| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩০. পেত্তিদেৰপেত্তিৰিসযসুত্তং
30. Pettidevapettivisayasuttaṃ
১২০১. …পে॰… ‘‘এৰমেৰ খো, ভিক্খৰে, অপ্পকা তে সত্তা যে পেত্তিৰিসযা চুতা দেৰেসু পচ্চাজাযন্তি; অথ খো এতেৰ বহুতরা সত্তা যে পেত্তিৰিসযা চুতা পেত্তিৰিসযে পচ্চাজাযন্তি। তং কিস্স হেতু? অদিট্ঠত্তা ভিক্খৰে, চতুন্নং অরিযসচ্চানং। কতমেসং চতুন্নং ? দুক্খস্স অরিযসচ্চস্স, দুক্খসমুদযস্স অরিযসচ্চস্স, দুক্খনিরোধস্স অরিযসচ্চস্স, দুক্খনিরোধগামিনিযা পটিপদায অরিযসচ্চস্স’’।
1201. …Pe… ‘‘evameva kho, bhikkhave, appakā te sattā ye pettivisayā cutā devesu paccājāyanti; atha kho eteva bahutarā sattā ye pettivisayā cutā pettivisaye paccājāyanti. Taṃ kissa hetu? Adiṭṭhattā bhikkhave, catunnaṃ ariyasaccānaṃ. Katamesaṃ catunnaṃ ? Dukkhassa ariyasaccassa, dukkhasamudayassa ariyasaccassa, dukkhanirodhassa ariyasaccassa, dukkhanirodhagāminiyā paṭipadāya ariyasaccassa’’.
‘‘তস্মাতিহ , ভিক্খৰে, ‘ইদং দুক্খ’ন্তি যোগো করণীযো, ‘অযং দুক্খসমুদযো’তি যোগো করণীযো, ‘অযং দুক্খনিরোধো’তি যোগো করণীযো, ‘অযং দুক্খনিরোধগামিনী পটিপদা’তি যোগো করণীযো’’তি। ইদমৰোচ ভগৰা। অত্তমনা তে ভিক্খূ ভগৰতো ভাসিতং অভিনন্দুন্তি। তিংসতিমং।
‘‘Tasmātiha , bhikkhave, ‘idaṃ dukkha’nti yogo karaṇīyo, ‘ayaṃ dukkhasamudayo’ti yogo karaṇīyo, ‘ayaṃ dukkhanirodho’ti yogo karaṇīyo, ‘ayaṃ dukkhanirodhagāminī paṭipadā’ti yogo karaṇīyo’’ti. Idamavoca bhagavā. Attamanā te bhikkhū bhagavato bhāsitaṃ abhinandunti. Tiṃsatimaṃ.
পঞ্চগতিপেয্যালৰগ্গো একাদসমো।
Pañcagatipeyyālavaggo ekādasamo.
তস্সুদ্দানং –
Tassuddānaṃ –
মনুস্সতো চুতা ছাপি, দেৰা চুতা নিরযতো।
Manussato cutā chāpi, devā cutā nirayato;
তিরচ্ছানপেত্তিৰিসযা, তিংসমত্তো গতিৰগ্গোতি॥
Tiracchānapettivisayā, tiṃsamatto gativaggoti.
সচ্চসংযুত্তং দ্ৰাদসমং।
Saccasaṃyuttaṃ dvādasamaṃ.
মহাৰগ্গো পঞ্চমো।
Mahāvaggo pañcamo.
তস্সুদ্দানং –
Tassuddānaṃ –
মগ্গবোজ্ঝঙ্গং সতিযা, ইন্দ্রিযং সম্মপ্পধানং।
Maggabojjhaṅgaṃ satiyā, indriyaṃ sammappadhānaṃ;
বলিদ্ধিপাদানুরুদ্ধা, ঝানানাপানসংযুতং।
Baliddhipādānuruddhā, jhānānāpānasaṃyutaṃ;
সোতাপত্তি সচ্চঞ্চাতি, মহাৰগ্গোতি ৰুচ্চতীতি॥
Sotāpatti saccañcāti, mahāvaggoti vuccatīti.
মহাৰগ্গসংযুত্তপাল়ি নিট্ঠিতা।
Mahāvaggasaṃyuttapāḷi niṭṭhitā.
