| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
3. бзсун̃н̃асигкаабад̣̇аван̣н̣анаа
3. Pesuññasikkhāpadavaṇṇanā
бхигкубзсун̃н̃зд̇и бисад̇ийд̇и бисун̣аа, яааяа ваажааяа самаг̇г̇з сад̇д̇з аваяавабхууд̇з ваг̇г̇з бхиннз гарод̇и, саа ваажаа бисун̣аа, бисун̣аа зва бзсун̃н̃ам̣, д̇ааяа ваажааяа саманнааг̇ад̇о бисун̣о, д̇асса гаммам̣ бзсун̃н̃ам̣, бхигкусса бзсун̃н̃ам̣ бхигкубзсун̃н̃ам̣, д̇асмим̣ бхигкубзсун̃н̃з, бхигкуд̇о суд̇ваа бхигкунаа, бхигкусса ваа убасам̣хадабзсун̃н̃зд̇и ад̇т̇о. д̇знааха ‘‘ж̇аад̇иаад̣̇ийхий’’д̇иаад̣̇и. д̇ан̃жа ко д̣̇вийхи гааран̣зхи убасам̣харад̇ийд̇и ааха ‘‘бхигкуно бияагамяад̇ааяа ваа’’д̇иаад̣̇и. д̇ад̇т̇а бхигкуно бияагамяад̇ааяаад̇и яасса д̇ам̣ бхаасад̇и, д̇асса бхигкуно ‘‘звамахам̣ зд̇асса бияо бхависсаамий’’д̇и ад̇д̇ано бияабхаавам̣ бад̇т̇аяамаанад̇ааяа. бхзд̣̇аад̇хиббааязнаад̇и ‘‘звамаяам̣ д̇зна сад̣̇д̇хим̣ бхиж̇ж̇иссад̇ий’’д̇и барасса барзна бхзд̣̇ам̣ ижчанд̇зна. ат̇а ваа бияасун̃н̃агаран̣ад̇о бзсун̃н̃ам̣ (саарад̇т̇а. дий. баажид̇д̇ияа 3.36) нируд̇д̇инаязна, яааяа ваажааяа яасса д̇ам̣ бхаасад̇и, д̇асса хад̣̇аяз ад̇д̇ано бияабхаавам̣, барасса жа сун̃н̃абхаавам̣ гарод̇и, саа ваажаа, ‘‘бхигкусса бзсун̃н̃ам̣ бхигкубзсун̃н̃а’’нд̇иаад̣̇инаа звамбзд̇т̇а ад̇т̇о д̣̇адтаб̣б̣о. ‘‘вуд̇д̇анаязнзваад̇и ‘‘ж̇аад̇иаад̣̇ийхи аггосавад̇т̇уухий’’д̇иаад̣̇инаа вуд̇д̇анаязна.
Bhikkhupesuññeti pisatīti pisuṇā, yāya vācāya samagge satte avayavabhūte vagge bhinne karoti, sā vācā pisuṇā, pisuṇā eva pesuññaṃ, tāya vācāya samannāgato pisuṇo, tassa kammaṃ pesuññaṃ, bhikkhussa pesuññaṃ bhikkhupesuññaṃ, tasmiṃ bhikkhupesuññe, bhikkhuto sutvā bhikkhunā, bhikkhussa vā upasaṃhaṭapesuññeti attho. Tenāha ‘‘jātiādīhī’’tiādi. Tañca kho dvīhi kāraṇehi upasaṃharatīti āha ‘‘bhikkhuno piyakamyatāya vā’’tiādi. Tattha bhikkhuno piyakamyatāyāti yassa taṃ bhāsati, tassa bhikkhuno ‘‘evamahaṃ etassa piyo bhavissāmī’’ti attano piyabhāvaṃ patthayamānatāya. Bhedādhippāyenāti ‘‘evamayaṃ tena saddhiṃ bhijjissatī’’ti parassa parena bhedaṃ icchantena. Atha vā piyasuññakaraṇato pesuññaṃ (sārattha. ṭī. pācittiya 3.36) niruttinayena, yāya vācāya yassa taṃ bhāsati, tassa hadaye attano piyabhāvaṃ, parassa ca suññabhāvaṃ karoti, sā vācā, ‘‘bhikkhussa pesuññaṃ bhikkhupesuñña’’ntiādinā evampettha attho daṭṭhabbo. ‘‘Vuttanayenevāti ‘‘jātiādīhi akkosavatthūhī’’tiādinā vuttanayena.
баал̣имуд̇д̇агааггосуубасам̣хаарзд̇и ‘‘жоросий’’д̇иаад̣̇инаа аггосасса убасам̣хаарз. ‘‘анаггосавад̇т̇убхууд̇ам̣ бана бзсун̃н̃агарам̣ д̇асса гирияам̣, важанам̣ ваа бияагамяад̇ааяа убасам̣харанд̇асса гин̃жааби иминаа сигкаабад̣̇зна аабад̇д̇и на д̣̇иссад̇и, д̇ат̇ааби д̣̇уггадзна бхавид̇аб̣б̣а’’нд̇и (саарад̇т̇а. дий. баажид̇д̇ияа 3.36) вад̣̇анд̇и. баабаг̇арахид̇ааяа вад̣̇анд̇ассаад̇и згам̣ аггосанд̇ам̣, зган̃жа каманд̇ам̣ д̣̇исваа ‘‘ахо ниллаж̇ж̇о, ийд̣̇исамби наама бхаванд̇ам̣ буна вад̇д̇аб̣б̣ам̣ ман̃н̃иссад̇ий’’д̇и звам̣ гзвалам̣ баабаг̇арахид̇ааяа бхан̣анд̇асса.
Pāḷimuttakaakkosūpasaṃhāreti ‘‘corosī’’tiādinā akkosassa upasaṃhāre. ‘‘Anakkosavatthubhūtaṃ pana pesuññakaraṃ tassa kiriyaṃ, vacanaṃ vā piyakamyatāya upasaṃharantassa kiñcāpi iminā sikkhāpadena āpatti na dissati, tathāpi dukkaṭena bhavitabba’’nti (sārattha. ṭī. pācittiya 3.36) vadanti. Pāpagarahitāya vadantassāti ekaṃ akkosantaṃ, ekañca khamantaṃ disvā ‘‘aho nillajjo, īdisampi nāma bhavantaṃ puna vattabbaṃ maññissatī’’ti evaṃ kevalaṃ pāpagarahitāya bhaṇantassa.
бзсун̃н̃асигкаабад̣̇аван̣н̣анаа нидтид̇аа.
Pesuññasikkhāpadavaṇṇanā niṭṭhitā.
