| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৩. পেসুঞ্ঞসিক্খাপদৰণ্ণনা
3. Pesuññasikkhāpadavaṇṇanā
৩৬. ততিযসিক্খাপদে – ভণ্ডনজাতানন্তি সঞ্জাতভণ্ডনানং। ভণ্ডনন্তি কলহস্স পুব্বভাগো, ‘‘ইমিনা চ ইমিনা চ ইদং কতং; এৰং ৰুত্তে এৰং ৰক্খামা’’তিআদিকং সকসকপক্খে সম্মন্তনং। কলহোতি আপত্তিগামিকো কাযৰাচাৰীতিক্কমো। ৰিৰাদোতি ৰিগ্গাহিককথা। তং ৰিৰাদং আপন্নানং ৰিৰাদাপন্নানং। পেসুঞ্ঞন্তি পিসুণৰাচং, পিযভাৰস্স সুঞ্ঞকরণৰাচন্তি ৰুত্তং হোতি।
36. Tatiyasikkhāpade – bhaṇḍanajātānanti sañjātabhaṇḍanānaṃ. Bhaṇḍananti kalahassa pubbabhāgo, ‘‘iminā ca iminā ca idaṃ kataṃ; evaṃ vutte evaṃ vakkhāmā’’tiādikaṃ sakasakapakkhe sammantanaṃ. Kalahoti āpattigāmiko kāyavācāvītikkamo. Vivādoti viggāhikakathā. Taṃ vivādaṃ āpannānaṃ vivādāpannānaṃ. Pesuññanti pisuṇavācaṃ, piyabhāvassa suññakaraṇavācanti vuttaṃ hoti.
৩৭. ভিক্খুপেসুঞ্ঞেতি ভিক্খূনং পেসুঞ্ঞে; ভিক্খুতো সুত্ৰা ভিক্খুনা ভিক্খুস্স উপসংহটপেসুঞ্ঞেতি অত্থো।
37.Bhikkhupesuññeti bhikkhūnaṃ pesuññe; bhikkhuto sutvā bhikkhunā bhikkhussa upasaṃhaṭapesuññeti attho.
৩৮. দ্ৰীহাকারেহীতি দ্ৰীহি কারণেহি। পিযকম্যস্স ৰাতি ‘‘এৰং অহং এতস্স পিযো ভৰিস্সামী’’তি অত্তনো পিযভাৰং পত্থযমানস্স ৰা। ভেদাধিপ্পাযস্স ৰাতি ‘‘এৰমযং এতেন সদ্ধিং ভিজ্জিস্সতী’’তি পরস্স পরেন ভেদং ইচ্ছন্তস্স ৰা। জাতিতোপীতিআদি সব্বং পুরিমসিক্খাপদে ৰুত্তনযমেৰ। ইধাপি ভিক্খুনিং আদিং কত্ৰা সব্বে অনুপসম্পন্না নাম।
38.Dvīhākārehīti dvīhi kāraṇehi. Piyakamyassa vāti ‘‘evaṃ ahaṃ etassa piyo bhavissāmī’’ti attano piyabhāvaṃ patthayamānassa vā. Bhedādhippāyassa vāti ‘‘evamayaṃ etena saddhiṃ bhijjissatī’’ti parassa parena bhedaṃ icchantassa vā. Jātitopītiādi sabbaṃ purimasikkhāpade vuttanayameva. Idhāpi bhikkhuniṃ ādiṃ katvā sabbe anupasampannā nāma.
ন পিযকম্যস্স ন ভেদাধিপ্পাযস্সাতি একং অক্কোসন্তং একঞ্চ খমন্তং দিস্ৰা ‘‘অহো নিল্লজ্জো, ঈদিসম্পি নাম ভৰন্তং পুন ৰত্তব্বং মঞ্ঞিস্সতী’’তি এৰং কেৰলং পাপগরহিতায ভণন্তস্স অনাপত্তি। সেসং উত্তানত্থমেৰ। তিসমুট্ঠানং – কাযচিত্ততো ৰাচাচিত্ততো কাযৰাচাচিত্ততো চ সমুট্ঠাতি , কিরিযং, সঞ্ঞাৰিমোক্খং, সচিত্তকং, লোকৰজ্জং, কাযকম্মং, ৰচীকম্মং, অকুসলচিত্তং, তিৰেদনন্তি।
Na piyakamyassa na bhedādhippāyassāti ekaṃ akkosantaṃ ekañca khamantaṃ disvā ‘‘aho nillajjo, īdisampi nāma bhavantaṃ puna vattabbaṃ maññissatī’’ti evaṃ kevalaṃ pāpagarahitāya bhaṇantassa anāpatti. Sesaṃ uttānatthameva. Tisamuṭṭhānaṃ – kāyacittato vācācittato kāyavācācittato ca samuṭṭhāti , kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, tivedananti.
পেসুঞ্ঞসিক্খাপদং ততিযং।
Pesuññasikkhāpadaṃ tatiyaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ১. মুসাৰাদৰগ্গো • 1. Musāvādavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৩. পেসুঞ্ঞসিক্খাপদৰণ্ণনা • 3. Pesuññasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৩. পেসুঞ্ঞসিক্খাপদৰণ্ণনা • 3. Pesuññasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৩. পেসুঞ্ঞসিক্খাপদৰণ্ণনা • 3. Pesuññasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৩. পেসুঞ্ঞসিক্খাপদং • 3. Pesuññasikkhāpadaṃ
