| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๓๐. เปตฺติเทวเปตฺติวิสยสุตฺตํ
30. Pettidevapettivisayasuttaṃ
๑๒๐๑. …เป.… ‘‘เอวเมว โข, ภิกฺขเว, อปฺปกา เต สตฺตา เย เปตฺติวิสยา จุตา เทเวสุ ปจฺจาชายนฺติ; อถ โข เอเตว พหุตรา สตฺตา เย เปตฺติวิสยา จุตา เปตฺติวิสเย ปจฺจาชายนฺติฯ ตํ กิสฺส เหตุ? อทิฎฺฐตฺตา ภิกฺขเว, จตุนฺนํ อริยสจฺจานํฯ กตเมสํ จตุนฺนํ ? ทุกฺขสฺส อริยสจฺจสฺส, ทุกฺขสมุทยสฺส อริยสจฺจสฺส, ทุกฺขนิโรธสฺส อริยสจฺจสฺส, ทุกฺขนิโรธคามินิยา ปฎิปทาย อริยสจฺจสฺส’’ฯ
1201. …Pe… ‘‘evameva kho, bhikkhave, appakā te sattā ye pettivisayā cutā devesu paccājāyanti; atha kho eteva bahutarā sattā ye pettivisayā cutā pettivisaye paccājāyanti. Taṃ kissa hetu? Adiṭṭhattā bhikkhave, catunnaṃ ariyasaccānaṃ. Katamesaṃ catunnaṃ ? Dukkhassa ariyasaccassa, dukkhasamudayassa ariyasaccassa, dukkhanirodhassa ariyasaccassa, dukkhanirodhagāminiyā paṭipadāya ariyasaccassa’’.
‘‘ตสฺมาติห , ภิกฺขเว, ‘อิทํ ทุกฺข’นฺติ โยโค กรณีโย, ‘อยํ ทุกฺขสมุทโย’ติ โยโค กรณีโย, ‘อยํ ทุกฺขนิโรโธ’ติ โยโค กรณีโย, ‘อยํ ทุกฺขนิโรธคามินี ปฎิปทา’ติ โยโค กรณีโย’’ติฯ อิทมโวจ ภควาฯ อตฺตมนา เต ภิกฺขู ภควโต ภาสิตํ อภินนฺทุนฺติฯ ติํสติมํฯ
‘‘Tasmātiha , bhikkhave, ‘idaṃ dukkha’nti yogo karaṇīyo, ‘ayaṃ dukkhasamudayo’ti yogo karaṇīyo, ‘ayaṃ dukkhanirodho’ti yogo karaṇīyo, ‘ayaṃ dukkhanirodhagāminī paṭipadā’ti yogo karaṇīyo’’ti. Idamavoca bhagavā. Attamanā te bhikkhū bhagavato bhāsitaṃ abhinandunti. Tiṃsatimaṃ.
ปญฺจคติเปยฺยาลวโคฺค เอกาทสโมฯ
Pañcagatipeyyālavaggo ekādasamo.
ตสฺสุทฺทานํ –
Tassuddānaṃ –
มนุสฺสโต จุตา ฉาปิ, เทวา จุตา นิรยโต;
Manussato cutā chāpi, devā cutā nirayato;
ติรจฺฉานเปตฺติวิสยา, ติํสมโตฺต คติวโคฺคติฯ
Tiracchānapettivisayā, tiṃsamatto gativaggoti.
สจฺจสํยุตฺตํ ทฺวาทสมํฯ
Saccasaṃyuttaṃ dvādasamaṃ.
มหาวโคฺค ปญฺจโมฯ
Mahāvaggo pañcamo.
ตสฺสุทฺทานํ –
Tassuddānaṃ –
มคฺคโพชฺฌงฺคํ สติยา, อินฺทฺริยํ สมฺมปฺปธานํ;
Maggabojjhaṅgaṃ satiyā, indriyaṃ sammappadhānaṃ;
พลิทฺธิปาทานุรุทฺธา, ฌานานาปานสํยุตํ;
Baliddhipādānuruddhā, jhānānāpānasaṃyutaṃ;
โสตาปตฺติ สจฺจญฺจาติ, มหาวโคฺคติ วุจฺจตีติฯ
Sotāpatti saccañcāti, mahāvaggoti vuccatīti.
มหาวคฺคสํยุตฺตปาฬิ นิฎฺฐิตาฯ
Mahāvaggasaṃyuttapāḷi niṭṭhitā.
