| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
3. бзсун̃н̃асигкаабад̣̇аван̣н̣анаа
3. Pesuññasikkhāpadavaṇṇanā
36. д̇ад̇ияасигкаабад̣̇з – бхан̣д̣анаж̇аад̇аананд̇и сан̃ж̇аад̇абхан̣д̣анаанам̣. бхан̣д̣ананд̇и галахасса буб̣б̣абхааг̇о, ‘‘иминаа жа иминаа жа ид̣̇ам̣ гад̇ам̣; звам̣ вуд̇д̇з звам̣ вагкаамаа’’д̇иаад̣̇игам̣ сагасагабагкз самманд̇анам̣. галаход̇и аабад̇д̇иг̇аамиго гааяаваажаавийд̇иггамо. виваад̣̇од̇и виг̇г̇аахигагат̇аа. д̇ам̣ виваад̣̇ам̣ аабаннаанам̣ виваад̣̇аабаннаанам̣. бзсун̃н̃анд̇и бисун̣аваажам̣, бияабхаавасса сун̃н̃агаран̣аваажанд̇и вуд̇д̇ам̣ ход̇и.
36. Tatiyasikkhāpade – bhaṇḍanajātānanti sañjātabhaṇḍanānaṃ. Bhaṇḍananti kalahassa pubbabhāgo, ‘‘iminā ca iminā ca idaṃ kataṃ; evaṃ vutte evaṃ vakkhāmā’’tiādikaṃ sakasakapakkhe sammantanaṃ. Kalahoti āpattigāmiko kāyavācāvītikkamo. Vivādoti viggāhikakathā. Taṃ vivādaṃ āpannānaṃ vivādāpannānaṃ. Pesuññanti pisuṇavācaṃ, piyabhāvassa suññakaraṇavācanti vuttaṃ hoti.
37. бхигкубзсун̃н̃зд̇и бхигкуунам̣ бзсун̃н̃з; бхигкуд̇о суд̇ваа бхигкунаа бхигкусса убасам̣хадабзсун̃н̃зд̇и ад̇т̇о.
37.Bhikkhupesuññeti bhikkhūnaṃ pesuññe; bhikkhuto sutvā bhikkhunā bhikkhussa upasaṃhaṭapesuññeti attho.
38. д̣̇вийхаагаарзхийд̇и д̣̇вийхи гааран̣зхи. бияагамяасса ваад̇и ‘‘звам̣ ахам̣ зд̇асса бияо бхависсаамий’’д̇и ад̇д̇ано бияабхаавам̣ бад̇т̇аяамаанасса ваа. бхзд̣̇аад̇хиббааяасса ваад̇и ‘‘звамаяам̣ зд̇зна сад̣̇д̇хим̣ бхиж̇ж̇иссад̇ий’’д̇и барасса барзна бхзд̣̇ам̣ ижчанд̇асса ваа. ж̇аад̇ид̇обийд̇иаад̣̇и саб̣б̣ам̣ буримасигкаабад̣̇з вуд̇д̇анаяамзва. ид̇хааби бхигкуним̣ аад̣̇им̣ гад̇ваа саб̣б̣з анубасамбаннаа наама.
38.Dvīhākārehīti dvīhi kāraṇehi. Piyakamyassa vāti ‘‘evaṃ ahaṃ etassa piyo bhavissāmī’’ti attano piyabhāvaṃ patthayamānassa vā. Bhedādhippāyassa vāti ‘‘evamayaṃ etena saddhiṃ bhijjissatī’’ti parassa parena bhedaṃ icchantassa vā. Jātitopītiādi sabbaṃ purimasikkhāpade vuttanayameva. Idhāpi bhikkhuniṃ ādiṃ katvā sabbe anupasampannā nāma.
на бияагамяасса на бхзд̣̇аад̇хиббааяассаад̇и згам̣ аггосанд̇ам̣ зган̃жа каманд̇ам̣ д̣̇исваа ‘‘ахо ниллаж̇ж̇о, ийд̣̇исамби наама бхаванд̇ам̣ буна вад̇д̇аб̣б̣ам̣ ман̃н̃иссад̇ий’’д̇и звам̣ гзвалам̣ баабаг̇арахид̇ааяа бхан̣анд̇асса анаабад̇д̇и. сзсам̣ уд̇д̇аанад̇т̇амзва. д̇исамудтаанам̣ – гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и , гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̇ивзд̣̇ананд̇и.
Na piyakamyassa na bhedādhippāyassāti ekaṃ akkosantaṃ ekañca khamantaṃ disvā ‘‘aho nillajjo, īdisampi nāma bhavantaṃ puna vattabbaṃ maññissatī’’ti evaṃ kevalaṃ pāpagarahitāya bhaṇantassa anāpatti. Sesaṃ uttānatthameva. Tisamuṭṭhānaṃ – kāyacittato vācācittato kāyavācācittato ca samuṭṭhāti , kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, tivedananti.
бзсун̃н̃асигкаабад̣̇ам̣ д̇ад̇ияам̣.
Pesuññasikkhāpadaṃ tatiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. бзсун̃н̃асигкаабад̣̇аван̣н̣анаа • 3. Pesuññasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. бзсун̃н̃асигкаабад̣̇аван̣н̣анаа • 3. Pesuññasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. бзсун̃н̃асигкаабад̣̇аван̣н̣анаа • 3. Pesuññasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. бзсун̃н̃асигкаабад̣̇ам̣ • 3. Pesuññasikkhāpadaṃ
