalūpagā ca, tepi tava vimānasamīpe santiyeva.
652. гисса сам̣яамад̣̇амассаяам̣ вибаагод̇и гааяасам̣яамаад̣̇ийсу гийд̣̇исасса сам̣яамасса, инд̣̇рияад̣̇аманаад̣̇ийсу гийд̣̇исасса д̣̇амасса аяам̣ вибааго. гзнаасийд̇и ан̃н̃амзва убабад̇д̇иниб̣б̣ад̇д̇агам̣, ан̃н̃ам̣ убабхог̇асуканиб̣б̣ад̇д̇агам̣ ход̇ийд̇и ‘‘гзнааси гаммапалзнид̇хуубабаннаа’’д̇и вад̇ваа буна ‘‘яат̇аа жа д̇з ад̇хиг̇ад̇амид̣̇ам̣ вимаана’’нд̇и ааха. д̇ад̇т̇а гаммапалзнаад̇и гаммапалзна вибажжид̇ум̣ аарад̣̇д̇хзнаад̇и важанасзсо, ид̇т̇амбхууд̇алагкан̣з жзд̇ам̣ гаран̣аважанам̣. д̇ад̣̇анубад̣̇ам̣ аважаасийд̇и д̇ам̣ гаммам̣ маяаа вуд̇д̇абад̣̇асса анубад̣̇ам̣ ануруубабад̣̇ам̣ гад̇ваа гат̇зяяааси. ал̣аарабамхзд̇и б̣ахаласам̣хад̇абакумз, г̇обакумзд̇и ад̇хиббааяо.
652.Kissa saṃyamadamassayaṃ vipākoti kāyasaṃyamādīsu kīdisassa saṃyamassa, indriyadamanādīsu kīdisassa damassa ayaṃ vipāko. Kenāsīti aññameva upapattinibbattakaṃ, aññaṃ upabhogasukhanibbattakaṃ hotīti ‘‘kenāsi kammaphalenidhūpapannā’’ti vatvā puna ‘‘yathā ca te adhigatamidaṃ vimāna’’nti āha. Tattha kammaphalenāti kammaphalena vipaccituṃ āraddhenāti vacanaseso, itthambhūtalakkhaṇe cetaṃ karaṇavacanaṃ. Tadanupadaṃ avacāsīti taṃ kammaṃ mayā vuttapadassa anupadaṃ anurūpapadaṃ katvā katheyyāsi. Aḷārapamheti bahalasaṃhatapakhume, gopakhumeti adhippāyo.
ат̇а д̣̇звад̇аа ааха –
Atha devatā āha –
653.
653.
‘‘яат̇аа жа мз ад̇хиг̇ад̇амид̣̇ам̣ вимаанам̣, гон̃жамаяууражагора сан̇гхажарид̇ам̣;
‘‘Yathā ca me adhigatamidaṃ vimānaṃ, koñcamayūracakora saṅghacaritaṃ;
д̣̇иб̣яабилавахам̣сарааж̇ажин̣н̣ам̣, д̣̇иж̇агааран̣д̣авагогилаабхинад̣̇ид̇ам̣.
Dibyapilavahaṃsarājaciṇṇaṃ, dijakāraṇḍavakokilābhinaditaṃ.
654.
654.
‘‘наанаасанд̇аанагабубпаругкавивид̇хаа , баадалиж̇амб̣уасогаругкаванд̇ам̣;
‘‘Nānāsantānakapuppharukkhavividhā , pāṭalijambuasokarukkhavantaṃ;
яат̇аа жа мз ад̇хиг̇ад̇амид̣̇ам̣ вимаанам̣, д̇ам̣ д̇з бавзд̣̇аяаами сун̣охи бханд̇з.
Yathā ca me adhigatamidaṃ vimānaṃ, taṃ te pavedayāmi suṇohi bhante.
655.
655.
‘‘маг̇ад̇хаварабурад̇т̇имзна, наалагаг̇аамо наама ад̇т̇и бханд̇з;
‘‘Magadhavarapuratthimena, nālakagāmo nāma atthi bhante;
д̇ад̇т̇а ахосим̣ бурз сун̣исаа, бзсавад̇ийд̇и д̇ад̇т̇а ж̇ааним̣су мамам̣.
Tattha ahosiṃ pure suṇisā, pesavatīti tattha jāniṃsu mamaṃ.
656.
656.
‘‘саахамабажид̇ад̇т̇ад̇хаммагусалам̣, д̣̇звамануссабууж̇ид̇ам̣ маханд̇ам̣;
‘‘Sāhamapacitatthadhammakusalaṃ, devamanussapūjitaṃ mahantaṃ;
убад̇иссам̣ ниб̣б̣уд̇амаббамзяяам̣, муд̣̇ид̇аманаа гусумзхи аб̣бхугирим̣.
Upatissaṃ nibbutamappameyyaṃ, muditamanā kusumehi abbhukiriṃ.
657.
657.
‘‘барамаг̇ад̇иг̇ад̇ан̃жа бууж̇аяид̇ваа, анд̇имад̣̇зхад̇харам̣ исим̣ ул̣аарам̣;
‘‘Paramagatigatañca pūjayitvā, antimadehadharaṃ isiṃ uḷāraṃ;
бахааяа маанусагам̣ самуссаяам̣, д̇ид̣̇асаг̇ад̇аа ид̇ха маавасаами таана’’нд̇и.
Pahāya mānusakaṃ samussayaṃ, tidasagatā idha māvasāmi ṭhāna’’nti.
653. д̇ад̇т̇а гон̃жамаяууражагорасан̇гхажарид̇анд̇и саарасасикан̣д̣игумбхагаарагуггудаг̇ан̣зхи д̇ад̇т̇а д̇ад̇т̇а вижарид̇ам̣. д̣̇иб̣яабилавахам̣сарааж̇ажин̣н̣анд̇и уд̣̇агз билавид̇ваа вижаран̣ад̇о ‘‘билаваа’’д̇и лад̣̇д̇ханаамзхи уд̣̇агасагун̣зхи хам̣сарааж̇зхи жа д̇ахим̣ д̇ахим̣ вижарид̇ам̣. д̣̇иж̇агааран̣д̣авагогилаабхинад̣̇ид̇анд̇и гааран̣д̣авзхи гаад̣̇амб̣зхи гогилзхи ан̃н̃зхи жа д̣̇иж̇зхи абхинаад̣̇ид̇ам̣.
653. Tattha koñcamayūracakorasaṅghacaritanti sārasasikhaṇḍikumbhakārakukkuṭagaṇehi tattha tattha vicaritaṃ. Dibyapilavahaṃsarājaciṇṇanti udake pilavitvā vicaraṇato ‘‘pilavā’’ti laddhanāmehi udakasakuṇehi haṃsarājehi ca tahiṃ tahiṃ vicaritaṃ. Dijakāraṇḍavakokilābhinaditanti kāraṇḍavehi kādambehi kokilehi aññehi ca dijehi abhināditaṃ.
654. наанаасанд̇аанагабубпаругкавивид̇хаад̇и наанаавид̇хасаакаабасаакаванд̇аа наанаабубпаругкаа наанаасанд̇аанагабубпаругкаа , д̇зхи вивид̇хам̣ жид̇д̇аагаарам̣ вижид̇д̇асаннивзсам̣ наанаасанд̇аанагабубпаругкавивид̇хаа . ‘‘вивид̇ха’’нд̇и хи вад̇д̇аб̣б̣з ‘‘вивид̇хаа’’д̇и вуд̇д̇ам̣. санд̇аанагаад̇и хи гаамаваллияо, наанаавид̇хабубпаругкаа жа вивид̇хаа зд̇т̇а санд̇и , д̇зхи ваа вивид̇ханд̇и наанаасанд̇аанагабубпаругкавивид̇хаа. ‘‘наанаасанд̇аанагабубпаругкавивид̇хам̣, баадалиж̇амб̣уасогаругкаванд̇а’’нд̇и жа гзжи батанд̇и. д̇зхи ‘‘бубпаругкаа санд̇ий’’д̇и бад̣̇ам̣ аанзд̇ваа самб̣анд̇хид̇аб̣б̣ам̣. ‘‘бубпаругкаа’’д̇и ваа авибхад̇д̇иганид̣̇д̣̇зсо, бубпарагканд̇и вуд̇д̇ам̣ ход̇и.
654.Nānāsantānakapuppharukkhavividhāti nānāvidhasākhāpasākhavantā nānāpuppharukkhā nānāsantānakapuppharukkhā , tehi vividhaṃ cittākāraṃ vicittasannivesaṃ nānāsantānakapuppharukkhavividhā . ‘‘Vividha’’nti hi vattabbe ‘‘vividhā’’ti vuttaṃ. Santānakāti hi kāmavalliyo, nānāvidhapuppharukkhā ca vividhā ettha santi , tehi vā vividhanti nānāsantānakapuppharukkhavividhā. ‘‘Nānāsantānakapuppharukkhavividhaṃ, pāṭalijambuasokarukkhavanta’’nti ca keci paṭhanti. Tehi ‘‘puppharukkhā santī’’ti padaṃ ānetvā sambandhitabbaṃ. ‘‘Puppharukkhā’’ti vā avibhattikaniddeso, puppharakkhanti vuttaṃ hoti.
655. маг̇ад̇хаварабурад̇т̇имзнаад̇и маг̇ад̇хаварз бурад̇т̇имзна, абхисамб̣од̇хидтаанад̇ааяа уд̇д̇амз маг̇ад̇харадтз бурад̇т̇имад̣̇исааяа. д̇ад̇т̇а ахосим̣ бурз сун̣исаад̇и буб̣б̣з ахам̣ д̇асмим̣ наалагаг̇аамз згасмим̣ г̇ахабад̇игулз сун̣исаа сун̣хаа ахосим̣.
655.Magadhavarapuratthimenāti magadhavare puratthimena, abhisambodhiṭṭhānatāya uttame magadharaṭṭhe puratthimadisāya. Tattha ahosiṃ pure suṇisāti pubbe ahaṃ tasmiṃ nālakagāme ekasmiṃ gahapatikule suṇisā suṇhā ahosiṃ.
656. саад̇и саяам̣. ад̇т̇з жа д̇хаммз жа гусалод̇и ад̇т̇ад̇хаммагусало, бхаг̇аваа. абажид̇о ад̇т̇ад̇хаммагусало зд̇знаад̇и абажид̇ад̇т̇ад̇хаммагусало, д̇хаммасзнаабад̇и, д̇ам̣. абажид̇ам̣ ваа абажаяо, ниб̣б̣аанам̣, д̇асмим̣ авасидтаад̇т̇ад̇хаммз жа гусалам̣, абажид̇з ваа бууж̇анийяз ад̇т̇з д̇хаммз нирод̇хз маг̇г̇з жа гусалам̣. маханд̇зхи ул̣аарзхи сийлагканд̇хаад̣̇ийхи саманнааг̇ад̇ад̇д̇аа маханд̇ам̣. гусумзхийд̇и рад̇анамаязхи ид̇арзхи жа гусумзхи.
656.Sāti sayaṃ. Atthe ca dhamme ca kusaloti atthadhammakusalo, bhagavā. Apacito atthadhammakusalo etenāti apacitatthadhammakusalo, dhammasenāpati, taṃ. Apacitaṃ vā apacayo, nibbānaṃ, tasmiṃ avasiṭṭhaatthadhamme ca kusalaṃ, apacite vā pūjanīye atthe dhamme nirodhe magge ca kusalaṃ. Mahantehi uḷārehi sīlakkhandhādīhi samannāgatattā mahantaṃ. Kusumehīti ratanamayehi itarehi ca kusumehi.
657. барамаг̇ад̇иг̇ад̇анд̇и анубаад̣̇исзсаниб̣б̣аанам̣ бад̇д̇ам̣. самуссаяанд̇и сарийрам̣. д̇ид̣̇асаг̇ад̇аад̇и д̇ид̣̇асабхаванам̣ г̇ад̇аа, д̇аавад̇им̣сам̣ д̣̇званигааяам̣ убабаннаа. ид̇хаад̇и имасмим̣ д̣̇звалогз. аавасаами таананд̇и имам̣ вимаанам̣ ад̇хивасаами. сзсам̣ вуд̇д̇анаяамзва.
657.Paramagatigatanti anupādisesanibbānaṃ pattaṃ. Samussayanti sarīraṃ. Tidasagatāti tidasabhavanaṃ gatā, tāvatiṃsaṃ devanikāyaṃ upapannā. Idhāti imasmiṃ devaloke. Āvasāmi ṭhānanti imaṃ vimānaṃ adhivasāmi. Sesaṃ vuttanayameva.
звам̣ ааяасмад̇аа ван̇г̇ийсзна д̣̇звад̇ааяа жа гат̇ид̇агат̇аамаг̇г̇ам̣ адтуббад̇д̇им̣ гад̇ваа бхаг̇аваа самбад̇д̇абарисааяа вид̇т̇аарзна д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Evaṃ āyasmatā vaṅgīsena devatāya ca kathitakathāmaggaṃ aṭṭhuppattiṃ katvā bhagavā sampattaparisāya vitthārena dhammaṃ desesi. Sā desanā mahājanassa sātthikā ahosīti.
бзсавад̇ийвимаанаван̣н̣анаа нидтид̇аа.
Pesavatīvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 7. бзсавад̇ийвимаанавад̇т̇у • 7. Pesavatīvimānavatthu
