| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
2. ப²க்³கு³னஸுத்தவண்ணனா
2. Phaggunasuttavaṇṇanā
56. து³தியே ஸமதோ⁴ஸீதி ஸமந்ததோ அதோ⁴ஸி. ஸப்³ப³பா⁴கே³ன பரிப²ந்த³னசலனாகாரேன அபசிதிங் த³ஸ்ஸேதி. வத்தங் கிரேதங் பா³ள்ஹகி³லானேனபி வுட்³ட⁴தரங் தி³ஸ்வா உட்டி²தாகாரேன அபசிதி த³ஸ்ஸேதப்³பா³. தேன பன ‘‘மா சலி மா சலீ’’தி வத்தப்³போ³, தங் பன சலனங் உட்டா²னாகாரத³ஸ்ஸனங் ஹோதீதி ஆஹ ‘‘உட்டா²னாகாரங் த³ஸ்ஸேதீ’’தி. ஸந்திமானி ஆஸனானீதி பட²மமேவ பஞ்ஞத்தா²ஸனங் ஸந்தா⁴ய வத³தி. பு³த்³த⁴காலஸ்மிஞ்ஹி ஏகஸ்ஸபி பி⁴க்கு²னோ வஸனட்டா²னே – ‘‘ஸசே ஸத்தா² ஆக³ச்சி²ஸ்ஸதி, ஆஸனங் பஞ்ஞத்தமேவ ஹோதூ’’தி அந்தமஸோ ப²லகமத்தம்பி பண்ணஸந்தா²ரமத்தம்பி பஞ்ஞத்தமேவ. க²மனீயங் யாபனீயந்தி கச்சி து³க்க²ங் க²மிதுங், இரியாபத²ங் வா யாபேதுங் ஸக்காதி புச்ச²தி. ஸீஸவேத³னாதி குதோசி நிக்க²மிதுங் அலப⁴மானேஹி வாதேஹி ஸமுட்டா²பிதா ப³லவதியோ ஸீஸவேத³னா ஹொந்தி.
56. Dutiye samadhosīti samantato adhosi. Sabbabhāgena pariphandanacalanākārena apacitiṃ dasseti. Vattaṃ kiretaṃ bāḷhagilānenapi vuḍḍhataraṃ disvā uṭṭhitākārena apaciti dassetabbā. Tena pana ‘‘mā cali mā calī’’ti vattabbo, taṃ pana calanaṃ uṭṭhānākāradassanaṃ hotīti āha ‘‘uṭṭhānākāraṃ dassetī’’ti. Santimāni āsanānīti paṭhamameva paññatthāsanaṃ sandhāya vadati. Buddhakālasmiñhi ekassapi bhikkhuno vasanaṭṭhāne – ‘‘sace satthā āgacchissati, āsanaṃ paññattameva hotū’’ti antamaso phalakamattampi paṇṇasanthāramattampi paññattameva. Khamanīyaṃ yāpanīyanti kacci dukkhaṃ khamituṃ, iriyāpathaṃ vā yāpetuṃ sakkāti pucchati. Sīsavedanāti kutoci nikkhamituṃ alabhamānehi vātehi samuṭṭhāpitā balavatiyo sīsavedanā honti.
ப²க்³கு³னஸுத்தவண்ணனா நிட்டி²தா.
Phaggunasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. ப²க்³கு³னஸுத்தங் • 2. Phaggunasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2. ப²க்³கு³னஸுத்தவண்ணனா • 2. Phaggunasuttavaṇṇanā
