| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
3. бзсун̃н̃асигкаабад̣̇аван̣н̣анаа
3. Pesuññasikkhāpadavaṇṇanā
36. д̇ад̇ияз бхан̣д̣анам̣ ж̇аад̇ам̣ зд̇зсанд̇и бхан̣д̣анаж̇аад̇аа. самманд̇ананд̇и рахо сам̣санд̣̇анам̣. хад̇т̇абараамаасаад̣̇ивасзна мад̇т̇агам̣ бад̇д̇о галахо ж̇аад̇о зд̇зсанд̇и галахаж̇аад̇аа. анаабад̇д̇иг̇аамигам̣ вируд̣̇д̇хаваад̣̇абхууд̇ам̣ виваад̣̇ам̣ аабаннаад̇и виваад̣̇аабаннаа. виг̇г̇ахасам̣вад̇д̇анигаа гат̇аа виг̇г̇аахигагат̇аа. бисад̇ийд̇и бисун̣аа, ваажаа, самаг̇г̇з сад̇д̇з аваяавабхууд̇з ваг̇г̇з бхиннз гарод̇ийд̇и ад̇т̇о. бисун̣аа зва бзсун̃н̃ам̣. д̇ааяа ваажааяа ваа саманнааг̇ад̇о бисун̣о, д̇асса гаммам̣ бзсун̃н̃ам̣. бияабхаавасса сун̃н̃агаран̣аваажанд̇и иминаа бана ‘‘бияасун̃н̃агаран̣ад̇о бисун̣аа’’д̇и нируд̇д̇инаязна ад̇т̇ам̣ вад̣̇ад̇и.
36. Tatiye bhaṇḍanaṃ jātaṃ etesanti bhaṇḍanajātā. Sammantananti raho saṃsandanaṃ. Hatthaparāmāsādivasena matthakaṃ patto kalaho jāto etesanti kalahajātā. Anāpattigāmikaṃ viruddhavādabhūtaṃ vivādaṃ āpannāti vivādāpannā. Viggahasaṃvattanikā kathā viggāhikakathā. Pisatīti pisuṇā, vācā, samagge satte avayavabhūte vagge bhinne karotīti attho. Pisuṇā eva pesuññaṃ. Tāya vācāya vā samannāgato pisuṇo, tassa kammaṃ pesuññaṃ. Piyabhāvassa suññakaraṇavācanti iminā pana ‘‘piyasuññakaraṇato pisuṇā’’ti niruttinayena atthaṃ vadati.
ид̇хааби ‘‘д̣̇асахаагаарзхи бзсун̃н̃ам̣ убасам̣харад̇ий’’д̇и важанад̇о д̣̇асавид̇хааггосавад̇т̇увасзнзва бзсун̃н̃ам̣ убасам̣харанд̇асса баажид̇д̇ияам̣. баал̣имуд̇д̇агаанам̣ жород̇иаад̣̇ийнам̣ васзна бана д̣̇уггадамзваад̇и взд̣̇ид̇аб̣б̣ам̣ . ‘‘анаггосавад̇т̇убхууд̇ам̣ бана бзсун̃н̃агарам̣ д̇асса гирияам̣ важанам̣ ваа бияагамяад̇ааяа убасам̣харанд̇асса гин̃жааби иминаа сигкаабад̣̇зна аабад̇д̇и на д̣̇иссад̇и, д̇ат̇ааби д̣̇уггадзнзд̇т̇а бхавид̇аб̣б̣а’’нд̇и вад̣̇анд̇и. ж̇аад̇иаад̣̇ийхи анан̃н̃аабад̣̇зсзна аггосанд̇асса бхигкуно суд̇ваа бхигкусса убасам̣харан̣ам̣, бияагамяад̇аабхзд̣̇аад̇хиббааязсу ан̃н̃ад̇арад̇аа, д̇асса виж̇аананаад̇и имаанзд̇т̇а д̇ийн̣и ан̇г̇аани.
Idhāpi ‘‘dasahākārehi pesuññaṃ upasaṃharatī’’ti vacanato dasavidhaakkosavatthuvaseneva pesuññaṃ upasaṃharantassa pācittiyaṃ. Pāḷimuttakānaṃ corotiādīnaṃ vasena pana dukkaṭamevāti veditabbaṃ . ‘‘Anakkosavatthubhūtaṃ pana pesuññakaraṃ tassa kiriyaṃ vacanaṃ vā piyakamyatāya upasaṃharantassa kiñcāpi iminā sikkhāpadena āpatti na dissati, tathāpi dukkaṭenettha bhavitabba’’nti vadanti. Jātiādīhi anaññāpadesena akkosantassa bhikkhuno sutvā bhikkhussa upasaṃharaṇaṃ, piyakamyatābhedādhippāyesu aññataratā, tassa vijānanāti imānettha tīṇi aṅgāni.
бзсун̃н̃асигкаабад̣̇аван̣н̣анаа нидтид̇аа.
Pesuññasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. бзсун̃н̃асигкаабад̣̇аван̣н̣анаа • 3. Pesuññasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. бзсун̃н̃асигкаабад̣̇аван̣н̣анаа • 3. Pesuññasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. бзсун̃н̃асигкаабад̣̇аван̣н̣анаа • 3. Pesuññasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 3. бзсун̃н̃асигкаабад̣̇ам̣ • 3. Pesuññasikkhāpadaṃ
