| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੩੦. ਪੇਤ੍ਤਿਦੇવਪੇਤ੍ਤਿવਿਸਯਸੁਤ੍ਤਂ
30. Pettidevapettivisayasuttaṃ
੧੨੦੧. …ਪੇ॰… ‘‘ਏવਮੇવ ਖੋ, ਭਿਕ੍ਖવੇ, ਅਪ੍ਪਕਾ ਤੇ ਸਤ੍ਤਾ ਯੇ ਪੇਤ੍ਤਿવਿਸਯਾ ਚੁਤਾ ਦੇવੇਸੁ ਪਚ੍ਚਾਜਾਯਨ੍ਤਿ; ਅਥ ਖੋ ਏਤੇવ ਬਹੁਤਰਾ ਸਤ੍ਤਾ ਯੇ ਪੇਤ੍ਤਿવਿਸਯਾ ਚੁਤਾ ਪੇਤ੍ਤਿવਿਸਯੇ ਪਚ੍ਚਾਜਾਯਨ੍ਤਿ। ਤਂ ਕਿਸ੍ਸ ਹੇਤੁ? ਅਦਿਟ੍ਠਤ੍ਤਾ ਭਿਕ੍ਖવੇ, ਚਤੁਨ੍ਨਂ ਅਰਿਯਸਚ੍ਚਾਨਂ। ਕਤਮੇਸਂ ਚਤੁਨ੍ਨਂ ? ਦੁਕ੍ਖਸ੍ਸ ਅਰਿਯਸਚ੍ਚਸ੍ਸ, ਦੁਕ੍ਖਸਮੁਦਯਸ੍ਸ ਅਰਿਯਸਚ੍ਚਸ੍ਸ, ਦੁਕ੍ਖਨਿਰੋਧਸ੍ਸ ਅਰਿਯਸਚ੍ਚਸ੍ਸ, ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਅਰਿਯਸਚ੍ਚਸ੍ਸ’’।
1201. …Pe… ‘‘evameva kho, bhikkhave, appakā te sattā ye pettivisayā cutā devesu paccājāyanti; atha kho eteva bahutarā sattā ye pettivisayā cutā pettivisaye paccājāyanti. Taṃ kissa hetu? Adiṭṭhattā bhikkhave, catunnaṃ ariyasaccānaṃ. Katamesaṃ catunnaṃ ? Dukkhassa ariyasaccassa, dukkhasamudayassa ariyasaccassa, dukkhanirodhassa ariyasaccassa, dukkhanirodhagāminiyā paṭipadāya ariyasaccassa’’.
‘‘ਤਸ੍ਮਾਤਿਹ , ਭਿਕ੍ਖવੇ, ‘ਇਦਂ ਦੁਕ੍ਖ’ਨ੍ਤਿ ਯੋਗੋ ਕਰਣੀਯੋ, ‘ਅਯਂ ਦੁਕ੍ਖਸਮੁਦਯੋ’ਤਿ ਯੋਗੋ ਕਰਣੀਯੋ, ‘ਅਯਂ ਦੁਕ੍ਖਨਿਰੋਧੋ’ਤਿ ਯੋਗੋ ਕਰਣੀਯੋ, ‘ਅਯਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ’ਤਿ ਯੋਗੋ ਕਰਣੀਯੋ’’ਤਿ। ਇਦਮવੋਚ ਭਗવਾ। ਅਤ੍ਤਮਨਾ ਤੇ ਭਿਕ੍ਖੂ ਭਗવਤੋ ਭਾਸਿਤਂ ਅਭਿਨਨ੍ਦੁਨ੍ਤਿ। ਤਿਂਸਤਿਮਂ।
‘‘Tasmātiha , bhikkhave, ‘idaṃ dukkha’nti yogo karaṇīyo, ‘ayaṃ dukkhasamudayo’ti yogo karaṇīyo, ‘ayaṃ dukkhanirodho’ti yogo karaṇīyo, ‘ayaṃ dukkhanirodhagāminī paṭipadā’ti yogo karaṇīyo’’ti. Idamavoca bhagavā. Attamanā te bhikkhū bhagavato bhāsitaṃ abhinandunti. Tiṃsatimaṃ.
ਪਞ੍ਚਗਤਿਪੇਯ੍ਯਾਲવਗ੍ਗੋ ਏਕਾਦਸਮੋ।
Pañcagatipeyyālavaggo ekādasamo.
ਤਸ੍ਸੁਦ੍ਦਾਨਂ –
Tassuddānaṃ –
ਮਨੁਸ੍ਸਤੋ ਚੁਤਾ ਛਾਪਿ, ਦੇવਾ ਚੁਤਾ ਨਿਰਯਤੋ।
Manussato cutā chāpi, devā cutā nirayato;
ਤਿਰਚ੍ਛਾਨਪੇਤ੍ਤਿવਿਸਯਾ, ਤਿਂਸਮਤ੍ਤੋ ਗਤਿવਗ੍ਗੋਤਿ॥
Tiracchānapettivisayā, tiṃsamatto gativaggoti.
ਸਚ੍ਚਸਂਯੁਤ੍ਤਂ ਦ੍વਾਦਸਮਂ।
Saccasaṃyuttaṃ dvādasamaṃ.
ਮਹਾવਗ੍ਗੋ ਪਞ੍ਚਮੋ।
Mahāvaggo pañcamo.
ਤਸ੍ਸੁਦ੍ਦਾਨਂ –
Tassuddānaṃ –
ਮਗ੍ਗਬੋਜ੍ਝਙ੍ਗਂ ਸਤਿਯਾ, ਇਨ੍ਦ੍ਰਿਯਂ ਸਮ੍ਮਪ੍ਪਧਾਨਂ।
Maggabojjhaṅgaṃ satiyā, indriyaṃ sammappadhānaṃ;
ਬਲਿਦ੍ਧਿਪਾਦਾਨੁਰੁਦ੍ਧਾ, ਝਾਨਾਨਾਪਾਨਸਂਯੁਤਂ।
Baliddhipādānuruddhā, jhānānāpānasaṃyutaṃ;
ਸੋਤਾਪਤ੍ਤਿ ਸਚ੍ਚਞ੍ਚਾਤਿ, ਮਹਾવਗ੍ਗੋਤਿ વੁਚ੍ਚਤੀਤਿ॥
Sotāpatti saccañcāti, mahāvaggoti vuccatīti.
ਮਹਾવਗ੍ਗਸਂਯੁਤ੍ਤਪਾਲ਼ਿ ਨਿਟ੍ਠਿਤਾ।
Mahāvaggasaṃyuttapāḷi niṭṭhitā.
